Donderdag 31 Desember

Jesaja 40:28-31
28Weet jy dan nie, het jy nog nie gehoor nie? Die Here is die ewige God, Skepper van die hele aarde. Hy word nie moeg nie, Hy raak nie afgemat nie en sy insig is ondeurgrondelik. 29 Hy gee die vermoeides krag, Hy versterk dié wat nie meer kan nie. 30 Selfs jongmanne word moeg en raak afgemat, selfs manne in hulle fleur struikel en val, 31 maar dié wat op die Here vertrou, kry nuwe krag. Hulle vlieg met arendsvlerke, hulle hardloop en word nie moeg nie, hulle loop en raak nie afgemat nie. (Jesaja 40:28-31)

Om oor te gesels:
Ons is aan die einde van 2020 en jy mag dalk moeg voel en nie kans sien vir wat voorlê nie. Dalk was hierdie jaar vir jou baie moeilik gewees en is jy bekommerd oor wat die volgende jaar vir jou inhou.
Jesaja kom gee vir die volk die belofte dat die Here, die ewige God en Skepper hulle en ons nooit sal alleen los nie.
Hy is die een wat vir ons krag gee as ons nie meer kan nie. Ons kan Hom daarvoor vertrou.

  • Om te rus in die Here beteken om jouself aan Hom oor te gee. Om te erken as jy moeg en afgemat geraak het. Om te erken as jy gestruikel het. Die Here tel ons weer op.
  • As jy terugkyk op die jaar kan jy sien hoe die Here jou gedra het, toe jy gedink het jy kan nie meer nie. Sê vir die Here daarvoor dankie.
  • Mag jy ervaar hoe die Here vir jou nuwe krag gee en jou op arendsvlerke laat vlieg en dat jy nie sal moeg word nie.

Gebed
Here, dankie dat U my hierdie jaar gedra het toe ek nie meer kon nie. Dankie dat U nie moeg en afgemat word nie. Dankie dat U my altyd optel en op arendsvlerke laat vlieg. Dankie dat U so getrou is. Amen.

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram