Donderdag, 4 Februarie

Matteus 7:1-5
1“Moenie so gou foutvind nie. 2As jy ander mense links en regs veroordeel, gaan God eendag presies dieselfde met jou doen. 3“Waarom is jy so haastig om foute in ander mense se lewe uit te snuffel terwyl jy blind is vir al die sondes in jou eie lewe? Waarom sien jy so gou die kleinste splintertjie in jou vriend se oog raak terwyl jy blind is vir die groot houtstomp wat in jou eie oog vassit? 4En dan waag jy dit so ewe om vir jou vriend te sê: ‘My ou broer, kom laat ek gou daardie splintertjie uit jou lewe wegvat sodat jy weer reg kan leef,’ maar jy sien nie die groot foute in jou eie lewe raak nie. 5Jou skynheilige! Haal eers die houtstomp uit jou eie oog uit, dan sal jy goed genoeg kan sien om daardie klein splintertjie uit jou vriend se oog te haal.

Om oor te dink:
As jy die mense in jou lewe sou vra of hulle jou as krities beleef, wat sou hulle antwoord wees? Is jy konstant in die teenwoordigheid van mense wat baie krities is? Hoe beïnvloed dit jou? Wat gebeur met mense wat konstant gekritiseer word? Die Here het ons nie geroep om konstant fout te vind en al die verkeerdhede uit te wys nie. Eerder het God ons geroep om in liefde te lewe en ander op te bou en op te lig.

Om oor te gesels:

  • As jy eerlik moet wees sou jy moet erken dat jy geneig is om krities te wees, foute uit te wys, die probleme te sien, te fokus op die negatiewe? Hoe reageer die mense op dit wat jy sê, doen en is?
  • Hoe voel jy wanneer mense in liefde na jou uitreik, selfs al is jy bewus van jou tekortkominge en foute wat jy gemaak het?
  • Hoe kan ons kritiese houding struikelblokke tussen ons en mense en tussen ons en God veroorsaak?
  • Dink na oor gister. Elke keer wat jy krities was. Hoe sou jy eerder in liefde kon optree? Dink na oor waarom jy kies vir kritiek of liefde as jy reageer.

Gebed:

  • Vra dat die Here jou wys wat die ware stand van sake is as dit kom by jou hart, jou houding, jou gedagtes, jou woorde? Is jy baie krities?
  • Vra dat die Here om jou meer bewus te maak van wanneer jy krities is. Vra dat die Here jou daar en dan die krag sal gee om jammer te sê, en die pad van liefde te kies.
  • Vra dat jou lewe gekenmerk sal wees as een van liefde wat God reflekteer.

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram