Saterdag 28 Mei 2022

2 Korintiërs 4:6
God wat gesê het: “Laat daar lig skyn uit die duisternis,” het ook in ons harte ‘n lig laat skyn om ons te verlig met die kennis van die heerlikheid van God, wat van Jesus Christus uitstraal.

Om oor te gesels of dink
Die Boodskap vertaal dit treffend: “God het heel aan die begin gesê: “Laat daar lig wees; laat die donker verdwyn.” Dieselfde God wat dit gesê het, het ook op ’n dag my lewe nuut gemaak. Hy het met sy helder lig in my donker lewe kom skyn. Toe het ek vir die eerste maal besef hoe groot en vol heerlikheid Hy is. Dit het natuurlik gebeur toe ek van aangesig tot aangesig met Jesus Christus te staan gekom het.”
‭Paulus herinner ons dat die Skepper God ons lewens kom verander het. Hy is die bron van ons lewe. Hy is die lig. Hy kom maak ons deel van sy familie. Hy maak ons lewens nuut.
Ons kan God se lig in ons lewens reflekteer. Ons hoef dit nie self te maak nie.
As gelowiges kan ons lig nie op beurtkrag wees nie. Ons kan nie besluit wanneer ons lig wil wees en wanneer nie. Ons het ‘n verantwoordelikheid om Jesus te lig te alle tye in ons te laat skyn.

Gebed
Vader, U wat die lig geskep het en my ook, laat my altyd in U lig lewe. Dankie Jesus dat U my kom verlig het. Mag ek U heerlikheid meer beleef. Amen.