Dinsdag 27 Julie

Markus 1:35-45
Mense eerste; dit is wat “almal” wil hê.

36 Simon en dié wat by hom was, het Hom egter gesoek, 37 en toe hulle Hom kry, sê hulle vir Hom: “Almal soek U.”

Verbeel jouself vir ’n oomblik dat ’n naby vriend vanoggend 06:30 aan jou deur geklop het en vir jou gesê het dat al die mense in die foto hierbo opsoek is na jou. Hoe laat dit jou voel?

Soos die storie van Jesus in Markus vertel word, word dit duidelik dat alle mense nie in Hom geglo het nie. Daar was mense wat onmiddelik geglo en JA gesê het vir Jesus. Dan was daar mense wat eers onseker was, en self vir Jesus gevra het om hulle te oortuig en te help glo. Dan was daar mense wat vir Jesus en Sy boodskap oor die Koninkryk verwerp het.

Op hierdie punt in die storie van Markus skryf hy dat letterlik “almal” na Jesus opsoek was. Markus gebruik hierdie woord met ’n baie spesifieke doel. Markus begin sy boek met die aankondiging dat hy “goeie nuus” het, en hy skryf dan dat almal opsoek was na hierdie goeie nuus, en daarom is almal opsoek na Jesus.

Almal soek goeie nuus.
Mense soek goeie nuus.
Ons is mense met goeie nuus.

Dit is daarom belangrik dat ek en jy mense eerste sal stel. Ons het dit waarna mense so smag. Die mense in Pierre van Ryneveld en al die ander spasies waar ons daagliks beweeg is as’t ware soos die skare in die foto hierbo, opsoek en desperaat na goeie nuus.

Evangelism is not simply a matter of bringing individuals to personal faith, though of course that remains central to the whole enterprise.  It is a matter of confronting the world with the good, but deeply disturbing, news of a different way of living…the way of love. N.T. Wright