Stilstaan oomblikke – Op pad na die kruis
Teksvers:
Voor die viering van die paasfees het Jesus reeds geweet dat die tyd vir Hom gekom het om van hierdie wêreld af na die Vader oor te gaan. Hy het sy eie mense wat in die wêreld is, liefgehad, Hy het hulle tot die uiterste toe liefgehad. (Joh 13:1)

Identifiseer:
Johannes beskryf vir ons Jesus intense liefde vir sy mense en ook vir ons. Hierdie liefde was self-opofferend en was nie net tot die einde van Sy lewe nie, maar tot die einde van tyd. Ons sukkel partymaal om te besef dat Jesus vir ons só lief kan wees. Dink na daaroor dat Jesus jou tot die uiterste lief het.

Oriënteer:
Wanneer ek weet ek is geliefd, dan kan ek anders optree. Jesus het geweet dat Sy tyd gekom het en daarom wys Hy sy liefde op ‘n praktiese manier deur Sy dissipels te dien.
God wil dat ons hierdie liefde van Hom raaksien en ervaar.

Bely:
Ek bely dat hierdie liefde soms te oorweldigend is. Ek voel dat ek dit nie verdien nie. Ek voel dat dit nie vir my bedoel kan wees nie. Tog bely ek dat ek meer van hierdie liefde van Jesus wil ervaar. Ek wil stil staan en besef dat Jesus se liefde vir my meer as genoeg is.

Bid:
Here, dankie vir U liefde vir my! Mag ek vandag dit weer opnuut ervaar. Ek bely dat ek U lief het. Amen.

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram