Vrydag, 18 Junie

Deernis – Lees ‘n boek vir perspektief

1 Tessalonisense 5:15-22
15Sorg dat niemand ‘n ander mens kwaad vir kwaad vergeld nie. Beywer julle liewer altyd vir die belange van julle medegelowiges en van alle mense.
16Wees altyd bly. 17Bid gedurig. 18Wees in alle omstandighede dankbaar, want dit is wat God in Christus Jesus van julle verwag.
19Moenie die werking van die Heilige Gees teenstaan nie. 20Moenie profesieë geringskat nie, 21maar toets dit alles, behou wat goed is, 22en bly weg van alles wat sleg is.

Om oor te gesels:

  • Vandag se gedeelte begin deur te sê dat ons, ons moet beywer vir die belange van ons medegelowiges en van alle mense. Ons is nie hier om net ons eie behoeftes, belange en manier van dink in stand te hou nie. Ons is veronderstel om deur die Heilige Gees se werking in mense en die wêreld goeie onderskeid te maak in wat goed is en wat sleg is. Ons gaan blootgestel word aan ‘n klomp goed en ons moet besluit wat is goed is en daaraan vashou en wat sleg is en dit laat gaan. Dit beteken nie ons moet bang wees om blootgestel te wees aan denke of teorieë anders as die wat ons aanvaar nie. Eerder dat ons die Heilige Gees moet vra vir wysheid terwyl ons vreugde beleef, terwyl ons bid terwyl ons in dankbaarheid leef en die wêreld beleef.
  • Een van die plekke waar ons die meeste uitgedaag word om anders te dink oor die wêreld is deur die Bybel te lees. Ons kan nie die Bybel lees en dieselfde bly nie. Deur die werking van die Heilige Gees moet ons alles toets, die goeie behou en die slegte laat gaan. Hoe het die lees van die Bybel jou verander? Hoe het die lees van die Bybel jou uitgedaag? Hoe het die lees van die Bybel jou gedagtes nuutgemaak? Deel met die Here jou hart aangaande die Bybel.
  • Die Heilige Gees gebruik ook ander boeke om dieselfde te doen. Kies doelbewus boeke wat nie net sê wat jy reeds self van oortuig is nie. Kies boeke wat jou laat groei, jou uitdaag en jou laat wonder. Watter boeke het jou verander? Watter boeke het jou uitgedaag? Watter boeke het jou gedagtes nuutgemaak? Deel met die Here jou hart aangaande ander boeke.
  • Lees jy boeke? Hoe help dit jou met deernis? Wees eerlik met die Here en vra Hom om vir jou te wys indien daar iets is wat jy nie sien nie.

Gebed:
Liewe Heer,
God, leer ons om te sien op die manier hoe ander mense ook die wêreld sien. Om te verstaan hoe my werklikheid en ander se werklikheid verskil. En tog as mense het ons basies dieselfde begeertes.
Leer ons om te luister na die gevoelens en ander punte wat ons aan mekaar verbind.
Leer ons om nuuskierig te wees en oop te wees vir dit waarop ons verskil.
Leer ons om in gebrokenheid lief te hê, om ruimte te gee vir mekaar en om geduldig te wees vir U genesende krag.
Laat ons sterk genoeg wees om kwesbaarheid te wees, om gemaklik te weet met dit wat ons nie weet nie, om blootgestel te wees aan die minder as perfekte gedeeltes in ons en ander voor ons.
Gee ons moed om oordeel, bespotting en haat in die gesig te staar omdat ons U volg.
Laat ons goeie mense wees wat U ons goeie God dien. Mag ons U goedheid reflekteer en U beeld uit dra.
Gee ons die krag, God, om empatie te bly voel, selfs as ons moeg en gebroke is. Help ons om ander met deernis te hanteer. Laat ons net met antwoorde en oplossings na mense kom nie, maar dat ons vir mense vra wat hulle nodig het wanneer ons hulle wil dien.
Here, mag U die empatie voel wanneer ons met U mense handel.
Amen.

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram