Saterdag, 26 Junie

Soek Geregtigheid – Ons sal krag hê.

Eksodus 15:2
Die Here is my krag en my beskerming. Hy het tot my redding gekom. Hy is my God, Hom roem ek, die God van my voorvaders, Hom prys ek.

Om oor te gesels:

  • Ons het nou gesê Geregtigheid is om die regte ding te wil doen en te weet wat dit is. Ons het ontdek dat ons nie hoef te bekommer en uit te mis op vandag nie. En ons hoef nie te vrees en uit te mis op môre nie. Ons het ook gehoor hoe ons lewe vind as ons Geregtigheid soek. Vandag ontdek ons hoe ons krag kry, sonder dat ons eers hoef te soek. Dit is ‘n geskenk wat God gee net omdat ons Hom soek. Dit is genade elke dag opnuut.
  • Hoe lyk krag? Hoe sal jy krag definieer? Hoe kan Paulus sê sy krag lê jy juis in sy swakheid? Hoe dink God oor krag? Deel jou hart met die Here.
  • Waar lê jou krag? Probeer jy in jou eie krag leef? Of vertrou jy op die krag wat God gee? Deel jou hart met die Here.
  • Waarom dink jy gee God vir jou krag nog voordat jy hoef te vra, in jou soeke na geregtigheid? Deel jou hart met die Here.

Gebed:
Liewe Heer,
Heilige God. U liefde is buitengewoon, stewig en onveranderd. U liefde is sonder einde, passievol en verstommend. Ons is so dankbaar vir U opoffering in Jesus. Dankie vir die manier waarop Jesus ons herstel en restoureer het sodat ons weer in die regte verhouding met U kan staan. Here, ons erken dat ons hierdie geskenk as vanselfsprekend aanvaar. Ons mis hoe kosbaar en besonders dit is. Ons leef soms soos mense wat nie herstel en vernuwe is nie. Vergewe asseblief ons sondigheid. Here maak ons skoon. Herstel ons. Steek ons harte weer aan die brand, om met passie vir U te leef. Here, ons vra dit nederig in Jesus naam, en die krag van die Heilige Gees.
Amen.

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram