Meeste van ons het teen hierdie tyd ontdek dat die “lockdown” dalk heeltemal anders is as wat ons vooraf verwag het. Dalk geniet jy nog die vryheid om bietjie later op te staan en meer tyd vir jouself te kan hê. Dalk is jy reeds uitgekuier aan jou eie geselskap. Dalk is jy en jou gesin gereeld in mekaar se spasie en besig om te sukkel met onderlinge verhoudings.

Ongeag van die situasie wil ons jou help om hierdie tyd so sinvol en vreugdevol moontlik te maak. Daar is ‘n magdom inligting op die internet beskikbaar om jou en jou gesin deur hierdie tyd te help. Hier volg van die belangrikste wenke om jou en jou gesin se verhoudings, emosionele en spirituele gesondheid te help.
Beplan ‘n familie vergadering waar julle saam beplan om die volgende aspekte in julle tyd saam in te beplan. Indien jy meer inligting of materiaal benodig aangaande familie vergaderings, loer gerus hier. (https://www.doinggoodtogether.org/bhf/familymeeting)

#1 Beplan julle dag

Roetine is van uiterste belang om na jou en jou gesin se welstand te kyk. Roetine help jou Ongestruktureerde tyd veroorsaak verveeldheid, meer angs en depressie wat kan lei tot ongesonde patrone om die situasie te hanteer. Roetine help om nie oorweldig te voel deur die hoeveelheid keuses en opsies wat ‘n eindelose hoeveelheid tyd jou aan blootstel nie. Dit help om te weet wat volgende gaan gebeur en wanneer dit klaar moet wees. Dit help jou ook om te voel asof jy iets bereik het aan die einde van die dag.

#2 Konnekteer met mense

“Lockdown” het die vermoë om jou te laat voel asof jy geïsoleer is. Veral as jy op jou eie is. Maar selfs ook as jy saam met jou gesin is. Reik uit na ander in hierdie tyd. Maak dit ‘n prioriteit om doelbewus by die lede in jou gesin te konnekteer. Vra mekaar vrae, stel belang in stories en hoor wat die belewenis was elke dag. Net omdat julle baie tyd saam spandeer beteken nie noodwendig julle is besig om sinvol te konnekteer nie. Maak dan ook ‘n plan om ander te kontak. Danksy die tegnologie kan ons in kontak kom met ander gesinne selfs in die “Lockdown” tyd. Maak afsprake met ander gesinne. “Eet saam aandete” of kuier net saam met mekaar. Bespreek dit vooraf en hou by julle virtuele afsprake!

#3 Beleef die natuur

Daar is iets kosbaar wat in ons brein gebeur wanneer ons die natuur beleef. Maak ‘n punt daarvan om dit soveel kere moontlik deur die dag te beleef. Kyk na die sonsopkoms terwyl julle koffie geniet. Eet ontbyt, middagete of aandete buite, maak die vensters oop om te luister na die voëltjies en die wind, maak bietjie tuin en voel die grond. Doen ‘n paar oefeninge buite in die son. Kyk na die sonsondergang of lê op die gras en kyk na die sterre. Die natuur gaan jou hart weer volmaak.

#4 Maak tyd vir stilte

Ons normale lewens is so besig en gejaagd. In hierdie opsig bied hierdie tyd van “Lockdown” ons ‘n ongelooflike geskenk om stadiger en stiller te leef. Die Bybel is volg voorbeelde waar God in stilte met sy mense gewerk het. En alhoewel dit moontlik is om ons dag van oggend tot aand te vul met werk, omdat ons permanent aanlyn kan wees. Is die verantwoordelikheid op ons skouers om doelbewus goeie grense in plek te stel en stadiger te leef. Ons wen tyd omdat ons nie meer hoef te reis van afspraak na afspraak na afspraak nie. Gebruik daardie tyd in stilte saam met die Here. Begin met 20 minute. Bou dit verskeie kere in jou dag in. Dit gaan ‘n daadwerklike verskil maak as ju dit vir 21 dae kan begin doen.

#5 Geniet iets mooi

God het ‘n diep waardering vir iets mooi in elkeen van ons geplant. En wanneer ons die tyd neem om iets wat vir ons mooi is te bewonder, word daar fisies hormone afgeskei wat ons gelukkig maak. Dit is daarom belangrik dat ons dit in ons dag in bou. Of dit nou beteken dat ons kuns waardeer, mooi musiek luister, wiskunde formules vind wat ons hart laat sing, maak nie saak nie. Solank ons daagliks dit vind wat vir ons mooi is. Tans is daar soveel geleenthede aanlyn om deur museums virtueel te “stap” en te admireer. Soveel musikante doen gereeld Instagram en Facebook “live” waar hulle musiek maak. Sir Patrick Steward lees elke dag een van William Shakespear se Sonnets. Vind die mooi en waardeer dit! Deel dan ook jou passie met ander!

#6 Beweeg jou lyf

Wanneer ons lywe begin beweeg gebeur dieselfde. Ons liggame skei hormone af wat ons help om minder depressief te wees, meer vreugde te beleef en selfs lekkerder te slaap. Ons het nodig om te beweeg sodat ons ook van die frustrasies kan vrylaat. Vir ons kinders is dit ook belangrik dat hulle van energie ontslae raak wat maak dat hulle andersins op ons senuwees werk. Maak ‘n tyd waar julle binne julle huis of erf saam oefen. Daar is verskeie geleenthede aanlyn waar jy oefenklasse kan “bywon”. Baie bekendes en hulle afrigters doen ook lewendige uitsendings op Instagram en Facebook. Skep ‘n Whatsapp groep met ‘n klomp vriende en of gesinne en hou mekaar op hierdie manier ook verantwoordelik daarvoor om aan die beweeg te bly.

#7 Wees kreatief

Ons is deur ‘n kreatiewe God geskep. God het ons ook na Sy beeld geskep en daarom is daar ook iets kreatief in elkeen van ons. Doen elke dag iets wat jou kreatiwiteit aanmoedig of uitdaag. Gebruik ‘n gevestigde idee en verander hom. Dink aan nuwe speletjies wat julle kan speel met goed wat in die huis rond lê. Sit saam om die tafel en begin om ‘n storie te vertel. Laat die volgende gesinslid die storie verder vat en hulle eie stertjie byvoeg. Doen saam ‘n projek vir die huis of vir die tuin. Bak iets nuut of volg ‘n YouTube video om iets nuut te leer. Gebruik die tyd om kreatief iets buitengewoon aan te pak.

#8 Wees bedrywig

Dit kan so maklik gebeur dat ons dag in en uit net die dag om lees of stories kyk. Die resultaat op ons psige is nie so goed nie. Stel elke dag vir jouself drie uitdagings of take op. En maak seker dat jy daardie drie take afhandel teen die tyd wat jy in die bed klim. Nou is ook jou kans om die takies in en om die huis aan te pak. Handel dit af wat nou al vir maande sloer. Iemand het een keer gesê, as jy uit die bed klim, maak jou bed op. Dit is die eerste taak van jou dag wat reeds gedoen is en dit gee vir jou die aanmoedig dat jy nog meer daardie dag gaan kan aanpak.

#9 Onthou huis take

Dit kan so maklik gebeur dat ons huis binne ure deurmekaar is en ons oorweldig. Maak seker dat julle steeds al die take binne in die huis doen. Was skottelgoed, vee uit, doen die wasgoed. Wanneer alles klaar is, is jou hart lig en geniet jy die vrugte van die skoon en netjiese omgewing. Dit kan ook maklik ‘n geleentheid vir twis word wanneer ons met mekaar baklei oor alles wat nog in die huis gedoen moet word. Verdeel die takies onder mekaar en voor julle weet is alles weer op hulle plek en ‘n plesier vir almal. Maak seker alles is weer netjies voor julle gaan slaap.

#10 Maak tyd vir pret

Alles op die nuus en die wêreld is op die oomblik ernstig en onseker. Daarvan het ons genoeg. Daarom is dit belangrik dat ons pret inbou in ons dag. Doen prettige dinge saam. Maak saam videos en konserte vir mekaar. Hou danspartytjies, lego blokkie bou kompetisies, poësie lees ervarings, gesiggies verg/grimering uitdagings, speel kaart of bord speletjies, speel speletjies op jou selfoon soos “Heads Up”.

Daar is soveel kundige en wyse wenke op die internet vir julle om te gebruik. Loer gerus hier vir advies oor ouerskap tydens die epidemie, vanaf die World Health Organization (https://www.who.int/emergencies/diseases/novel-coronavirus-2019/advice-for-public/healthy-parenting). Hier is ook nog ‘n lys van goed wat julle as gesin of individue kan doen. (https://chatterpack.net/blogs/blog/list-of-online-resources-for-anyone-who-is-isolated-at-home?fbclid=IwAR17X7md1A9eE10p8wUpDcVMU8rmacfTD7n66bdPnNaU9vzB7rWIZt2HCLY)
Hou ook ons Facebook en Instagram dop vir weeklikse Familie “Date” idees!
Indien jy nog idees vind, deel met ons deur ‘n boodskap in die kommentaar te los. Of “tag” ons op Facebook en Instagram artikels.

Ongeag van die situasie wil ons jou help om hierdie tyd so sinvol en vreugdevol moontlik te maak. Daar is ‘n magdom inligting op die internet beskikbaar om jou en jou gesin deur hierdie tyd te help. Hier volg van die belangrikste wenke om jou en jou gesin se verhoudings, emosionele en spirituele gesondheid te help.
Beplan ‘n familie vergadering waar julle saam beplan om die volgende aspekte in julle tyd saam in te beplan. Indien jy meer inligting of materiaal benodig aangaande familie vergaderings, loer gerus hier. (https://www.doinggoodtogether.org/bhf/familymeeting)

"Lockdown" Argief Idees

Week 1

Gesin "Date" idee
Is jy en jou gesin lus om iets saam te doen, maar nie seker wat nie. Gebruik dalk een van hierdie 3 idees om julle besig te hou.
Opsie 1 Internasionale Ete - Kies 'n land regoor die wêreld. leer meer oor die land, hulle taal, kultuur en tradisies. Probeer een of twee van hulle disse maak. Luister na hulle musiek en probeer 'n dans van hulle leer. Geniet so 'n internasionale aandete as gesin saam.
Opsie 2 Bou 'n Fort - Kry julle komberse en bou 'n fort in julle voorhuis of in julle tuin. Sit Kersfees liggies in en kyk selfs 'n film vanuit julle Fort. Deel met mekaar idees wat julle fort nog beter sou maak met die frase: "Sê nou net... (ons kon 'n swembad van jellie langs ons fort sit!)"
Opsie 3 Was die kar - Sodra die weer lekker warm is, was saam die kar! Maak seker dat daar meer as genoeg seep en water betrokke is. Moenie vergeet om mekaar lekker nat te maak en groot pret te hê nie!

Musiek Liefhebbers (Kliek hier)
Die "New York Metropolitan Opera" gaan daagliks lewendige uitsendings hê van opera's. Dit sal dan ook vir 20 ure beskikbaar wees op hulle webwerf. Trek bietjie mooi aan en geniet die musiek in jou TV kamer.

Bid Saam vir Suid Afrika (Kliek hier)
Het jy die geleentheid om meer tyd in gebed te spandeer maar kort bietjie leiding oor alles waarvoor jy kan bid? Hierdie Instagram rekening gee vir Suid Afrikaners 'n lys van dinge waarvoor ons spesifiek in SA voor kan bid.

Lego Uitdaging vir Kinders (Kliek hier)
Is jou kinders bietjie verveeld? Gee elke dag vir hulle een van hierdie uitdagings. Die idee is nie om so vinnig moontlik te bou nie, maar juis so kreatief moontlik die projek aan te pak!

"Audible" Boeke vir Kinders (Kliek hier)
Amazon Audible bied tans alle "audible" boeke verniet aan tydens die “lockdown”. Jy en jou kinders kan vir ure lank na boeke luister wat vir jou gelees word. Vin julle gunsteling stories en gesels saam oor wat die vir jou beteken!

Week 2

Gesin "Date" idee
Is jy en jou gesin lus om iets saam te doen, maar nie seker wat nie. Gebruik dalk een van hierdie 3 idees om julle besig te hou.
Opsie 4 Koppie Koek Bak - Kies een aand om vir julle koek in koppies te maak as nagereg. En as julle vir niemand vertel nie kan julle selfs dit elke aand doen. Hier is 35 verskillende resepte om julle te help!
Opsie 5 Leer as Gesin 'n Dans -Wil julle as gesin julle lywe bietjie beweeg en groot pret hê. Mihran Kirakosian doen eenvoudige koreografie wat kinders ook kan doen. Meeste videos neem so 15 tot 20 minute. En aan die einde van die "Lockdown" tyd gaan julle as gesin 'n lekker verskeidenheid van danse saam kan doen.
Opsie 6 Spa Dag - Bederf julle hele gesin met 'n Spa belewenis by die huis! Hier is oulike idees om julle te help om te ontspan en soos koninklikes te laat voel.

Studie Kursusse Aanlyn (Kliek hier)
'n 190 Universiteite het oor die 600 kursusse vrygestel. Meeste van die kursusse kan teen jou eie spoed gaan. Daar is 'n wye verskeidenheid van kursusse in verskillende belangstellingsvelde.

Voel jy Nostalgies? (Kliek hier)
Kliek hier om te kyk watter musiek in spesifieke jare die mode was. Dalk het jy 'n gunsteling jaar of dalk is jy net nuuskierig. Hierdie kan jou vir ure besig hou!

Virtuele Museum Toere (Kliek hier)
Wou jy nog altyd een van die bekende museums gaan toer het, maar nog nooit die geleentheid gehad nie. Nou kan jy enige van die 17 museums aanlyn toer. Indien jou Frans nie so goed is nie, sou jy dalk die webwerf net moet vertaal na Engels. Maar dit is maklik genoeg om verskillende museums uit te ken op die Franse webwerf.

Familie Konneksie 8 Week Program (Kliek hier)
Hierdie uitstekende Konneksie program van die "Arbinger Institute" is 'n PDF wat aan jou gestuur word met oulike idee om konneksie te vorm, asook vra en gesprekke om te voer gedurende aandete. Doen jou en jou gesin die guns en neem hieraan deel!

Week 3

Gesin "Date" idee
Is jy en jou gesin lus om iets saam te doen, maar nie seker wat nie. Gebruik dalk een van hierdie 3 idees om julle besig te hou.
Opsie 7 "Fancy" Familie Ete - Hoeveel geleenthede het ons om mooi te maak en uit te gaan. Hopelik is die antwoord tans geen. So kom ons skep die geleentheid. Maak seker dat julle as gesin saam 'n drie gang maaltyd voorberei wat almal sal eet. Neem dan die middag om julle mooiste klere aan te trek en julle hare en grimering mooi te maak. Geniet die aand met julle beste eetgerei. Moenie vergeet om fotos te neem en met ons te deel nie!
Opsie 8 Familie Krismis Bed -Maak 'n groot Krismis bed vir julle hele gesin in die TV kamer. As julle 'n tent het wat sal inpas, kan julle hom sommer opstel. Kyk dan familie flieks en maak seker dat daar lekker springmielies is. Geniet die Familie "cuddles".
Opsie 9 Familie Skattejag - Dit is die seisoen vir skattejag. Maar dalk sukkel julle met idees. Hier is 'n paar oulike idees om 'n skattejag binne en buite die huis te hê.

Kook Klasse Aanlyn (Kliek hier)
Oor die R3 000 se kook klasse deur professionele kokke word vir 30 dae verniet aan jou gegun. Skryf nou in en leer van die meesters. Hierdie is iets wat die hele gesin kan geniet.

Verskillede Oefening Geleentheid (Kliek hier)
Sukkel jy om geïnspireer te word om te oefen? Hier is 'n webwerf wat 'n wye verskeidenheid van opsies vir jou gee. Meeste van die opsies is verniet. Ons kan nie wag om te sien hoe almal hulle oefeninge geniet nie!

Kunsklasse deur Maria Oosthuizen (Kliek hier)
Maria Oosthuizen is 'n kunstenaar wat pragtige meesterwerke skilder. Baie van haar kuns het geestelike ondertone. Loer gerus hier vir haar werk. Sy bied klasse verniet op Youtube. Binnekort het ons 'n hele Geloofsfamilie vol kunstenaars!

Andrew Lloyd Webber se Musikale Meesterstukke (Kliek hier)
Is jy mal oor musiek? Sir Andrew Lloyd Webber is besig om sy Musikale Meesterstukke een vir een op YouTube te plaas sodat julle dit kan geniet. Gaan loer gereeld in vir die volgende een.

Nog om na te kyk

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram