Is jy opsoek na 'n boek om te lees, 'n Film om te kyk of musiek om te luister? Is jy dalk onseker of die boek, film of musiek die moeite werd gaan wees? Hier probeer ons jou help, aanmoedig en inspireer omiets nuut te ontdek en te geniet.

Indien daar 'n nuwe boek, film of musiekstuk is waaroor jy graag wil hê ons 'n resensie moet skryf, laat weet ons gerus deur hier te kliek. Onthou om die woord Resensie te gebruik as die titel van jou epos!

The Circle Maker - Mark Batterson

Mark Batterson begin sy boek deur die verhaal van Honi te deel. Hierdie verhaal van Honi het my lewe, en meer spesifiek my gebedslewe totaal en al verander. Alhoewel ek al vir jare bid, was gebed nog nooit vir my so 'n realiteit soos nou nie. Dit het verander van iets wat ek met tye deur die dag doen, na 'n lewendige en tasbare deel van my verhouding met die Here wat magtig is en transformeer. 

Mark Batterson het my gereeld deur die boek uitgedaag om nuut te dink oor dit wat ek sê ek glo. Meer as dit, het die boek my ook uitgedaag om ou teologieë af te stof of te laat gaan. Dit het op groot en klein maniere my weer laat dink oor waarom ek bid, of dan nie. Dit het my op tye ongemaklik gemaak en ander tye weer tot belydenis laat bring.

Hierdie boek is nie een wat jou dieselfde gaan laat nie. By tye gaan jy glad nie wil saam stem nie. Maar as jy aanhoudend 'n oop hart hou en vir die Here vra om jou te vorm soos Hy wil, is dit moontlik om aan die einde van die boek vrede te beleef. Toe ek eers begin, kon ek nie die boek neersit nie. Ek was dadelik gemotiveer om "Draw the Circle: The 40 Day Prayer Challenge" ook van Mark Batterson, op te neem. 'n Reis wat ek nou elke jaar saam met die Here wil meemaak. 

Arline Meyer (Leraar) 

Terug Na Begin

Il Postino (1994) -1996 in Amerika

Die film is op Youtube te siene, sorg net dat jy die een met Engelse onderskrifte kies.. die film is oorspronklik in Italiaans. 

Dit speel af teen die agtergrond van die opkoms van kommunisme in Italië in n tyd wat die beroemde digter Pablo Neruva daarheen gevlug het uit Chili.

Wat my diep raak is die skoonheid van die eenvoud van die Posman, sy naiwiteit, fyn luister en waarneem... Ook uiteindelik sy vind van skoonheid in sy onmiddelikke omgewing.

En ek voel hoe die Here my deur die film herinner aan en nooi na n kinderlike vertrou in Hom. Om ook skoonheid te sien in die elke dag. Hierdie skoonheid kan gesien word in my omgewing en die kosbaarheid van verhouding.

Elmarie Smit (Terapeut by PvR Lewenskuns)

Wonder Park (2019)

Wonder Park vertel die verhaal van 'n buitengewone kreatiewe meisie. Met die ondersteuning van haar ma, het June die vermoë om haar wildste drome waar te laat word in 'n pretpark wat sy ontwerp. June se wildste drome kom egter vinnig tot stilstand wanneer haar ma siek word. Sy verloor haarself in die hartseer. Sy begin haarself in verantwoordelikheid oor gooi om beheer te probeer hou. 

Die pretpark diere wat sy geskep het, help haar egter om te erken hoe sy voel, sonder om dit te probeer wegdruk die heeltyd. Deur haar emosies te aanvaar ontdek sy weer blydskap in die nuwe omstandighede te vind. 

Die film help kinders om woorde te vind vir situasies en emosies wat dalk nie lekker is nie. Dit kan gesinne help om te praat oor dinge soos depressie, rou en siektes. 

Die film het my gehelp om God raak te sien selfs in die ongemaklike en ongewensde emosies en situasies. God is ook daar teenwoordig. God verstaan dit en kan daarom juis my troos, deur net by my te wees in die situasie. Dit is bevrydend om nie die heeltyd die situasie te probeer beheer of myself reg te ruk nie. Ek kan net wees by God.

Arline Meyer (Leraar)

Onward (2020)

Onward volg die avontuur van 2 elf broers wat opsoek is na 'n spesiale steen, sodat hulle 'n towerspel kan doen om een dag saam met hulle pa te spandeer. 

In die soeke na die steen ontdek Ian, die jongste boetie dat die rol wat 'n pa vertolk eintlik op soveel maniere deur sy ouer broer vertolk is. Saam besef hulle ook dat die reis veel belangriker is, as die eindpunt.

Die verhaal het my weer laat nuut dink oor gesinne. Veral gesinne wat dalk anders lyk as wat mens graag sou wou hê. Soms neem dit 'n hele gemeenskap om in ons gesinne se lewens in te speel. Dit herinner my ook dat 'n mens die reis op pad na die eindbestemming moet geniet. Dit is waar jy voorberei word, getoets word en versterk word vir wat jy later moet hanteer.

Die film het my ook herinner dat die lewe skewe draaie met mens loop en dit is dalk nie soos ons dit sou wou hê nie. As ons vaskyk in wat ons dink ons wil hê, het ons dalk die vermoë om die ware geskenke op die pad mis te kyk. AS ons oë op God gefokus is, staan ons 'n groter kans om die mooi op die pad raak te sien en te waardeer. En dit is soms, meer as genoeg om vir ons vreugde en vrede te gee.

Arline Meyer (Leraar)
Terug Na Begin

The Lords Prayer - Rhema Marvanne

Hierdie musiek video het my die afgelope week diep geraak. (Kliek op die Tietel om die video te luister.)

"The Lords Prayer" is net voor die "lockdown" regoor SA gesing ter afwagting van middernag 26 Maart 2020.

Hierdie 7 jarige meisie sing dit so opreg, skoon en eerlik, amper hulpeloos. Ons moet soos die kinders word, staan daar geskryf...
Nie net sing sy pragtig nie, maar versimboliseer sy vir my die ganse mensdom wat tans wêreldwyd bakhand staan vir God se genade.


Karel Verhoef (Leraar)
Terug Na Begin

Nog om na te kyk

Maak 'n opvolg-bydrae

Jou e-posadres sal nie gepubliseer word nie. Verpligte velde word met * aangedui

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram