Vrydag, 11 Junie

Die mens is goed – geskep om familie te wees.

1 Johannes 3:1-3
Kyk watter groot liefde die Vader aan ons bewys het: Hy noem ons kinders van God, en ons is dit ook. En die wêreld ken ons nie, omdat dit Hom nie ken nie. 2Geliefdes, ons is nou reeds kinders van God. Dit is nog nie geopenbaar wat ons sal wees nie, maar ons weet dat, wanneer Jesus kom, ons soos Hy sal wees. Ons sal Hom sien soos Hy werklik is. 3Elkeen wat hierdie verwagting in verband met Hom koester, hou homself rein soos Jesus rein is.

Om oor te gesels:

  • Wat is familie? Hoe is familie anders as ‘n groep vriende? Waarom is dit so kosbaar dat God ons juis nou skep om deel te word van ‘n nuwe familie, ‘n Geloofsfamilie? Hoe is dit bedoel om ons lewens te verryk?
  • Soms is families ongesond en maak hulle foute. Dit is ook waar van Geloofsfamilies. Dit breek God se hart wanneer Geloofsfamilies mekaar seermaak. Het jy dalk al seer gekry in ‘n Geloofsfamilie? Het jy dalk nodig om met ‘n leraar of berader te praat? Het jy nodig om jou hart by die Here uit te praat? Deel alles met die Here.
  • Soms in families is dit nodig om jammer te sê, te vergewe en weer saam te lewe. Dit is juis in families waar ons leer hoe om met mekaar geduldig te wees, verdraagsaam te wees, nederig te wees, behulpsaam te wees, diensbaar te wees en werklik familie te wees. Wat dink jy wil die Here hê moet jy leer of op die oomblik aan werk as dit kom by jou geestelike familie?
  • Is dit vir jou maklik of moeilik om aan die mens te dink as goed? Is dit vir jou moeilik of maklik om aan die tipe verhouding te dink wat ‘n Goeie God met so ‘n mens sou hê? Waarom? Deel jou hart met die Here?

Gebed:
Liewe Heer,
Ek weet nie wie of wat vandag my pad sal kruis nie. Maar ek weet wel dat U my rots en my vesting is. U is my skild en my sterk toring. Help my om myself vandag aan U te anker. Leer my hoe om sterk in U te staan en vandag net U manier te kies. Help my om in U waarheid te wandel en nie in my eie gevoelens nie. Help my om alles wat oor my pad kom, te omhels as ‘n geleentheid om U handewerk te sien en as ‘n geleentheid om ander na U te wys. Dankie dat U my liefhet en niks ooit U liefde van my kan wegneem nie! Selfs as ek vandag misluk en tekort skiet, fluister U, U onvoorwaardelike liefde diep in my siel en herinner my daaraan dat U genade elke oggend nuut is. Dit verbaas my regtig, Here. Dankie dat U vandag met my ontmoet het. Sou U my môre weer wakker maak met dieselfde lieflike fluistering van U liefde? Ek kan nie wag om weer met U te ontmoet nie.
In Jesus se naam,
Amen.

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram