Saterdag 5 Februarie

Jeremia 1:4-10 Fokusteks vers 10
10Kyk, Ek stel jou vandag aan oor nasies en oor koninkryke om af te breek en uit te roei, om te vernietig en plat te slaan, te bou en te vestig.

Om oor te gesels of te dink:

• Ons sien in vandag se vers waarvoor Jeremia geroep was. Die boodskap wat hy na sy eie mense moes neem was een van “afbreek”, “uitroei”, “vernietig” en “platslaan”. Dit heet swaar op Jeremia se hart gerus. Eerstens omdat dit sy eie hart gebreek het oor wat met God se volk sou gebeur. En tweedens omdat sy eie mense hom sou wegstoot. Is jou roeping vir jou ook swaar om te dra? Is dit iets wat jy moeilik vind om uit te leef? Voel dit soos ‘n las? Deel jou hart met die Here.
• Wees eerlik oor die redes waarom jou roeping vir jou moeilik is, maklik is, jou bekommer, jou jou opgewonde maak, jou laat huiwer, jou terughou, jou opgewonde maak en jou dalk laat voel asof jy baie belangrik is. Dit is belangrik dat jy eerlik met die Here kan wees oor wat in jou hart heers.
• Die tweede deel van Jeremia se roeping was ook om vir die volk ‘n boodskap van “opbou” en “vestig” te gee. Dit is ‘n boodskap van herstel na die seer. ‘n Boodskap van Hoop. God los nie Sy mense in ellende nie. Wat is die Hoop wat die Here vir jou bied as dit kom by jou eie roeping?

Gebed:
Heilige Gees,
U ken my hart. U verstaan my diepste begeertes en behoeftes, en U ken ook elke voorneme wat ek het. U ken my beter as wat ek myself ken. Ek kan nêrens gaan om van U teenwoordigheid te ontvlug nie, en ek kan niks vir U wegsteek nie!
Dis hoekom ek, op hierdie oomblik, vra dat U aan my u Goddelike wysheid en leiding sal gee.
Ek weet nie altyd waarvoor om te bid nie. My siel is tam en ek is moeg. Ek bekommer my dikwels of ek die regte besluit neem, want ek wil ‘n lewe lei wat U eer.
Al voel dit of ek nie vorentoe kan beweeg of sien wat wag nie, sien U my. U ken my ook. Lei my dus asseblief. Wys my die paaie wat na oorvloedige lewe lei, en oortuig my wanneer ek in die versoeking kom om van U af te dwaal.
Terwyl U my lei, herstel my ook. Ek sal te alle tye op U hoop, want U ken alle dinge, en by U bly ek behoue. U is my krag in tye van nood en U het my verlossing geword.
Hou my dus naby U, Here, en leer my hoe om waardig te wandel volgens die roeping wat U my gegee het. Rig my treë terwyl U oor my lewe die wag hou, want ek wil U verheerlik.
In die Naam van Jesus,
Amen.