Donderdag 9 September

2 Korintiërs 12: 9 -12

9 Sy antwoord was: “My genade is vir jou genoeg. My krag kom juis tot volle werking wanneer jy swak is.” Daarom sal ek baie liewer oor my swakhede roem, sodat die krag van Christus my beskutting kan wees. 10 Daarom is ek bly oor swakhede, beledigings, ontberings, vervolging en moeilikhede ter wille van Christus, want as ek swak is, is ek sterk.

Om oor te gesels en dink:
Ons verloor maklik perspektief as dit moeilik gaan. Wanneer ons verlies ervaar, sukkel ons om die goeie en mooi raak te sien. Paulus herinner ons om anders te kyk na wat met ons gebeur. Ons kan oor ons swakhede roem omdat God se genade genoeg is. Juis wanneer ons swak is, is ons sterk.
Dis vir ons moeilik om hierdie twee teenoorgesteldes vas te hou, maar dis juis die geheim. God se krag hou ons vas en is soos ‘n skuiling wat ons beskerm.

• Beleef jy God se krag in jou swakhede? Gee jou swakhede vir God en vra dat Hy jou sal krag gee en sterk maak.
• Kan jy oor jou swakhede roem?
• Waarvoor het jy vandag genade nodig?

Gebed
Hemelse Vader, ek sukkel met my swakhede en het U nodig. Mag ek vandag beleef dat U genade vir my genoeg is. Amen