Saterdag 7 November 2020

2 Timoteus 1:7
Die Gees wat God ons gegee het, maak ons immers nie lafhartig nie, maar vul ons met krag en liefde en selfbeheersing.

Om oor te gesels:

• Wat doen vrees aan jou?
• Hoe lyk ‘n gees van krag, liefde en selfbeheersing? Hoe het God hierdie eienskappe beliggaam?
• Waarom dink jy is die antwoord op vrees, krag, liefde en selfbeheersing?

Lof en Aanbidding
https://www.youtube.com/watch?v=UVb8OJEQGIQ

Gebed:
God, stuur asb. my denke. Stuur dit veral weg van selfbejammering, oneerlikheid en selfsugtige motiewe.
Soos ek deur die dag beweeg en onsekerheid tegemoet kom, gee my asb. die inspirasie, intuïsie of besluit. Maak my ontspanne om dit rustig te vat, moenie my laat sukkel nie. Laat my op U wil fokus, eerder as my eie. Gee my asb. die krag om U wil uit te voer waar ek ook al mag gaan.
Here, soos ek deur die dag beweeg, laat ek ‘n oomblik of twee neem wanneer ek geïrriteerd of onseker is. Laat ek U vir wysheid en onderskeiding vra om die regte ding te doen. Laat ek konstant herinner word dat ek nie meer in beheer is nie.
Here, stel my asb. vry van die vrese, woede, bekommernisse, selfbejammering, angstigheid en verkeerde besluite. Laat ek nie energie mors deur te probeer om my eie lewe te lei nie. Here, laat my gehoorsaam en afhanklik van U wees. Ek sal vir U die verantwoordelikheid en die lofprysing vir alles gee.
Amen