Donderdag 14 Oktober

Prediker 11:10
”10 Hou kommer uit jou hart en vermy wat jou liggaam kan kwaad doen. Ook die jeug en die jonkheid kom tot niks.”

Om oor te gesels en dink:
Prediker gee verdere raad oor die geheim van die lewe. Dit is ’n tydige woord ook vir ons vandag: “Hou kommer uit jou hart!” Die Boodskap sê: “verban alle verdriet en pyn uit jou hart.”
Ons kan baie dinge vir onsself aantrek en ons bekommer oor dinge. Spreuke 4:23 sê: “Wees veral versigtig met wat in jou hart omgaan, want dit bepaal jou hele lewe.”

  • Wat leef in jou hart?
  • Is jy onnodig bekommerd?

Ons kan nie bekommerd wees oor iets, as ons nie daaroor bid nie. Deel jou bekommernisse en gevoelens met die Here.
Wanneer jy jou hart met iemand deel, maak dit ook jou hart ligter. As daar iemand is wat jy vertrou, deel jou hart met daardie persoon. Vra dat daardie persoon ook vir jou te bid.

Gebed
Here, ek bring my bekommernisse vandag na U toe. Help my om my hart met U te deel. Mag ek vandag U vrede wat alle verstand te bowe gaan ervaar. Amen.

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram