1 Petrus 3:15
“Inteendeel, eerbiedig •Christus as Here in julle harte, altyd gereed om julle te verantwoord teenoor elkeen wat van julle rekenskap eis oor die hoop wat in julle leef.” (Afr 2020)

Om oor te gesels en te dink:
Wanneer ons die geleentheid kry om ’n verduideliking te gee van die hoop wat in ons leef, kan ons ons Godstoies deel. ’n Manier om dit te doen is om terug te kyk, te sien wat nou in jou lewe gebeur en ook vorentoe te kyk.
As jy terug kyk op jou lewe kan jy reflekteer en getuig van hoe goed die Here vir jou tot nou toe was. As jou sien waarmee die Here nou besig is, help die realiteit ons om te besef hoe dankbaar ons is. As ons vorentoe kyk, kan ons sien hoe die Here ons roep om te doen wat Hy van ons vra. Ons kan dankie sê vir Sy genade van die verlede, Sy getrouheid nou en geleenthede vir die toekoms.
Mense het nodig om ons Godstories te hoor en ons kan nie stil bly nie.

Gebed
Here, dankie dat U altyd by my is. Ek wil graag die hoop wat ek in U gevind het deel as daar geleenthede is om my Godstories te vertel. Amen.

1 Petrus 3:17
“As dit die wil van God mag wees dat julle moet ly wanneer julle goed doen, is dit beter só as om te ly wanneer julle kwaad doen.”

Om oor te gesels en te dink:
Ons dink hierdie week na oor wat dit beteken om ons Godstories van dankbaarheid te deel en dat ons altyd gereed moet wees om te kan vertel van die hoop wat in ons leef. Ons moet dit in nederigheid doen en met ons lewenswyse bevestig dat Jesus ons enigste hoop is.
Petrus herinner die gemeente dat hulle lyding mag ervaar terwyl hulle goed doen aan alle mense om hulle. Hulle moet nie moedeloos word nie. Dit is beter om te ly vir die goeie dinge wat ons doen, as om te ly vir dinge wat ons nie moet doen nie.
Hou aan om goed te doen, al sien niemand dit raak nie. Hou aan goed doen, al kry jy teenstand en kritiek. Op hierdie manier word God geëer en wys dit vir ander watter hoop in Christus daar in ons is.

Gebed
Here, dankie dat U hoop in my leef. Help my om aan te hou om goed te doen. Mag ek kies om eerder goed te doen, as kwaad. Ek wil U met alles wat ek doen eer. Amen.

1 Petrus 3:16
“Maar doen dit met beskeidenheid en met eerbied vir God. Sorg dat julle gewete skoon bly, sodat dié wat julle oor julle goeie lewenswandel in Christus belaster, daaroor skaam kan kry dat hulle kwaad van julle gepraat het.”

Om oor te gesels en te dink:
Wanneer ons vertel van die hoop wat in ons leef, moet ons dit met beskeidenheid en met eerbied vir God doen. Ons lewe moet ooreenstem met Jesus se lewe. Die fokus op moet op God wees en nie op onsself nie. Petrus moedig hulle en ons aan dat ons gewete sal skoon bly en dat ons lewenswandel tot eer van Christus sal wees. Ons kan en moet deur ons lewenswandel mense saam nooi om Jesus te volg. Deur wat ons doen, kan ons mense Jesus se lig wys en kan ons die hoop wat in ons is op die regte tyd deel. Vra die Here om vir jou te wys waar jy met wat jy doen, iemand kan help en Sy liefde te wys.

Gebed
Here, dankie dat U by my is. Ek wil in nederigheid vra dat U my sal help dat my gewete skoon bly en dat ek deur my lewenswandel ander mense met U liefde sal bedien. Amen.

1 Petrus 3:15
“In julle harte moet daar net heilige eerbied wees vir Christus die Here. Wees altyd gereed om ‘n antwoord te gee aan elkeen wat van julle ‘n verduideliking eis oor die hoop wat in julle lewe.”

Om oor te gesels en te dink:
Ons as Christene word geroep om ’n verskil te maak. Ons wonder soms hoe is dit moontlik? As Petrus aan die gemeente skryf, is hulle in moeilike omstandighede en moedig hy hulle aan om altyd gereed te wees om ’n verduideliking te gee oor die hoop wat in hulle leef. Ons kan net vertel wat ons beleef het. Ons kan net Godstories vertel van waar God in ons lewens besig is, as met die oortuiging leef dat God met ons besig is.
Hierdie hoop is ’n sekerheid dat God ons nie los nie en dat soos ons gevra word, ons dit deel.
Jy het ’n Godstorie en jy moet dit deel, sodat die wêreld kan weet dat God vir hulle ook lief is en omgee. Mag jy ’n geleentheid kry om jou Godstorie met iemand te deel.

Gebed
Here Jesus, dankie dat U my hoop is en vir my lief is. Help my om op die regte tyd hierdie hoop met iemand wat dit nodig het, te deel. Amen.

Filippense 1:6
“Ek is veral ook daarvan oortuig dat God, wat die goeie werk in julle begin het, dit end-uit sal voer en dit sal voleindig op die dag wanneer Christus Jesus kom.”

Om oor te gesels en te dink:
Ons Geloofsfamilie het die naweek ons 40 jaar verjaarsdag gevier. Ons kon vir die Here dankie sê wat Hy in en deur ons Geloofsfamilie doen en gedoen het.
Paulus skryf aan die gemeente in Fillipi en herinner hulle daaraan dat hy oortuig is dat die goeie werk wat God in hulle begin het, dit end-uit sal voer. Dit is ook vandag ons gebed vir jou. Maak nie saak waar jy in jou geloofsreis is of hoe lank jy al deel van ons Geloofsfamilie is nie, is ons oortuig daarvan dat die goeie werk wat God in jou begin het, Hy dit end-uit sal voer.
Mag jy vandag beleef dat die Here by jou is en dat jy weet jy nie die pad alleen stap nie.

Gebed
Here Jesus, dankie dat U by my is. Dankie dat dit wat U in my lewe begin het, U dit end-uit sal voer. Ek vertrou U daarmee. Amen

Eksodus 4:10-12
10Toe sê Moses vir die Here: “Ag, Here, ek kan nie goed praat nie; ek kon nie vroeër nie en ek kan ook nie nou, hier waar U met my praat nie. Ek praat swaar, en my tong sukkel.” 11Daarna sê die Here vir hom: “Wie het aan die mens ‘n mond gegee? Wie maak stom of doof of siende of blind? Is dit nie Ek, die Here, nie? 12Gaan nou, Ek sal jou help met die praat en jou leer wat jy moet sê.”

VRAE:

• Moses, een van die bekendste leiers in die Ou Testament, het onbevoeg gevoel omdat hy nie goed kon praat nie. Steeds het God hom geroep om sy volk uit slawerny te lei. Ons mag moontlik net soos Moses voel dat ons nie bevoeg is om ‘n goeie getuie vir die Here te kan wees nie. God beloof wel dat Hy ons sal toerus en sal wys wat die regte woorde is om te getuig.
• Watter vrese keer jou om vir ander te vertel van God?
• Hoe kan jy aan God se belofte vashou, dat Hy jou sal wys hoe en wanneer om te praat?
• Het jy al God se hulp ontvang in situasies wanneer jy nie geweet het wat om te doen nie? Wat het gebeur?
• Hoe kan jy jouself herinner dat God die mense wat hy roep, toerus om te praat?

Gebed:
Here, ek wil hierdie week ‘n tree neem in geloof en vir iemand vertel van my ervaring met U. Here, help my om vandag een mens te identifiseer sodat ek vir hulle kan vertel. Here, ek wil U vertrou vir die woorde wat moet vloei. Here, help my om gehoorsaam en in vertrou voort te beweeg saam met U.
Amen

Jeremia 1:6-7
6“Ag, Here my God,” het ek geantwoord, “ek kan nie goed praat nie, ek is nog te jonk.” 7Toe sê die Here vir my: Jy moenie sê: “Ek is te jonk” nie. Jy moet gaan na wie toe Ek jou ook al stuur, en alles wat Ek jou beveel om te sê, moet jy sê.

VRAE:

• Soms voel ons asof ons nie ervare genoeg is of kundig genoeg is om te getuig nie. God roep ons nie omdat ons genoeg van Hom weet nie. Hy roep ons om in verhouding met Hom te wees. En omdat hierdie verhouding so baie beteken vertel ons graag vir ander daarvan. Ons word dan toegerus om met oortuiging van God te deel.
• Waar het jy al te onervare gevoel om van die Here te deel of oor Hom te getuig?
• Hoe help God se roeping van Jeremia jou om meer waagmoed te hê in jou eie geloofsreis?
• Waar in jou lewe sukkel jy om God te vertrou as gevolg van jou eie tekortkominge en beperkings?
• Hoe kan jy in geloof ‘n tree neem, selfs al voel jy onseker?

GEBED:
Here, daar is soms plekke in my lewe waar ek sukkel om my geloof te deel. Ek voel nie bekwaam genoeg om dit te doen nie. Here, ek vertrou in U, my God. Here, help my om in geloof die tree te neem, selfs al is ek onseker. Here, help my om meer in U te vertrou as my eie beperkings.
Amen

1 Petrus 3:15
15In julle harte moet daar net heilige eerbied wees vir Christus die Here. Wees altyd gereed om ‘n antwoord te gee aan elkeen wat van julle ‘n verduideliking eis oor die hoop wat in julle lewe.

VRAE:

• Om vir ander te getuig, gaan nie oor al die regte antwoorde te hê nie. Dit gaan meer daaroor dat ons die hoop wat ons in Christus het, met respek en sagmoedigheid met ander deel. Wanneer ons ander in nederigheid en opregtheid nader, kan God ander mense se harte daadwerklik aanraak.
• Voel jy gedruk om al die antwoorde te hê vir mense se moeilike vrae rondom God? Is dit iets wat jou kan hinder om te getuig?
• Hoe kan jy teenoor ander getuig op ‘n manier wat Christus eer? Hoe lyk dit om met respek en sagmoedigheid jou geloof met ander te deel?
• Het jy al die Heilige Gees se hulp ontvang in oomblikke waar jy onseker was of onbevoeg gevoel het? Hoe het dit afgespeel?
• Hoe kan nederigheid jou versterk as dit kom by jou getuienis van Christus aan ander?

GEBED:
Here, ek weet U roep my om met ander my geloof te deel. Ek mag moontlik nie al die antwoorde hê wat mense wil nodig rondom geloof nie, Here. Maar ek vra dat U my sal help dat dit nie in my pad staan om my ervarings te deel wat ek van U beleef nie. Here, help my dat my egtheid, en my respek vir ander harder sal praat van my geloof in U as my kennis kan.
Amen

Lukas 12:11-12
11“Wanneer hulle julle voor sinagoges en owerhede en gesagvoerders bring, moet julle julle nie bekommer oor hoe of waarmee julle julle gaan verdedig of wat julle gaan sê nie, 12want die Heilige Gees sal julle op daardie oomblik leer wat gesê moet word.”

VRAE:

• Jesus het vir sy eie dissipels herinner dat hulle nie op hulle eie vermoë hoef staat te maak wanneer ons uitdagings of probleme moet hanteer nie. Die Heilige Gees sal in ons werk en vir ons die regte woorde gee in die oomblikke wat ons dit benodig. Die Heilige Gees sal ons toerus met die vermoëns wat ons benodig wanneer ons by die geleenthede uitkom.
• Bekommer jy soms jouself oor wat jy moet sê, hoe jy moet optree of wat jy moet doen wanneer dit by ‘n lewe kom wat getuig van God se teenwoordigheid? Wat bekommer jou?
• Hoe kan jy meer op die Heilige Gees se leiding vertrou in daardie oomblik?
• Kan jy aan enige tye in jou lewe dink waar die Heilige Gees vir jou die vermoë gegee het wat jy nodig gehad het in die oomblik? Wat het gebeur?
• Hoe kan jy in vertroue op die Heilige Gees se handelinge in jou lewe groei? Hoe lyk dit prakties?

GEBED:
Here, help my vandag om nie te praat as ek nie voel die woorde kom van die Gees af nie. Here, help my asb. om nie ‘n tree te gee as ek nie voel die Heilige Gees lei my nie. Here, help my asb. om nie op te tree as ek nie oortuig is dat die Heilige Gees my handelinge beheer nie. Here, gee vir my die onderskeidingsvermoë en waagmoed om op te tree soos die Gees van my verwag.
Amen

2 Korintiërs 12:9
Sy antwoord was: “My genade is vir jou genoeg. My krag kom juis tot volle werking wanneer jy swak is.” Daarom sal ek baie liewer oor my swakhede roem, sodat die krag van Christus my beskutting kan wees.

VRAE:

• Wanneer ons onkundig voel oor hoe om te getuig, kan ons daarvan probeer weg te stuur. Om te getuig is nie iets wat net sommige van ons hoef te doen nie. Jesus vra dat almal van ons sal getuig tot op die uithoeke van die aarde. Om te bely dat ons nie daarmee goed is om te getuig nie, kan ons juis help om meer op God te vertrou. Wanneer ons ‘n swakheid ontdek van onsself, kry Christus weer die kans om sy almag te kan wys. Ons kan God toelaat om deur ons onsekerheid en onkunde te werk, deur meer op Hom te vertrou as onsself.
• Watter tekortkominge, of onsekerhede beleef jy wanneer jy die geleentheid het om te getuig van God se handelinge in jou lewe?
• Hoe voel dit om te weet dat God se krag juis tot sy volheid kom wanneer jou eie swakhede uitgewys word? Hoe kan dit jou troos?
• Hoe kan jou swakhede ‘n geleentheid wees vir ander om Christus in jou raak te sien?
• Hoe kan jy meer op God se genade staatmaak wanneer jy getuig oor God se handelinge in jou lewe? Hoe help dit jou prakties in jou lewe?

Gebed:
Here, ek wil my belewenisse van U teenwoordigheid in my lewe met ander deel, maar U weet hoe gespanne en onkundig ek voel wanneer ek dit doen. Here, help my om net die eerste tree te neem en met iemand na aan my te deel hoe ek my verhouding met U beleef. Here, ek hou nie daarvan om swak te voel, onkundig te voel of onseker te voel nie. Here, help my om met die ongemak te sit en meer op U te vertrou. Here, help my deur U almag te laat skyn deur my eie gebrokenheid.
Amen

Psalm 23:3
3Hy gee my nuwe krag. Hy lei my op die regte paaie tot die eer van sy Naam.

VRAE:

• Selfs wanneer ons op die verkeerde paaie beweeg, is God steeds ons herder wat mooi na ons omsien. Hy weet wat ons nodig het en hoe om na ons behoeftes om te sien. Hy versorg en gee wat ons siel werklik benodig. Hy lei ons met sekerheid en is getrou in sy betrokkenheid by ons.
• Is daar areas in jou lewe waar jy afgewandel het van die pad wat God vir jou beplan het?
• Hoe kan jy na God se helende restourasie werk in jou lewe soek in die huidige seisoen?
• Hoe lyk dit om volkome op God te vertrou vandag?
• Hoe laat dit jou voel om te weet dat God jou lei, sodat Hy geëer kan word daarvoor?

GEBED
Here, ek erken U as ‘n goeie herder. Ek weet dat U net die beste vir my wil hê, selfs wanneer ek afwandel van die pad wat U vir my bepaal het. Here, help my om beter te luister na U stem. Here, restoureer my siel. Here, dankie dat ek by U vrede en rus kan vind.
Amen

Filippense 4:11-12
11Ek sê dit nie omdat ek gebrek ly nie, want ek het geleer om my in alle omstandighede te behelp. 12Ek weet wat armoede is en ek weet wat oorvloed is; van alles het ek ondervinding: om genoeg te hê om te eet sowel as om honger te ly, om oorvloed te hê sowel as om gebrek te ly.

VRAE:

• Wanneer ons voel asof ons nie op die regte plek is nie, of ons is onseker oor waar ons moet wees, is dit moeilik om te voel asof ons tevrede is. Paulus leer vir ons dat tevredenheid kom van ons geloof in God, en word nie bepaal deur ons omstandighede nie. Ongeag van die ervarings wat ons beleef, kan ons steeds tevredenheid beleef in ons lewens, omdat God vir ons genoeg is.
• Is daar areas in jou lewe waar dit vir jou moeilik is om tevredenheid te beleef?
• Wat is die bron van jou onvergenoegdheid?
• Hoe help dit jou gevoel van onvergenoegdheid, deur op Christus te fokus?
• Wat beteken dit om te ontdek dat die geheim van tevredenheid in Jesus gevind kan word?

Gebed:
Here, ek wil U dank vir al dinge, goed, mense, ervarings en belewenisse in my lewe. Ek wil ook in hierdie seisoen van my lewe tevrede voel. Here, help my om te ontdek hoe U teenwoordigheid in my lewe, werklik al is wat ek nodig het. Here, help my om meer dankbaar te wees vir alles wat ek as vanselfsprekend aanvaar.
Amen

Jesaja 55:8-9
8My gedagtes is nie julle gedagtes nie, en julle optrede nie soos Myne nie, sê die Here; 9soos die hemel hoër is as die aarde, so is my optrede verhewe bo julle optrede en my gedagtes bo julle gedagtes.

VRAE:

• Soms voel dit asof ons op die verkeerde plek is, bloot omdat ons nie op God vertrou nie. Die realiteit is dat ons baie meer gereeld nie gaan verstaan hoe God werk of handel nie. Ons menslike verstand is nie daartoe in staat om God ten volle te begryp nie. Om in God te vertrou vra dat ons nederig Hom nader, en bely dat ons waarskynlik nooit genoeg van God gaan kan begryp nie, maar dat ons daagliks gaan poog om meer en meer van God te leer verstaan.
• In watter areas in jou lewe is dit moeilik om God se plan vir jou lewe te verstaan?
• Hoe kan die vertroue in God se plan vir jou lewe, jou help om meer vrede te beleef?
• Is daar areas in jou lewe wat jy meer aan God kan of meer wil oorgee?
• Hoe kan die vertroue in God se wysheid jou huidige situasie anders laat lyk?

GEBED:
Here, ek weet daar is plekke in my lewe waar ek meer staatmaak op myself, as op U. Here, ek wil dit nie so hou nie. Ek het U wysheid en leiding spesifiek in alle aspekte van my lewe nodig. Here, help my om meer sensitief te wees vir U leiding. Here, help my om meer reaktief te wees wanneer ek U leiding beleef. Here, help my om gehoorsaam te wees aan U leiding, spesifiek wanneer ek nie wil nie.
Amen

Romeine 8:28
28Ons weet dat God alles ten goede laat meewerk vir dié wat Hom liefhet, dié wat volgens sy besluit geroep is.

VRAE:

• Wanneer ons voel asof ons nie op die regte plek is nie, kan dit baie frustrerend wees. Dit kan maak dat mens baie in jou geloof twyfel. Of selfs dat mens twyfel in God. Die Woord sê dat God alles ten goede laat meewerk vir die wat Hom liefhet. Selfs wanneer ons nie verstaan nie, of onseker is van ons omstandighede, God werk altyd agter die skerms. Wanneer alles ten goede meewerk kan God geëer word en geprys word.
• Is daar ‘n area in jou lewe wat jy tans voel, geen doel dien nie?
• Hoe kan die belofte van Romeine 8:28 jou vandag gerus stel?
• Wat kan God vir jou leer in jou ongemaklike omstandighede?
• Hoe kan jy jou fokus en ervaring van huidige ervarings, skuif na dié van God?

GEBED:
Here, ek wil U dank vir die verskillende maniere waarop dit wat ek nie verstaan nie, U naam kan groot maak. Here, ek mag dalk nie alles verstaan nie, en ek mag dalk uit plek uit voel, maar ek weet U het ‘n groter plan en dat alles in my lewe U kan eer. Selfs hierdie ongemaklike gevoel wat ek tans beleef. Here, gee my asb. geduld sodat ek kan wag om te sien hoe alles ten goede meewerk.
Amen

Spreuke 3:5-6
5Vertrou volkome op die Here en moenie op jou eie insigte staatmaak nie. 6Ken Hom in alles wat jy doen en Hy sal jou die regte pad laat loop.

VRAE:

• Ons almal voel soms asof ons nie op die regte plek is nie, of nie die regte goed mee besig is nie. Wat vir ons troos kan gee, is dat God egter weet waar jy is en jou sal vind, al is jy moontlik op die verkeerde plek. God kan elke toutjie weer optel, al voel dit vir ons asof ons uitrafel. Om in God se planne en wil te vertrou, vra dat ons kan oorgee aan Hom. Veral wanneer ons onseker is of twyfel.
• Watter areas in jou lewe voel op die oomblik of hulle nie op die regte plek is nie?
• Hoe kan vertroue op God se majesteit jou help om vrede te vind in onsekerheid?
• Waar in jou lewe het jy al beleef dat God ‘n onsekere tyd gebruik om eer te bring aan Sy naam?
• Wat beteken dit om aan God se wil onderdanig te wees?

GEBED:
Here, ek wil aan U wil onderdanig wees. Ek wil ophou om te twyfel of ek die regte of verkeerde ding doen, of die regte of verkeerde plek in my lewe is. Here, help my asb. om vandag die eerste tree te neem om meer op U te vertrou. Here, help my om meer op U insig staat te maak as my eie. Here, help my om U te ken in alles wat ek doen en sê.
Amen

Psalms 16:5-8
“Here, U is my lewe, U sorg vir my. Wat ek ontvang, kom alles van U af. ‘n Pragtige deel is vir my afgemeet, ja, wat ek ontvang het, is vir my mooi. Ek sal die Here loof wat my tot die regte insig gebring het; selfs in die nag bly ek bewus van wat Hy my leer. Ek het die Here altyd by my: omdat Hy by my is, sal ek nie struikel nie.”

Om oor te gesels en te dink:
Hierdie is ‘n vertouenspsalm waarmee ons vandag kan identifiseer. Kan jy dit ook vandag sê?
Ons kan hierdie bely, selfs as dinge vir ons swaar is. God is die Een wat ons tot die regte insig bring. Hy gee perspektief op ons situasie. Dit kan ons doen as ons dit vir Hom gee.
Wil jy nie vandag dit vir die Here gee nie? Jy kan of vir Hom dankie sê of vir vra vir nuwe perspektief.
Weet dat omdat Hy by jou is, jy nie sal struikel nie.

Gebed
Here, ek kom verklaar vandag dat U my lewe is. Dankie dat U vir my sorg. Dankie dat U by my is. Amen.

Efesiërs 3:20-21
“Aan Hom wat deur sy krag wat in ons werk, magtig is om oneindig meer te doen as wat ons bid of dink, aan Hom kom die eer toe, in die kerk, deur ons verbondenheid met Christus Jesus, deur al die geslagte heen tot in alle ewigheid. Amen.”

Om oor te gesels en te dink:
Paulus sluit sy gebed met ’n lofprysing af. God se krag werk in ons en dit is oneindig meer as wat ons ooit kan bid of dink. As ons terug dink aan ons lewens, kan ons dit net beaam. God gee vir soveel meer as wat ons ooit kon bid of dink. Dalk nie soos wat ons gedink het ons dit wou gehad het nie, maar God is getrou en gee vir ons soveel meer.

• Skryf ’n paar momente van jou lewe neer waar God vir jou meer gedoen het as wat jy voor gebid het.
• Sê vir Hom dankie en gee vir Hom die eer daarvoor.

Gebed
Here Jesus, dankie dat U nog nie klaar is met my nie. Dankie dat U altyd meer doen as wat ek kan bid of dink. Ek wil vir U al die eer daarvoor gee. Amen.

Efesiërs 3:19
“Mag julle sy liefde ken, liefde wat ons verstand te bowe gaan, en mag julle heeltemal vervul word met die volheid van God.”

Om oor te gesels en te dink:
Paulus se gebed gaan verder as hy vra dat ons God se liefde sal ken. God se liefde gaan alle verstand te bowe en ons kan dit nie altyd verklaar nie. Dit maak dit so spesiaal. Dit maak dit ’n Godstorie. God se liefde in ons lewens is soveel meer. Dit is alles omvattend.
God se liefde en sorg laat ons dankbaar terug kyk. Dit laat ons besef dat wat vir ons swaar of sleg was, deur Sy liefde omvorm word in ’n Godstorie.
Verder kan ons bid dat God ons met Sy volheid sal vervul sodat ons sal ervaar dat Hy by ons is en ons nie alleen is nie.

Gebed
Here Jesus, dankie vir U liefde. Al verstaan ek dit nie altyd nie, is dit altyd soveel meer. Kom vul my met U liefde en volheid. Amen.

Efesiërs 3:20-21
“Aan Hom wat deur sy krag wat in ons werk, magtig is om oneindig meer te doen as wat ons bid of dink, aan Hom kom die eer toe, in die kerk, deur ons verbondenheid met Christus Jesus, deur al die geslagte heen tot in alle ewigheid. Amen.”

Om oor te gesels en te dink:
Paulus sluit sy gebed met ’n lofprysing af. God se krag werk in ons en dit is oneindig meer as wat ons ooit kan bid of dink. As ons terug dink aan ons lewens, kan ons dit net beaam. God gee vir soveel meer as wat ons ooit kon bid of dink. Dalk nie soos wat ons gedink het ons dit wou gehad het nie, maar God is getrou en gee vir ons soveel meer.

• Skryf ’n paar momente van jou lewe neer waar God vir jou meer gedoen het as wat jy voor gebid het.
• Sê vir Hom dankie en gee vir Hom die eer daarvoor.

Gebed
Here Jesus, dankie dat U nog nie klaar is met my nie. Dankie dat U altyd meer doen as wat ek kan bid of dink. Ek wil vir U al die eer daarvoor gee. Amen.

Efesiërs 3:18
“Mag julle in staat wees om saam met al die gelowiges te begryp hoe wyd en ver en hoog en diep die liefde van Christus strek.”

Om oor te gesels en te dink:
Wanneer Paulus hierdie bid, is dit ons begeerte om dit ook te kan beleef. God is betrokke in ons lewens. Ons noem dit Godstories. Ons Godstories word gedra deur God se liefde. Ons besef dit nie altyd nie. God se liefde is wyer, verder, hoër en dieper as wat ons ook kan besef. Dit vra van ons om God in ons stories te kan raak sien.

• Waar sien jy God in jou storie raak?
• Kan jy hierdie Godstorie met iemand deel wat dit nodig het om te hoor?

Gebed
Here Jesus, dankie dat U liefde my lewe omsluit. Ek wil in staat wees om nog meer van U liefde te ervaar. Help my om my Godstorie met iemand te deel. Amen.

Efesiërs 3:16-17
“Ek bid dat Hy deur sy Gees uit die rykdom van sy heerlikheid aan julle die krag sal gee om innerlik sterk te word, dat Christus deur die geloof in julle harte sal woon en dat julle in die liefde gewortel en gegrondves sal wees.”

Om oor te gesels en te dink:
Paulus doen ’n tweede gebed vir die gemeente in Efese. Hy moedig hulle aan om innerlik sterk te word en toe te laat dat Christus in hulle harte sal woon. Ook dat hulle in die liefde gewortel en gegrondves sal wees. Hierdie gebed vra dat ons ons sal oop stel dat God ons in liefde lei en ons innerlik sterk maak soos dit nodig is. Dit vra dat ons in afhanklikheid met Hom sal leef en altyd liefde voorop sal stel.
Hierdie is ook ’n gebed wat ons gereeld kan bid. Vra vir krag om innerlik sterk te word en om te groei in geloof en liefde.

Gebed
Here Jesus, ek wil vandag kom vra vir krag om innerlik sterker te word. Ek wil graag in my geloof groei en U liefde gewortel en gegrondves wees. Help my asseblief. Amen

Efesiërs 1:18-20
“Ek bid dat Hy julle geestesoë so verhelder dat julle kan weet watter hoop sy roeping inhou, en watter rykdom daar is in die heerlike erfenis wat Hy vir die gelowiges bestem het, en hoe geweldig groot sy krag is wat Hy uitoefen in ons wat glo. Dit is dieselfde kragtige werking van sy mag wat Hy uitgeoefen het toe Hy Christus uit die dood opgewek en Hom in die hemel aan sy regterhand laat sit het”

Om oor te gesels en te dink:
Paulus se gebed vra dat God ons geestesoë sal verhelder om Hom te kan raak sien. Dit is ’n gebed wat ons elkeen elke dag nodig het. Ons mis dit om God in ons Godstories raak te sien. Ons dink dat God nie betrokke in ons lewens is nie. Tog weet ons dit, maar ons sien dit nie altyd raak nie. Ons moet bid en vra dat ons Hy vir ons die geestesoë sal gee om Hom raak te sien. Ons moet ook bid dat ons weet watter sy roeping inhou en dat Sy krag in ons werk. Dit is dieselfde kragtige werking van mag wat Jesus uit die doop opgewek het. Ons moet dit raak sien.

Gebed
Here Jesus, maak my geestesoë oop om U te kan raak sien. Ek wil uit die hoop van my roeping leef. Ek wil U kragtige werking in my lewe beleef. Amen

Efesiërs 1:16-17
“Wanneer ek in my gebede aan julle dink, bid ek dat die God van ons Here Jesus Christus, die Vader aan wie die heerlikheid behoort, deur sy Gees aan julle wysheid gee en Hom so aan julle openbaar dat julle Hom werklik kan ken.”

Om oor te gesels en te dink:
Paulus bid vir sy gemeente in Efese en vra dat die Heilige Gees vir hulle wysheid sal gee om God werklik te kan kan. Wat ’n gebed! Dis ’n gebed om God meer raak te sien en te verdiep in Sy liefde. Jy kan vandag hierdie vir jouself en vir ons geloofsfamilie ook bid. Mag ons elkeen Jesus Christus meer ontdek en leef.
Godstories is wanneer ons God in ons eie storie raak sien. Hierdie is die begin van ’n gebed vir ’n Godstorie. Dit vra dat ons wysheid sal bekom om God in ons lewens raak te sien en Hom werklik leer ken. Dit bly ’n lewenslange proses. Dit bly ’n lewensveranderde proses.
Mag jy vandag wysheid ontvang om Jesus werklik te kan ken.

Gebed
Here Jesus, ek kom bid en vra vandag vir wysheid. Ek wil U werklik ken. Dankie dat U deel van my Godstorie is. Ek gee myself oor aan U. Amen.

Efesiërs 1:16-17
“Wanneer ek in my gebede aan julle dink, bid ek dat die God van ons Here Jesus Christus, die Vader aan wie die heerlikheid behoort, deur sy Gees aan julle wysheid gee en Hom so aan julle openbaar dat julle Hom werklik kan ken.”

Om oor te gesels en te dink:
Paulus bid vir sy gemeente in Efese en vra dat die Heilige Gees vir hulle wysheid sal gee om God werklik te kan kan. Wat ’n gebed! Dis ’n gebed om God meer raak te sien en te verdiep in Sy liefde. Jy kan vandag hierdie vir jouself en vir ons geloofsfamilie ook bid. Mag ons elkeen Jesus Christus meer ontdek en leef.
Godstories is wanneer ons God in ons eie storie raak sien. Hierdie is die begin van ’n gebed vir ’n Godstorie. Dit vra dat ons wysheid sal bekom om God in ons lewens raak te sien en Hom werklik leer ken. Dit bly ’n lewenslange proses. Dit bly ’n lewensveranderde proses.
Mag jy vandag wysheid ontvang om Jesus werklik te kan ken.

Gebed
Here Jesus, ek kom bid en vra vandag vir wysheid. Ek wil U werklik ken. Dankie dat U deel van my Godstorie is. Ek gee myself oor aan U. Amen.

Kolossense 1:11
Mag God deur sy wonderbare krag julle alle sterkte gee om in alle omstandighede geduldig te volhard.

VRAE:

• Paulus vra ook vir God dat die gemeente van Kolosse die vermoë sal hê om in alle omstandighede geduldig te volhard. Paulus is bewus daarvan dat dit nie iets is wat in die gelowige se eie vermoë is nie. Dit is juis ‘n eienskap wat slegs moontlik is wanneer ons, ons vertroue in God se krag plaas.
• Hoe maklik of moeilik is dit vir jou om te volhard in uitdagende omstandighede? Kan jy volhard met geduld, of is jy ongeduldig en onaangenaam in daardie omstandighede? Deel jou hart met die Here.
• Is daar iemand in jou lewe wat altyd geduldig volhard wanneer al die omstandighede teen hulle gedraai is? Hoe is dit vir hulle moontlik? Maak seker dat jy by hulle inloer en met hulle gesels oor hulle ervaring.
• Hoe sou jy graag wou optree wanneer situasies uitdagend is en jou moedeloos maak? Watter geloof gewoonte kan jy inbou om jou te help om situasies meer geduldig te kan hanteer en te volhard?

GEBED
Here, wanneer omstandighede om my onstuimig raak, is ek geneig om ongeduldig te probeer voortgaan. Soms is ek so platgeslaan dat ek ook sommer wil opgee. Here, help my om te volhard wanneer ek uitgedaag word. Here, help my ook om dit geduldig te doen. Help my om meer van Jesus in my optrede te wys. Here, help my om minder van my sondige natuur toegang te gee tot my optredes. Here, ek wil graag ‘n voorbeeld wees van U geduldige en liefdevolle natuur.
Amen

Kolossense 1:9-10
Ons vra God dat Hy deur al die wysheid en insig wat die Gees gee, julle sy wil duidelik sal laat ken, 10sodat julle tot eer van die Here sal lewe deur net te doen wat Hy verlang. Mag julle vrugte dra deur goeie werke en toeneem in die kennis van God.

VRAE:

• Paulus bid dat die mense se kennis van God sal toeneem. Hy vra ook dat hulle wysheid en insig van die Gees sal ontvang. Hy vra dit sodat die gemeente van Kolosse sal begin lewe soos God verwag hulle moet lewe.
• Wat dink jy is God se hart vir hierdie wêreld? Wat is God se doel met ons almal? Waarom is ons geskep? Wat is God se plan gewees vir ons almal? Spandeer tyd met die Here om jou hart te deel, maar ook om God se hart te hoor.
• God het alle mense geskep omdat hulle vir Hom vreugde gee en omdat Hy ‘n plan met elkeen van hulle het. Wanneer jy met mense omgaan, hanteer jy hulle asof God vir hulle lief is en planne met hulle het? Deel jou hart met die Here.
• Hoe voel dit wanneer mense jou sleg hanteer? Hoe sou jy wou hê, moet mense met jou handel? Waarom?

Gebed:
Here, ek wil meer en meer van U hart hoor en sien. Here, daarom vra ek dat U my sal laat groei in insig, wysheid en kennis. Here help my om meer van U te verstaan. Here, help my dat my hart, sal klop vir dit wat U hart laat klop. Here, help my veral om vir mense lief te wees. Here, U het ons almal met deernis en liefde geskep. Help my om ook vir mense met deernis en liefde te hanteer.
Amen

Kolossense 1:3-4
3Wanneer ons tot God, die Vader van ons Here Jesus Christus, bid, dank ons Hom altyd vir julle 4omdat ons gehoor het van julle geloof in Christus Jesus en van julle liefde vir al die gelowiges.

VRAE:

• Paulus het gehoor van die gelowiges se liefde vir al die gelowiges. Soms is dit een van die moeilikste uitdagings wat ons kan kry. Mede-gelowiges kan soms skynheilig oorkom of besonders krities wees op mekaar.
• Hoe lyk jou liefde vir jou mede-gelowiges? Is jy deel van ‘n groep mede-gelowiges? Hoe help, ondersteun, leer hulle jou? Hoe jou hulle jou verantwoordelik? Hoe help hulle jou om te groei in geloof?
• Hoe help jy ander mede-gelowiges? Hoe ondersteun, sorg, help en leer jy hulle? Hoe hou jy ander gelowiges verantwoordelik? Hoe help jy ander mede-gelowiges om te groei in geloof?
• Waarom dink jy het Paulus gesê dit is goed om deel te wees van ‘n geloof gemeenskap?

GEBED:
Here, ek is dankbaar dat ons ‘n geloofsfamilie het wat my ondersteun, vir my sorg en my aanmoedig in my geloof. Here, help my om deel te neem aan die geloofsgemeenskap op die manier wat U van my verwag. Help my om hulle lief te hê, hulle te versorg, hulle te ondersteun. Here, seën ons geloofsfamilie.
Amen

Kolossense 1:6
Die evangelie het julle bereik, en net soos dit in die hele wêreld vrug voortbring en verder versprei, gebeur dit ook by julle van die dag af dat julle van God se genade gehoor het en dit leer ken het soos dit werklik is.

VRAE:

• Paulus is opgewonde oor die gemeente se bestaan. Dit is ‘n gemeente wat hy nie self geplant het nie. Wat hy in hierdie vers duidelik maak is dat daar deur ander mense getuig is van die waarheid wat hulle gevind het in Jesus, tot so ‘n mate dat die gemeente geplant is. Hy is opgewonde dat die evangelie, die goeie nuus, reg oor die wêreld versprei het en dat dit vrug dra. Dit is ‘n lewende geloof.
• Hoe het jy van Jesus gehoor? Wie het teenoor jou getuig en jou meer vertel van die evangelie? Hoe het hierdie goeie nuus vir jou aanloklik geraak? Waarom glo jy die goeie nuus?
• Hoe lyk jou getuienis? Waar vertel jy vir mense van dit wat jy in Christus ontdek het? Hoe dra jou lewe vrug sodat ander kan sien dit is die antwoord op al hulle probleme?
• Waar het jy in die afgelope week die Here se teenwoordigheid beleef? Ons noem dit Godstories. Vertel vir een mens vandag ‘n Godstorie, ‘n ervaring of geleentheid waar jy God beleef het.

GEBED:
Here, ek beleef U op soveel verskillende maniere elke dag. Here, help my om dit met ander te deel. Ek voel skaam en onseker om vir ander van U te vertel. Here, help my om meer gemaklik daarmee te raak. Here help my dat ek daagliks die stories en ervarings wat ek van U beleef, met ander te kan deel.
Amen

Kolossense 1:9
9Daarom, van die dag af dat ons van julle gehoor het, hou ons ook nie op om vir julle te bid nie.

VRAE:

• Hierdie vers herhaal die gedagte waarmee Paulus sy gedagtes met die gemeente van Kolosse deel. Eers sê hy “wanneer hy bid”. Nou sien ons dat hy aanhoudend bid. Hoe lyk jou gebedslewe? Is dit iets wat aanhoudend is? Is dit iets wat jy so gereeld doen dat wanneer jy bid, jy vrymoedigheid het om die gesprek net voort te sit? Deel jou hart met die Here.
• Hoe sal jy jou gebedslewe wil hê? Hoe sou die gesprekke met God lyk onder ideale omstandighede? Wat sou die kenmerk wees van jou gebedstyd? Waarvoor sou jy God vertrou, wanneer jou gebedslewe lyk soos jy dit wil hê?
• Waarvoor vertrou jy tans vir God? Kom dit vir jou maklik of nie so maklik nie? Hoe gaan jy dit verander? Deel jou hart met die Here.

GEBED:
Here, ek wil altyd biddend wees. Here, help my om meer intensioneel met my gebedstyd te wees. Here, ek wil U vir alles vertrou. Here, help my om vir meer te vra, as wat ek oortuig is U kan doen. Here, gee asb. vir my ‘n gebedslewe wat die vyand bang maak, my in verwondering plaas en vir die wêreld getuig wie U werklik is.
Amen

Kolossense 1:9-10
Ons vra God dat Hy deur al die wysheid en insig wat die Gees gee, julle sy wil duidelik sal laat ken, 10sodat julle tot eer van die Here sal lewe deur net te doen wat Hy verlang.

VRAE:

• Paulus het gehoor van die gemeente in Kolosse. Wat hy gehoor het is dat hulle geloof sterk is en gevestig in die waarheid van die evangelie. Hy het gehoor dat hulle liefde vir ander prakties uitgeleef word. Hy het ook gehoor dat hulle hoop gevestig is in God, nie in die beloftes van die samelewing om hulle nie. Daarom bid hy ook vir die gemeente. Hy bid dat hulle deur die Gees gelei sal word. Dit beteken dat hulle sal groei in vertroue op die Gees en ook sensitief sal wees vir Sy leiding.
• Wat beteken dit vir jou om deur die Gees gelei te word? Hoe weet jy wat die Gees van jou verwag? Hoe word jy deur die Gees oortuig van dit wat jy moet doen?
• Hoe lyk jou verhouding met die Gees? Is jy so bewus van Sy teenwoordigheid dat jy oortuig is van wat jy moet doen of sê, of selfs nie moet doen of sê nie? Is jy onseker van die Gees se leiding in jou lewe?
• Is daar iemand in jou lewe wat jy glo sensitief en gehoorsaam is vir die leiding van die Heilige Gees? Loer by hulle in en vra vir hulle, om te deel wat hulle ervaring is van die Gees se leiding. Vra vir God om jou meer bewus te maak van die rol van die Heilige Gees in jou lewe.

Gebed:
Here, ek glo en is oortuig daarvan dat ek meer van die Heilige Gees in my lewe nodig het. Here, ek wil groei in insig en wysheid oor Sy werk in my lewe. Here, ek vra dat U Gees, my lewe sal transformeer, my handeling sal bepaal en my woorde sal kies. Here, mag ek met oortuiging die leiding van die Heilige Gees vertrou en volg.
Amen

Efesiërs 2:20-22
“Julle is ‘n gebou wat opgerig is op die fondament van die apostels en die profete, ‘n gebou waarvan Christus Jesus self die hoeksteen is. In Hom sluit die hele gebou saam en verrys dit tot ‘n heilige tempel vir die Here, in wie julle ook saam opgebou word as ‘n geestelike huis waarin God woon.”

Om oor te gesels en te dink:
Die Boodskap vertaal hierdie verse so beskrywend om ons te herinner dat ons aan God behoort: “Of laat ek die beeld van die bou van ’n huis gebruik. Julle is deel van die gebou wat God in hierdie wêreld aan die bou is. Die fondament van die gebou is die boodskap oor Jesus wat julle gehoor het van die manne wat deur God gestuur is en namens Hom praat. Die belangrikste steen in die gebou, waarsonder die gebou sommer inmekaar sal val, is Jesus self. Omdat ons almal Jesus s’n is en Hy ons Here is, vorm ons almal saam ’n sterk en stewige gebou. Dit is soos ’n spesiale huis net vir God. Elkeen van julle wat Jesus s’n is, is deel van hierdie gebou. En God self woon in julle gebou omdat sy Gees in julle is.”
Ons behoort aan God. Sy genade het dit vir ons moontlik gemaak. Sy genade in onbeperk.
Mag jy vandag opnuut bewus wees van God se genade en liefde vir jou.

Gebed
Here, dankie vir U genade. Dankie dat ek deel van U kan wees. Dankie dat U Gees in my woon en my elke dag lei. Amen.

Efesiërs 2:19
“Julle is dus nie meer ver van God af nie, nie bywoners nie, maar medeburgers van die gelowiges en lede van die huisgesin van God.”

Om oor te gesels en te dink:
God se genade gee ons identiteit. Omdat ons nou vrye toegang tot die Vader het, is nou nie meer ver van God af nie. Ons is medeburgers van Sy koninkryk met al die regte en voorregte wat daarmee saam gaan. Ons is nie bywoners met geen regte nie. Nee, ons behoort aan God.
Nog ’n beeld wat Paulus gebruik vir ons as gelowiges, is dat ons lede van die huisgesin van God is. Ons is God se familie. In ’n huisgesin is daar liefde, intimiteit en toegang. Ons kan daarom in vrede met God en medegelowiges leef. Die Boodskap vertaal dit treffend: “Nee, julle is nou in die volste sin van die woord deel van God se mense. Julle is deel van sy familie.”
Net soos ons familie vir ons kosbaar is, is dit kosbaar om deel van God se familie te wees.

Gebed
Here Jesus, dankie dat ek deel van U familie kan wees. Dankie dat U nie meer ver is nie en dat ek ’n medeburger kan wees. U genade is groot. Amen.

Efesiërs 2:17-18
“Toe Hy gekom het, het Hy die goeie boodskap van vrede gebring: vrede vir julle wat ver van God was, vrede ook vir dié wat naby was. Deur Hom het ons almal, Jode en nie-Jode, deur die een Gees vrye toegang tot die Vader.”

Om oor te gesels en te dink:
Die genade waardeur ons gered word, is vir ons vrede gebring. Daar is nie nou nie meer vyandskap tussen ons en God nie. Mense van daardie tyd was heeltyd bang vir God en gedink dat God vir hulle kwaad is. Dit laat ons hierdie vers beter verstaan. God neem die inisiatief om vrede te bring tussen ons en Hom, sonder dat ons dit verdien. Dit is vir almal beskikbaar, die wat ver van God was en dié wat naby was. Ons het nou deur die Heilige Gees vrye toegang tot die Vader.
Wanneer ons bid, is ons in God se teenwoordigheid. Ons kan met vrymoedigheid met Hom praat omdat ons vrye toegang tot die Vader het. Is dit nie wonderlike nuus nie? Ons kan in vrede en vreugde leef.

Gebed
Hemelse Vader, dankie vir die voorreg om deur die Gees vrye toegang tot U te kan hê. Dankie dat ek in vrede met U kan leef. Dankie vir hierdie onverdiende genade. Amen.

Efesiërs 2:10
“Nee, God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het.”

Om oor te gesels en te dink:
God het ons uit genade gered en gemaak wat ons nou is. Genade kan ons nie net vir onsself hou nie. Ons is geskep om dit te deel deur goeie dade te doen. Ons moet besef dat God ons in staat stel om goed aan ander mense te doen. Dit kom uit ’n plek van dankbaarheid, eerder as plig. Ons doen goed omdat ons dit wil doen en ons nie anders kan as om vir die Here met ons lewe dankie te sê nie.
Wanneer ons goeie dade doen, is ons besig om binne God se wil te lewe. Ons wêreld smag na liefde en genade en God gebruik ons elkeen om die verskil in iemand anders se lewe te wees.
Jy kan vandag die antwoord op iemand se gebed wees. Stel jouself oop dat die Here jou kan gebruik. Dit kan iets kleins wees, maar dit kan die ander persoon en ook jou lewe verryk.

Gebed
Here Jesus, dankie dat U my gemaak het wie ek nou is. Ek wil graag vandag iemand dien met U genade en liefde. Help my asseblief om dit vandag te doen. Amen.

Efesiërs 2:8-9
“Julle is inderdaad uit genade gered, deur geloof. Hierdie redding kom nie uit julleself nie; dit is ‘n gawe van God. Dit kom nie deur julle eie verdienste nie, en daarom het niemand enige rede om op homself trots te wees nie.”
‭‭
Om oor te gesels en te dink:
Genade is ‘n geskenk. Dit is gawe wat God vir ons deur geloof gee. God gee dit verneit vir ons. Ons kan dit nie verdien nie en daarom kan ons nie dink ons is beter as ander mense nie. Nee, ons moet in dankbaarheid hierdie gawe aanvaar en vir ander mense God se genade wys.
Wanneer ons vir die mense om ons vertel van God se goedheid is dit om hulle in te nooi in God se familie.
Omdat ons hierdie gawe ontvang het, leef ons ook anders. Ons besef wat ons het en wie ons is, net genade is.
Wys vandag met jou lewe jou dankbaarheid oor hierdie grootste geskenk wat ons ontvang het.

Gebed
Hemelse Vader, baie dankie dat U vir my die gawe van genade gegee het. Ek weet dat ek dit nie kan verdien nie. Mag ek vandag uit dankbaarheid dit met iemand deel. Amen.

Efesiërs 2:4-5
“Maar God is ryk in barmhartigheid en het ons innig lief. Deur sy groot liefde het Hy ons wat dood was as gevolg van ons oortredings, saam met Christus lewend gemaak. Uit genade is julle gered!”

Om oor te gesels en te dink:
Paulus skryf aan die gemeente in Efese en verduidelik aan hulle God se genade. Genade onbeperk. God is die Een wat eerste uitreik na ons en ons deur Christus red. ’n Definisie van genade is: “God se oordadige, gratis en onverdiende omgee en liefde.”
God het ons in Christus gered, sonder dat ons dit verdien omdat Hy ryk in barmhartigheid is en ons innig lief het. Dit is amper te groot vir ons om te verstaan, maar dit is juis wat dit genade maak. Ons hoef nie vir God bang te wees nie of eers sekere dinge te doen voor Hy ons red nie. Sy liefde vir ons gee die deurslag.

• Dink na oor God se liefde vir jou.
• Sê vir Hom dankie dat Hy jou uit genade gered het.

Gebed
Hemelse Vader, dankie dat U deur Jesus Christus my uit genade gered het. Dankie dat U liefde so oordadig, gratis en onverdiend is. Amen.

Matteus 5:38, 41-42
“Julle het gehoor dat daar gesê is: ‘’n Oog vir ’n oog en ’n tand vir ’n tand.’ Maar Ek sê vir julle: … As iemand jou dwing om sy goed een kilometer ver te dra, dra dit vir hom twee kilometer. Gee aan hom wat iets van jou vra, en moet hom wat van jou wil leen, nie afwys nie.”

Om oor te gesels en te dink:
In die tyd van Jesus was dit wet dat ’n Romeinse soldaat enige persoon kan dwing om sy wapens ’n kilometer ver te dra en ’n mens mag dit nie geweier het nie. Jesus sê dit is wys om meer te doen as wat van jou gevra word en dit vir twee kilometer te dra. Jesus moedig op hierdie manier ons, as Sy volgelinge, aan om met wysheid mense te dien. Dit mag nie maklik wees nie, maar dit is die regte ding om te doen.

Hier is die gebed wat Sondag gebruik is. Bid hierdie gebed en vra die Here om jou te wys waar jy diensbaar kan wees en met wysheid ’n verskil kan maak.

Gebed
Here, maak my vandag ’n ‘houspyp’
Sommer net ’n gewone ‘houspyp’
Here, wat gereed lê in U tuin…
weerhou my daarvan om ambisieus te strewe na die aansien van ’n kristalkraffie
wat mooi maar suinig bietjies water in delikate klein glasies skink
maar nooit ’n groot dors les nie.
Weerhou my van die versamelwaarde van ’n kunstige erdekruik –
wat, al hou dit die water heerlik koel, ’n bodem het, leeg raak.
Gewoonlik te gou. Want, selfs die waardevolste kruik wat leeg is,
bied geen verweer teen die venyn van ’n droë wind nie!
Nee, Here, maak my sommer net ’n ‘houspyp’ – wat tevrede is om dag na droë dag net ’n kanaal te wees vir u strome van lewende water.
En, Here God, maak my oë oop vir verwelkte mense verskroei in die wind!
Amen.

Matteus 5:38, 40
“Julle het gehoor dat daar gesê is: ‘’n Oog vir ’n oog en ’n tand vir ’n tand.’ Maar Ek sê vir julle: … As iemand jou hof toe wil vat om jou onderklere te eis, gee hom ook jou boklere.”

Om oor te gesels en te dink:
Jesus noem ’n tweede voorbeeld om die verskil tussen kennis en wysheid uit te wys. Daar was ’n reël dat jy nie iemand se bokleed mag vat nie, want dit mag dalk al wees wat hy het. Die meeste mense in die gemeenskap was baie arm gewees.
Wanneer jy jou bokleed ook gee, maak jy die een wat dit eis, vuurrooi van skaamte en vra dit dat hy moet gaan dink oor wat hy vra.
Hierdie is van die moeiliker dinge wat ons as gelowiges gekonfronteer word. Ons sukkel om wysheid te hê in moeilike situasies. Ons wil op ons regte staan en doen wat ons dink die regte ding sal wees om te doen. Tog kom Jesus en wys ons ’n ander pad. Gee meer as wat van jou gevra word.
Vra die Here om jou te help om reg op te tree, sodat jy met wysheid optree.

Gebed
Here Jesus, ek besef hierdie is nie maklik nie. Gee my die wysheid om te doen wat U van my vra. Ek wil U volg. Help my dat ek U liefde sal wys. Amen.

Matteus 5:38-39
“Julle het gehoor dat daar gesê is: ‘’n Oog vir ’n oog en ’n tand vir ’n tand.’ Maar Ek sê vir julle: Julle moet julle nie teen ‘n kwaadwillige mens verset nie. As iemand jou op die regterwang slaan, draai ook die ander wang na hom toe.”

Om oor te gesels en te dink:
Jesus help ons om wysheid toe te pas en dit prakties te maak. Die Jode het baie reëls gehad en nie geskroom om reg in eie hande te neem nie, solank hulle binne die reëls bly. Dit was die kennis wat hulle gehad het. Nou kom Jesus en bring wysheid deur te sê al slaan iemand jou op die regterwang om jou te verneder, tree met wysheid op deur die ander wang te draai want dit dwing die persoon om jou dan as sy gelyke te hanteer. As die ander persoon jou ’n tweede keer slaan, moet hy die binnekant van sy hand gebruik en nie die agterkant van sy hand nie. Dit word dan ’n simbool van menswaardigheid.
Dalk is jy ook in ’n moeilike situasie? Dit is nie om ’n vloerlap te wees nie, maar om te bid vir wysheid dat jy die regte ding sal doen in jou situasie.

Gebed
Here, help my om met wysheid op te tree. Ek wil nie vergeld nie, maar ek wil U dien deur te doen wat U van my vra. Amen.

1 Korintiërs 1:30-31
“Aan God is dit te danke dat julle met Christus Jesus verenig is. Hy het vir ons geword die wysheid wat van God kom: die vryspraak, die heiliging en die verlossing. Daarom, soos daar geskrywe staan: “Dié wat wil roem, moet in die Here roem.””

Om oor te gesels en te dink:
Paulus herinner ons dat wysheid van God kom. Wysheid het vlees en bloed geword in Jesus. Hy is die Een wat vir ons in die regte verhouding met God stel. Dit maak nie vir die wêreld sin nie. In 1 Kor 1:22 skryf Paulus: “Die Jode vra wondertekens en die Grieke soek wysheid, maar ons verkondig Christus wat gekruisig is. Vir die Jode is dit ’n aanstoot en vir die ander is dit onsin, maar vir dié wat deur God geroep is, Jode sowel as Grieke, is Christus die krag van God en die wysheid van God.”
Jesus is die ware wysheid en wanneer ons wysheid kortkom, moet ons by Jesus leer.
Ons kan vandag met wysheid leef, al verstaan die wêreld nie dat ons doen wat ons doen nie. Mag jy vandag God se wysheid ervaar en weet dat Hy die bron van alle wysheid is.

Gebed
Here, dankie dat U ons wysheid is. Al maak dit nie vir ander sin nie, gee U sin. Mag ek vandag U wysheid beleef. Amen.

Jakobus 1:5
“As een van julle wysheid kortkom, moet hy dit van God bid, en Hy sal dit aan hom gee, want God gee aan almal sonder voorbehoud en sonder verwyt.”

Om oor te gesels en te dink:
Wanneer ons deur die Nuwe Testament blaai, help Jakobus ons om te dink oor wysheid. Kennis is na binne gerig en help my om my eie vrae en behoeftes aan te spreek. Wysheid daarteenoor is na buite gerig en gaan oor die mense om my. Wanneer ek dus wysheid kortkom om te weet wat om volgende te doen, moet ek dit van God af bid. Die belofte is dat God vir ons wysheid sal gee sonder voorbehoud en sonder verwyt.
Dit beteken nie dat ek alles kry wat ek wil hê nie, maar eerder ’n ingesteldheid om dit wat ek weet en wat God my gee met die mense om my te deel.
Wysheid is nie selfsugtig nie. Dit moet gedeel word, sodat ander God in my lewe kan raak sien.

Gebed
Here, ek kom bid vandag vir wysheid. Help my om dit wat ek by U leer met ander te deel, sodat hulle U in my lewe kan raak sien. Amen.

1 Konings 3:5, 7-9
“Daar in Gibeon het die Here die nag in ‘n droom aan Salomo verskyn en vir hom gevra: “Wat wil jy hê moet Ek vir jou gee?””
“Here my God, U het my koning gemaak in my vader Dawid se plek, maar ek is nog jonk en onervare en ek moet regeer oor die volk wat deur U uitgekies is, ‘n groot volk, te veel om te tel. Gee my die gehoorsaamheid aan U dat ek u volk reg sal regeer en in alles insig sal hê, want wie kan uit homself hierdie groot volk van U regeer!””

Om oor te gesels en te dink:
Salomo kry die geleentheid om vir die Here enigiets te vra. Anders as wat mens sou dink, vra hy nie vir rykdom of aansien nie, maar gehoorsaamheid. Die 2020-vertaling sê: “gee dan aan u dienskneg ’n hart wat luister… om te kan onderskei tussen goed en kwaad”
Wat ’n gebed!
Ons word oorweldig met kennis en inligting, maar dit vra wysheid om die regte besluite te neem. Soos Salomo kan ons in afhanklikheid vir die Here vra om ons harte te gee wat luister. Wanneer ons in nederigheid en opregtheid vra, sal die Here ons hoor en vir ons wysheid gee.

Gebed
Here, ek kom vra vandag ’n hart wat luister. Help my om U stem te hoor dat ek kan onderskeid tussen goed en kwaad. Ek wil in gehoorsaamheid U dien. Amen.

Prediker 12:13

Die slotsom van alles wat jy gehoor het, is dit: Dien God en gehoorsaam sy gebooie. Dit is wat van die mens gevra word.

Om oor te gesels en te dink:
Na al die oorwegings oor die nietigheid van die lewe, kom die Prediker tot hierdie slotsom: die enigste ware en blywende doel van die lewe is om God te dien en sy gebooie na te kom. Ons moet ons lewens prioritiseer rondom God se wil en gehoorsaamheid aan Hom.

Gebed:
Here, gee ons die wysheid om ons lewens te rig volgens U wil. Help ons om te leef in gehoorsaamheid aan U, want dit is die enigste pad na ware vervulling. Amen.

Prediker 5:9

Die mens vir wie geld alles is, het nooit genoeg geld nie; die mens vir wie rykdom alles is, kry nooit genoeg in nie. Ook hier kom dit tot niks.

Om oor te gesels en te dink:
Die liefde vir geld en materiële dinge bring nooit werklike tevredenheid nie. Geen bedrag geld of rykdom ons kan vervul soos die liefde van God en ‘n lewe van gehoorsaamheid nie. Ons moet ons fokus verskuif vanaf materiële dinge en op God fokus.

Gebed:
Here, bewaar ons van die liefde vir geld en materiële dinge. Help ons om tevredenheid te vind in U, want U alleen kan ons harte volmaak met vreugde. Amen.

Prediker 4:4

Ek het gesien dat al die moeite wat mens doen vir sukses uit onderlinge afguns kom. Ook hier kom dit dus tot niks. Dit is ‘n gejaag na wind.

Om oor te gesels en te dink:
Watter motiewe lê agter ons harde werk en ambisie? Prediker wys uit dat baie van ons suksesse gedryf word deur jaloesie en mededinging, wat uiteindelik leeg is. Ons word opgeroep om te reflekteer oor ons ware motiewe en om eerder na God se wil en regverdige lewe te streef

Gebed:
Here, maak ons vry van jaloesie en mededinging. Help ons om te werk met opregte harte, en om ons lewens te bou op U wil eerder as op wêreldse ambisie. Amen.

Prediker 3:1-2

Elke ding het sy vaste tyd, elke ding in hierdie wêreld het sy tyd: daar is ‘n tyd om gebore te word, ‘n tyd om te sterwe, ‘n tyd om te plant, ‘n tyd om plante uit te trek.

Om oor te gesels en te dink:
Alhoewel ons mense soms hard werk om omstandighede te beheer, is dit belangrik om te erken dat ons beperkte beheer het oor die lewe se verloop. Ons moet ons energie fokus op die dinge wat werklik saak maak—ons geloof en verhouding met God.

Gebed:
Here, leer ons om U tydsberekening te vertrou en om elke seisoen van ons lewe met wysheid en geloof te benader. Mag ons fokus altyd wees om U te dien. Amen

Prediker 2:10-11

Alles wat ek begeer het, het ek my veroorloof; ek het my geen plesier ontsê nie. Alles waarmee ek my besig gehou het, het my plesier verskaf. Dit was my beloning vir al my inspanning. Maar toe ek goed nadink oor alles wat ek gedoen het en oor alles waarmee ek my met soveel sorg besig gehou het, het ek gesien dat alles niks was, ‘n gejaag na wind. In hierdie wêreld bevredig niks nie.

Om oor te gesels en te dink:
Hier reflekteer die Prediker op sy rykdom, plesier, en sukses. Hy het alles geniet wat die wêreld kan bied, maar op die ou end besef hy dat hierdie dinge leeg en nietig is. Hierdie teks herinner ons daaraan dat wêreldse plesier en prestasies nie ware vervulling bring nie—slegs ‘n lewe in gehoorsaamheid aan God kan dit doen.

Gebed:
Hemelse Vader, ons soek dikwels vervulling in die dinge van hierdie wêreld. Lei ons terug na U, sodat ons kan ontdek wat ware vervulling en vreugde is. Amen.

Prediker 1:2-3

Alles kom tot niks, sê die Prediker, tot niks. Wat kry die mens vir sy geswoeg, sy geswoeg in hierdie wêreld?.”

Om oor te gesels en te dink:
Prediker begin met die gewaarwording dat alles in hierdie wêreld nietig is. Die outeur benadruk dat al die inspannings en soeke na wêreldse dinge uiteindelik geen blywende waarde het nie. Die idee dat alles ‘n gejaag na wind is, laat ons besin oor wat werklik saak maak—ons verhouding met God en gehoorsaamheid aan Sy wil.

Gebed:
Here, help ons om nie ons tyd en energie te mors op dinge wat geen ewigheidswaarde het nie. Leer ons om U te dien en gehoorsaam te wees, sodat ons lewens betekenisvol kan wees. Amen.

Romeine 8:38-39
“Hiervan is ek oortuig: geen dood of lewe of engele of magte of teenswoordige of toekomstige dinge of kragte of hoogte of diepte of enigiets anders in die skepping kan ons van die liefde van God skei nie, die liefde wat daar is in Christus Jesus ons Here.”

Om oor te gesels en te dink:
Paulus maak ’n lys van ’n klomp dinge wat die mense in Rome voor bang was. Ons kan hiermee identifiseer en sou ook ons eie lys kon maak. Dalk ook tegnologie of kunsmatige intelligensie? Ja, niks, maar niks kan ons van die liefde van God skei nie, die liefde wat daar in Christus Jesus ons Here is nie.
Dit is die een van die belangrikste belydenisse en getuienisse wat ons as gelowiges kan hê: ons weet niks, selfs nie eers die dood of enige ander vrees, kan ons van die liefde van God skei nie.
Kan jy dit ook vandag bely?

Gebed
Here Jesus, baie dankie vir U liefde vir my. Dankie dat niks in hierdie wêreld, selfs nie eers die dood, my kan skei van U liefde nie. Amen.

Romeine 8:36-37
“Daar staan immers geskrywe: “Dit is oor U dat die dood ons dag vir dag bedreig, dat ons soos slagskape behandel word.” Maar in al hierdie dinge is ons meer as oorwinnaars deur Hom wat vir ons liefhet.”

Om oor te gesels en te dink:
Paulus haal Psalm 44:23 aan wat ’n hulpkreet na God toe is, maar waarvan hy weet dat God vir ons die uitkoms sal gee. Ons hoef nie bang te wees nie omdat God by ons is. Die Boodskap vertaal vers 37 as volg: “Al gebeur hierdie verskriklike dinge met ons, is ons nogtans oorwinnaars. Ons deel in Christus se reuse-oorwinning omdat Hy ons baie liefhet.”
God se liefde vir ons onverklaarbaar, want dit volg nie reëls nie. Ons kan dit nie verdien nie. Hy gee vir ons verniet, maar dit is nie goedkoop nie.
Ons kan in oorwinning leef omdat Jesus die dood oorwin het en ons vrygemaak het van alles waarvoor ons bang is. Ons kan Hom met ons lewens vertrou.

Gebed
Here Jesus, dankie dat U die dood oorwin het en ons deelgenote gemaak het dat ons ook in oorwinning kan leef. Dankie dat U liefde soos groot is, al kan ek dit nie verstaan of verklaar nie. Amen.

Romeine 8:33-35
“Wie kan die uitverkorenes van God aankla? God self spreek hulle vry. Wie kan ons veroordeel? Christus Jesus het gesterf, maar meer as dit: Hy is uit die dood opgewek, Hy sit aan die regterhand van God, Hy pleit vir ons. Wie kan ons van die liefde van Christus skei? Lyding of benoudheid of vervolging, honger of naaktheid, gevaar of swaard?”

Om oor te gesels en te dink:
In die betoog wat Paulus aanvoer, vra hy wie kan die kinders van God aankla en veroordeel. Die antwoord is niks en niemand nie, want Christus Jesus het gesterf en opgestaan, sodat ons vrygespreek kan wees. God is die Een wat eerste gehandel het en sonder dat ons dit verdien, het Hy Homself aan ons verbind. Daarom vra Paulus wie kan ons skei van Christus se liefde en die antwoord is niks nie. Hy noem ’n klomp dinge waarvoor die gelowiges bang was. Hy trek as’t ware ’n streep daar deur en herinner ons dat selfs dit ons nie kan skei van God se liefde nie. Daar mag dinge wees waarvoor jy jy bang is, maar weet dat dit jou ook nie van God se liefde sal kan skei nie.

Gebed
Here Jesus, ek verstaan nie altyd U liefde nie. Dankie dat U so lief is vir my en dat niks my van U liefde kan skei nie. Amen.

Romeine 8:31-32
“Wat is nou ons gevolgtrekking oor al hierdie dinge? Dít: God is vír ons, wie kan dan teen ons wees? Hy het sy eie Seun nie gespaar nie, maar Hom oorgelewer om ons almal te red. Sal Hy ons dan nie al die ander dinge saam met Hom uit genade skenk nie?”

Om oor te gesels en te dink:
Paulus herinner die gelowiges in Rome dat God se vryspraak in hulle guns beslis is. God se genade is vir elkeen van ons bedoel. Daarom kan ons weet dat God vir ons is en niemand kan teen ons wees nie.
Hierdie genade wat ons ontvang is omdat Jesus sy Seun in ons plek oorgelewer het, sodat ons vrygespreek kan wees en in verhouding met God kan leef.
Dit is soms te groot vir ons om te verstaan. Maar ons kan en moet dit ontvang omdat Jesus se liefde vir ons só groot is.

• Raak vandag vir ‘n oomblik stil en dink aan God se liefde vir jou.
• Wat beteken dit dat God vir jou is?

Gebed
Here, dankie dat U genade vir my genoeg is en dat U dit vrylik skenk. Dankie dat U vir my is. Ek het U lief. Amen.

Romeine 8:1-4
“Daar is dus nou geen veroordeling vir dié wat in Christus Jesus is nie. Die wet van die Gees wat aan jou in Christus Jesus die lewe gee, het jou vrygemaak van die wet van sonde en dood. Wat die wet nie by magte was om te doen nie, omdat dit weens ons sondige natuur te swak was, dit het God gedoen. Hy het met die sonde afgereken deur sy eie Seun in dieselfde gestalte as die sondige mens te stuur; so het Hy die sonde in die sondige bestaan van die mens veroordeel. Nou kan ons aan die eise van die wet voldoen, óns wat ons lewe nie deur ons sondige natuur laat beheers nie, maar deur die Gees.”

Om oor te gesels en te dink:
Mense van daardie tyd het gedink dat as hulle die wet onderhou, hulle deur God vrygespreek sal word. Hulle het alles in hulle vermoë gedoen om nie die wet te oortree nie. Hulle kon dit nie reg kry nie. Daarom dat Paulus hulle herinner dat dit nie die wet is wat hulle vry maak nie, maar die wet van die Gees in Christus Jesus. God het sy Seun Jesus gegee om ons vry te maak. Ons kan nou deur die Gees in vryheid leef. Uit liefde vir God, kies ons om die regte dinge te doen.
Ons is dus nie meer slawe nie, maar vry in Christus Jesus. Kom ons leef vandag so.

Gebed
Here Jesus, dankie dat U my kom bevry het van die wet. Ek stel my lewe onder U beheer. Laat U Gees my elke dag beheer en leer. Amen.

Romeine 5:1-2
“God het ons dan nou vrygespreek deurdat ons glo. Daarom is daar nou vrede tussen ons en God deur ons Here Jesus Christus. Deur Hom het ons in die geloof ook die vrye toegang verkry tot hierdie genade waarin ons nou vasstaan. En ons verheug ons ook in die hoop om deel te hê aan die heerlikheid van God.”

Om oor te gesels en te dink:
Paulus skryf aan die gelowiges in Rome en gebruik regstaal om hulle te herinner dat hulle vrygespreek is en nie skuldig voor God is nie. Die aanklagte teen hulle is weggeneem. Op grond van geloof in Jesus Christus is daar nou vrede tussen ons en God. Ons het nou vrye toegang tot God en hoef ons nie meer bang te wees nie. Sy genade is oorvloedig. Dit gee ons die hoop dat ons in die heerlikheid van God kan deel.

• Kan jy in hierdie vryheid leef dat jy vrygespreek is?
• Wat beteken hierdie vrye toegang tot God se genade vir jou?

Gebed
Here Jesius, dankie dat ek in vrede met U kan leef. Dankie dat U my vrygespreek het. Dankie dat U genade vrylik beskikbaar is. Dankie dat ek met hoop kan leef. Amen.

Psalm 23:6
6U goedheid en liefde sal my lewe lank by my bly en ek sal tuis wees in die huis van die Here tot in lengte van dae.

VRAE:

• Die Psalmdigter weet dat hy nooit God se liefde en goedheid sal kan ontsnap nie. Hy is oortuig dat God altyd betroubaar is en aan sy kant is. Die Psalmdigter is ook oortuig dat ‘n lewe wat in die teenwoordigheid van God se huis spandeer word, die moeite werd is. Nie net die moeite werd nie, maar eintlik wat elkeen van ons na moet smag.
• Wat het jy nodig om lewenslank gelukkig te wees? Wat is jy tans besig om na te jaag? Wat is jy tans besig om te probeer bereik? Waarom is jy besig om dit na te jaag? Wanneer gaan jy weet wanneer jy dit bereik het?
• Indien jy vir die res van jou lewe net die goedheid en liefde van God sou wou najaag, sou dit vir jou genoeg kon wees? Hoe sou ‘n lewe lyk wat dit najaag?
• Hoe voel dit om tuis te wees? Dink jy, jy sal tuis wees in die huis van die Here, tot in lengte van dae? Waarom sal dit vir jou die moeite werd wees? Deel jou hart met die Here.

GEBED
Here, ek wil tuis wees by U. Ek wil lewenslang en dan daarna by U veilig en tuis voel. Ek wil U goedheid en liefde najaag. Ek wil nie meer die dinge van hierdie lewe najaag nie. Ek wil hê dat U goedheid en liefde genoeg is vir my. Here, help my om my lewe so in te rig. Here, dankie dat ‘n lewe wat daarop gerig is, genoeg is vir U. Here, dankie dat U genoeg is. Here, help my om my wil en my hart daarop te rig.
Amen

Psalm 84:2-3
2Hoe lief het ek u woning, Here, Almagtige! 3Ek versmag van verlange na die tempel van die Here; met alles wat ek is, wil ek jubel oor die lewende God.

VRAE:

• Die Psalmdigter deel sy verlange oor die tempel. Hy verlang na die teenwoordigheid van die Here wat hy beleef wanneer hy in die tempel is. Wanneer hy tempel toe gaan sou hy ook in aanraking kom met ander volksgenote wat na die huis van die Here gaan. Hy sal saam met hulle jubel en God se naam groot maak.
• Wanneer was die laaste keer wat jy gesmag het na die huis van die Here? Verlang jy ook na die samekoms waar mense God se naam groot maak? Het jy ook ‘n behoefte om saam met ander die Here te eer en te prys? Deel jou hart met die Here.
• Waarom is dit belangrik om saam met ander gelowiges bymekaar te kom? Hoe help ander gelowiges jou om God te dien? Hoe help ander gelowiges jou om te groei in jou geloof? Hoe help ander gelowiges jou om te groei as mens? Deel jou hart met die Here.
• Ander gelowiges is nie perfek nie en is geneig om ons te konfronteer met die slegste elemente in ons eie geloofslewe. Wanneer ons sukkel met geduld, kry ons geleenthede om aan ons geduld te oefen. Waaraan het jy nodig om te werk? Hoe daag die gelowiges by die huis van die Here jou uit om daaraan te werk?

Gebed:
Here, ek smag na die huis van die Here. Ek smag daarna om U te ontmoet en U te dien. Here, wanneer ek met ander gelowiges in aanraking kom bring hulle soms die slegte gedeeltes in my karakter na vore. Help my om daaraan te werk. Here, ander kere, help die gelowiges my om meer getrou in my aanbidding van U te wees. Dankie Here dat hulle my inspireer. Here, help my om ook vir ander ‘n voorbeeld te wees van ‘n getroue dissipel vir U.
Amen

Psalm 84:2-3
2Hoe lief het ek u woning, Here, Almagtige! 3Ek versmag van verlange na die tempel van die Here; met alles wat ek is, wil ek jubel oor die lewende God.

VRAE:

• Die Psalmdigter deel sy verlange oor die tempel. Hy verlang na die teenwoordigheid van die Here wat hy beleef wanneer hy in die tempel is. Wanneer hy tempel toe gaan sou hy ook in aanraking kom met ander volksgenote wat na die huis van die Here gaan. Hy sal saam met hulle jubel en God se naam groot maak.
• Wanneer was die laaste keer wat jy gesmag het na die huis van die Here? Verlang jy ook na die samekoms waar mense God se naam groot maak? Het jy ook ‘n behoefte om saam met ander die Here te eer en te prys? Deel jou hart met die Here.
• Waarom is dit belangrik om saam met ander gelowiges bymekaar te kom? Hoe help ander gelowiges jou om God te dien? Hoe help ander gelowiges jou om te groei in jou geloof? Hoe help ander gelowiges jou om te groei as mens? Deel jou hart met die Here.
• Ander gelowiges is nie perfek nie en is geneig om ons te konfronteer met die slegste elemente in ons eie geloofslewe. Wanneer ons sukkel met geduld, kry ons geleenthede om aan ons geduld te oefen. Waaraan het jy nodig om te werk? Hoe daag die gelowiges by die huis van die Here jou uit om daaraan te werk?

Gebed:
Here, ek smag na die huis van die Here. Ek smag daarna om U te ontmoet en U te dien. Here, wanneer ek met ander gelowiges in aanraking kom bring hulle soms die slegte gedeeltes in my karakter na vore. Help my om daaraan te werk. Here, ander kere, help die gelowiges my om meer getrou in my aanbidding van U te wees. Dankie Here dat hulle my inspireer. Here, help my om ook vir ander ‘n voorbeeld te wees van ‘n getroue dissipel vir U.
Amen

Psalm 27:5-6
5Op die dag van gevaar sal die Here my wegsteek in sy huis, my veilig laat skuil in sy woonplek, my hoog op ‘n rots laat staan; 6ek sal in sy woonplek onder trompetgeklank my offers bring, ek sal ‘n lied sing, ek sal sing tot die eer van die Here terwyl ek neerkyk op die vyande rondom my.

VRAE:

• Die Psalm skrywer is oortuig dat God die een is wat hom beskerm en versorg. Die Psalmdigter weet dat God waardig is van al die prys omdat God hom nog nooit teleurgestel het nie.
• Waar voel jy veilig? Is God jou toevlug wanneer die wêreld te veel word? Kan jy na God gaan wanneer jy moeg, oorlaai, moedeloos en teleurgestel voel? Deel jou hart met die Here.
• Hoe is God jou bron van vreugde en vrede? Hoe is God die middelpunt van jou lewe? Kyk jy na Hom vir jou sekuriteit, jou beskerming en troos? Hoe lyk dit prakties in jou lewe? Deel jou hart met die Here.
• Hoe lyk jou aanbidding van God? Wat doen jy, wat jou konneksie met God versterk? Waar in jou lewe beleef jy God die beste? Hoe kan jy meer van dit in jou lewe inbou?

GEBED:
Here, ek beleef U teenwoordigheid dag en nag. Wanneer ek wakker word weet ek U is die rede daarvoor. Wanneer ek deur die dag wandel weet ek U is my leidsman en my metgesel. Wanneer ek gaan slaap vertrou ek U met alles wat ek niks aan kan doen nie. Here, ek wil U loof en prys vir alles wat U vir my doen. Dankie Here, vir wie U is.
Amen

Eksodus 40:34-35
34’n Wolk het die tent van ontmoeting oordek, en die magtige teenwoordigheid van die Here het die tabernakel gevul. 35Moses kon nie in die tent van ontmoeting inkom nie: die wolk was daarin, en die magtige teenwoordigheid van die Here het die tabernakel gevul.

VRAE:

• In Eksodus is daar ‘n transformerende belewenis by die Israeliete. In plaas daarvan dat hulle elke keer na die berg Sinai moet gaan om die Here se teenwoordigheid te beleef, kom woon God onder sy mense in die tabernakel. Die woord vir Tabernakel is “woning”. God se teenwoordigheid is nou so tasbaar dat Moses nie eers die Tabernakel kan ingaan nie. Die Here se teenwoordigheid kan gesien word en beleef word deur die mense. Die Here gaan nou saam my sy volk oral waar hulle gaan.
• Wanneer jy na die Huis van die Here gaan, beleef jy Sy teenwoordigheid? Beleef jy God op so ‘n manier dat jy oortuig is, Hy is teenwoordig? Wat is jou ervaring van die Here in die woning van die Here?
• Waarop is jou aandag gefokus wanneer jy by die woning van die Here is? Is jy gefokus op alles wat jy van hou of dalk nie van hou nie? Is jy gefokus op wat die Here jou wil leer of hoe Hy jou wil lei? Deel jou hart met die Here.
• God is nie beperk tot die gebou wat ons ken as die huis van die Here nie. Beleef jy God oral waar jy gaan? Sien jy hom in die mense om jou? Beleef jy Hom in die omstandighede wat jy beleef? Deel jou hart met die Here.

GEBED:
Here, dankie dat U teenwoordig is in die huis van die Here. Meer as dit Vader, dankie dat U met ons is oral waar ons gaan. Here, help my om te fokus op U. Help my om nie vas te kyk in my eie voorkeure of my eie vooropgestelde idees nie. Here, ek wil meer van U hê, en minder van myself.  
Amen

Psalm 26
8Here, u woonplek, die tuiste van u heerlikheid, het ek lief.

VRAE:

• Kan jy net soos die Psalm skrywer sê dat jy lies is vir die huis van die Here? Wat is die huis van die Here vir jou? Hoe dink jy oor die plek waar die Here woon?
• Tradisioneel is daar na die kerkgebou verwys as die huis van die Here. Waarom sou jy dink is dit belangrik om na die kerkgebou te gaan vir die byeenkom van gelowiges? Waarom was dit iets wat van die begin van die kerk belangrik was vir die gelowiges?
• Hoe gereeld is jy by die byeenkoms van gelowiges? Waarom? Hoe kan hierdie byeenkomste jou geloof ondersteun of versterk?
• Indien die byeenkoms van die gelowiges nie tans vir jou ‘n hoë prioriteit is nie, waarop mis jy uit as gelowige? Waarop mis ander gelowiges uit omdat jy nie daar is nie? Hoe sou jy die byeenkoms verryk deur daar te wees?

Gebed:
Here, ek is lief vir die huis van die Here. Ek is lief vir my mede-gelowiges. Ek is lief vir U mense. Here, help my om meer gereeld deel te wees van die byeenkoms van gelowiges. Here help my om meer van myself en my geloos daar by die byeenkoms van gelowiges uit te leef. Here, help my om ook die waarde te sien van ander gelowiges wat in my lewe inbou.
Amen

Psalm 105:42-45

Ja, Hy het sy heilige belofte aan sy dienaar Abraham gestand gedoen en sy volk juigend, sy uitverkorenes jubelend laat voorttrek. Vir hulle het Hy die heidene se lande gegee; wat deur ander volke met moeite verkry is, het hulle in besit geneem. Daarom moet hulle sy voorskrifte gehoorsaam en sy wil doen. Prys die Here!”

Om oor te gesels en te dink:
Die laaste verse van Psalm 105 herinner ons aan die vervulling van God se belofte aan Abraham. Hy het die Israeliete uit Egipte gelei en hulle die land van Kanaän gegee, sodat hulle sy wette kon onderhou en sy Naam kon loof. Dit beklemtoon God se getrouheid. Hoe kan jy vandag God loof vir Sy getrouheid in jou lewe? Prys God vandag in gebed en ook in jou dade – God is goed!

Gebed:
Here, dankie dat U altyd U beloftes nakom. Mag ek U altyd loof vir U goedheid en getrouheid in my lewe. Amen.

Psalm 105:37-41

Toe het Hy sy volk uitgelei, belaai met silwer en goud. In geeneen van die stamme het iemand uitgesak nie. Die Egiptenaars was bly dat hulle vertrek het, want hulle was skrikbevange oor die Israeliete. Die Here het ‘n wolk uitgesprei as beskutting oor hulle en ‘n vuur gegee om lig te maak in die nag. Toe hulle kos vra, het Hy kwartels laat kom en sy volk met brood uit die hemel versadig. Hy het ‘n rots oopgebreek en daar het water uitgestroom wat soos ‘n rivier deur die dorre gebied gevloei het.”

Om oor te gesels en te dink:
God het die Israeliete uit Egipte gelei en voorsien in hulle behoeftes in die woestyn. Hy het hulle met rykdom geseën toe hulle vertrek het, hulle gelei met ‘n wolk en vuur, en hulle voed met manna en kwartels. Hierdie herinnering wys ons op God se voortdurende sorg en voorsiening, selfs wanneer ons in ‘n droë en moeilike plek is. Hoe voorsien en sorg God tans in jou lewe? Of hoe het God al so in die verlede vir jou voorsien?

Gebed:
Here, dankie vir U voorsiening en beskerming in my lewe. Help my om te vertrou dat U sal voorsien in elke behoefte, selfs in tye van swaarkry. Mag ek altyd bewus wees van U sorg en liefde, en U loof vir U getrouheid. Amen.

Psalm 105:23-27

Israel het na Egipte toe gekom, Jakob kon in die land van Gam gaan woon. Die Here het sy volk baie vrugbaar gemaak, talryker as hulle onderdrukkers. Hy het die gesindheid van die Egiptenaars verander, sodat hulle sy volk gehaat en vyandig opgetree het teenoor sy dienaars. Die Here het Moses, sy dienaar, gestuur, en vir Aäron, die man wat Hy verkies het. Onder die Egiptenaars het hulle die tekens van die Here gedoen, sy wonders het hulle gedoen in die land van Gam.”

Om oor te gesels en te dink:
Die Israeliete was vreemdelinge in Egipte en later het hulle in slawerny verval. God het egter nie hulle situasie vergeet nie. Hy het Moses en Aäron gestuur om hulle te verlos, en Hy het groot wonders en tekens in Egipte gedoen om hulle bevryding te bewerkstellig. Die mense in ballingskap of selfs met die terugkeer van ballingskap sou hierdié herinneringe van God opnuut onthou en bevestiging ontvang dat God ook in daardie situasie met hulle is. Watter ‘lood glasvensters’ is daar in jou lewe, nes Psalm 105, wat jou herinner aan God se redding en bevryding in jou eie lewe?

Gebed:
Here, dankie dat U altyd by ons is, selfs in tye van swaarkry. Help my om op U te vertrou. Mag ek altyd onthou dat U almagtig en getrou is. Amen.

Psalm 105:16-22

Toe Hy hongersnood oor die land gebring het en al hulle kos laat opraak het, het Hy iemand voor hulle uit gestuur: Josef is as slaaf verkoop. Hulle het sy voete geboei en hom in die gevangenis gehou totdat sy woorde bewaarheid is, nadat hy die toets deurstaan het met wat die Here aan hom bekend gemaak het. Toe het die koning hom uit die gevangenis laat uitkom; die heerser oor baie volke het hom vrygelaat en hom aangestel as hoof van die koninklike huishouding, met gesag oor al sy besittings. Josef kon die amptenare van die koning na goeddunke beveel en selfs aan hoë amptenare leiding gee.”

Om oor te gesels en te dink:
Hierdie verse beskryf die verhaal van Josef, wat deur sy broers verkoop is en as slaaf in Egipte beland het. God het egter ‘n plan gehad met Josef se lewe, en uiteindelik het hy as ‘n heerser oor Egipte opgestaan. Hierdie verhaal herinner ons dat selfs in tye van beproewing, kan God ons gebruik. Josef het uiteindelik redding vir sy familie gebring. Hoe kan God jou gebruik in die situasie waarin jy jouself tans bevind?

Gebed:
Here, dankie dat U selfs in my moeilikste tye aan my werk. Here, gebruik my ook nou waar ek tans beleef dat… Ek wil graag my roeping uitleef tot eer van U Naam en Koninkryk. Amen.

Psalm 105:7-11

Hy, die Here, is ons God; sy reddingsdade strek oor die hele aarde. Hy hou sy verbond altyd in stand, die belofte wat Hy aan duisende geslagte toegesê het, die verbond wat Hy met Abraham gesluit het, sy eed aan Isak. Hy het dit vir Jakob bevestig as ‘n vaste toesegging, vir Israel as verbond wat altyd sal bestaan. Hy het gesê: “Ek gee Kanaän vir jou as grondgebied en eiendom.”

Om oor te gesels en te dink:
Hierdie verse herinner ons aan God se verbond met Abraham en sy nageslag. God het belowe om vir hulle die land Kanaän as erfdeel te gee, en Hy het getrou gebly aan hierdie belofte. Hierdie gedeelte is ‘n herinnering dat God sy beloftes altyd nakom. Hy vergeet nooit Sy verbond nie, en ons kan daarop vertrou dat Hy in elke geslag getrou sal bly.

Gebed:
Here, dankie dat U altyd getrou is aan U beloftes. Gee my die geloof om op U beloftes te vertrou, selfs wanneer ek nie die pad vorentoe sien nie. Amen.

Psalm 105:1-6

Loof die Here! Roep Hom aan! Maak aan die nasies bekend wat Hy gedoen het. Sing liedere, sing tot sy eer, vertel van al sy magtige dade. Roem sy heilige Naam, laat dié wat die teenwoordigheid van die Here soek, bly wees. Soek hulp en beskerming by die Here, soek gedurig sy teenwoordigheid. Julle moet dink aan die magtige dade wat Hy gedoen het, aan sy wonders, aan die reddingsdade op sy bevel, julle, nageslag van Abraham sy dienaar, nakomelinge van Jakob vir wie Hy uitverkies het.

Om oor te gesels en te dink:
Hierdie Psalm begin met ‘n oproep om die Here te loof en te dink aan die groot dade wat Hy gedoen het. Die leser of luisteraar word aangemoedig om God se wonders te herroep en Sy lof te besing. Dit herinner ons daaraan hoe belangrik dit is om dankbaar te wees en nie te vergeet wat God in ons lewens gedoen het nie. Wanneer ons terugkyk na God se getrouheid, aan die Israeliete en ons eie lewens, versterk dit ons geloof en vertroue in Hom.

Gebed:
Here, help my om U dade te onthou en U Naam te loof vir alles wat U gedoen het. Mag ek nooit vergeet hoe U my gedra en gelei het nie. Gee my ‘n hart vol dankbaarheid en vreugde, en help my om U grootheid aan ander te verkondig. Amen.

1 Petrus 3:12
12Die Here sorg vir die opregtes en luister na hulle hulpgeroep, maar Hy tree op teen dié wat kwaad doen.”

VRAE:

• Verse soos hierdie een van 1 Petrus word gereeld gebruik om mense te oortuig om te glo. Die argument om God te dien, hang wel af van waar jy die klem plaas in hierdie vers. Dit gebeur so gereeld dat mense ongelowiges wil oortuig om die Here te dien oor dit wat die ongelowige verkeerd doen. Die fokus is op die God wat dié wat kwaad doen gaan straf.
• Waarom dien jy die Here? Dien jy God omdat jy bang is dat Hy jou gaan straf as jy Hom nie dien nie? Is jy oortuig dat jou saak met die Here reg is, of is jy steeds bekommerd en onseker of God jou gaan straf? Wat beteken dit om vrygespreek te wees op grond van wat jy glo?
• Dien jy die Here omdat jy totaal oortuig is van God se sorg, genade en liefde? Hoe lyk dit om ‘n Here te dien wat vir jou vryspreek uit genade, wat nie verwag jy moet eers reg doen voordat Hy vir jou vergewe en liefde bewys nie? Hoe lyk dit om God te dien wat vir jou sorg en vir jou omgee bloot omdat Hy jou geskep het en vir jou lief is?
• Wanneer jy met ander die Woord deel of getuig van jou belewenis van God, waarop fokus jy? Probeer jy hulle oortuig van hoe sondig hulle is en hoe God hulle daarvoor gaan straf? OF deel jy meer oor hoe God liefdevol is en sorg vir Sy kinders? Waarop dink jy wil God hê, jy moet fokus?

GEBED
Here, dankie dat U ‘n God is wat sorg, lief het en genade gee. Dankie dat dit nie iets is war ons moet verdien, voor werk of selfs voor hoef te verander nie. Dankie dat U vir ons die geleentheid gee om ons verhouding met U te kan herstel, slegs deur te bely wie U werklik is, ons God. Here, dankie dat U vir ons sorg en na ons kyk, wanneer ons bely. Here, help ons om te doen wat reg is, wanneer ons oortuig is dat U ons Vader is. Here, help ons om aan ander ook die goeie nuus oor te dra. Here help ons om nie te getuig uit vrees vir U straf nie, maar eerder te fokus op die God wat so lief het dat ons kan seker wees van Sy sorg.
Amen

1 Petrus 3:9
9Moenie kwaad met kwaad vergeld of belediging met belediging nie. Inteendeel, antwoord met ‘n seënwens, want daartoe is julle geroep, sodat julle die seën van God kan verkry.

VRAE:

• Petrus herbevestig hier wat Paulus ook reeds in die Romeine brief sê. Wanneer ons soos gelowiges leef, is ons besig om altyd geleenthede te soek om aan ander goed te doen. God het ons geroep en gestuur om vir ander tot seën te wees. Die wêreld bring vloek en beledigings in oorvloed op sy eie. Maar om die goeie te kies vra dat ons op God vertrou om ons te transformeer tot mense wat selfs vir hulle vyande seën toewens.
• Waarom sou God verwag dat ons ander moet seën, selfs wanneer hulle ons kwaad aangedoen het? Hoe kan God dit werklik verwag as Hy weet hoe sleg dit vir ons was of seer dit vir ons gemaak het? Deel jou hart met die Here.
• Hoe sou mense reageer wanneer jy hulle seën, selfs wanneer hulle nie dit verdien of dit verwag nie? Waarom sou jy mense seën in plaas van reageer soos jy werklik wou? Wat baat dit jou?
• Hoe sou dit vir jou wees as mense jou seën wanneer jy verkeerd was of dit nie verdien nie? Hoe beleef jy dit as God jou genade gee wanneer jy weet hoe skuldig jy voor Hom staan? Wat maak jy nadat jy soveel genade ontvang het?

Gebed:
Here, ek is altyd in die versoeking om uit my ou menswees te wil optree wanneer ek seerkry of deur mense sleg behandel word. Here, dit is vir my so moeilik om te kies om mense te seën. Here, help my om altyd U hart en weë in elke situasie te soek. Here, dankie dat U eers vir my die genade gegee het. Here, help my om dit wat ek by U beleef ook vir ander te gun. Meer as dit, help my om dit vir ander te gee.
Amen

1 Petrus 3:8
8Ten slotte: Wees almal eensgesind, medelydend, liefdevol, goedhartig, nederig.

VRAE:

• Petrus sê dat mense wat tot wysheid gekom het eensgesind is, medelydend is, liefdevol is, goedhartig is en nederig is. Wanneer ons die Here dien is daar bewyse daarvan. Ons kan in mense se gedrag sien dat hulle die Here dien. Hierdie tekens kan wel nie net met die lyf uitgevoer word nie. Hulle moet werklik die gedagtes verander en die mens totaal transformeer.
• Wat beteken dit om eensgesind te wees? Hoe lyk dit prakties? Kan jy eensgesind wees as jou hart nie verander het nie? Wat het jy nodig om eensgesind te leef met ander?
• Wat beteken dit om medelydend te wees? Hoe lyk dit prakties? Kan jy medelydend wees as jou hart nie verander het nie? Wat het jy nodig om medelydend met ander te leef?
• Wat beteken dit om goedhartig te wees? Hoe lyk dit prakties? Kan jy goedhartig wees as jou hart nie verander het nie? Wat het jy nodig om goedhartig met ander te kan leef?

GEBED:
Here, ek wil hê dat ander moet kan sien dat ek U met my hele lewe dien. Here, soms sukkel ek hiermee. Ek wil steeds vir my eie ego optree. Here, help my om meer en meer te lyk soos iemand wat U met hulle hele lewe dien.
Amen

1 Petrus 3:11
11Bly weg van die kwaad af en doen wat goed is, soek vrede en jaag dit na!

VRAE:

• Petrus vra die gelowiges om weg te bly van die kwaad en te doen wat goed is. Mense wat weet waaroor dit gaan, wysheid ontdek het, weet dat mens intensioneel dit wat goed is moet najaag. Die wêreld sal van nature vir jou alles bring wat sleg is. Jy het nodig om die goed te soek en dit te doen. Wanneer mens dit doen, beleef mens vrede.
• Wat is jy besig om te jaag? Kyk na jou daaglikse skedule. Kyk na jou begroting. Kyk na jou energie. Waarin belê jy jou tyd, jou geld en jou talente? Wat verklap jou dagboek, jou begroting en jou energie oor waarmee jy besig is?
• Waarop sal jy graag meer tyd, finansies en energie wil spandeer? Waarom doen jy dit nie? Hoe kan jy dit begin verander?
• Is daar mense om jou wat jy kan sien die verkeerde dinge in die lewe najaag? Wat merk jy op van hulle lewens? Hoe kan jy vir hulle bid en saam met hulle stap om ‘n alternatiewe lewenstyl te kweek?

GEBED:
Here, ek het ‘n diep behoefte aan U vrede. Here, ek wil nie met die verkeerde dinge besig wees nie, maar soms is die versoekings so groot. Here, help my asb. om my oë en hart te vestig op die wat goed en opbouend is. Here, help my om intensioneel dit in my dagboek in te bou, in my begroting in te bou, my energie daarop te fokus. Dankie Here dat U my hiermee help.
Amen

1 Petrus 3:10
10Daar staan geskrywe: “As iemand die lewe liefhet en ‘n lang lewe begeer om die goeie te geniet, moet hy sy tong weerhou van kwaadpraat en sy lippe van leuens.

VRAE:

• Petrus haal die wysheid literatuur aan wanneer hy hierdie gedeelte deel. Die Spreuke skrywer het alreeds geweet dat mense wat die goeie lewe begeer en wil leef in vrede, mense is wat leer hoe om hulle tonge te beheer. Mense wat die vermoë het stil te bly wanneer hulle in versoeking is om leuens te spreek, stories oor ander te versprei, te oordeel, af te breek of tereg wil wys.
• Wanneer jy geleentheid het om stil te bly of jou stem dik te maak, wat kies jy? Waarom? Wat is die doel van jou keuse?
• Wanneer jy kies om vir mense te sê wat hulle alles verkeerd doen, hoe hulle anders of beter kan wees, mense attent te maak van hulle tekortkominge of foute, stories herhaal of onmin saai, hoe laat dit jou voel? Hoe laat dit ander voel? Sou jy ooit skaam wees as mense hoor wat jy oor hulle sê?
• Wanneer jy kies om stil te bly, hoe laat dit jou voel? Hoe laat dit ander voel? Waarom dink jy is dit iets wat ons as gelowiges meer van moet probeer doen?

GEBED:
Here, soms is dit so moeilik om my tong te hou. Ek wil vir ander alles vertel wat ek weet of van oortuig is. Here, help my om ‘n wag voor my mond te plaas. Help my om nie kwaad te stook nie. Help my om meer verdraagsaam te wees. Here, dankie dat U ook genade met my het. 
Amen

1 Petrus 3:12
Die Here sorg vir die opregtes en luister na hulle hulpgeroep, maar Hy tree op teen dié wat kwaad doen.”

VRAE:

• Petrus noem in hierdie gedeelte dat God sorg vir die opregtes, dat Hy luister wanneer hulle uitroep. Dit beteken dat God hulle raaksien. Ons is dalk gekondisioneer om te dink dat God net na ons kyk om al ons foute en tekortkominge te sien. Die realiteit is egter dat God ons raaksien en juis daarom na ons kyk. Hy sien wanneer ons Hom nodig het, Hy sien wanneer ons hulp benodig of versorg moet word. God sien ons behoeftes raak.
• Wat is jou behoefte vandag? Wat het jy van die Here nodig? Hoe vra jy vir die wat jy nodig het? Het jy al jou behoefte met God of ander gedeel? Deel nou jou hart met die Here.
• God sorg ook vir ander deur gebruik te maak van sy volgelinge. Kyk na die mense om jou vandag. Vra dalk vir ‘n geliefde of kennis by die werk of huis, wat hulle nodig het. Kan God jou vandag gebruik om in iemand om jou se behoefte te voldoen?
• Hoe voel dit om te weet dat God nie daarop uit is om jou net te straf nie? Hoe voel dit om te weet dat God vir jou is en nie teen jou nie? Hoe voel dit om in God se sorg te rus?

Gebed:
Here, dankie dat U my altyd raaksien. Dankie dat U na my kyk en my versorg. Dankie dat U my diepste behoeftes raaksien en dit aanspreek. Dankie dat U ander om my stuur wat vir my sorg. Dankie dat ek ook vir ander kan sorg. Here, maak my meer bewus van al die maniere waarop U na my kyk. En help my om meer te fokus op die maniere wat ek ook diensbaar in U hand kan wees.
Amen

Efesiërs 5:19-20
“en sing onder mekaar psalms, lofgesange en ander geestelike liedere; sing met julle hele hart tot eer van die Here. Dank God die Vader altyd oor alles in die Naam van ons Here Jesus Christus.”

Om oor te gesels en te dink:
Mense van die lig leef met ‘n lied in die hart. Paulus moedig die gelowiges in Efese aan om saam met mekaar liedere te sing om so aan die Here eer te bring. Dit is ook hoekom ons graag saam die Here aanbid as ons saam is.
Jy het ook seker ‘n gunsteling geestelike lied of twee. Luister vandag weer daarna en sê vir die Here dankie.
Verder moedig Paulus hulle aan om in alles dankbaar te wees. Dit herinner aan Filippense 4:6-7 wat sê: “Moet oor niks besorg wees nie, maar maak in alles julle begeertes deur gebed en smeking en met danksegging aan God bekend.”
Ons lewe in die lig as ons dankbaar leef.

Gebed
Here, ek net dankie sê. Dankie. Dankie. Mag my lewe altyd my dankbaarheid wys. Amen.

Efesiërs 5:18
“Moet julle nie aan drank te buite gaan nie; daarmee gaan losbandigheid gepaard. Nee, laat die Gees julle vervul,”

Om oor te gesels en te dink:
Paulus gebruik die beeld van drank om te vra onder wie se beheer mens funksioneer. Te veel drank laat jou buite beheer optree. Wanneer jy onder beheer van Heilige Gees leef, leef jy in afhanklikheid van God.
Dit gaan nie daaroor hoeveel van die Gees jy in jou het nie, maar hoeveel van jou die Gees beheer en besit. Dit bly ’n konstante proses om toe te laat die Heilige Gees jou meer en meer beheer. So kan jy in die lig lewe en vir ander mense die lig wys.

Gebed
O Heilige Gees, ek kom stel my oop. Kom vul my met U Gees, sodat ek meer van U lig kan wys. Amen.

Efesiërs 5:15-17
“Wees baie versigtig hoe julle lewe: nie soos onverstandige mense nie, maar soos verstandiges. Maak die beste gebruik van elke geleentheid, want ons lewe in ‘n goddelose tyd. Moet daarom nie onverstandig optree nie, maar probeer te wete kom wat die Here wil dat julle moet doen.”

Om oor te gesels en te dink:
Ons moet as kinders van God wat in die lig leef, wysheid soek. Ons moet verstandige keuses maak en die tyd uitkoop, as ons hierdie vers letterlik vertaal. Moenie jou tyd mors met ligsinnige dinge nie. Nee, probeer te wete kom wat die Here wil hê.
Jakobus ego ook hierdie woorde in Jakobus 1:5: “As een van julle wysheid kortkom, moet hy dit van God bid, en Hy sal dit aan hom gee, want God gee aan almal sonder voorbehoud en sonder verwyt.”
Wanneer jy vandag voor ’n keuse te staan kom, bid en vra die Here vir wysheid. Vertrou dat Hy jou sal help om die regte keuse te maak.

Gebed
Here Jesus, ek wil in U lig bly wandel. Help my om met wysheid die regte keuses te maak. Ek wil die beste van elke geleentheid maak. Amen.

Efesiërs 5:9-11
“Uit die lig kom alles voort wat goed en reg en waar is. Vra julle voortdurend af of iets vir die Here aanneemlik is, en moenie meedoen aan die vrugtelose praktyke van die duisternis nie, maar stel dit eerder aan die kaak.”

Om oor te gesels en te dink:
Die gelowiges in Efese word opgeroep om in gehoorsaamheid te leef. Dit beteken dat hulle sal nie sal meedoen aan praktyke van die duisternis nie. Hulle moet in die lig lewe en dit moet al hulle besluite bepaal.
Wanneer ons voor keuses gestel word, moet onsonself afvra of die Here tevrede sal wees. Ons kan ons besluite toets of dit goed, reg en waar is. Reflekteer my keuse goedheid, geregtigheid en die waarheid. Die 2020 vertaling van Efes 5:10 sê: “Beproef wat vir die Here aanneemlik is.”
‭‭As kinders van die lig, kan ons God vertrou om ons te help om die regte keuse te maak, wat Sy lig sal laat skyn.

Gebed
Here Jesus, ek wil in gehoorsaamheid die regte keuses maak. Help my om te kies wat goed, reg en waar is. Amen.

Efesiërs 5:6-8
“Moenie dat iemand julle met allerlei onwaarhede mislei nie, want daardeur kom die straf van God oor die mense wat aan Hom ongehoorsaam is. Met sulke mense moet julle niks te doen hê nie. Vroeër was julle die ene duisternis, maar nou in die Here is julle lig. Leef dan as mense van die lig.”

Om oor te gesels en te dink:
Paulus herinner die gemeente om te leef uit wie hulle is. Hulle moet gehoorsaam wees aan dit wat hulle by die Here geleer het. Daar gaan mense wees wat gaan probeer om jou te mislei, maar daarmee moet ons as gelowiges nie aan deel hê nie. Ons het wegbeweeg van die duisternis en lewe nou in die lig. Dit is nie altyd maklik nie, maar juis daarom moet ons die regte keuses maak om Jesus se lig sigbaar te maak.
Jesus moedig ook in die Bergrede in Matteus 5:16 sy volgelinge aan om ons lig so te laat skyn, sodat mense ons goeie werke kan sien en die Vader in die hemel verheerlik. Wanneer ons goed doen, is ons besig om in die lig te wandel. Maak vandag die regte keuses om jou lig te laat skyn.

Gebed
Here Jesus, dankie dat ek in U lig kan leef. Help my om deur wat ek doen, my lig te wys, sodat die Vader in die hemel verheerlik kan word. Amen.

Efesiërs 5:1-2
“Omdat julle kinders van God is en Hy julle liefhet, moet julle sy voorbeeld volg. Lewe in liefde, soos Christus ons ook liefgehad en om ons ontwil sy lewe as ‘n offergawe gegee het, ja, ‘n offer wat vir God aanneemlik was.”

Om oor te gesels en te dink:
Paulus moedig die gemeente in Efese aan om prakties ’n verskil te maak waar hulle is. Hulle is kinders van God en moet daaruit leef. Dit is “omdat” hulle kinders van God is, kan hulle anders leef nie. Dit is nie “sodat” hulle kinders van God kan wees nie.
Ons identiteit begin by Jesus. Omdat Hy ons liefhet, kan ons sy voorbeeld volg. Hy het vir ons Sy liefde gewys deur Homself as ’n aanneemlike offer vir God gegee.
Ons het lief omdat God ons eerste lief gehad het.
Ons kan vandag kies om dieselfde te doen. Ons kan mense om ons lief hê en hulle dien, sodat hulle God se lig in ons kan sien.

Gebed
Here Jesus, dankie dat U my liefhet. Mag ek in liefde leef en die mense om my U liefde wys. Ek wil U lig skyn sodat hulle U kan sien. Amen.

Efesiërs 4:13-16

15 Nee, ons sal in liefde by die waarheid bly en so in alle opsigte groei na Christus toe. Hy is immers die hoof, 16 en uit Hom groei die hele liggaam. Die verskillende liggaamsdele pas by mekaar en vorm saam ‘n eenheid. Elkeen van hulle vervul sy funksie, en so bou die liggaam homself op in liefde.

Wanneer ons ons gawes gebruik, en die kerk groei in haar volwassenheid, sal ons in liefde by die waarheid bly, sê Paulus. Dink vir ’n oomblik daaroor: mense van die waarheid en mense van liefde, tegelykertyd!
Jesus was so: almal het geweet waarvoor Hy staan, Hy was en is self die waarheid; en almal wou graag om Hom en by Hom wees, Hy was iemand van liefde wat baie empatie met mense gehad het.

Ons het juis nodig om in die wêreld wat ons leef beide gelyktydig vas te hou: mense van die waarheid word dikwles beskryf as liefdelose mense wat ander oordeel, en mense van liefde word dikwels beskryf as mense wat alles en almal aanvaar ten koste van die waarheid. Dit is doodgewoon nie waar nie, en die mooi van beide word juis ten toongestel wanneer ons dit tegelykertyd beliggaam, soos Jesus het! Ons gawes is veronderstel om ons na hierdie plek toe te laat groei.

Kyk weer na vers 16: Die verskillende liggaamsdele pas by mekaar en vorm saam ‘n eenheid. Elkeen het sy/haar plek, en elkeen het die ander nodig, sodat die liggaam opgebou kan word in liefde.

Om oor te dink:

• As jy nie weet wat jou geestelike gawe is nie, is jy bereid om dit saam met ander te ontdek?
• As jy die Heilige Gees se leiding voel om jou gawe te gebruik, sal jy die moed hê om gehoorsaam ja te sê?
• Lei die Heilige Gees jou om op ’n spesifieke manier by die bediening van ons Geloofsfamilie betrokke te raak?

”…the Church exists for nothing else but to draw men into Christ, to make them little Christs. If they are not doing that, all the cathedrals, clergy, missions, sermons, even the Bible itself, are simply a waste of time.” C.S. Lewis

Efesiërs 4:13-16

13 So sal ons uiteindelik almal kom tot die werklike eenheid in ons geloof en in ons kennis van die Seun van God. Dan sal ons, sy kerk, soos ‘n volgroeide mens wees, so volmaak en volwasse soos Christus. 14 Dan sal ons nie meer kinders wees nie; ons sal nie meer soos golwe op en af en heen en weer geslinger word deur elke wind van dwaalleer as vals leraars ons met hulle slinksheid en listigheid op dwaalweë wil wegvoer nie.

Ons dien deur ons gawes ter wille van ons geestelike volwassenheid. Vers 13 sê ons sal so volmaak en volwasse soos Christus wees. Wow, neem ’n oomblik en dink aan hoe wonderlik dit is, en sal wees as elkeen hulle gawes gebruik! Die waarheid is dat ons alles van Jesus ontvang het wat nodig is om hierdie volwassenheid te kan bereik. Ons as kerk kan die karakter van ons Here hê en aan alle mense wys.

• Wat dink jy, het die kerk dieselfde karakter as Jesus en is dit wat ons aan die wêreld wys?
• Of nog meer persoonlik: wat sou die persoon/e naaste aan jou antwoord as ons vir hulle sou vra of jy besig is om te groei in die volwassenheid van Christus in?

Vers 14 sê Dan sal ons nie meer kinders wees nie. Kinders glo enigiets, en hulle glo graag iets wat doodgewoon nie waar is nie. Christene wat nog onvolwasse is glo ook dikwels enigiets, en dit kan hulle begrip van die waarheid baie sleg beinvloed. Dwalleer, bygeloof en kulturele gebruike wat sommer as Christelik bestempel is kan ’n gelowige rondslinger. Paulus sê dat ’n gebruik van ons gawes dit keer, juis omdat dit almal saam lei na volwassenheid.

• Sien jy dat jou gebruik van jou gawes nie net oor jou eie gehoorsaamheid en volwassenheid gaan nie, maar ook oor die volwasseneheid van ander? Dit is ’n baie groot verantwoordelikheid wat ons het.

Om oor te dink:

• Wat is jou unieke bydrae?

Love is not just tolerance. It’s not just distant appreciation. It’s a warm sense of, ‘I am enjoying the fact that you are you.’ N.T. Wright

Efesiërs 4:7, 11-12

11 En dít is die “gawes” wat Hy “gegee het”: apostels, profete, evangeliste, en herders en leraars.

Ons het gister nagedink oor die evangelis en herder. Vandag dink ons na oor die leraar.

Dink vir ’n oomblik na oor die volgende vrae, en kyk of enige van hierdie beskrywings by jou pas:

• Is jy ingestel op hoe dinge werk, en dink jy sonder moeite aan hoe om dit vir iemand te verduidelik?
• As jy sukkel om iets te verstaan, grawe jy jouself in dit in totdat jy dit verstaan en vir jouself uitgemaak het?
• Is jy die persoon wat heel eerste vra “hoe” iets gaan gebeur, en al die inligting wil hê voordat jy ’n besluit neem?

Die kans is groot dat die gawe van leraar vir jou gegee is. Die rol van leraars in die Bybel is om familie van Jesus die “nuts and bolts” van die goeie nuus, geloof in Jesus en volgelingskap van Jesus te leer. Leraars raak nooit moeg om dieselfde ding oor en oor te verduidelik nie, en soek natuurlik na nuwe kreatiewe maniere om dieselfde ding te verduidelik sodat die liggaam tot ’n dieper verstaan daarvan kan kom.

Terug by die braai…
Die apostel vra: “Waar braai ons, en waarom braai ons daar?”
Die profeet vra: “Moet ons braai, is dit die regte ding om te doen?”
Die evangelis vra: “Wie kan ons na die braai toe nooi wat nie laas daar was nie?”
Die herder vra: “Wil julle by ons kom braai?”
Die leraar vra: “Ek lees tans Jan Braai, kan ek jou wys hoe om dit te doen?”

So het ons elkeen ’n gawe ontvang wat verweef is met ons totale menswees, dit is hoe God dit bestem het!

10 Nee, God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het. Efesiërs 2:10 (1983-vertaling)

Om oor te dink:

• Wat is jou unieke bydrae?

”Teacher – connected to the truth of God” Alan Hirsch

“We simply weren’t constructed to live only for ourselves. We were placed on earth to be part of something bigger than the narrow borders of our own survival and our own little definition of happiness.” Paul David Tripp

Efesiërs 4:7, 11-12

11 En dít is die “gawes” wat Hy “gegee het”: apostels, profete, evangeliste, en herders en leraars.

Ons het gister nagedink oor die apostel en profeet. Vandag dink ons na oor die evangelis en die herder.

Dink vir ’n oomblik na oor die volgende vrae, en kyk of enige van hierdie beskrywings by jou pas:

• Is jy iemand wat so spoedig moontlik vir enigeen wat wil hoor vertel van goeie nuus wat jy ontvang het?
• Is jy iemand wat ingestel is op die persoon wat uitgesluit is en alleen staan, en dan probeer om die persoon in te sluit?
• Vra jy mense se name en volg dit dan sommer op met vrae waarvoor hulle nie gevra het nie?
• Het iemand al vir jou gesê jy is vriendelik en maklik om mee te gesels?

Die kans is groot dat die gawe van evangelis vir jou gegee is. Die rol van evangeliste in die Bybel is om die goeie nuus te versprei, en konstant mense te werf vir die koninkryk en die roeping van die kerk. Evangeliste nooi konstant nuwe mense in, en is ingestel op die wat uitgesluit is, en hoe hulle ingenooi kan word.

• Is jy iemand wat ingestel is op ander mense se gevoelens, ervarings en behoeftes?
• Is jy iemand wat verhoudings waardeer en graag wil hê almal om jou moet in vrede saam leef?
• Is jy iemand wat graag mense nooi om bymekaar te kom?
• is jy iemand wat graag en maklik jammer sê?

Die kans is groot dat die gawe van herder vir jou gegee is. Die rol van herders in die Bybel is om familie van Jesus bymekaar te hou, te versorg, en seker te maak dat verhoudings met mekaar verdiep dat dit werklik soos familie voel. Herders kyk na binne, en dit is met ’n rede so.

Dink só oor hierdie twee gawes: die herder nooi graag bekende mense na ’n braai. Die evangelis nooi graag vreemde mense na dieselfde braai waarheen die herder hom/haar nooi… En so werk die gawes saam…

Vers 12 sê Sy doel daarmee was om die gelowiges toe te rus vir hulle diens en vir die opbou van die liggaam van Christus. 

Dit is lewens belangrik vir die kerk dat ons ons gawes gebruik hiervoor.

More gaan ons fokus op die leraar.

Om oor te dink:

• Wat is jou unieke bydrae?

“Evangelist – connected to the message of God”
“Shepherd – connected to the people of God” Alan Hirsch

Efesiërs 4:7, 11-12

11 En dít is die “gawes” wat Hy “gegee het”: apostels, profete, evangeliste, en herders en leraars.

Min van ons sal onmiddelik ons hande opsteek as iemand sou vra of hier enige apostels of profete in die vertrek is. Dit is waarskynlik omdat ons hierdie gawes, rolle, verantwoordelikhede en funksies aan ’n handvol mense toegeskryf het (mense in die amp in die kerk), en dit nie verstaan as gawes wat vir ons gegee is en is ons verweef is nie.

Dink vir ’n oomblik na oor die volgende vrae, en kyk of enige van hierdie beskrywings by jou pas:

• Dink jy dikwels aan alles wat volgende moet gebeur?
• Is jy iemand wat konstant ander mense herinner aan die doel vir dit waarmee hulle/julle besig is?
• Is jy iemand wat na ’n wonderlike vakansie tuiskom en dan ’n beter plek soek om volgende by te gaan vakansie hou?

Die kans is groot dat die gawe van apostel vir jou gegee is. Die rol van apostels in die kerk is om die kerk gefokus op haar roeping te hou, om die kerk konstant aan te spoor om te bly groei, en om seker te maak dat die kerk nie in haar leer dwaal nie.

• Is jy ingestel op dit wat reg en verkeerd is?
• Het jy ’n behoefte om God se wil in alle dinge te ken, en het jy ’n sensitiwiteit vir wanneer God se naam nie geëer word nie?
• Word jy kwaad as jy sien hoe iemand deur iemand anders seergemaak word?

Die kans is groot dat die gawe van profeet vir jou gegee is. Die rol van profete in die Bybel is om die kerk op God gefokus te hou, om vir onreg teen ander op te staan, om die kerk namens God aan te spreek as die kerk Sy naam oneer aandoen, en om die kerk te roep tot dieper intimiteit met God en meer toegewyde gebed.

Vers 12 sê Sy doel daarmee was om die gelowiges toe te rus vir hulle diens en vir die opbou van die liggaam van Christus. 

Dit is lewens belangrik vir die kerk dat ons ons gawes gebruik hiervoor.

More gaan ons fokus op die evangelis en die herder.

Om oor te dink:

• Wat is jou unieke bydrae?

“Apostle – connected to the mission of God”
“Prophet – connected to the heart of God” Alan Hirsch

Efesiërs 4:7, 11-12

7 Aan elkeen van ons is ‘n genadegawe gegee volgens die mate waarin Christus die gawes uitgedeel het. 11 En dít is die “gawes” wat Hy “gegee het”: apostels, profete, evangeliste, en herders en leraars. 12 Sy doel daarmee was om die gelowiges toe te rus vir hulle diens en vir die opbou van die liggaam van Christus. 

Waarom dien ons deur ons gawes?

1. Ter wille van ons geestelike diversiteit (v 7-12). 

Vers 7 is duidelik: aan elkeen van ons is ’n gawe gegee, deur Jesus, soos Hy wil, net uit genade. Ons dien met hierdie gawes, ter wille van hierdie diversiteit. Die liggaam van Christus (die Kerk, ons) funksioneer en groei deur hierdie diversiteit, soos elkeen sy verantwoordelikheid opneem wat saam met sy gawe kom.

Saam met ’n verskeidenheid van gawes, kom ’n verskeidenheid van verantwoordelikhede. Vers 11 noem ’n lys van geestelike gawes wat Jesus gegee het.
Omdat dit woorde bevat wat ons nie noodwendig elke dag gebruik nie, kan dit soms vir ons vreemd klink, en vaag wees wat presies dit behels en vir elkeen van ons persoonlik beteken. Deur die loop van die week gaan ons dieper na hierdie gawes kyk, verstaan wat dit behels, nadink oor die rol wat dit speel in die kerk, en leer hoe dit die kerk laat groei tot volwassenheid.

Om oor te dink:

• Wat is jou unieke bydrae?

“Gifts are abilities God gives us to meet the needs of others in Christ’s name.” Tim Keller

Johannes 3:16-17
“God het die wêreld so liefgehad dat Hy sy enigste Seun gegee het, sodat dié wat in Hom glo, nie verlore sal gaan nie maar die ewige lewe sal hê. God het nie sy Seun na die wêreld toe gestuur om die wêreld te veroordeel nie, maar sodat die wêreld deur Hom gered kan word.”
‭‭
Om oor te gesels en te dink:
Jesus tree uit liefde op. Nie net ken Hy ons soos wat ons is nie, Hy kom gee homself vir ons. Jesus se grootste motivering is om in liefde met ons in verhouding te wees. Hy beloof aan ons elkeen die ewige lewe dat ons by Hom kan wees. Hierdie perspektief verander hoe ons na die lewe kyk. Ons hoef nie in vrees te lewe nie. Jesus het gekom om ons te kom red en nie te veroordeel nie.

• Hoe laat dit voel dat Jesus só lief is vir jou?
• Kan jy in hierdie liefdesverhouding met Hom leef?
• Wat wil jy vandag met Jesus deel?

Gebed
Jesus, dankie wat U bereid was om die pad van vernedering te stap, sodat ek die ewige lewe mag hê. Dankie dat U altyd in liefde handel en ook vir my so lief is. Amen.

Matteus 9:36-38
“Toe Hy die menigtes sien, het Hy hulle innig jammer gekry, want hulle was moeg en hulpeloos soos skape wat nie ‘n wagter het nie. Hy sê toe vir sy dissipels: “Die oes is groot, maar die arbeiders min. Bid dan die Here aan wie die oes behoort, om arbeiders uit te stuur vir sy oes.””

Om oor te gesels en te dink:
Jesus wys vir ons sy hart vir mense. Hy kry hulle innig jammer, letterlik vertaal, beteken dit dat sy ingewande gedraai het. Jesus gee om vir mense en wil hulle help. Hy moedig sy dissipels aan om hulle te help.

• Sien jy ook mense om jou raak?
• Wat sien jy?
• Wie is daar op jou radar wat die Here jou roep om ‘n verskil voor te maak.
• Wie kan jy ondersteun om daardie persoon of groep of instansie te help?
• Is jy dalk die arbeider wat Jesus stuur?
  Bid hieroor en vra die Here om vir jou die pad te wys.

Gebed
Here, ek sien mense wat U nodig het. Help my om ’n verskil te maak. Maak my bereid om te doen wat U van my vra. Amen.

Johannes 4:10-14
“Jesus het haar geantwoord: “As jy geweet het wat God gee, en wie dit is wat vir jou sê: ‘Gee My ‘n bietjie water om te drink,’ sou jy Hom gevra het, en Hy sou vir jou lewende water gegee het.” Die vrou sê toe vir Hom: “Meneer, jy het nie eens ‘n skepding nie, en die put is diep. Waar gaan jy die lewende water vandaan kry? Jy is tog nie tot meer in staat as ons voorvader Jakob wat hierdie put vir ons gegee het en self saam met sy seuns en sy diere daaruit gedrink het nie?” Maar Jesus antwoord haar: “Elkeen wat van hierdie water drink, sal weer dors kry; maar wie van die water gedrink het wat Ek hom sal gee, sal in alle ewigheid nooit dors kry nie. Nee, die water wat Ek hom sal gee, sal in hom ‘n fontein wees met water wat opborrel en vir hom die ewige lewe gee.””

Om oor te gesels en te dink:
Jesus sien die vrou by die put raak. Sy besef nie dat dit Jesus nie. Tog sien Hy haar raak vir wie sy is en los Hy haar nie. Hy nooi haar om van die lewende water te drink. Sy dink Jesus bedoel gewone water, maar Jesus praat van lewende water. Hy nooi haar uit om in verhouding met Hom te wees. Dit verander haar lewe. Toe sy dit besef het, kon sy nie anders as om vir die dorp te gaan vertel dat haar lewe verander het nie.
Jesus het vir ons die lewende water gebring, sodat ons nooit dors sal word nie. Dit beteken dat ons hierdie verhouding met Hom sal koester. Ons moet dit ook deel met die mense rondom ons. Hierdie lewende water kan ons nie net vir onsself hou nie.
Dalk is daar iemand met wie jy die goeie nuus van Jesus se lewende water kan deel?
Maak tyd om jouself met die lewende water van Jesus te vul.

Gebed
Here Jesus, dankie dat U die Lewende Water is. Kom vul my vandag. Mag U deur U Heilige Gees my vul om te doen wat U van my vra. Amen.

Hebreërs 13:5b-6
“wees tevrede met wat julle het. God self het gesê: “Ek sal jou nooit verlaat nie, jou nooit in die steek laat nie.” Daarom kan ons met vertroue sê: “Die Here is my helper, ek ken geen vrees nie: wat kan ‘n mens aan my doen?””

Om oor te gesels en te dink:
In ’n krisis kan ons perspektief verloor. Hebreërs moedig ons aan om tevrede te wees met wat ons het en waar ons is. Ons kan vashou aan die belofte dat die Here ons nooit sal verlaat nie en nooit in die steek laat nie. Hy haal hierdie teks uit Josua 1:5 aan, waar Josua voor ’n groot uitdaging gestaan het en onseker was oor die pad vorentoe. Wanneer ons in afhanklikheid vir die Here vra om by ons te wees, kan ons Hom vertrou.
Daarom kan ons met vertroue bid en vra dat die Here ons sal help en hoef ons nie bang te wees nie. Die Here gebruik mense om ons om ons te help. Sien die mense om jou raak.
Dalk moet jy vandag hoor dat jy nie alleen is nie?
Dalk moet jy vandag hoor dat die Here jou nooit sal verlaat en jou nooit in die steek laat nie?
Hoe laat dit jou voel? Deel jou hart met die Here.

Gebed
Here, dankie dat ek nooit alleen is nie. Dankie vir mense wat my daaraan herinner. Mag ek U vandag vertrou. Ek wil wil U bly volg. Amen.

Eksodus 14:13-16
“Maar Moses het die volk geantwoord: “Moenie bang wees nie. Staan vas, kyk hoe die Here julle vandag gaan red, want soos julle die Egiptenaars nou daar sien, sal julle hulle nooit weer sien nie. Bly julle maar kalm. Die Here sal vir julle veg.” Toe het die Here vir Moses gesê: “Waarom roep julle so benoud na My? Sê vir die Israeliete hulle moet verder trek. En jy, lig jou kierie op en steek jou hand oor die see uit en kloof dit oop sodat die Israeliete op droë grond kan deurgaan.”

Om oor te gesels en te dink:
Ons almal beleef krisisse, soms klein, ander kere groot. Tog raak ons ook paniekerig en dink daar is nie uitkoms nie. ’n Krisis hoef nie altyd net negatief te wees nie. Daar is uitkoms, al sien mens dit nie dadelik raak nie.
Moses herinner die volk dat die Here hulle nie los nie. Hulle het gedink dit is die einde van alles toe hulle voor die Rooi See gestaan het. Tog gee God op ’n wonderbaarlike manier uitkoms. Hulle moes net kalm bly en Hom vertrou.
Dalk is dit wat jy vandag nodig het? Waarvoor kan jy die Here vertrou?
Gee dit wat vir jou ’n krisis is oor aan die Here.
Word kalm en hou vas aan die belofte dat die Here by jou is en vir jou uitkoms sal gee.

Gebed
Here, ek kyk vas in my krisis en dink daar kan nie uitkoms wees nie. Ek wil dit vir U gee en kalm bly. Dankie dat ek nooit alleen is nie. Amen.

Matteus 5:13-16
13“Julle is die sout vir die aarde. Maar as sout verslaan het, hoe kry ’n mens dit weer sout? Dit is niks meer werd nie. Dit word buitekant weggegooi, en die mense vertrap dit. 14“Julle is die lig vir die wêreld. ’n Stad wat op ’n berg lê, kan nie weggesteek word nie; 15ook steek ’n mens nie ’n lamp op en sit dit onder ’n emmer nie maar op ’n lampstaander, en dit gee lig vir almal in die huis. 16Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik.”

Om oor te gesels en te dink:
Ons leef in ’n wêreld wat God so nodig het. Ons, as gelowiges, het die voorreg en verantwoordelikheid om vir die wêreld om ons te wys dat God by ons is. Mense kyk na ons en wil graag Jesus se liefde in ons raak sien. Jesus moedig sy volgelinge in die Bergrede aan om soos sout en lig te wees. Ons kan ons lig wegsteek nie. Ons kan sout wees wat verslaan het nie. Hoe doen ons dit? Ons skyn ons lig deur goeie werke te doen wat God verheerlik. Dit hoef nie groot dinge te wees nie. Jy kan vandag deur vir iemand goed te wees, God se lig en liefde vir hulle wys. Deur net vir iemand te glimlag of vriendelik te groet kan daardie persoon se dag ophelder.
Bid en vra vir die Here om vir jou te wys wie jy vandag kan dien deur iets goeds te doen. So help ons almal om God se koninkryk om ons te laat gebeur.

Gebed
Here Jesus, ek wil vandag sout en lig wees. Help my om diensbaar te wees en iemand vandag te help, sodat hulle U liefde en lig kan ervaar. Amen.

Nehemia 9:3

Hulle het op hulle plekke bly staan en het ‘n kwart dag lank voorgelees uit die wetboek van die Here hulle God. Nog ‘n kwart dag lank het hulle belydenis gedoen en voor die Here hulle God gebuig.

Om oor te gesels en te dink:
Nadat die muur voltooi is en nadat hulle die huttefees gevier het, was daar ‘n vasdag. Op die vasdag lees ons hoe die Israeliete ‘n groot deel van die dag deurbring om God se wet te hoor en hulle sondes te bely. Dit wys ‘n diepe toewyding en ‘n erkenning van hul afhanklikheid van God. Bewuswording van hul sondes. So ‘n tyd van belydenis en hernuwing bring herstel en fokus op God se wil en Koninkryk. Neem vandag ‘n oomblik om self te bid en berou te toon oor waar jy inbeheer probeer bly of nes die Israeliete van jou identiteit as God se kind vergeet. Neem daarna ‘n oomblik om opnuut te besef dat jy vrygespreek is. En dat God jou roep tot ‘n opgestane lewe wat op Sy koninkryk fokus.

Gebed:
Here, ek bely my sondes en my tekortkominge voor U. Verander my hart en lei my om U wil en U Koninkryk eerste te stel. Help my om in U waarheid te wandel en my lewe toe te wy aan U diens. Mag ek altyd bewus wees van U genade en U getrouheid. Amen.

Nehemia 2:17-18

Maar toe sê ek vir hulle: “Julle sien self die benarde toestand waarin ons sit. Jerusalem lê in puin en sy poorte is verbrand. Kom ons herbou die muur van Jerusalem, dat dié vernedering nie langer op ons rus nie.” Ek het hulle toe vertel hoe my God sy goeie hand oor my gehou het en wat die koning vir my gesê het. Hulle het gesê: “Kom ons bou!” en hulle het die goeie werk aangepak.

Om oor te gesels en te dink:
Nehemia het die mense van Jerusalem aangespoor om die mure van die stad te herbou. Hy het hulle herinner aan God se goedheid en die ondersteuning van die koning, en hulle was geïnspireer om saam te werk aan die herstel. Dit wys hoe iemand ander kan inspireer om aksie te neem en God se wil te laat geskied. Waar het jy al beleef dat die Here jou gebruik om ander te inspireer en oproep tot beweging vir Sy Koninkryk? God gebruik ons elkeen, nes ons is en daar waar ons is. Bid vandag weer vir God se Koninkryk. Bid die moeilike gebed dat God jou sal gebruik om ander te inspireer. En nog moeiliker, wees dan bereid dat die Here jou so sal gebruik.

Gebed:
Here, gee my die moed en inspirasie om op te staan en te bou waar dinge verwoes is. Help my om te werk aan U Koninkryk en te getuig van U goedheid. Lei my om ander aan te moedig en te ondersteun in die werk wat U vir ons het. Amen.

Nehemia 1:4-6

By die aanhoor van dié woorde het ek gaan sit en gehuil en dae lank getreur. Ek het gevas en tot die God van die hemel gebid. Ek het gesê: “Ag, Here, God van die hemel, groot en ontsagwekkende God wat u verbond en u troue liefde handhaaf teenoor dié wat vir U liefhet en u gebooie gehoorsaam, luister tog, gee tog ag op die gebed wat ek, u dienaar, sonder ophou tot U bid.

Om oor te gesels en te dink:
Nehemia was diep geraak deur die nuus van Jerusalem se toestand. Hy het gevas en gebid vir die volk en vir God se ingryping. Hierdie gebed toon Nehemia se hart vir sy mense en sy diepe afhanklikheid van God. Dit herinner ons aan die krag van gebed en vas in tye van groot nood. Het jy al in jou lewe gevas? Het jy al ooit gevas in gebed vir ander mense of vir God se Koninkryk? Oorweeg om vandag een maaltyd te vas en in daardie tyd te bid dat God se wil sal geskied en Sy Koninkryk sal kom – hier in Pierre van Ryneveld, Centurion, Pretoria. Om te vas in gebed vir die stad.

Gebed:
Here, gee my ‘n hart wat treur oor wat U hart treur. Help my om U wil te soek deur gebed en vas, en gee my die krag om te bid vir herstel en verandering. Lei my om altyd U gesig te soek en op U te vertrou in alle omstandighede. Amen.

Ns. As jy vandag ‘n maaltyd saam met ons vas en in gebed vir die stad bid, en met ons wil deel, stuur vir ons op hierdie boodskap ‘n 

Esra 7:10

Esra het hom gewy aan die wet van die Here. Hy wou dit in die praktyk toepas en Israel elke voorskrif en bepaling leer.

Om oor te gesels en te dink:
Esra het homself toegewy aan die studie van die wet van die Here. Hy het dit sy doel gemaak om nie net die wet te ken nie, maar dit ook te onderrig en toe te pas. Esra se toewyding en passie dien as ‘n inspirasie vir ons om ernstig te wees oor ons verhouding met God deur Sy Woord te bestudeer en toe te pas. Hoe het die Here al jou hart aangeraak deur Sy Woord? Hoe het dit al jou hart verander?

Gebed:
Here, help my om my hart daarop te rig om U Woord te bestudeer, te gehoorsaam en aan ander te leer. Gee my die wysheid om U wil te verstaan en die moed om dit uit te leef. Laat my lewe ‘n getuie wees van U waarheid. Amen.

Esra 3:10-13

Toe die bouers die fondamente van die tempel van die Here klaar gelê het, het die priesters in ampsdrag reggestaan met trompette, en die Leviete van die Asafgroep met simbale, om die Here te loof soos koning Dawid van Israel bepaal het. Hulle het die Here begin loof en dank: “Want Hy is goed, aan sy liefde vir Israel is daar geen einde nie.” Die hele volk het dit tot lof van die Here uitgejubel, want die fondamente van die huis van die Here was gelê. Baie van die oueres onder die priesters, die Leviete en die familiehoofde wat nog die eerste tempel geken het, het hardop aan die huil gegaan toe hulle sien hoe die fondamente van hierdie tempel gelê word. Baie ander het luidkeels van vreugde gejubel. Niemand kon die gehuil tussen die blye gejubel deur hoor nie, so hard het die mense gejubel. Dit kon van ver af gehoor word.

Om oor te gesels en te dink:
Hierdie verse beskryf die vreugde en aanbidding van die mense toe hulle die fondament van die tempel gelê het. Alhoewel sommige ouer mense gehuil het oor die herinneringe aan die vorige tempel, was daar oor die algemeen groot blydskap. Dit toon die mengsel van emosies – vreugde oor die nuwe begin en trane oor wat verlore gegaan het. Dit is ‘n herinnering dat God herstel en vernuwing gebring het. Watter herstel en vernuwing het jy al in jou lewe ervaar? Neem vandag ‘n oomblik om die Here ook in lof hiervoor te dank. Vir watter vernuwing bid jy tans? Bid vandag ook weer dat die Here jou hart sal vernuwe.

Gebed:
Here, gee my ‘n hart van aanbidding en vreugde soos die Israeliete gehad het toe hulle die fondament van die tempel gelê het. Help my om U grootheid te sien en U te prys in alle omstandighede. Laat my vreugde in U wees, ongeag my situasie. Amen.

Esra 1:1-4
In die eerste regeringsjaar van koning Kores van Persië is die belofte vervul wat die Here by monde van Jeremia uitgespreek het: die Here het koning Kores van Persië laat besluit om dwarsoor sy ryk ‘n proklamasie te laat afkondig. Die proklamasie, wat ook skriftelik was, het soos volg gelui: “Koning Kores van Persië maak bekend: Die Here die God van die hemel het al die koninkryke van die aarde aan my gegee. Hy het my beveel om vir Hom ‘n tempel in Jerusalem in Juda te bou. Enigiemand onder julle wat aan sy volk behoort – mag sy God by hom wees – mag na Jerusalem in Juda toe gaan en die tempel gaan bou vir die Here die God van Israel. Hy is God in Jerusalem. Elkeen wat van dié volk nog oor is, waar hy ook al tydelik gewoon het, moet deur die mense van sy omgewing voorsien word van die nodige silwer, goud, gebruiksgoed en vee, tesame met ‘n vrywillige gawe vir die tempel van God in Jerusalem.”

Om oor te gesels en te dink:
Hierdie gedeelte beskryf hoe God die hart van koning Kores aangeraak het om die ballinge in Babilon toe te laat om terug te keer na Jerusalem om die tempel te herbou. Dit is ‘n groot besluit en geskiedkundig ‘n belangrike besluit. Watter besluite het jy al in jou lewe geneem wat ‘n groot effek gehad het? Hoe het jy daaroor besluit? Mag jy hierdie week bewus raak van hoe die Here ook jou hart aanraak ten opsigte van besluite.

Gebed:
Here, raak my hart aan soos U die hart van koning Kores aangeraak het. Help my om U wil te soek en my fokus op U Koninkryk te plaas. Lei my om U planne te verstaan en te volg, en gee my die moed om volgens U wil te lewe. Amen.

2 Korintiërs 9:10-15
10God wat saad verskaf om te saai en brood om te eet, sal ook aan julle saad gee en dit laat groei en julle vrygewigheid ‘n ryk oes laat oplewer. 11Hy maak julle altyd in alles ryk genoeg om by elke geleentheid vrygewig te kan wees. Deur ons bemiddeling het julle vrygewigheid tot gevolg dat God gedank word, 12want die bediening van hierdie hulpbetoon voorsien nie alleen in die behoeftes van die gelowiges in Judea nie, maar bring ook oorvloedige dankbaarheid teenoor God mee. 13Deur hierdie duidelike bewys van julle bereidheid om te dien, sal daar baie wees wat aan God eer toebring. Hulle sal Hom prys oor julle gehoorsaamheid aan die evangelie van Christus wat julle bely, en oor julle opregte mededeelsaamheid teenoor hulle en teenoor al die ander. 14Hulle sal ook vir julle bid en met verlange aan julle dink, omdat die genade van God oor julle so oorvloedig was. 15Ons dank God vir sy onuitspreeklike gawe.

VRAE:

• In die gedeelte sien ons hoe Paulus verskillende redes deel waarom dit goed is om te gee. Die waardes wat hy beskryf word ook deur ons eie Geloofsfamilie ondersteun. Dit is deel van die 9 maniere waarop ons glo ons moet groei as gelowiges en dissipels.
• Wat ontdek jy van gee, wanneer jy jouself in posisies van leierskap bevind? Hoe moedig jou verantwoordelikheid oor ander, jou aan om met ‘n oop hand en hart te leef? Weet jy wat in die mense oor wie jy aangestel is, of die mense waar jy invloed het se lewens aangaan? Hoe lei jy wanneer mense swaar kry en behoeftes het? Hoe kan jy en wat moet jy gee as jy met mense se stories gekonfronteer word?
• Wat ontdek jy van gee, wanneer jy as gelowige dieper groei en nader aan God en jou medemens leef? Hoe moedig nuwe verstaan van genade, liefde, hoop en vrede jou aan om met ‘n oop hand en hart te leef? As jy meer op God se versorging vertrou, hoe lyk dit wat jy werklik nodig het om mee oor die weg te kom? Hoe lyk gee by jou, hoe meer jy groei in jou verhouding met die Here?
• GEBED:
• Here, dankie dat U vir my geleenthede gee om te groei en ander te kan lei. Here, dankie dat dit vir my geleenthede bied om te gee en dit te doen met ‘n blymoedige hart. Here, hoe nader ek aan U groei, hoe meer besef ek dat U die enigste ding is wat ek in my lewe werklik benodig. Here, dankie, dat U my laat besef dat waar vreugde nie in dinge lê nie, maar in U. Dankie dat U dit so vrylik vir my gee.
• Amen

Vrydag, 12 Julie 2024

2 Korintiërs 9:10-15
10God wat saad verskaf om te saai en brood om te eet, sal ook aan julle saad gee en dit laat groei en julle vrygewigheid ‘n ryk oes laat oplewer. 11Hy maak julle altyd in alles ryk genoeg om by elke geleentheid vrygewig te kan wees. Deur ons bemiddeling het julle vrygewigheid tot gevolg dat God gedank word, 12want die bediening van hierdie hulpbetoon voorsien nie alleen in die behoeftes van die gelowiges in Judea nie, maar bring ook oorvloedige dankbaarheid teenoor God mee. 13Deur hierdie duidelike bewys van julle bereidheid om te dien, sal daar baie wees wat aan God eer toebring. Hulle sal Hom prys oor julle gehoorsaamheid aan die evangelie van Christus wat julle bely, en oor julle opregte mededeelsaamheid teenoor hulle en teenoor al die ander. 14Hulle sal ook vir julle bid en met verlange aan julle dink, omdat die genade van God oor julle so oorvloedig was. 15Ons dank God vir sy onuitspreeklike gawe.

VRAE:

• In die gedeelte sien ons hoe Paulus verskillende redes deel waarom dit goed is om te gee. Die waardes wat hy beskryf word ook deur ons eie Geloofsfamilie ondersteun. Dit is deel van die 9 maniere waarop ons glo ons moet groei as gelowiges en dissipels.
• Wat ontdek jy van gee, wanneer jy in verhouding met ander gelowiges staan? Hoe moedig julle byeenkomste en blootstelling aan die nood onder julle, jou aan om met ‘n oop hand en hart te leef? Weet jy hoe dit met die mense wat saam met jou in die Geloofsfamilie is werklik gaan? Hoe kan jou verhoudings met ander gelowiges jou help om ander te ondersteun?
• Wat ontdek jy van gee, wanneer jy na binne kyk en sien wat in jou hart aangaan wanneer die tema van gee voorkom? Hoe moedig jou eie siening van genoeg hê en om skaarste te beleef jou aan om ook vir ander te gee? Hoe kan God jou help om heel te word wanneer jy ander ook help? Hoe help ander mense wat heelheid beleef, jou om ook self te wil heel word? Hoe gee jy van die dele waar jy heelheid beleef weer vir ander?
• GEBED:
• Here, dankie dat ek kan gee omdat ek naby genoeg aan my mede-broers en susters van die geloofsfamilie leef. Here, help my om meer gereeld by die byeenkomste van ons bedieninge uit te kom, sodat ek kan sien wanneer ander hulp benodig. Here, help my ook om heel te word in my eie verstaan van wat ek het en nie het nie. Here, help my om te fokus op die oorvloed, nie die skaarste nie. Here, help my om met ‘n dankbare, vrygewige, heel hart te gee, sonder om bitter of negatief te word.
• Amen

2 Korintiërs 9:10-15
10God wat saad verskaf om te saai en brood om te eet, sal ook aan julle saad gee en dit laat groei en julle vrygewigheid ‘n ryk oes laat oplewer. 11Hy maak julle altyd in alles ryk genoeg om by elke geleentheid vrygewig te kan wees. Deur ons bemiddeling het julle vrygewigheid tot gevolg dat God gedank word, 12want die bediening van hierdie hulpbetoon voorsien nie alleen in die behoeftes van die gelowiges in Judea nie, maar bring ook oorvloedige dankbaarheid teenoor God mee. 13Deur hierdie duidelike bewys van julle bereidheid om te dien, sal daar baie wees wat aan God eer toebring. Hulle sal Hom prys oor julle gehoorsaamheid aan die evangelie van Christus wat julle bely, en oor julle opregte mededeelsaamheid teenoor hulle en teenoor al die ander. 14Hulle sal ook vir julle bid en met verlange aan julle dink, omdat die genade van God oor julle so oorvloedig was. 15Ons dank God vir sy onuitspreeklike gawe.

VRAE:

• In die gedeelte sien ons hoe Paulus verskillende redes deel waarom dit goed is om te gee. Die waardes wat hy beskryf word ook deur ons eie Geloofsfamilie ondersteun. Dit is deel van die 9 maniere waarop ons glo ons moet groei as gelowiges en dissipels.
• Wat ontdek jy van gee, wanneer jy sien ander getuig van hulle belewenis met God? Hoe moedig jou eie getuienis van God se versorging en teenwoordigheid in jou lewe, jou aan om met ‘n oop hand en hart te leef? Kan jy aan voorbeelde dink waar God vir jou gegee het wat jy kan gebruik om van te getuig? Hoe kan hierdie geleenthede waar God gee, jou weer aanmoedig om te getuig?
• Wat ontdek jy van gee, wanneer jy na mense kyk wat alles verloor het en hulp benodig? Hoe moedig mense se nood en moedeloosheid jou aan om met ‘n oop hand en hart te leef? Hoe kan God jou gebruik in situasies waar mense se nood groot is? En hoe kan mense wat in nood is, weer God se liefde beleef wanneer ander hulle help?
• Wat ontdek jy van gee, wanneer jy herinner word aan die taak waarvoor God jou roep? Hoe help jou roeping en gestuurdheid jou om met ‘n oop hart en hand te leef? Hoe gebruik God jou roeping om ander te inspireer om ook te gee? Hoe roep God jou om in mense se lewens verligting te bring en te help?
• GEBED:
• Here, dankie dat U my kan gebruik om vir ander goed te wees. Dankie dat ek die voorreg het om te kan gee omdat ek vir ander wil wys hoe Goed U is en hoe U vir hulle wil omgee. Dankie Here, dat U my roep om ‘n verskil te maak in die wêreld en U koninkryk. Here, help my om nie afgemat te word of koud te wees vir die behoeftes van die wêreld nie. Here, help my om elke dag te gee, waar ook al ek geleentheid kry om dit te mag doen.
• Amen

2 Korintiërs 9:10-15
10God wat saad verskaf om te saai en brood om te eet, sal ook aan julle saad gee en dit laat groei en julle vrygewigheid ‘n ryk oes laat oplewer. 11Hy maak julle altyd in alles ryk genoeg om by elke geleentheid vrygewig te kan wees. Deur ons bemiddeling het julle vrygewigheid tot gevolg dat God gedank word, 12want die bediening van hierdie hulpbetoon voorsien nie alleen in die behoeftes van die gelowiges in Judea nie, maar bring ook oorvloedige dankbaarheid teenoor God mee. 13Deur hierdie duidelike bewys van julle bereidheid om te dien, sal daar baie wees wat aan God eer toebring. Hulle sal Hom prys oor julle gehoorsaamheid aan die evangelie van Christus wat julle bely, en oor julle opregte mededeelsaamheid teenoor hulle en teenoor al die ander. 14Hulle sal ook vir julle bid en met verlange aan julle dink, omdat die genade van God oor julle so oorvloedig was. 15Ons dank God vir sy onuitspreeklike gawe.

VRAE:

• In 2 Korintiërs 9 herinner Paulus die gemeente aan die verbintenis wat hulle gemaak het om by te dra tot die versorging van gelowiges in Judea. Hy herinner hulle dat dit iets is wat hulle in vryheid beloof het en dat dit juis ‘n geloofspraktyk is, aangesien dit hulle help om te groei in geloof en vertroue op God. Hy herinner hulle dat hulle vrygewig moet wees, omdat God vrygewig is. Indien hulle bely dat hulle in God glo, moet hulle optredes reflekteer dat hulle in die beeld van God geskep is en met oop hande leef.
• Weet jy waarom jy vir ander gee? Omdat God jou Vader is, is jy God se kind. Omdat jy God vrygewig is, leef ons vrygewig. Waarom gee jy gewoonlik vir ander? Waarvan alles gee jy vir ander? Wat gee jy nie vir ander nie?
• Wat ontdek jy van gee, wanneer jy die Woord lees? Hoe moedig die Woord jou aan om met ‘n oop hand en hart te leef? Kan jy aan voorbeelde dink waar God vrygewig was in die Woord?
• Wat ontdek jy van gee, wanneer jy deelneem aan Aanbidding? Hoe moedig aanbiddings geleenthede jou aan om te gee? Hoe kan jy God aanbid en in verwondering wees, as jy dink oor alles wat God vir jou gegee het?

GEBED:

Here, ek lees in U Woord van al die geleenthede waar U vir U mense gegee het. Ek sien hoe U niks van ons weghou nie. Ek beleef daagliks U seën, U versorging, U gawes, U teenwoordigheid, U verlossing, U genade en U liefde. Here, dit bring my tot verwondering. Dankie dat U ‘n God is wat in oorvloed gee, nie wag om te kyk of ek waardig is daarvan nie. Here, help my om U voorbeeld te volg. Here, mag ek meer en meer vrygewig wees. Here, mag ek meer en meer gee, sodat ander ook in verwondering kan staan van U grootheid en U liefde en U trou.
Amen

2 Korintiërs 9:7
7Elkeen moet gee soos hy hom in sy hart voorgeneem het, nie met teensin of uit dwang nie, want God het die blymoedige gewer lief.

VRAE:

• In 2 Korintiërs 9 verduidelik Paulus vir die gemeente nie waarom hulle moet gee nie. Hy neem aan dat hulle weet waarom hulle moet gee. He verduidelik wel hoe hulle moet gee. Wanneer gelowiges gee, moet hulle gee omdat dit vir hulle lekker is. Omdat hulle dit wil doen. Omdat hulle in God se beeld geskape is, en daarom ook gee soos Hy die voorbeeld vir ons gestel het.
• Is jy oortuig dat jy as ‘n gelowige moet gee? Waarom? Of waarom nie? Watter sake, inligting of oortuigings beïnvloed jou om te gee of nie te gee nie. Deel dit nou met die Here.
• Wanneer jy gee, doen jy dit omdat jy geforseer word om so te maak? Voel jy skuldig as jy nie gee nie? Is jy bang hoe dit vir ander kan lyk as jy nie gee nie? Word jy beïnvloed deur die mense vir wie jy kan of nie wil gee nie? Deel jou hart met die Here.
• God is ‘n vrygewige God. Hy het niks van ons terug gehou nie. Hy het vir ons lewe gegee, die natuur gegee en selfs Se seun gegee. God se hand was nie besig om vas te klou aan alles wat Hy het nie. Hy was nie besig om net die pinkie te gee nie. Die voorbeeld wat God stel is om sy hande oop te strek tot so ‘n mate dat Hy selfs aan die kruis vasgepen is. Hoe volg jy in God se voorbeeld? Deel jou hart met die Here.

GEBED:
Here, om te gee is vir my moeilik. Veral wanneer ek voel dit gaan swaar, daar is soveel druk op my skouers en ek voel nie eers ek het noodwendig genoeg nie. Here, dit is vir my moeilik want ek voel ook asof die hele wêreld net nog vra. Here, help my om te dink oor hoe ek in U voetspore kan volg en ook vrygewig te kan wees. Here, help my om meer en meer te gee, in alles in my lewe. 
Amen

2 Korintiërs 9:7
7Elkeen moet gee soos hy hom in sy hart voorgeneem het, nie met teensin of uit dwang nie, want God het die blymoedige gewer lief.

VRAE:

• In 2 Korintiërs 9 is Paulus besig om met die gemeente in Korinte te praat oor die manier waarop hulle gee. Een van die eerste punte wat hy maak is dat elkeen moet gee. Elkeen word nie net gevra om te gee nie, maar hulle word gevra om met ‘n blymoedige hart te gee. Vir Paulus is dit nie net belangrik dat elke gelowige moet gee nie, maar die manier waarop hulle gee, is belangrik.
• Wat gebeur by jou in jou gedagtes of in jou hart wanneer iemand begin praat oor gee? Wat is die gedagtes wat by jou opkom? Wat is die emosies wat in jou lyf gaan sit? Wat is al die redes waarom jy positief of negatief reageer? Deel jou hart met die Here.
• Elkeen moet gee soos hy in sy hart voorgeneem het. Wanneer jy gevra word om te gee, hoe bepaal jy wanneer jy gee en wanneer jy nie gee nie? Hoe bepaal jy wat genoeg is om te gee en wat jy nie sal gee nie? Wanneer jy gee, word dit bepaal deur jou waarneming van hoeveel die instansie op persoon verdien om te kry? Word dit bepaal deur wat jy dink die persoon daarmee gaan doen? Of word dit bepaal met die hoeveelheid wat jy glo God vir jou vra om te gee?
• Is gee vir jou ‘n saak van vreugde? Hoeveel keer het jy al gegee omdat dit vir jou lekker is en jy vreugde deur die hele belewenis kry? Waarom dink jy sou God wil hê ons moet gee met ‘n blymoedige hart?

Gebed:
Here, soms is dit vir my moeilik om te gee. Ek voel asof ek nie eers altyd genoeg het vir my en my familie nie. Soms voel dit vir my asof almal net goed by my wil hê. Here, dit voel nie asof ek eers wil gee nie. Here, ek vra dat U my hart sal verander. Here help om vreugde te vind in die hele proses van gee. Here, tot ek vreugde vind in die proses vra ek dat U dan vir my laat vreugde vind in U, omdat ek nader aan U hart leef. Dankie Here dat U vir my met blymoedigheid alles gegee het wat ek ooit sou kon benodig. Here, help my om meer soos U te wees.
Amen.

Markus 6:45-52
45Net daarna het Jesus sy dissipels aangesê om in die skuit te klim en solank vooruit te gaan na die oorkant, na Betsaida toe, terwyl Hy nog eers die mense huis toe stuur. 46Nadat Hy hulle laat gaan het, het Hy die berg op gegaan om te bid. 47Toe dit aand word, was die skuit al ver weg die see in en Jesus alleen op die strand. 48Hy het gesien hulle roei swaar, want die wind was teen hulle. Teen dagbreek die volgende môre het Hy op die see na hulle toe aangeloop gekom, en Hy wou langs hulle verbygaan. 49Toe hulle Hom op die see sien loop, het hulle gedink dit is ‘n spook. Hulle het hard geskreeu, 50want hulle het Hom almal gesien en groot geskrik. Maar Hy het dadelik met hulle gepraat en vir hulle gesê: “Wees gerus, dit is Ek. Moenie bang wees nie.” 51Hy het toe by hulle in die skuit geklim, en die wind het gaan lê. Hulle was heeltemal uit die veld geslaan, 52want hulle het nie werklik verstaan wat die vermeerdering van die brood beteken nie; hulle kon dit nog nie begryp nie.

VRAE:

• Net nadat Jesus stil geword het op die berg, gaan hy om die dissipels te ontmoet. Terwyl daar ‘n storm woed en die winde die dissipels wil oorweldig loop Jesus op die water na hulle toe. Wanneer Jesus in die skuit klim raak die wind stil. Nadat Jesus op die berg stil geword het, moet hy die storms aandurf en sy dissipels weer verder leer. Jesus stel ook sy dissipels gerus want hy het vertroue in God en is voorbereid vir die volgende gedeelte van sy bediening.
• Wanneer ons van berg momente af terug kom in die wêreld, kan dit voel asof ons storm na storm en winde na winde moet trotseer. Ons het dalk selfs nodig om ander te leer waaroor dit werklik gaan en hulle herinner aan dit wat ons op die berg gevind het, dat God is in beheer en ons kan rustig wees en nie bang wees nie.
• Waarvoor roep God jou? Wat is die storms wat jy op die oomblik moet aandurf? Wat het God jou geleer in jou stiltetyd wat jou help in die situasies waarheen jy gestuur word?
• Is dit moontlik om te vergeet dit wat God jou aan herinner in jou stiltetyd saam met hom? Hoe kan jy vashou aan dit wat God vir jou al bevestig het, wanneer jy die normale dinge van die lewe weer moet aanvat?

GEBED
Here, dankie dat ek enige tyd weer by U stil kan word. Here, dankie dat ek dit wat U vir my in my stiltetyd leer, verder weer kan vat om die storms aan te vat. Here, help my om te onthou dat ek nie alleen is nie. Here, help my asb. om te weet dat U altyd by my is en my deur elke situasie sal help.
Amen

Markus 6:45-52
45Net daarna het Jesus sy dissipels aangesê om in die skuit te klim en solank vooruit te gaan na die oorkant, na Betsaida toe, terwyl Hy nog eers die mense huis toe stuur. 46Nadat Hy hulle laat gaan het, het Hy die berg op gegaan om te bid. 47Toe dit aand word, was die skuit al ver weg die see in en Jesus alleen op die strand. 48Hy het gesien hulle roei swaar, want die wind was teen hulle. Teen dagbreek die volgende môre het Hy op die see na hulle toe aangeloop gekom, en Hy wou langs hulle verbygaan. 49Toe hulle Hom op die see sien loop, het hulle gedink dit is ‘n spook. Hulle het hard geskreeu, 50want hulle het Hom almal gesien en groot geskrik. Maar Hy het dadelik met hulle gepraat en vir hulle gesê: “Wees gerus, dit is Ek. Moenie bang wees nie.” 51Hy het toe by hulle in die skuit geklim, en die wind het gaan lê. Hulle was heeltemal uit die veld geslaan, 52want hulle het nie werklik verstaan wat die vermeerdering van die brood beteken nie; hulle kon dit nog nie begryp nie.

VRAE:

• Jesus het gereeld onttrek en gaan bid. In hierdie gedeelte sien ons dat Jesus na die berg gaan om te bid. Ons sien veral dat Jesus gaan bid voor en na groot gebeure in sy lewe. Jesus het die dissipels genooi om saam stil te word en te onttrek sodat hulle stil kan word. Ongelukkig vind ‘n menigte hulle, en is hulle dadelik weer besig met bediening aan mense. Jesus vermeerder die brood en voer vyf duisend mense. Jesus besef dat dit nodig is om hulle kragte weer terug te kry voordat hulle verder kan gaan met hulle bediening wat voorlê. Net nadat Jesus gaan bid het, loop Jesus op die water. Hy ontmoet sy dissipels waar hulle is. Die dissipels beleef Jesus waar hy weer gevul is met nuwe krag en voorbereid vir die volgende gedeelte van hulle bediening. Juis hierna is Jesus in konflik met die Fariseërs. Ek glo Jesus het geweet wat voorlê en wat hy nodig het om die konflik te hanteer.
• Is jy ingestel om God se raad en wysheid te soek voordat jy met enige nuwe projekte begin, take moet aandurf, mense moet ontmoet, situasies moet hanteer? Hoe soek jy God se leiding en onderskeiding? Hoe rus jy in God sodat jy weer met nuwe krag en ywer dit wat voorlê kan aanpak? Hoe kan jy dit nog beter inbou in jou lewe?
• Is jy daarop ingestel om weer stil te word saam met God en nabetragting te doen van alles wat jy deur gegaan het aan die einde van die dag? Is jy so besig dat jy net voortgaan van taak na taak, van afspraak na afspraak? Hoe maak jy tyd om met God jou uitdagings, oorwinnings en vrae te deel? Hoe verander dit jou perspektief op dinge wat gebeur het? Hoe help dit jou wanneer jy nuwe situasies moet hanteer?

Gebed:
Here, ek wil by U stil word. Here, ek wil in U rus. Here, ek weet ek moet my krag in U vind. Here, ek weet ook dat ek terug na U moet kom wanneer ek deur alles gaan wat die lewe my bied. Here, dankie dat ek by U die krag kan vind wat ek nodig het om enige iets aan te pak. Here, dankie dat U my ook weer versorg en herstel nadat ek verskeie uitdagings moes beleef. Here, berei my voor vir dit wat U vir my beplan. Here, help my ook genees en heel word nadat ek gehoorsaam uitgeleef het dit wat U van my vra. 
Amen

Filippense 2:5-11
5Dieselfde gesindheid moet in julle wees wat daar ook in Christus Jesus was: 6Hy wat in die gestalte van God was, het sy bestaan op Godgelyke wyse nie beskou as iets waaraan Hy Hom moes vasklem nie, 7maar Hy het Homself verneder deur die gestalte van ‘n slaaf aan te neem en aan mense gelyk te word. En toe Hy as mens verskyn het, 8het Hy Homself verder verneder. Hy was gehoorsaam tot in die dood, ja, die dood aan die kruis. 9Daarom het God Hom ook tot die hoogste eer verhef en Hom die Naam gegee wat bo elke naam is, 10sodat in die Naam van Jesus elkeen wat in die hemel en op die aarde en onder die aarde is, die knie sou buig, 11en elke tong sou erken: “Jesus Christus is Here!” tot eer van God die Vader.

VRAE:

• God het altyd met sy volk in liefde en genade gehandel. God se volk het egter nie hulle kant van die verbond nagekom nie. God het geweet dat Hy iets moes doen om die verhouding te herstel. Aangesien dit so moeilik was vir God se volk om na Hom te kom vir berg ervarings waar hulle Hom ontmoet en beter leer ken, moes Hy af gaan na die vallei om hulle vry te maak. Die enigste oplossing was om prakties vir mense te kom wys wat die verwagting is, hoe hulle moet leef en hoe hulle weer vir God met vrymoedigheid kan nader.
• Jesus kom wys vir ons hoe God se liefde en hart lyk, in lewende lywe. Hy kom wys vir ons hoe dit lyk om ander en ook God te dien. Hy stel die voorbeeld van hoe toegewydheid lyk. Jesus kom onder mense woon en nooi mense in ‘n verhouding met God is. Almal het toegang. God se genade is nie meer beperk tot God se volk nie, maar ‘n verhouding met die lewende God is vir alle nasies en alle geslagte.
• Wat leer jy van God uit Jesus se handelinge op aarde? Wat leer jy uit Jesus se optredes oor hoe jy mense moet hanteer? Wat leer jy oor jou eie verhouding met God uit Jesus se voorbeeld op aarde?
• Omdat Jesus gekom het, kan ons met vrymoedigheid na God gaan. Is daar iets wat jou keer om met vrymoedigheid na God te gaan? Watter verskonings gebruik jy om nie jou verhouding met God meer van ‘n prioriteit te maak nie? Wat het jy nodig om te weet dat jy God kan nader net soos jy is net waar jy is?
• Hoe kan jy iemand anders aanmoedig om tot God te nader? Hoe kan jy saam met hulle die Here meer intensioneel soek? Hoe kan jy vir ander intree en saam met hulle ‘n deel van die geloofsreis stap?

GEBED:
Here, dankie vir die genade wat u In Jesus na ons gestuur het. Dankie Here dat ons nie enige struikelblokke moet oorkom, lewens moet leef of pryse behaal om weer in verhouding met U te kan staan nie. Dankie Here, dat ons net by U kan kom wees, dat ons U kan ontmoet en dat U dit vir ons moontlik gemaak het. Here, maak ons asb. bewus van oomblikke waarin ons by kan stil word oral waar ons is.
Amen

Eksodus 33:7-23
7Moses het ‘n tent gevat en dit ver buite die kamp gaan opslaan. Hy het dit die tent van ontmoeting genoem. Elkeen wat na die wil van die Here wou vra, het na die tent van ontmoeting buite die kamp gegaan. 8Elke keer wanneer Moses na die tent toe uitgegaan het, het die hele volk opgestaan. Elkeen het by die ingang van sy tent bly staan en Moses agterna gekyk tot hy in die tent ingaan. 9Sodra hy ingaan, het die wolkkolom afgekom en by die ingang van die tent van ontmoeting gaan staan, en dan het die Here met Moses gepraat. 10Wanneer die hele volk die wolkkolom by die ingang van die tent van ontmoeting sien staan, het elkeen by die ingang van sy tent gebuig in aanbidding. 11Die Here het direk met Moses gepraat soos ‘n man met sy vriend. Daarna is Moses terug kamp toe, maar sy assistent, die jongman Josua seun van Nun, het nie die tent van ontmoeting verlaat nie. 12Op ‘n keer het Moses vir die Here gesê: “Kyk, U beveel my om met hierdie volk te trek, sonder om my mee te deel vir wie U saam met my stuur. Tog het U gesê: ‘Ek ken jou op jou naam; Ek is jou goedgesind.’ 13As U my dan goedgesind is, maak my u wil bekend, sodat ek U kan leer ken en kan doen wat U verwag. Onthou tog hierdie nasie is u volk.” 14Toe het die Here gevra: “Moet Ek self saamgaan en vir jou vrede gee?” 15Toe het Moses vir Hom gesê: “As U nie self saamgaan nie, moet U ons nie van hier af laat wegtrek nie. 16Hoe sal die mense weet dat ek en u volk u goedgesindheid geniet as U nie saam met ons gaan nie? Dit is juis deurdat U met ons saamgaan dat ons, ek en u volk, anders is as al die ander volke op die aarde.” 17Die Here het vir Moses geantwoord: “Ook wat jy nou gevra het, sal Ek doen. Ek is jou goedgesind en Ek ken jou op jou naam.” 18Toe sê Moses: “Laat ek tog net u magtige verskyning sien!” 19Maar die Here sê: “Ek sal al my voortreflikheid voor jou laat verbykom en Ek sal die Naam ‘die Here’ vir jou uitroep, want Ek betoon genade aan wie Ek genade wil betoon en Ek ontferm My oor wie Ek My wil ontferm. 20Vir My kan jy nie sien nie, want geen mens kan My sien en bly lewe nie.” 21Die Here het verder gesê: “Maar hier by My is ‘n plek waar jy op die rots kan staan. 22As Ek in my magtige verskyning verbykom, sal Ek jou eers in ‘n rotsskeur sit en jou met my hande toemaak totdat Ek verby is. 23Dan sal Ek my hande wegvat sodat jy My van agter kan sien. Niemand mag my gesig sien nie.”

VRAE:

• Na die volk van God die goue kalf aanbid het, was God baie kwaad vir sy volk. Hierdie keer praat God nie met Moses op die berg nie, maar gaan na Moses in die tent van ontmoeting in die vallei. Hy ontmoet sy mense waar hulle is, diep in die moeilikheid. Hy gaan na hulle want hulle is so ver verwyder van Hom. Hulle is skaam en skuldig voor God. Tog ontmoet God vir Moses steeds soos ‘n vriend. Selfs wanneer God nie meer saam met sy volk wil trek nie. God is so kwaad dat Hy hulle net wil uitroei. Tog is God bereid om sy volk te ontmoet in die ten van ontmoeting. Tog is God bereid om te luister na Sy volk, deur sy dienaar Moses. God is kwaad, maar God is steeds in verhouding met sy volk en ontmoet hulle, waar hulle is. Veral wanneer hulle nie in staat is om God te ontmoet waar Hy is nie
• Wat besonders is in die gedeelte is dat God toelaat dat Moses Hom oorreed om sy planne te verander. Moses deel wat sy eie behoefte is. Moses wil nie die volk lei as God nie saam met hulle gaan nie. Alhoewel God so kwaad was om nie saam te wil trek nie, en hulle moontlik selfs uit te roei, besluit God om saam met sy volk verder te reis en die verhouding te herstel. Kon jy al ooit so eerlik met God jou hart deel, vra vir wat jy nodig het, selfs al is jy oortuig dat God kwaad is, jou moontlik wil verlaat? Hoe het jou jou hart met Hom gedeel? Hoe groot was jou geloof as dit gekom het by jou vertroue dat God sy hart sal verander of vir jou sal gee waarvoor jy vra? Deel sommer met die Here jou ervaring.
• Ken jy enige iemand wat tans voel asof die Here vir hulle kwaad is of hulle verlaat het? Hoe tree jy vir hulle in by die Here? Hoe ondersteun jy hulle in hierdie moeilike tyd?
• God het by die volk verby gestap. Hy het hulle beskerm van dit waarvoor hulle nie reg was nie. Hy het ook verder hulle gelei en hulle versorg. Waar in jou lewe kan jy sien dat God jou beskerm van dit wat nie vir jou goed is nie of nie vir jou bedoel is nie? Waar beleef jy steeds God se leiding en versorging in jou lewe? Deel jou hart met die Here, maar ook met die persoon wat jy ken wat voel dat God nie so naby is nie.

GEBED:
Here, U weet wanneer ek verkeerd is of droogmaak. U weet hoe skaam ek kry of hoe skuldig ek voel. U weet dat dit vir my moeilik is om U dan op die berg te ontmoet. Dankie Here dat U my dan in die vallei kom ontmoet en steeds my lei en versorg. Here, help my om hiervan te getuig. En Here wanneer ek self dit begin vergeet, herinner my aan U trou. Dankie Here, dat U my God is.
Amen

Psalm 23
1’n Psalm van Dawid. Die Here is my herder, ek kom niks kort nie. 2Hy laat my rus in groen weivelde. Hy bring my by waters waar daar vrede is. 3Hy gee my nuwe krag. Hy lei my op die regte paaie tot die eer van sy Naam. 4Selfs al gaan ek deur donker dieptes, sal ek nie bang wees nie, want U is by my. In u hande is ek veilig. 5U laat my by ‘n feesmaal aansit, terwyl my teëstanders moet toekyk. U ontvang my soos ‘n eregas, ek word oorlaai met hartlikheid. 6U goedheid en liefde sal my lewe lank by my bly en ek sal tuis wees in die huis van die Here tot in lengte van dae.

VRAE:

• In die Bybel se tyd is dale en valleie nie plekke van rus en veiligheid nie. Dale is plekke van onsekerheid. Psalm 121 sê juis dat hy opkyk na die berge en opsoek is na dit wat vir hom rus en vrede kan bring. Wanneer jy in die vallei is, is jy blootgestel. Dinge kan met jou gebeur. Soms kan die skadu’s van die berge oor jou val en jou meer ontbloot laat voel. Die Psalm skrywer verwys na die vallei as donker dieptes. Mens sien dit as jy op die berg staan en af kyk wanneer dit nog vroeg oggend is of skemer begin word.
• Waar bevind jy jouself op die oomblik? Op die berg? Naby God? Of in die vallei? Daar waar jy blootgestel is, dalk onveilig voel? Deel jou belewenis met die Here.
• Waarom is tye wat voel soos dale of valleie nie ‘n lekker plek om te wees nie? Watter leuens vertel jou brein of die vyand vir jou wanneer jy in situasies is wat soos valleie voel? Wat het jy nodig wanneer jy in die vallei situasies of ervarings is?
• Wat kan jy doen om jouself te herinner aan die berg ervarings saam met God wanneer jy in die vallei ervarings is? Wat kan jy prakties in jou lewe inbou om weer tyd te maak vir berg ervarings? Wat is daar in jou geloofshandelinge wat jou help om nader aan berg ervarings te kom? Deel jou gewaarwording met God.

GEBED:
Here, ek is so dankbaar vir berg ervarings. Maar ek kan nie ontken dat ek van tyd tot tyd ook vallei ervarings beleef nie. Here, wanneer ek in die vallei is, is dit vir my so swaar. Here, U weet hoe my gedagtes en die stemme van ander om my, my moedeloos maak. Here, help my om juis in daardie oomblikke tyd te maak vir U. Here, help my om nader aan U hart te leef, meer van U hart te hoor. Here, help my om veral in daardie oomblikke na U te soek wat my ontmoet. 
Amen

1 Konings 19:8-12
8Toe staan hy op en hy eet, en deur die krag van die kos kon hy veertig dae en veertig nagte lank loop tot by Horeb, die berg van God. 9Hy het in ‘n grot ingegaan en die nag daar deurgebring. Toe het die woord van die Here tot hom gekom en vir hom gesê: “Wat maak jy hier, Elia?” 10Hy antwoord toe: “Ek het my met hart en siel gewy aan u saak, Here, Almagtige God. Die Israeliete het die verbond met U verbreek. Hulle het u altare afgebreek en u profete doodgemaak. Net ek alleen het oorgebly, en hulle soek my om my ook om die lewe te bring.” 11Maar die Here sê vir hom: “Kom uit, en gaan staan op die berg voor My, die Here, Ek wil verbygaan.” Skielik was daar ‘n baie sterk wind wat die berg stukkend geruk en die rotse gebreek het voor die Here. Maar in die wind was die Here nie. Na die wind was daar ‘n aardbewing. Maar in die aardbewing was die Here nie. 12Na die aardbewing was daar ‘n vuur. Maar in die vuur was die Here nie. En na die vuur was daar ‘n fluistering in die windstilte.

VRAE:

• Keer op keer op keer het God sy mense op die berg ontmoet. Wanneer mense berg ervarings gehad het, het hulle ‘n verwagting gehad om die Here te ontmoet. Wanneer mense die Here ontmoet het, het hulle getransformeer.
• Het jy al ooit ‘n berg ervaring gehad waar jy die Here ontmoet het. Is jou berg ervaring een van buitengewone verskynsels, gebeure of situasies? Of is jou berg ervaring een van stilte waar God sagkens met jou gesels? Hoe weet jy dit was ‘n berg ervaring? Wat het in jou verander tydens daardie belewenis?
• Berg ervarings is soms moeilik om met ander te deel, omdat ander nie altyd dieselfde belewenis as jy ervaar nie. Mense wil graag help, maar kan ook soms mens laat twyfel in jou ervaring van die Here. Waar het jy al ‘n berg ervaring gehad waar mense in jou lewe jou hoop gesteel het of jou onseker gemaak het oor wat jy gehoor het die Here van jou vra? Waarom het dit gebeur?
• Is jy dalk die persoon wat iemand anders laat twyfel in hulle berg ervarings saam met die Here? Het iemand al hulle ervarings op die berg met jou gedeel, en was jy dan negatief of skepties oor hulle ervarings? Het jy al tussen God en iemand gekom, wat besig was om die Here te begin ontmoet? Hoe kan jy dit regstel of vra vir vergifnis? Hoe kan jy dit in die toekoms anders doen?

Gebed:
Here, dankie dat U my op die berg ontmoet. Dankie dat U nooit weg is of onbereikbaar is nie. Here help my om tyd af te sonder om U te soek op berg ervarings. Here, help my om by U stil te word en U hart met my hele hart na te jaag. Here, mag ek nie in iemand anders se pad staan nie. En Here, help my om sterk te staan en vas te hou aan U hand eerder as om ander se twyfel of onsekerhede my eie te maak. Dankie Here, dat U my ontmoet.
Amen

Markus 10:45
“Die Seun van die mens het ook nie gekom om gedien te word nie, maar om te dien en sy lewe te gee as losprys vir baie mense.”

Om oor te gesels en te dink:
Jesus nooi ons om in Sy voetspore te stap. Hy het vir ons die pad kom wys en nooi ons om Hom na te doen. Hierdie vers vorm die kern en draaipunt van die Evangelie van Markus. Die Boodskap vertaal dit as volg: “Selfs Ek, die Seun van die mens, het nie gekom sodat almal My moet bedien nie. Ek het gekom om ander te dien. Daarom het Ek my lewe gegee sodat baie mense daardeur weer God se eiendom kan word.”
Oswald Chambers vat dit as volg saam: “Dit is maklik om eenmalig as bewonderaar waagmoedig agter Jesus aan op die water te loop. Om Hom elke dag as sy dissipel op droë grond te volg, is ‘n ander storie.”
Dit is ’n moeilike pad om in Jesus se voetspore te volg, maar dit is die beste pad. Mag jy nie moedeloos word om agter Jesus aan te stap nie. Hy was bereid om Sy lewe vir jou te gee, sodat jy aan God kan behoort.

Gebed
Jesus, dankie dat U U lewe vir my gegee het. Dankie dat U bereid was om te kom dien. Ek wil agter U aan stap, selfs al is dit soms moeilik. Amen.

Markus 10:42-44
Jesus roep hulle toe nader en sê vir hulle: “Julle weet dat dit by die nasies so is dat hulle sogenaamde regeerders oor hulle baasspeel en dat hulle groot manne die mag oor hulle misbruik. Maar by julle moet dit nie so wees nie. Elkeen wat in julle kring groot wil word, moet julle dienaar wees; en elkeen onder julle wat die eerste wil wees, moet julle almal se dienaar wees.

Om oor te gesels en te dink:
Die dissipels wat saam met Jesus is, sukkel om in Jesus se voetspore te stap. Johannes en Jakobus het pas gestry oor wie die belangrikste in die koninkryk is en gevra om ereplekke in die koninkryk te kry. Jesus roep hulle almal nader en sê dat hulle nie soos die wêreld hulle mag moet misbruik en net aan hulleself dink nie. Jesus keer die orde om. Elkeen van hulle en ons moet dienaars wees. Dit gaan so teen ons grein in. Ons wil eerste en die beste wees, maar Jesus kom wys ons om eerder te dien. Wanneer ons diensbaar is, loop ons in Sy voetspore. Jesus maak dit nie opsioneel nie. As ons onsself volgelinge van Jesus noem, kan ons nie anders as om diensbaar te wees nie.

• Is daar ’n plek waar jy moet dien?
• Is daar iemand wat jy moet dien ter wille van die Evangelie?

Gebed
Here Jesus, ek wil nie altyd dien nie, maar ek wil in U voetspore stap. Help my om geleenthede en mense raak te sien wat ek kan dien. Ek wil soos U wees. Amen.

Markus 8:34-35
“Jesus het toe die menigte mense saam met sy dissipels nader geroep en vir hulle gesê: “As iemand agter My aan wil kom, moet hy homself verloën, sy kruis opneem en My volg, want wie sy lewe vir homself wil behou, sal dit verloor; maar wie sy lewe vir My en die evangelie verloor, sal dit behou.”
‭‭
Om oor te gesels en te dink:
Wanneer Jesus mense roep, roep Hy hulle nie om ’n klomp wette en leerstellings te volg nie, maar om Hom te volg deur te doen wat Hy doen. John Donne sê: “Christus roep ons, maar Hy dwing ons nie. Hy werk met vrywilligers.” Ons het die keuse om Jesus te volg. Wanneer ons die keuse maak, neem ons Jesus se kruis op en is ons bereid om aan onsself te sterf.
Dit is ’n daaglikse keuse en proses om myself ondergeskik aan Jesus te stel. Dis om te kies wat Hy sou kies en te doen wat Hy sou doen. Dit is nie om minder van myself te dink nie, maar minder aan myself te dink. Ek sterf aan myself en ontvang so die lewe saam met God.
Mag almal om jou sien dat kies om in Jesus se voetspore te stap. Mag hulle ervaar dat jy Jesus liefde uitleef en hulle eerste stel.

Gebed
Here Jesus, ek wil U volg. Ek wil U kruis opneem, al kos dit my lewe. Ek wil aan U gehoorsaam wees. Amen.

Markus 2:14-17
Toe Hy by die tolhuis verbygaan, sien Hy vir Levi seun van Alfeus daar sit, en Hy sê vir hom: “Volg My!” Levi het opgestaan en Hom gevolg. Daarna het Jesus in Levi se huis gaan eet. Baie tollenaars en sondaars was saam met Hom en sy dissipels aan tafel, want daar was baie van hulle wat Hom gereeld gevolg het. Toe die skrifgeleerdes onder die Fariseërs sien dat Hy saam met sondaars en tollenaars eet, het hulle vir sy dissipels gesê: “Waarom eet hy saam met tollenaars en sondaars?” Jesus het dit gehoor en Hy sê vir hulle: “Dié wat gesond is, het nie ‘n dokter nodig nie, maar dié wat siek is. Ek het nie gekom om mense te roep wat op die regte pad is nie, maar sondaars.”
‭‭
Om oor te gesels en te dink:
Jesus roep mense wat ander nie sou kies nie. Levi, ‘n tollenaar, was ‘n gehate persoon in die samelewing omdat hy mense uitgebuit het vir eie geldelike gewin en hy was kop in een mis met die Romeinse regering. Boonop is hy deur die godsdienstiges as onrein en onwelkom beskou. Tog kies Jesus hom deur hom te nooi om Hom te volg. Levi reageer dadelik en los alles om Jesus te begin volg.
Levi nooi Jesus na sy huis toe om saam met Hom te eet. Dit ontstel mense, maar Jesus herinner hulle dat Hy soos ‘n dokter mense help wat Hom nodig het.
Jesus roep jou ook. Hy nooi jou om saam met Hom te eet, selfs al dink almal anders en jyself dat jy dit nie verdien nie. Jesus jet jou lief en kies om jou te roep om in Sy voetspore te stap.

Gebed
Here Jesus, dankie dat U na my uitreik en my nooi om U te volg. Ek wil reageer en agter U in U voetspore volg. Amen.

Markus 1:19-20
19Toe Hy ’n entjie verder gaan, het Hy vir Jakobus seun van Sebedeus, en sy broer Johannes gesien waar hulle in die skuit besig was om hulle nette reg te maak, 20en dadelik het Hy hulle geroep. Hulle het hulle pa, Sebedeus, net so saam met die loonarbeiders in die skuit gelaat en saam met Jesus gegaan.

Om oor te gesels en te dink:
Jesus roep dadelik nog twee dissipels. Hulle is broers, Jakobus en Johannes, die seuns van Sebedeus. Hulle was nie maklike manne nie. Hulle het die bynaam “Boanerges” (seuns van die donder) gehad, waarskynlik oor hulle humeure (Mk 3:17). Tog kies Jesus hulle steeds. Later sou hulle ook baklei om die belangrikste plekke in die koninkryk te wil kry (Mk 10:35-41).
Jesus roep gewone mense soos hulle is, maar Hy los hulle nie soos hulle is nie.
Jesus roep jou ook net soos jy is. Al dink jy soms dat Jesus jou nie kan roep nie oor iets wat jy gedoen het of iets waarmee jy sukkel, kom Hy steeds na jou toe. Hy kom roep jou ook op die naam en nooi jou om in Sy voetspore te kom stap.
Is jy bereid om te kom soos jy is?

Gebed
Here Jesus, as U ’n Jakobus en Johannes kan roep, kan U my ook roep. Ek kom soos ek is. Ek wil U volg en in U voetspore stap. Amen.

Markus 1:16-18
16Eendag toe Jesus langs die See van Galilea loop, het Hy vir Simon en Simon se broer Andreas gesien waar hulle besig was om werpnette in die see uit te gooi. Hulle was vissers van beroep. 17Hy het toe vir hulle gesê: “Kom hier! Kom saam met My, en Ek sal julle vissers van mense maak.” 18Onmiddellik het hulle die nette gelos en Hom gevolg.

Om oor te gesels en te dink:
Jesus begin Sy bediening deur gewone mense te roep. Anders as in daardie tyd, waar jy besluit het om iemand te volg wat jou beïndruk het, kom Jesus en roep mense om Hom te volg. Hy roep hulle om in Sy voetspore te kom stap en saam met Hom te kom leef. Hy roep hulle nie om ’n klomp leerstellings of wette te volg nie, maar Hom.
Die eerste twee mense wat reageer is Simon en Andreas. Hulle het onmiddellik hulle nette gelos en Jesus begin volg. Hulle het nie verskonings uitgedink oor hoekom hulle Jesus nie kan volg nie. Hulle het alles agter gelaat en Jesus begin volg. Daar was vir hulle geen waarborge nie. Hulle het net geweet hulle moet dit doen.
Jesus roep jou ook om in Sy voetspore te stap. Watter nette moet jy los? Wat hou jou vas of terug om Jesus te volg? Wil jy nie ook soos die dissipels besluit om Hom onmiddelik te volg nie?

Gebed
Here Jesus, dankie dat U my roep. Help my om die dinge wat my vashou te los, sodat ek in U voetspore kan volg. Ek wil agter U aan stap. Amen.

Spreuke 8:12-21
12“Ek, Wysheid, het die verstand, ek het die kennis en die skranderheid. 13Om die Here te dien, is om te haat wat verkeerd is. Daarom haat ek hoogmoed en hovaardigheid, ‘n verkeerde lewe en slinkse woorde. 14Wie my het, het raad en behaal sukses, ek verleen insig, ek is die een wat die mag gee. 15Met my hulp regeer konings goed en laat maghebbers reg geskied; 16met my hulp heers die mense wat mag het, die leiers, elkeen wat reg regeer. 17Ek het dié lief wat my liefhet; dié wat my soek, vind my. 18Wie my het, het rykdom en eer, het duursame en blywende besittings. 19Wat ek vir jou lewer, is beter as goud, selfs fyn goud; wat ek inbring, is meer werd as die suiwerste silwer. 20Waar ek gaan, is daar geregtigheid, my pad is dié van die reg. 21Ek maak dié wat my liefhet, ryk, ek maak hulle skure vol.

VRAE:

• Spreuke verduidelik in hoofstuk 8 hoe wysheid optree. Wysheid is om sonder hoogmoed en arrogansie op te tree, sodat ander bo jouself gelig word. Wysheid dien ander, regeer met sagmoedigheid en doen wat reg is vir almal wat onder hulle leef. Wysheid maak mense ryk in alles wat werklik kosbaar is.
• Dit is so maklik om negatief te wees oor die leierskap wat ons waarneem om ons. Wysheid gee ons die geleentheid om self as leiers op te tree waar ons gaan. Hoe vergelyk jou eie leierskap van dit wat Spreuke 8 beskryf? Is jy besig om mense vry te maak, ander te dien, vir die wat nie vir hulleself kan opstaan nie, op te staan, ryk te wees in dit wat werklik saak maak? Deel jou hart met die Here.
• Volgens jou, wat is rykdom? Wat is belangriker as goud en silwer? Beleef jy dat God jou skure volmaak in dinge wat werklik saak maak? As jy ‘n inhoudsopgawe moes maak, wat sou jy kon optel vir jou rykdom?
• Hoe sou God jou gebruik om ‘n verskil te maak in die lewens van die mense wat om jou is, by die huis, die werk, die samelewing? Hoe deel jy jou rykdom met ander deel, in die wete dat jy altyd meer sou hê as wat jy benodig? Hoe lei jy ander soos die koning wat in God se wysheid regeer?

GEBED
Here, gebruik my as ‘n regeerder in my huis, my werksomgewing, my gemeenskap en my lewe. Here help my om U rykdom te sien en waardeer. Here, help my om met wysheid te leef in liefde en trou. Here, gebruik my om U koninkryk uit te brei. Here, neem my eie hoogmoed en arrogansie weg. Here neem my behoefte om te heers en regeer weg. Here, help my om te dien, om lief te hê en te gee vir ander. Here, help my om in wyshei U te dien my hele lewe lank.
Amen

Spreuke 3:5-10
5Vertrou volkome op die Here en moenie op jou eie insigte staatmaak nie. 6Ken Hom in alles wat jy doen en Hy sal jou die regte pad laat loop. 7Moenie dink jy het die wysheid in pag nie, dien die Here en vermy wat sleg is: 8dit is die geneesmiddel vir jou, die verkwikking vir jou liggaam. 9Vereer die Here met offerandes uit al wat jy besit en met die beste uit jou oes, 10dan sal jou skure oorvol wees en jou parskuipe oorloop van die wyn.

VRAE:

• Spreuke beskryf hoe mens die Here dien deur Hom te ken in alles wat jy doen. Dit beteken dat jy weet jy is ten volle afhanklik van God. Dit beteken dat jy nie aanhou om jou eie planne te maak, jou eie prioriteite te kies of jou eie besluite te neem nie. Jy leef in afhanklikheid want jy weet jou eie planne vir jou lewe is nie naastenby so goed soos die planne wat die Here vir jou het nie.
• Wanneer jy jou planne vir die week maak, besluit jy self oor jou planne? Wanneer jy na jou finansies omsien, besluit jy self oor wat daarmee gebeur? Wanneer jy besluite oor die toekoms moet maak, besluit jy self oor wat jy wil najaag en wat jy nie wil najaag nie? Wat is jou proses wanneer dit kom by die besluite wat jy moet neem? Hoe sou jou proses lyk as jy eers met God oor alles sou gesels? Hoe sou dit lyk as jy God eers raadpleeg wanneer jy groot en klein besluite moet neem?
• God is die antwoord op elke probleem, situasie of geleentheid wat ons moet hanteer. As jy onseker is oor watter kant toe om te gaan, Hy sal jou lei. As jy onseker is oor wat reg en wat verkeerd is, die Here sal jou wys. As jy siekte het en skade gekry het, sal die Here jou gesond maak. As jy lendelam en lewensmoeg is, sal die Here vir jou nuwe krag en passie gee. As jy voel asof jy nooit genoeg het nie, sal die Here weer vir jou laat beleef dat jy oorvloed het.
• Wat is jou behoefte en wat het jy nodig van God? Deel jou hart met die Here. En wag geduldig op God se antwoord en leiding in die proses.

Gebed:
Here, ek het soveel behoefte en tekortkominge. Here, ek weet nie waar om te begin en waarvoor om te vra nie. Here, help my om met elke tree op U te wag. Here, voor ek besluit oor wat ek vandag doen, gee my leiding en wysheid. Roer my hart sodat ek die regte keuses maak en my energie op die regte prioriteite plaas. Here, help my en leer my dat ek nie op my eie insigte staatmaak nie, maar net op U.
Amen

Spreuke 3:1-4
1My seun, wat ek jou leer moet jy nie vergeet nie, hou vas aan wat ek jou voorskryf, 2want dit sal vir jou ‘n lang lewe verseker, dit sal maak dat jy ‘n vol lewe het. 3Moenie dat liefde en trou by jou ontbreek nie; leef daarmee saam, maak dit ‘n deel van jou lewe. 4So sal jy guns verwerf en byval vind by God en mens.

VRAE:

• Omtrent elke hoofstuk in Spreuke is die ouer besig om sy kind aan te spreek en wysheid te deel. In hoofstuk 3 deel die ouer hoe wysheid lei na ‘n vol lewe. ‘n Lewe wat oorvloed geniet en gevul is met liefde en trou. ‘n Lewe wat by God guns vind en ook deur mense nagejaag word.
• Waarom dink jy sou liefde en trou, goeie vrug wees van ‘n lewe wat met wysheid geleef word? Hoe lei waarheid, die dien van die Here na liefde en trou? Hoe sou jy liefde en trou beskryf vir iemand wat nie weet hoe dit lyk nie?
• Waarmee is jou lewe gevul? As jy dit sou moes beskryf vir iemand wat vir jou sou vra, hoe sou jy dit beskryf? Is jou lewe gevul met liefde en trou? Of is jou belewenis anders? Deel jou hart met die Here in hierdie verband.
• Waarom werf ‘n lewe gevul met liefde en trou guns by God en mense? Hoe leef jy elke dag nader aan God se idee van wysheid en sien jy meer en meer liefde en trou teenwoordig in jou lewe? Wat is jou grootste uitdaging as dit kom om meer liefde en trou in jou lewe te vestig? Deel jou hart met die Here.

GEBED:
Here, ek wil in U waarheid en wysheid leef. Soms is dit vir my so moeilik want ek soek meer na reg en regverdigheid. Dit is so maklik om dit te kan meet en bepaal. Maar Here, dit is moeilik om meer liefde en trou te bepaal. Here, help my om meer in liefde en trou te wandel. Here, help my om daarna te soek wanneer ek elke oomblik keuses moet maak, besluite moet neem of my optredes moet kies. Here help my om meer vir mense om te gee, van myself te gee en meer van U liefde vir hulle tasbaar te maak. Here help my om in U wysheid te leef.
Amen

Spreuke 1:2-7
2Dié spreuke is bedoel om mense wysheid te leer en hulle te onderrig sodat hulle sal weet wanneer iemand verstandig praat. 3So sal hulle ‘n behoorlike opvoeding ontvang en ‘n sin vir regverdigheid, reg en billikheid. 4Wie nog nie kennis het nie, sal verstandig word, jongmense sal leer om met kennis en oorleg op te tree. 5Selfs wyse mense kan na die spreuke luister en so tot dieper insig kom. Wie reeds die nodige kennis het, kan die kuns aanleer 6 om spreuke en sinspelings, woorde en raaisels van wyse mense te begryp. 7Kennis begin met die dien van die Here; dit is net dwase wat wysheid en opvoeding gering ag.

VRAE:

• Wysheid is om die Here te dien. Wanneer ons die Here begin dien, begin ons leer wat regverdig en billik is. Ons begin leer wat die regte dinge is om te doen. Ons begin leer waarop ons ons tyd moet spandeer en waarop ons nie ons tyd moet mors nie. Ons begin sin maak van die woorde wat God met ons deel en ons begin om dit in ons lewens in te inkorporeer.
• As jy na die voorbeeld van Jesus kyk, hoe lyk regverdigheid en billikheid? Wat leer jy uit sy voorbeeld om mense te behandel en te antwoord wanneer mense hom konfronteer? Hoe maak jy dit deel van jou eie lewe? Hoe moduleer jy dit vir ander wat saam met jou leef?
• Wie in jou lewe, sou jy sê leef hierdie tipe wysheid uit wat Spreuke van praat? Het jy al met hulle gepraat oor hulle motivering en hoe hulle tot hierdie insig gekom het in hulle lewe? Maak ‘n afspraak met iemand wat jy na kan opkyk as ‘n mentor as dit kom by hulle uitleef van hierdie wysheid. Gesels met hulle oor hulle belewenis van die Here.
• Waaraan het jy nodig om te werk, as dit kom by wysheid, regverdigheid, billikheid? Vra dat die Here jou sal lei in die proses en vir jou geleenthede sal gee om aan hierdie wyshede te werk. Onthou God gee nie die wysheid alleen nie. Hy gee situasies waar jy die wyshede moet begin leef, maar die versoeking het om soos die onkundiges op te tree.

GEBED:
Here, ek weet dat wysheid begin by ‘n verhouding met U. Here, ek weet ook dat ek dit uitleef deur regverdig te wees en ander met billikheid te hanteer. Here, U weet hoe moeilik hierdie proses is. Ek is konstant in die versoeking om op te tree soos my reptiel brein dit vereis, sodat ek net beter voel of veilig voel. Here, help my vandag om U wysheid elke oomblik na te streef. Here, keer dat ek vir die versoeking val. Here, help my om meer en meer te leef soos iemand wat met U wysheid optree.
Amen

Deuteronomium 6:2-8
2“So sal jy die Here jou God jou lewe lank kan dien en gehoorsaam wees aan sy voorskrifte en gebooie wat ek jou gegee het, jy en jou hele nageslag, en dan sal jy ‘n lang lewe hê. 3As jy luister, Israel, en as jy gehoorsaam is en lewe volgens my gebooie, sal jy voorspoedig wees en uitermate baie word in die land wat oorloop van melk en heuning. Dit is wat die Here die God van jou voorvaders jou beloof het. 4“Luister, Israel, die Here is ons God, Hy is die enigste Here. 5Daarom moet jy die Here jou God liefhê met hart en siel, met al jou krag. 6“Hierdie gebooie wat ek jou vandag gegee het, moet in jou gedagtes bly. 7Jy moet dit inskerp by jou kinders en met hulle daaroor praat as jy in jou huis is en as jy op pad is, as jy gaan slaap en as jy opstaan. 8Jy moet dit as herinneringsteken vasbind aan jou hande, en dit moet ‘n merk op jou voorkop wees. 9Skryf dit op jou deurkosyne en op jou stadspoorte.

VRAE:

• Die Here gee ons die opdrag om te onderrig. Elkeen van ons kan ander onderrig. God vra dat ons juis dit moet inskerp by ons kinders. Dat ons dit konstant in ons gedagtes moet hou en oral om ons moet plaas sodat ons daaraan herinner sal word.
• Wie het die grootste invloed in jou lewe gehad as dit kom by onderrig? Wie het jou onderrig in die manier van lewe? Wie het jou onderrig in die weg van geloof? Waarom het hierdie persoon ‘n indruk gelaat? Wat was die belangrikste onderrig wat jy jou getransformeer het?
• Wie is in jou lewe geplaas wie jy kan onderrig? Wat is die verskil tussen leer en onderrig? Wanneer ons onderrig, is ons besig om te moduleer hoe om dinge te doen. Wie spandeer genoeg tyd saam met jou sodat hulle deur jou voorbeeld geonderrig kan word?
• Waarom is dit belangrik om dit waarin jy onderrig of geonderrig word om jou te sien? Hoe kan jy in jou huis, jou motor en by die werk sigbare herinneringe plaas sodat jy dit waarin jy geonderrig is in geloof konstant kan onthou?

GEBED:
Here, ek is op besonderse maniere onderrig in geloof. Ek het so baie geleer en dit het so baie vir my beteken. Here, ek vra dat U my sal gebruik om ook ander te onderrig. Here, help my ook om so te leef dat mense in my woorde en dade oortuig sal word van my afhanklikheid van U. Here, mag ander sien en beleef hoe lief ek vir U is. Mag dit my definieer en my aanhoudend transformeer.
Amen

Spreuke 9:10
10Wysheid begin met die dien van die Here; wie die Heilige ken, het werklik insig.

VRAE:

• Die wêreld wil vir ons verskeie vorms van wysheid verkoop. Kennis word vir wysheid gesien. Ons weet baie dinge. Ons het kennis van geskiedenis, tegnologie, wetenskap, biologie en selfs teologie. Ons kan ‘n klomp dinge weet maar dit is steeds nie wysheid nie. Wysheid volgens die Spreuke skrywer is om die Here te dien.
• Waarop bou jy wysheid? Of vertrou jy meer op kennis as op wysheid? Vertrou jy meer op kennis oor God, geloof, natuur, tegnologie, finansies, materiële dinge, versekering, vriende, familie, verhoudings? As jy werklik eerlik met jouself en met God sou wees, waarop vertrou jy die meeste? Watter getuienis is daar vir dit?
• Waarom is die dien van die Here, werklike wysheid? Hoe verander dit jou lewe om die Here te dien? Hoe verryk dit jou lewe om die Here te kan dien?
• Watter versoekings is daar om die wêreld se kennis na te jaag, eerder as om wysheid te soek? Elkeen van ons, het ons eie tekortkominge wat ons in versoeking laat staan. Wat is daar wat jou aandag van die Here aftrek? Wat is daar wat jou tyd van die Here af steel? Wat is daar wat jou gedagtes weg van die Here stuur? Wat is daar wat jou hart van die Here weghou?
• Hoe kan jy vandag begin om die Here opnuut te dien?

Gebed:
Here, daar is so baie wat my aandag wegneem en my lewe oorneem. Here, ek soek wysheid, maar eindig so gereeld met kennis op. Kennis van alles wat nie werklik vir my vreugde, vrede of liefde bring nie. Here, ek weet ek benodig wysheid. Ek wil U dien. Here, ek weet nie altyd hoe om dit te doen nie, maar Here ek wil. Here, help my om vandag net stil te wees in U teenwoordigheid en te wag vir U wysheid. Here, ek wag op U en weet dit is al wat ek werklik nodig het.
Amen

Jeremia 29:12-14

Dan sal julle My aanroep, tot My kom bid, en Ek sal julle gebede verhoor. Julle sal vra na my wil en julle sal dan my wil ken as julle met julle hele hart daarna vra. Julle sal My ontmoet, sê die Here, en Ek sal julle terugbring uit die ballingskap uit. Ek sal julle bymekaarmaak tussen al die nasies uit en van al die plekke af waarheen Ek julle verstrooi het, sê die Here, en Ek sal julle terugbring na die plek toe waarvandaan Ek julle in ballingskap weggevoer het.

Om oor te gesels en te dink:
In hierdie teks word daar veral klem gelê op ‘n soeke na die Here en ‘n soeke na die wil van die Here. ‘n Soeke na die wil van die Here met ‘n mens se hele hart. Wanneer het jy al so uit jou hart gebid vir die wil van die Here? Het jy al ‘n ‘moeilike’ gebed gebid en die Here se wil gepleit? Gevra dat die Here Sy wil aan jou bekend maak? Hierdie week word ons gevra om te bid vir ons gemeenskap. Vir die wil van die Here om in ons gemeekskappe en stad te gebeur. Om in gebed te bely dat ons hulp van die Here afkom en dat ons van God afhanklik is. Ons moet Hom vertrou en volhard in ons gebede vir ons stad.

Gebed:
Here, ons roep na U en soek U met ons hele hart. Hoor ons gebede en bring verandering in ons gemeenskappe en stad. Laat ons U altyd vertrou en op U steun. Ons hulp kom van die Here, wat hemel en aarde gemaak het. Ons vra na U wil, Here. Vorm ons in gebed, sodat ons ook sal leef en verandering in ons stad bring. Ons bid ook vandag weer vir die drie mense/dinge. Here wees met… en… en…Amen.

Jeremia 29:10-11

So sê die Here: Oor presies sewentig jaar sal Ek Babel straf en julle onder my sorg neem en dan sal Ek my belofte nakom om julle hier na Jerusalem toe terug te bring. Ek weet wat Ek vir julle beplan, sê die Here: voorspoed en nie teenspoed nie; Ek wil vir julle ‘n toekoms gee, ‘n verwagting!

Om oor te gesels en te dink:
Jeremia herinner die ballinge dat God ‘n plan vir hulle het, en dat hulle uiteindelik sal terugkeer na hulle land. God het gedagtes van vrede en hoop vir hulle. En ook vir ons! God se planne vir ons is goed, selfs al lyk ons huidige situasie moeilik. Ons moet vashou aan Sy beloftes, terwyl ons saam bid en werk vir die welstand in ons eie gemeenskappe. God droom oor ons en oor die stede waarin ons bly.

Gebed:
Here, dankie vir U goeie planne vir ons lewens. Help ons om te vertrou op U beloftes en om hoop te hou, selfs in moeilike tye. Gee ons die krag om vir die welstand van ons gemeenskap te bid en werk. Ons bid ook vandag weer vir die drie mense/dinge. Here wees met… en… en…Amen.

Jeremia 29:8-9

So sê die Here die Almagtige, die God van Israel: Moenie dat die profete en waarsêers daar by julle julle mislei nie. Moenie ag slaan op daardie drome wat julle so graag droom nie. Daardie mense tree sonder opdrag op as profete in my Naam. Ek het hulle nie gestuur nie, sê die Here.

Om oor te gesels en te dink:
Jeremia waarsku die ballinge teen valse profete wat hulle mislei. Hulle moet op God vertrou en nie mislei word deur valse hoop nie. Ons moet waak teen misleiding en vals beloftes in ons eie lewens. Ons hulp kom van die Here en Sy leiding, nie deur kortpaaie of valse hoop nie.

Gebed:
Here, gee ons die onderskeidingsvermoë om valse beloftes te vermy. Help ons om altyd op U te vertrou en U pad te volg. Ons bid ook vandag weer vir die drie mense/dinge. Here wees met… en… en…Amen.

Jeremia 29:7

Bevorder die belange van die stad waarheen Ek julle in ballingskap weggevoer het, bid tot My vir daardie stad, want sy belange is ook julle belange.

Om oor te gesels en te dink:
God beveel die groep in ballingskap om te bid vir die stad waarin hulle is. Om te bid vir daardie stad se vrede en welstand. Ons word ook uitgedaag om vir ons buurt en stad te bid. Vir ons stad se ‘shalom’ en welstand. Sondag is ons gevra om vir drie mense/dinge te bid. Watter name of dinge het jy neergeskryf? Neem nou ‘n oomblik om vir daardie name/dinge te bid. Mag jou hart self aangeraak word deur hiervoor én vir die stad te bid.

Gebed:
Here, ons bid vir die vrede en welstand van ons eie stad. Verander ook ons harte in hierdie gebed om raak te sien, raak te leef en na U wil te soek, U Koninkryk. Amen.

Jeremia 29:6

…trou en bring kinders in die wêreld, en laat hulle trou en kinders in die wêreld bring. Julle moet daar in Babel baie word, nie min nie.

Om oor te gesels en te dink:
God sê vir die mense in ballingskap om aan te hou met hulle lewens. Hulle moet nie wag vir ‘n toekomstige dag nie; hulle moet nou leef. Ons moet ook in die hier en nou lewe. Ons word uitgedaag om reeds nou in ons gemeenskappe ‘n verskil te maak en teenwoordig te wees.

Gebed:
Here, laat ons liefde en toewyding uitstraal en gebruik ons huishoudings om ‘n verskil in ons gemeenskappe te maak. Amen.

Jeremia 29:4-5

So sê Ek, die Here die Almagtige, die God van Israel, vir al die ballinge wat Ek uit Jerusalem in ballingskap na Babel toe weggevoer het: Bou vir julle huise en bewoon dit, lê tuine aan en eet die opbrengs daarvan

Om oor te gesels en te dink:
Hierdie verse is deel van ‘n brief wat Jeremia aan die ballinge in Babel geskryf het. God moedig hulle aan om te vestig in die vreemde land. Hy roep hulle op om hulle nuwe omgewing te aanvaar en daarin te floreer. Ons word genooi en uitgedaag om aktief deel te neem aan die opbou van ons eie gemeenskappe. Soos die Israeliete in Babel, word ons geroep om ‘n seën te wees waar ons ook al geplaas is.

Gebed:
Here, help ons om ons gemeenskappe te dien en op te bou. Gebruik ons om ‘n seën te wees , daar waar ons is. Amen.

1 Kronieke 4:9-10
9Jabes het voorrang geniet bo sy broers. Toe sy ma hom die naam Jabes gegee het, het sy gesê: “Ek het hom met smart in die wêreld gebring.” 10Jabes het die God van Israel aangeroep met die woorde: “Stort u seën oor my uit, vergroot my grondgebied, neem my onder u beskerming en weerhou onheil van my sodat geen smart my tref nie.” God het laat gebeur wat hy gevra het.

VRAE:

• Jabes vra dat God hom sal weerhou van onheil en dat geen smart hom sal tref nie. Jabes vra dat God sy lewens storie sal verander. Nie net dat hy nie van die pyn wat ander hom kan aandoen nie, maar ook dat hy nie verder ander sal seermaak nie. Hy wil nie meer bekend wees as “smart”, soos sy ma hom genoem het nie. Hy wil bekend wees as die een wat ander seën, vir God werk en vir ander goed is.
• Wat is die bron van seerkry in jou lewe? Hoe het jy al bygedra tot jou eie seerkry en die seerkry van ander? Hoe sou jy wou hê dit moet anders wees? Deel jou hart met die Here.
• Soms is ons seerkry spesifiek die plekke waar jy nog groei werk nodig het. Hoe kan jy anders kyk na jou seerkry oomblikke? Wat wil God vir jou leer in daardie plekke? Wat sou gebeur as jy nie meer deur daardie situasies en gebeure seer gemaak word nie? Hoe kan dit God eer en die koninkryk uitbrei?
• Soms kry mense om ons seer, of ons maak mense seer. Hoe kan jy ander bystaan in daardie situasies? Hoe kan jy ander ondersteun of help? Hoe kan God jou gebruik in daardie spasies?

GEBED
Here, weerhou my van onheil en mag geen smart my tref nie. Here, mag die oomblikke en situasies wat my seermaak en smart laat beleef geleenthede wees vir my om te groei. Here, mag ek so groei dat ek ook vir ander goed kan wees en nie seer veroorsaak nie. Here, gebruik my ook om ander te help in hulle reis tot genesing van smart. Dankie Here, dat ek dit vir U kan vra.
Amen

1 Kronieke 4:9-10
9Jabes het voorrang geniet bo sy broers. Toe sy ma hom die naam Jabes gegee het, het sy gesê: “Ek het hom met smart in die wêreld gebring.” 10Jabes het die God van Israel aangeroep met die woorde: “Stort u seën oor my uit, vergroot my grondgebied, neem my onder u beskerming en weerhou onheil van my sodat geen smart my tref nie.” God het laat gebeur wat hy gevra het.

VRAE:

• Jabes vra vir God se hand van beskerming oor alles wat hy doen en waarmee hy besig is. Hy weet dat wanneer hy besig is met God se werk, hy ook meer aanvalle beleef. Hy vra dat God hom van ander se beskerm. Maar meer as dit vra hy ook dat God hom van homself sal beskerm.
• Wanneer ons met meer vertrou word, is die versoeking groot dat ons, op ons eie werke kan begin staatmaak. Ons kan begin dink dat ons die rede is vir meer sukses of geleenthede. Jabes vra dat God hom nederig sal hou en van homself beskerm. Hoe weet jy wanneer jy meer op jouself begin staatmaak as op die Here? Hoe weet jy dat jy steeds vir die Here wag om jou te lei en te stuur? Wat is die verskil tussen jy wat net harder werskaf en God wat vir jou meer gee om voor verantwoordelik te wees?
• Hoe lyk totale vertroue op God? Hoe vertrou jy God om jou te beskerm van jou eie selfsug, hoogmoed en trots? Hoe kan jy medegelowiges wat jy vertrou innooi om jou verantwoordelik te hou dat jy nie net op jouself staatmaak nie? Hoe kan God jou bewus maak van die gevaar en versoekings wat daar is wanneer jy vir die Here werk?
• Hoe lyk vertroue en afhanklikheid van God wanneer ander jou aanval en in versoeking bring? Hoe kan jy seker maak dat dit nie jou van die pad laat afdwaal nie? Hoe kan jy seker maak dat jy altyd moed sal hou en op die Here vertrou vir die volgende tree?

Gebed:
Here, ek vra dat U, U hand van beskerming oor my sal hou. Here, eerste beskerm my, van myself. Here, help my om nie grootkop te kry, terug te val in ou patrone of meer van myself te dink as wat ek behoort nie. Here, beskerm my ook van die gevaar van ander. Help my om nie afgemat, moedeloos of bekommerd te raak wanneer ander my beskuldig, my versoek of my seermaak nie. Here, ek vertrou U dat U my sal beskerm. Dankie Here, dat ek totaal op U kan vertrou.
Amen

1 Kronieke 4:9-10
9Jabes het voorrang geniet bo sy broers. Toe sy ma hom die naam Jabes gegee het, het sy gesê: “Ek het hom met smart in die wêreld gebring.” 10Jabes het die God van Israel aangeroep met die woorde: “Stort u seën oor my uit, vergroot my grondgebied, neem my onder u beskerming en weerhou onheil van my sodat geen smart my tref nie.” God het laat gebeur wat hy gevra het.

VRAE:

• Jabes het vir God gevra om sy grondgebied te vergroot. Dit beteken om vir God te vra, dat dit waaroor hy aangestel is groter sal word. Hy vra vir God om ‘n groter invloed te hê. Hy vra dat God vir hom geleentheid sal gee om meer in God se koninkryk te kan doen. Hy vra dit omdat hy weet God kan dit doen. Hy vra dit want hy vertrou op God en is uitverkoop aan God.
• Hoe ken jy vir God? Weet jy dat God deur jou groot werk kan verrig in Sy koninkryk? Waarvoor dink jy het God jou geroep? Waarvoor is jy geroep en gestuur? Waarvoor is jy alles verantwoordelik?
• Weet jy dat God nie enige iets op jou skouers sal plaas wat jy nie kan hanteer nie? En weet jy ook dat God vir jou meer sal gee as jy vra vir meer? Is jy gemaklik met wat tans op jou skouers geplaas is? Of weet jy dat jy meer vir die Here kan doen? Vra vir die Here vir dit wat op jou hart is.
• Wanneer jy vra dat God jou grondgebied vergroot, moet jy weet dat God dit kan doen. Maak seker dat jy dit nie vir selfsugtige redes vra nie. Wanneer jy vir God vra om jou grondgebied te vergroot, is dit om Sy naam te eer of nie? Is dit om God se koninkryk uit te brei, of nie? Waarom wil jy vra dat God jou grondgebied sal vergroot?

GEBED:
Here, ek is so dankbaar vir dit wat U reeds vir my beplan het en op my hart geplaas het. Dankie dat ek werksaam mag wees in U koninkryk. Here, ek wil getrou wees en U dien. Here, mag ek vra dat U vir my geleentheid gee om meer te doen vir U. Mag ek oor meer aangestel word. Here, mag ek vir meer vertrou word. Here mag ek deur my hart, my wil en my optrede meer eer bring aan U naam en vir U koninkryk. Here, mag ek dit doen omdat ek vir U lief is en my hele lewe aan U wil wy. Here, gebruik my soos U wil. Dankie Here.
Amen

1 Kronieke 4:9-10
9Jabes het voorrang geniet bo sy broers. Toe sy ma hom die naam Jabes gegee het, het sy gesê: “Ek het hom met smart in die wêreld gebring.” 10Jabes het die God van Israel aangeroep met die woorde: “Stort u seën oor my uit, vergroot my grondgebied, neem my onder u beskerming en weerhou onheil van my sodat geen smart my tref nie.” God het laat gebeur wat hy gevra het.

VRAE:

• Jabes is baie bewus van wie God is. God is die God van Israel. Die God wat van die begin af beloftes aan Sy volk gemaak het, en die beloftes nagekom het. Die God wat gesê het Hy sal tot seën wees van ander nasies deur Sy mense. Jabes glo in hierdie God en vra daarom vir God om hom te se te seën.
  -Wie is God vir jou? Hoe dink jy oor God? Is God die tipe God wat jou seën? Is God die tipe God wat ander deur jou seën? Kan jy vrymoedigheid neem om vir God te vra vir dit wat op jou hart is? Deel met die Here hoe jy oor Hom dink?
• Hoe seën God jou deur ander mense? Hoe het jy al God se seën beleef as gevolg van iemand anders wat gehoorsaam was? Hoe kan jy God se seën in jou lewe sien?
• Het jy al God gevra om ander te seën? Het jy al self vir God se seën gevra? Waarom of waarom nie? Wat sou in jou geloofslewe gebeur as jy self vir God se seën vra?

GEBED:
Here, vandag staan ek voor U en bely dat U die God van Israel is. Die God wat alles geskape het. Die God wat ‘n pad met sy mense stap. Die God wat vir ander seën omdat U, U mense seën. Here, ek vra vandag dat U my sal seën. Nie net ‘n bietjie nie Here, maar sal U, U guns uitgiet in my lewe. Here, mag ek die seëninge nie net vir myself hou nie, Here, maar mag ek dit in ander se lewens ook indra. Here, dankie dat ek U kan vertrou vir U seën.
Amen

1 Kronieke 4:9-10
9Jabes het voorrang geniet bo sy broers. Toe sy ma hom die naam Jabes gegee het, het sy gesê: “Ek het hom met smart in die wêreld gebring.” 10Jabes het die God van Israel aangeroep met die woorde: “Stort u seën oor my uit, vergroot my grondgebied, neem my onder u beskerming en weerhou onheil van my sodat geen smart my tref nie.” God het laat gebeur wat hy gevra het.

VRAE:

• Die skrywer van die Kronieke boek is besig met die geslagsregister van Juda. En dan onderbreek hy die geslagsregister om meer inligting te gee oor ‘n man, ‘n afstammeling van Juda wat buitengewoon was. Die eerste feit wat ons van Jabes ontdek is dat hy voorrang geniet het bo sy broers. Nie omdat hy buitengewoon presteer het of in die aansien van mense so baie verrig het nie. Hy geniet die voorrang omdat hy anders was as sy broers. Hy het saam met God gestap. Hy het sy lewe gewy om nader aan God te kom en meer en meer te groei in sy verhouding met God.
• Jabes se lewe was buitengewoon omdat hy naby aan die Here geleef het. En die voorbeeld wat ons kry in die Kronieke boek is sy gebed. Leef jy so naby aan God dat mense sal kan getuig van jou stap saam met Hom? Sou dit die grootste eienskap wees waarna mense kan verwys wanneer hulle dink oor wie jy is en wat jy gedoen het?
• As jy dink oor die nalatenskap wat jy los, wat sou die mense naby aan jou sê? Waaroor sou hulle getuig as hulle moet deel wie jy was en wat jy gedoen het? Is dit wie jy wil wees? Waarvoor sou jy eintlik bekend wil staan?
• Hoe kan jy nader aan God se hart leef? Hoe kan jy saam met God daagliks stap? Wat moet jy verander in jou lewe om dit te begin doen?

GEBED:
Here, ek wil ook bekend wees vir die feit dat ek saam met U gestap het. Ek wil hê mense moet aan my dink as iemand wat U hartklop in elke faset van my lewe gevolg het. Here, U weet wat ek moet verander om nader aan U te leef. U weet wat ek moet doen om meer gehoorsaam te wees. Here, help my asb. deur my bewus te maak wat ek moet doen om nader aan U te leef en saam met U te stap elke dag. Vader, gee my ook die krag en waagmoed om dit te begin doen.
Amen

1 Kronieke 4:9-10
9Jabes het voorrang geniet bo sy broers. Toe sy ma hom die naam Jabes gegee het, het sy gesê: “Ek het hom met smart in die wêreld gebring.” 10Jabes het die God van Israel aangeroep met die woorde: “Stort u seën oor my uit, vergroot my grondgebied, neem my onder u beskerming en weerhou onheil van my sodat geen smart my tref nie.” God het laat gebeur wat hy gevra het.

VRAE:

• Jabes is tot ‘n groot mate, ‘n onbekende figuur in ons Bybel. Sy hele lewe word kortliks in twee verse opgesom in Kronieke. Een van die eerste feite wat ons leer van hom, is dat hy sy hele lewe lank Jabes genoem is. Jabes beteken pyn of smart. Stel jouself voor dat jy lewenslank herinner moet word aan die pyn waarmee jy in die wêreld ingebring is. Stel jouself voor dat jy altyd herinner word aan die pyn wat jy aan iemand anders aangerig het. Dit was Jabes se belewenis.
• Indien jy bekend sou wees vir die pyn wat jy al aangerig het of die pyn wat jyself al beleef het, hoe sou jy bekend gewees het? Hoe sou dit jou beïnvloed as jy altyd aan daardie pyn herinner word het? Hoe sou dit jou denke, dade en emosies beïnvloed? Hoe sou dit jou geloof beïnvloed?
• Wat ons van Jabes leer in hierdie gedeelte, is dat hy nie bereid was om vir sy hele lewe bekend te staan as ‘n man wat ander smart of pyn veroorsaak het nie. Hy wou ‘n man wees wat vir ander tot seën is. Hy vra vir God om hom te seën, en meer as dit, hom te weer hou van pyn. Beide dat hy nie weer pyn self aan ander sal doen nie, maar ook nie meer pyn sal beleef van dit wat hy aan ander doen nie.
• Voel jy te neergedruk oor die aksies van jou verlede? Het jy al vir die Here gevra om jou storie te verander? Het jy al vir God gevra om jou storie so oor te skryf dat jy nou ‘n bron van seën vir ander sal wees? Waarvoor wil jy geken wees? Vra dat God jou lewens storie so sal oorskryf dat dit van nou af jou nalatenskap sal wees.

Gebed:
Here, vir so lank al loop ek met die gedagtes van my grootste tekortkominge. Here, ek vra dat U dit sal verander. Breek in my ‘n nuwe storie oop. Here, verander my hart, my lewe sodat ek ‘n bron van seën vir ander sal wees. Here, verander my lewe sodat dit eer aan U naam sal bring en U koninkryk sal uitbrei.
Amen

Lukas 4:23-28

Toe sê Jesus vir hulle: “Julle sal seker die spreekwoord aan My wil voorhou: ‘Geneesheer, genees jouself’ en vir My sê: ‘Ons het gehoor wat alles in Kapernaum gebeur het. Doen nou dieselfde dinge ook hier waar jy grootgeword het.’ Maar dit verseker Ek julle,” sê Hy verder, “geen profeet word in die plek waar hy grootgeword het, aanvaar nie. Ek sê vir julle die waarheid: Daar was baie weduwees in Israel in die tyd van Elia toe die hemel drie jaar en ses maande lank toegesluit was, sodat daar ‘n groot hongersnood in die hele land gekom het. Tog is Elia nie na een van hulle toe gestuur nie, maar wel na ‘n weduwee in Sarfat in die gebied van Sidon. En daar was baie melaatses in Israel in die tyd van die profeet Elisa. Tog is nie een van hulle genees nie, maar wel Naäman, die Siriër.” Almal in die sinagoge was woedend toe hulle hierdie dinge hoor. ”

Om oor te gesels en te dink:
Jesus het verwerping in Sy tuisdorp ervaar, juis omdat Hy hulle geleer het dat God se genadejaar ook vir die mense was wat hulle uitgestoot het. Soms mag ons pogings om ‘n verskil te maak nie aanvaar of verstaan word nie. Vertrou op God se plan, bly getrou aan jou salwing, die Gees van die Here is op jou en die Gees rus jou toe om in God se Koninkryk ‘n verskil te maak.

Gebed:
Here, help my om in U guns te lewe en dit te verkondig. Laat my dade en woorde U genade en liefde weerspieël. Amen.

Lukas 4:20-22

Nadat Hy die boek toegemaak en aan die amptenaar teruggegee het, het Hy gaan sit. Die oë van almal in die sinagoge was op Hom gerig. Toe begin Hy hulle toespreek: “Vandag is hierdie Skrifwoord wat julle nou net gehoor het, vervul.” Almal het hulle instemming met Hom betuig en was verwonderd oor die aangename woorde uit sy mond. En hulle sê: “Is hy dan nie die seun van Josef nie?”

Om oor te gesels en te dink:
Jesus verklaar dat die profesie van Jesaja in Hom vervul is. Die mense was verbaas oor Sy woorde. Hulle het aangeneem dat hierdie woorde net op hulle as ‘ingroep’ van toepassing was, maar hierdie woorde het ook baie vir hulle beteken. Ons woorde het ook krag om diegene rondom ons te beïnvloed. Streef daarna om woorde te spreek wat opbou, inspireer en hoop bring.

Gebed:
Here, help my om in U guns te lewe en dit te verkondig. Laat my dade en woorde U genade en liefde weerspieël. Amen.

Lukas 4:19

… om die genadejaar van die Here aan te kondig.

Om oor te gesels en te dink:
Jesus verklaar die begin van ‘n tydperk van God se genade en guns. Die “genadejaar” verwys na die jubeljaar in die Ou Testament, ‘n tyd van vergifnis en vernuwing. Hierdie aankondiging het groot hoop en vreugde gebring. Dink aan hoe jy in jou eie lewe en gemeenskap God se genade en guns kan verklaar en uitleef.

Gebed:
Here, help my om in U guns te lewe en dit te verkondig. Laat my dade en woorde U genade en liefde weerspieël. Amen.

Lukas 4:18b

Hy het My gestuur om vrylating vir gevangenes uit te roep en herstel van gesig vir blindes, om onderdruktes in vryheid uit te stuur,

Om oor te gesels en te dink:
Jesus het bevryding en genesing gebring. Dit het fisiese, emosionele en geestelike genesing ingesluit. Ons word geroep om deel te neem aan hierdie werk van bevryding en genesing in ons eie gemeenskappe. Hoe kan God jou vandag gebruik om ‘n instrument van bevryding en genesing te wees?

Gebed:
God, gebruik my om vryheid en genesing te bring. Maak my oë oop om die behoeftes om my raak te sien en mense met medelye te behandel. Amen.

Lukas 4:18a

Die Gees van die Here is op My omdat Hy My gesalf het om die evangelie aan armes te verkondig.

Om oor te gesels en te dink:
Jesus lees uit Jesaja en erken dat Hy deur die Gees gesalf is om goeie nuus te bring. As volgelinge van Jesus is ons ook gesalf deur die Heilige Gees om hoop en vreugde aan ander te bring. Dink vandag aan maniere waarop jy hierdie goeie nuus in jou daaglikse lewe kan deel.

Gebed:
Here, gebruik my vandag om U goeie nuus te verkondig. Bemagtig my deur U Gees om hoop en vreugde aan diegene in nood te bring. Amen.

Lukas 4:16-17

Hy het ook in Nasaret gekom, waar Hy grootgeword het, en soos sy gewoonte was, het Hy op die sabbatdag na die sinagoge toe gegaan. Toe Hy opstaan om uit die Skrif voor te lees, is die boek van die profeet Jesaja vir Hom aangegee…”

Om oor te gesels en te dink:
Jesus het na die sinagoge gegaan, soos Hy dikwels gedoen het. Hierdie dag was anders omdat Hy uit Jesaja voorgelees het. Dit was die begin van Sy openbare bediening. Jesaja bevat profesieë oor die Messias en Jesus het op hierdie wyse sy identiteit en missie openbaar. Ons word ook geroep om met ‘n doel te leef en die koninkryk van God in ons lewens en gemeenskappe sigbaar te maak.

Gebed:
Here, help my om my roeping met duidelikheid en toewyding te omarm, soos Jesus gedoen het. Lei my om ‘n verskil te maak in my gemeenskap en U koninkryk sigbaar te maak. Amen

Romeine 8:15-16
“Die Gees wat aan julle gegee is, maak julle nie tot slawe nie en laat julle nie weer in vrees lewe nie; nee, julle het die Gees ontvang wat julle tot kinders van God maak en wat ons tot God laat roep: “Abba!” Dit beteken Vader. Hierdie Gees getuig saam met ons gees dat ons kinders van God is.”

Om oor te gesels en te dink
Paulus beaam wat Jesus oor die Heilige Gees vir ons Johannes Evangelie geleer het. Die Heilige Gees is aan ons gegee om vry te maak. Ons is nie meer slawe nie en hoef nie meer in vrees te lewe nie. Ons is nou kinders van God deur die Heilige Gees wat ons tot God laat roep: “Abba!” Vader. Die Heilige Gees getuig saam met ons dat ons kinders van God is.
Is dit nie wonderlike nuus nie?
Ons hoef nie bang te wees nie. God se Gees is by ons, orals en altyd. Ons kan deur Hom ons liefdevolle Vader, Abba, noem. Hy dra ons belange op Sy hart en is vir elkeen van ons ongelooflik lief.
Die Boodskap vertaal dit as: “Hy sorg dat daar ’n onbreekbare band tussen God en julle is.” Dit is onverdiende genade. Dit is ’n vreugde vir elkeen van ons wat met hoop en moed kan lewe.

Gebed
Hemelse Vader, Abba, dankie dat U Gees by my is. Dankie dat ek U kind kan wees. Dankie! Dankie! Amen.

Johannes 16:12-14
““Ek het nog baie dinge om vir julle te sê, maar julle sal dit nie nou kan begryp nie. Wanneer Hy kom, die Gees van die waarheid, sal Hy julle in die hele waarheid lei. Wat Hy sal sê, sal nie van Homself kom nie: Hy sal net sê wat Hy hoor, en Hy sal die dinge wat gaan kom, aan julle verkondig. Hy sal My verheerlik, want wat Hy van My ontvang, sal Hy aan julle verkondig.”

Om oor te gesels en te dink
Die Heilige Gees lei ons in die waarheid in. Ons mag wonder of ons die Heilige Gees het, maar as gelowiges het ons almal die Heilige Gees in ons. Dit is eerder dat die Heilige Gees meer van ons kry as wat ons meer van Hom wil kry. Ja, ons moet onsself oorgee dat die Heilige Gees ons in die waarheid kan lei. Die Boodskap vertaal dit treffend: “Maar as die Heilige Gees eers hier is, sal Hy julle hand vat en julle met die paaie van die waarheid langs lei. Hy is immers die Gees wat die waarheid ken. Hy sal nie sommer ’n klomp los dinge uit sy eie vir julle vertel nie. Hy sal met julle praat oor wat Hy gehoor het. Verder sal Hy julle ook voorberei vir alles wat nog vir julle voorlê. Die Gees sal voortbou op wat Ek gesê en gedoen het.”
Hierdie belofte van Jesus oor die Heilige Gees stel ons in staat om kans te sien vir vandag. Mag jy vandag die teenwoordigheid van God se Gees op ’n besonderse wyse ervaar.

Gebed
Hemelse Vader, dankie dat U Heilige Gees by my is. Ek wil meer van myself vir U gee. Wys my die pad. Ek wil saam met U stap. Amen.

Johannes 16:7-8
“Tog sê Ek vir julle die waarheid: Dit is tot julle voordeel dat Ek weggaan, want as Ek nie weggaan nie, sal die Voorspraak, die Heilige Gees, nie na julle toe kom nie; maar as Ek gaan, sal Ek Hom na julle toe stuur. En wanneer Hy kom, sal Hy bewys dat die wêreld skuldig is aan sonde, en dat die reg aan my kant is, en dat die oordeel al gekom het.”

Om oor te gesels en te dink
Die Heilige Gees, die Parakleet, is nie net ons Voorspraak en Trooster nie. Hy is die een wat getuig en ons help om te getuig. Meer nog, Hy is ook die Een wat ons en die wêreld oortuig wie God is.
Jesus herinner sy dissipels dat dit nodig is dat dit ons voordeel sal wees dat Hy weggaan, maar dat Hy die Heilige Gees stuur om ons te oortuig. Soms is dit nodig om te hoor as ons nie die regte dinge doen nie. Dit is die Heilige Gees wat in ons werk en oortuig dat ons eerder die regte dinge sal doen. As gelowiges hoef ons nie bang te wees vir God se oordeel nie, omdat ons in Jesus Christus vrygespreek is. Die Heilige Gees staan ons ook hierin by.
Onthou dat dit veilig by God is. Iemand het na die Heilige Gees as die Veiige Gees verwys. Dit help ons om te weet dat die Veilige Gees by ons is en ons help om Jesus te leer ken en volg.

Gebed
Here Jesus, dankie dat ek veilig by U kan wees. Dankie dat U Gees my bystaan en oortuig. Ek stap graag saam met U die pad. Amen.

Johannes 15:26-27
““Wanneer die Voorspraak kom wat Ek vir julle van die Vader af sal stuur, die Gees van die waarheid, wat van die Vader uitgaan, sal Hy oor My getuig. En julle moet getuig, want julle is van die begin af by My.””

Om oor te gesels en te dink
Jesus belowe aan Sy dissipels en ons die Parakleet (Voorspraak, Trooster, Helper). Hy is die Gees van die waarheid en Hy getuig oor Jesus. Die Heilige Gees wat ons elkeen het, getuig binne ons om ons te herinner aan Jesus en wat Hy alles vir ons gedoen het. Meer as dit, die Heilige Gees, stel ons in staat om te getuig oor wat ons van Jesus ervaar.
Ons hoef nie bang te wees om te getuig nie omdat die Heilige Gees saam met ons getuig. Ons kan met vrymoedigheid met ander deel wat die Here in ons lewens doen. Die Heilige Gees tree vir ons in by die Vader. Hy staan as’t ware langs ons as voor God staan en getuig namens ons en saam met ons.
Hierdie wete kan ons rustig maak. Ons is nie alleen nie. Die Heilige Gees dra ons en wys vir ons wat om te sê en te doen. Stel jouself oop dat die Heilige Gees deur jou getuig.

Gebed
O Heilige Gees, ek kom stel myself oop dat U in my kan werk. Mag ek geleentheid kry om van U te getuig. Dankie dat ek U kind kan wees. Amen.

Johannes 14:25-27
““Dit sê Ek vir julle terwyl Ek nog by julle bly; en wanneer die Vader in my Naam die Voorspraak, die Heilige Gees, stuur, sal Hy julle alles leer en julle herinner aan alles wat Ek vir julle gesê het. “Vrede laat Ek vir julle na; my vrede gee Ek vir julle. Die vrede wat Ek vir julle gee, is nie die soort wat die wêreld gee nie. Julle moet nie ontsteld wees nie, en julle moet nie bang wees nie.”

Om oor te gesels en te dink
Jesus is besig om met Sy dissipels te praat voor Sy lydingspad begin. Hy vertel hulle dat God, die Vader die Heilige Gees sal stuur om by hulle te wees. Een van die belangrike dinge wat die Heilige Gees doen, is om ons alles te leer en te herinner wat Jesus gesê het. Ons ervaar dit elike dag wanneer ons uit die Bybel lees. God se Gees leer en herinner ons aan Jesus. Ons moet ons onsself oopstel dat die Heilige Gees, die Gees van die waarheid, ons kan leer en lei.
Wanneer jy uit die Bybel lees, bid en vra dat God deur Sy Gees dit vir jou duidelik sal maak.
Jesus belowe verder ook God se vrede vir ons. Ons hoef nie bang en ontsteld te wees nie. Ons is nie alleen nie.
Mag jy vandag ervaar dat God se Gees jou ook leer en lei.

Gebed
Here Jesus, dankie dat U Gees by my is. Dankie dat U Gees my leer. Ek stel myself oop om meer van U te leer. Amen.

Johannes 14:16-19
“Ek sal die Vader vra, en Hy sal vir julle ‘n ander Voorspraak stuur om vir ewig by julle te wees, naamlik die Gees van die waarheid. Die wêreld kan Hom nie ontvang nie, omdat hulle Hom nie sien en Hom nie ken nie. Maar julle ken Hom, omdat Hy by julle bly en in julle sal wees. “Ek sal julle nie as weeskinders agterlaat nie; Ek kom weer na julle toe. Nog net ‘n klein rukkie, en dan sien die wêreld My nie meer nie, maar julle sien My, omdat Ek lewe en julle sal lewe.”

Om oor te gesels en te dink
Ons het gister Pinksterfees gevier. Ons, as gelowiges, het die Heilige Gees van God ontvang. Jesus het voor sy kruisiging aan Sy dissipels die belofte van die Heilige Gees gegee. Die Johannes Evangelie vertel ons van die gesprekke waarin Jesus die Heilige Gees belowe het.
Die eerste keer wat Jesus die Heilige Gees belowe noem Hy Hom die “Parakleet”. Dit is ’n Griekse woord wat vertaal kan word as Helper, Trooster, Voorspraak. Die Heilige Gees is dit alles en nog meer. Jesus het die Gees van waarheid vir ons gestuur, sodat ons nooit alleen hoef te wees nie. Ons is nie meer weeskinders nie. God is deur Sy Gees by ons elkeen.

• Voel jy dalk alleen? Voel jy dalk hartseer?
  Weet dat God deur Sy Gees vandag by jou is. Hy is jou Voorspraak by die Vader en Hy is jou Trooster.

Gebed
Here God, dankie vir U Heilige Gees. Dankie dat ek nooit alleen is nie. Mag ek vandag U troos beleef. Amen.

Handelinge 9:17-19
“Ananias het toe gegaan en in daardie huis gekom. Hy het Saulus die hande opgelê en gesê: “Saul, broer, die Here Jesus wat aan jou verskyn het toe jy op pad hierheen was, het my na jou toe gestuur sodat jy weer kan sien en met die Heilige Gees vervul kan word.” Onmiddellik het daar iets soos skille van Saulus se oë afgeval en kon hy weer sien. Toe het hy opgestaan en hy is gedoop; en hy het geëet en sy kragte herwin. Saulus het ‘n paar dae daar by die gelowiges in Damaskus gebly”

Om oor te gesels en te dink
In die proses om van verwonding tot verwondering te gaan, het ons mense nodig. Ons sien in die lewe van Paulus het die Here vir Ananias gestuur. Hy was nog Saulus, maar die Here roep ’n huiwerige Ananias om hom te gaan ontmoet en te help op sy geloofspad tot heelheid.
Die Here stuur mense op jou pad om jou ook by te staan op jou geloofspad tot heelheid. Sien jy hulle raak?
Sê jy vir hulle dankie vir die rol wat hulle in jou lewe speel?
Dalk word jy ook gestuur na mense om hulle op hulle geloofspad te help? Wie kom in jou gedagtes op?
Vra vir die Here vir wysheid om iemand te help soos wat Ananias vir Saulus gehelp het.

Gebed
Here, dankie dat U mense in my lewe stuur om my te help. Ek wil ook graag mense help wat U op my pad stuur. Amen.

Romeine 5:3-5
“En ons verheug ons ook in die hoop om deel te hê aan die heerlikheid van God. Dit is egter nie al nie. Ons verheug ons ook in die swaarkry, want ons weet: swaarkry kweek volharding, en volharding kweek egtheid van geloof, en egtheid van geloof kweek hoop; en dié hoop beskaam nie, want God het sy liefde in ons harte uitgestort deur die Heilige Gees wat Hy aan ons gegee het.”

Om oor te gesels en te dink
Ons dink na oor om van verwonding tot verwondering oor te gaan. Daar is hoop om te kan aangaan, maar Paulus wys vir ons dat dit ’n proses is. Ons moet ons verheug in ons swaarkry. Dit beteken nie om dit net te aanvaar nie, maar om te erken dat ons swaarkry. Swaarkry kweek volharding, dat mens kans sien om aan te gaan. Volharding kweek egtheid van geloof wat lei tot hoop. Die waarborg van hierdie proses is die Heilige Gees wat God vir ons elkeen gegee het. Ons is almal besig met hierdie proses. Dit volg nie altyd op mekaar nie en is ook nie ’n altyd ’n vinnige proses nie.
Mag hierdie teks jou aanmoedig om te bly volhard. Vertrou die Here met die proses waarmee Hy in jou lewe besig is.

Gebed
Here, dankie dat ek met hoop kan leef. Dankie dat U Heilige Gees my bystaan en my help met hierdie proses. Amen.

Romeine 5:1-2
“God het ons dan nou vrygespreek deurdat ons glo. Daarom is daar nou vrede tussen ons en God deur ons Here Jesus Christus. Deur Hom het ons in die geloof ook die vrye toegang verkry tot hierdie genade waarin ons nou vasstaan.”

Om oor te gesels en te dink
Ons moet nie vergeet dat God die oorsprong van ons verhouding met Hom is nie. Hy het ons vrygespreek omdat ons glo en daar is nou vrede tussen ons en God deur Jesus Christus. Ons kan perspektief verloor, veral as ons swaarkry en verwonding beleef. Jesus het vir ons vrye toegang tot God se genade gebring en ons kan daaraan vashou. Die Boodskap vertaal dit treffend: “En dit alles is aan ons Here Jesus Christus te dank. Deur ons geloof het Hy gesorg dat ons nou in ’n splinternuwe verhouding met God staan. Ons leef nou dag vir dag net uit sy goedheid. Daarom is ons baie bly en opgewonde.”
Ons kan van verwonding tot verwondering gaan omdat God se goedheid elke dag vir ons genoeg is.

Gebed
Here Jesus, dankie dat ek vrede met U kan beleef. Dankie dat ek met vrymoedigheid kan bid en weet U hoor my. Dankie vir U genade en goedheid. Amen.

2 Korintiërs 4:7-10
“Ons wat hierdie skat in ons het, is maar kleipotte wat maklik breek; die krag wat alles oortref, kom dus van God, nie van ons nie. In alles word ons verdruk, maar ons is nie terneergedruk nie; ons is oor raad verleë, maar nie radeloos nie; ons word vervolg, maar nie deur God verlaat nie, op die grond neergegooi, maar nie vernietig nie. Die sterwe van Jesus dra ons altyd saam in ons liggaam, sodat ook die lewe van Jesus sigbaar kan word in ons liggaam.”

Om oor te gesels en te dink
Paulus gebruik die beeld van kleipotte om ons te herinner dat al is ons broos, ons steeds in God se sorg is. God gee vir ons krag wat alles oortref. Ons hoef dit nie uit ons eie krag te doen nie.
Net soos wat ’n kleipot breek en weer aanmekaar gesit word, so kom God en sit die stukkie bymekaar.
Kan jy hiermee identifiseer?
Ons mag verdruk word, maar is nie teneergedruk nie. Ons is nie radeloos en deur God verlaat nie.
Ons kan aan hierdie hoop vashou op grond van Jesus se sterwe en opstanding.
Die goud waarmee ’n kleipot reggemaak word, maak dit meer waardevol. God is nog nie klaar met jou nie. Vertrou Hom vir die proses.

Gebed
Here, dankie vir die skat binne my. Ek voel soms broos, maar ek vertrou U vir die proses in my lewe. Dankie dat U genade genoeg is. Amen.

2 Korintiërs 12:7-9
“Daarom, sodat ek nie hoogmoedig sou wees nie, is daar vir my ‘n doring in die vlees gegee, ‘n boodskapper van Satan om my met vuiste te slaan. Drie maal het ek die Here gebid dat dit van my af weggeneem moet word. Sy antwoord was: “My genade is vir jou genoeg. My krag kom juis tot volle werking wanneer jy swak is.” Daarom sal ek baie liewer oor my swakhede roem, sodat die krag van Christus my beskutting kan wees.”
‭‭
Om oor te gesels en te dink
Paulus deel sy worsteling en verwonding. Hy beleef ’n doring in die vlees wat dit vir hom moeilik maak en moeilik is om te hanteer. Hy het ten minste drie maal daaroor gebid, maar waarskynlik baie meer dat die Here die doring moet uithaal.
Tog vind hy troos met die woorde dat God se genade vir hom genoeg is. God se krag kom juis tot volle werking in sy lewe wanneer hy swak is. Hy vind sy beskutting in die krag van God. Nou kan hy as’t ware in verwondering wees waarmee die Here in sy lewe besig is. Dit is juis nie ’n maklike antwoord nie.
Dalk kan jy vandag ook met die woorde van Paulus identifiseer?
Dalk voel jy ook al moeg gebid?
Moenie daarmee ophou nie. Hou vas aan die wete dat God se genade ook vir jou genoeg is en dat Sy krag juis in jou werk as jy swak is.

Gebed
Here, ek worstel en wonder soms. Ek bid dat ek U genade as genoeg sal ervaar en dat U krag steeds in my sal werk dat ek sal sterk wees, as ek swak is. Amen.

Jeremia 18:5-6
“Toe kom die woord van die Here tot my: Kan Ek nie met julle doen wat hierdie pottebakker met die klei gedoen het nie, Israel? vra die Here. Soos klei in die pottebakker se hand, so is julle in my hand, Israel.”

Om oor te gesels en te dink
Ons is tans besig om Pinkster te vier en saam na te dink oor die tema: “Verwonding tot Verwondering”. Ons simbool vir Pinkster is die Japanese kunsvorm, kingsugi. Wanneer ’n pot breek word dit nie weggegooi nie, maar weer versigtig aanmekaar gesit, selfs met goud. Die pot is dan meer weer waardevol as voor dit gebreek het.
Jeremia gebruik die beeld van God as pottebakker in Jeremia 18. Hy beklemtoon dat God betrokke is by sy volk, soos ’n pottebakker met sy klei. Die klei se vorm is afhanklik van die pottebakker. Soos die pottebakker die klei bewerk, word dit ’n mooier en beter houer.
Hierdie teks vra van ons om onsself bereid te verklaar om deur die Pottebakker gevorm te word. Dit bly ’n proses en ons moet weet dat die Here ons nie los nie. Hy maak ons heel.

Gebed
Here, dankie dat U die Een is wat my vorm soos ’n pottebakker. Ek wil my laat vorm en U vertrou met die proses waarmee U besig is. Amen.

Hebreërs 2:11-12 (NAV)

11 Hy wat heilig maak, sowel as die mense wat geheilig word, is almal uit een Vader. Om hierdie rede is Jesus nie skaam om hulle sy broers te noem nie. 12 Hy sê tog: “Ek sal u Naam aan my broers bekend maak, in die samekoms van die gemeente sal Ek u lof besing.”

Musiek bind ons saam en maak ons een.

Dink vir ’n oomblik daaroor: dit gee na om wat jy sing en waar jy dit sing nie, die oomblik wat jy iets saam met iemand sing gebeur daar iets tussen jou en hulle! Ons noem dit eenheid.

Weet jy dat musiek, spesifiek lof en aanbiddingsmusiek, deel is van ons ewige toekoms? Kyk wat sê die skrywer van Hebreërs in vandag se teksgedeelte: as Jesus se liggaam (Sy gemeente) besing ons die lof van die Vader, saam met Jesus, nou en in die toekoms!

In vers 12 haal die skrywer vir Jesus aan, wat Psalm 22:23 aanhaal. Onthou jy dat Jesus Psalm 22 gesing het terwyl Hy aan die kruis gehang het? In Jesus se diepste oomblikke van pyn het Hy hierdie woorde gesing, en die prentjie gesien van Hom wat in die samekoms van Sy gemeente staan en die Vader se lof besing. Juis daarvoor het Hy Sy lewe vir ons opgeoffer, sodat dit moontlik kan wees vir mense wat anders as mekaar is om in eenheid saam te sing en die Vader se lof te besing!

Om oor te dink:

• Dink jy aan mede-Christene as broers en susters?
• Hoe dink jy gaan dit eendag wees om saam met Jesus in Sy volle teenwoordigheid die lof van die Vader te besing?

You need great worship. You need weeping worship. You need glorious worship. You need to sense God’s greatness and to be moved it — moved to tears and moved to laughter — moved by who God is and what he has done for you. Tim Keller

Kolossense 3:16-17 (NAV)

16 Die boodskap van Christus moet in sy volle rykdom in julle bly. Leer en onderrig mekaar met alle wysheid. Met dankbaarheid in julle harte moet julle psalms, lofgesange en ander geestelike liedere tot eer van God sing. 17 En wat julle ook al sê of doen, sê en doen dit alles in die Naam van die Here Jesus en dank God die Vader deur Hom.

’n Lewe van aanbidding, is ’n lewe wat deurdrenk is met die Woord van God!

In die Efesiërs teks wat ons gister gelees het, sê Paulus dat musiek en aanbidding die gelowige help om voortdurend met die Gees vervul te word. In vandag se teksgedeelte sê Paulus dat dit die gelowige help om die boodskap van Christus in sy volle rykdom in hom/haar te laat bly. So waarmee help musiek en aanbidding dan? Met beide!

Ons het 9 maniere hoe ons gevorm word as volgelinge van Jesus by PvR Geloofsfamilie. Aanbid en Woord is twee van die maniere. Wanneer die boodskap van Christus in ons bly, bring dit aanbidding na vore. Aanbidding onderrig en leer ons weer wat die boodskap van Christus is. Dié twee is onlosmaaklik deel van ons vorming as volgelinge!

Kyk wat sê C.S. Lewis oor aanbidding:

“I think we delight to praise what we enjoy because the praise not merely expresses but completes the enjoyment; it is its appointed consummation. It is not out of compliment that lovers keep on telling one another how beautiful they are; the delight is incomplete till it is expressed.”

Die griekse woord vir aanbidding is proskuneō. Dit beteken om soene te gee of te blaas, om laag te buig en iemand van gesag se voete te soen, om diep ontsag vir iemand te hê. Musiek kan jou tot by so posisie begelei, musiek vat jou na daardie plek toe. Dit is die gawe van musiek…

Om oor te dink:

• Het jy al ooit aan aanbidding op hierdie manier gedink?
• Hoe laat jy die boodskap van Christus in jou bly?

Efesiërs 5:18-21 (NAV)

18 Moet julle nie aan drank te buite gaan nie; daarmee gaan losbandigheid gepaard. Nee, laat die Gees julle vervul, 19 en sing onder mekaar psalms, lofgesange en ander geestelike liedere; sing met julle hele hart tot eer van die Here. 20 Dank God die Vader altyd oor alles in die Naam van ons Here Jesus Christus. 21 Wees uit eerbied vir Christus aan mekaar onderdanig.

Het jy al ooit ervaar dat musiek met jou hart praat?

Dit is die gawe van musiek! Dit praat op ’n ander manier met jou… Daarom sê Paulus vir die Efesiërs dat hulle moet sing! Hy lys al die tipes musiek wat vir hulle bekend was in daardie tyd, en sê dat hulle dit moet sing en dan sal ervaar dat hulle voortdurend en opnuut met die Gees vervul word.

Musiek help ons om God se wonderlike liefde en vergifnis te ervaar en dieper te verstaan. Dit bring vir ons vreugde, dit maak ons dapper, en dit help ons om te weet dat ons weet dat ons vir God waardevol is!
Ons sing die goeie nuus, dan hoor ons die goeie nuus, dan besef ons opnuut dat Jesus vir ons gesterf het, wat ons dan weer opbou, bemoedig en vertroos!

Musiek is diep…

Om oor te dink:


• Watter liedere praat met jou hart?
• Watter deel van die goeie nuus is vandag vir jou goeie nuus?
• Watter lied kan jou help om dit dieper en dieper te laat insink vandag?

Kyk weer na die aanhaling van Bono wat ons gister gelees het.

”Words and music did for me what solid, even rigorous, religious argument could never do — they introduced me to God, not belief in God, more an experiential sense of GOD.” Bono

Jesaja 29:13 (NAV)

13 Die Here het gesê: Hierdie volk is naby My met die mond, hulle eer My met wat hulle sê, maar hulle hart is ver van My af, hulle dien My soos mense dit wil hê, nie soos Ek wil nie.

Wat vra God van ons wanneer ons Hom aanbid?

Dit is moontlik dat ons iets met ons mond kan sê of selfs sing terwyl ons harte en gedagtes glad nie daarmee besig is of aandag daaraan gee nie. Ken jy daai gevoel?
Ons het ’n oneindige hoeveelheid goed wat ons aandag verdeel en aflei. Wanneer dit by ’n lewe van aanbidding kom, is dit nie wat God wil hê nie.

Sy opdrag aan ons is om ons onverdeelde aandag aan Hom te gee; om na dit wat Hy van Homself openbaar het te kyk totdat ons Sy glorie en karakter sien, en ons dan in verwondering is. Daarom sing ons met hart, siel en gedagtes, alles vir Hom!

Wanneer ons sukkel om so te aanbid, is een van die mees bemoedigende goed wat ons kan doen is om dan saam met ons broers en susters te sing; om toe te laat dat hulle passie en toegewydheid ons dan weer aanspoor en bemoedig!

Om oor te dink:

• Is daar iets wat jou aandag aflei van God af wat jy teenoor Hom moet bely?
• Wat kan jy doen om seker te maak dat jy tye het waarin God jou onverdeelde aandag het?
• Met watter verwagting kom jy op ’n Sondag na ons eredienste toe?

”Words and music did for me what solid, even rigorous, religious argument could never do — they introduced me to God, not belief in God, more an experiential sense of GOD.” Bono

Efesiërs 5:18-21 (NAV)

18 Moet julle nie aan drank te buite gaan nie; daarmee gaan losbandigheid gepaard. Nee, laat die Gees julle vervul, 19 en sing onder mekaar psalms, lofgesange en ander geestelike liedere; sing met julle hele hart tot eer van die Here. 20 Dank God die Vader altyd oor alles in die Naam van ons Here Jesus Christus. 21 Wees uit eerbied vir Christus aan mekaar onderdanig.

Aanbidding behels meer as musiek, maar musiek is ’n groot deel van aanbidding. Vir die res van die week gaan ons saam leer oor musiek, sang en aanbidding!

Waarom is musiek en sang so belangrik?

Musiek doen iets met ons – dit is die krag van musiek.
Musiek kommunikeer iets aan ons – dit is die gawe van musiek.
Musiek bind ons saam, hou ons bymekaar en sal ons in die toekoms bymekaar hou – dit is die toekoms van musiek.

• Wat dink jy van aanbidding?
• Wat voel jy oor aanbidding?
• Hoe lyk ’n lewe van aanbidding volgens jou?

Volgens ons teksgedeelte dink Paulus dat dit juis die manier is waardeur ons voortdurend deur die Gees vervul word. Het jy al ooit so daaroor gedink?

Worship is humble and glad, worship forgets itself in remembering God; worship celebrates the truth as God’s truth, not its own. N. T. Wright.

Psalm 43:4-5 (Die Boodskap)

4 Ek wil U aanbid, God. U maak my hart altyd bly. God, ek wil u Naam prys. U is my God! Ek loof U met musiekinstrumente. 5 Ek sê vir myself: Moenie nou moedeloos word nie. Waarom so hartseer? Vertrou net op God. Ek gaan Hom loof, al kry ek swaar. Dit is Hy wat my uit my swaarkry red. Hy is my God.

Weet jy dat God wil hê dat jy gelukkig moet wees?

Meer as enige ander opdrag in die Bybel word ons die opdrag gegee om gelukkig te wees deur die Here te prys, dankbaar te wees, vreugde te ervaar en die Here se seën te ken en ervaar!

Dit is God se hart vir ons om vandag, hier en nou, diep en waarlik gelukkig te wees. Ons maak dikwels die fout om te dink en/of te glo dat dit eers eendag in die Hemel ’n realiteit sal wees, of dat ons eers waarlik gelukkig sal wees wanneer ons omstandighede verander.

Is jy gelukkig?

Aanbidding speel ’n baie belangrike rol in ons geluk. Ons gaan die res van die week saam hieroor leer!

Lees weer die teksgedeelte:

• Wat staan vir jou uit?
• Wat praat met jou hart vandag?

True worship doesn’t put on a show or make a fuss; true worship isn’t forced, isn’t half-hearted, doesn’t keep looking at its watch, doesn’t worry what the person in the next pew is doing. True worship is open to God, adoring God, waiting for God, trusting God even in the dark. N.T. Wright

1 Petrus 2:25
Julle het immers soos skape rondgedwaal, maar nou het julle teruggekom na julle Herder en die Bewaker van julle lewe.

Om oor te gesels en te dink:
In tye van verwarring en onsekerheid, is daar ‘n veilige skuiling vir ons: Jesus Christus, die Goeie Herder. Laat ons elke dag terugkeer na Hom en ons vertroue in Sy sorg en leiding stel. Hy is die enigste bron van ware vrede en veiligheid in hierdie wêreld.

Gebed:
Here, lei ons elke dag nader aan u, sodat ons rus en vrede mag vind in u sorg.Amen.

1 Petrus 2:24
Hy het self ons sondes in sy liggaam aan die kruis gedra. Daardeur is ons vir die sondes dood en kan ons lewe in gehoorsaamheid aan die wil van God. Deur sy wonde is julle genees.

Om oor te gesels en te dink:
Ons moet die evangelie in alles wat ons doen uitbeeld, soos Jesus dit gedoen het. Jesus is die ‘Goeie Nuus’ en ons leer daarvan in sy lewe, sterwe en opstanding. As dissipels moet ons ook die ‘Goeie Nuus’ van Jesus in ons eie lewe vergestalt. Jesus se wonde het vir ons elkeen genesing gebring, daarom laat ons ook ‘n boodskap van hoop en genesing vir almal wat ons ontmoet bring.

Gebed.
Vader, laat ons optrede ‘n helder lig wees in ‘n donker wêreld, sodat almal om ons heen u liefde kan sien. Amen.

1 Petrus 2:23
Toe Hy beledig is, het Hy nie terug beledig nie, toe Hy gely het, het Hy nie gedreig nie, maar alles oorgelaat aan Hom wat regverdig oordeel.

Om oor te gesels en te dink:
In tye van lyding en teenstand is dit dalk makliker om te praat van geloof, maar moeiliker om dit uit te leef. Laat ons dus in tye van stryd en pyn vasstaan in ons geloof en vrugte dra wat ons geloof bevestig. Ons het tydens bepekrte omstandighede en selfs lyding ‘n lewendige geloof wat sienbare vrugte in ons lewens kan dra.

Gebed:
Here, gee ons die krag om standvastig te bly in ons geloof en dade, selfs wanneer ons ly. Amen.

1 Petrus 2:22
Hy het geen sonde gedoen nie en uit sy mond het daar nooit ‘n leuen gekom nie.”

Om oor te gesels en te dink:
Ons word geroep om Jesus se voorbeeld na te streef en in ons lewe in te oefen. Sy voorbeeld is een van geen sondes of leuens. Ons lewens moet ‘n lopende getuienis wees van ons geloof in Jesus Christus. Laat ons dus elke dag leef met die bewussyn dat ons ‘n getuienis is vir almal rondom ons, ‘n spieël van God se werk in ons harte.

Gebed:
Vader, laat ons lewens getuig van u werk in ons, sodat ander u liefde kan sien deur ons optrede. Amen.

1 Petrus 2:21
Juis hiervoor is julle ook geroep, omdat Christus self vir julle gely en so vir julle ‘n voorbeeld gestel het, sodat julle in sy voetspore kan volg.

Om oor te gesels en te dink:
Die woord ‘volg’ in hierdie teksvers kan vanuit die Grieks met ‘stensel’ vertaal word. In hierdie verbygaande wêreld word ons geroep om die voorbeeld van Jesus na te volg, soos ‘n stensil wat ‘n afdruk maak. Laat ons elke dag bewustelik optree as nagespeurde navolgers van Christus, wat Sy liefde en genade reflekteer.

‘Gebed
Here, help ons om u voorbeeld na te volg in alles wat ons doen. Amen.

1 Petrus 2:18-20
Bediendes, onderwerp julle met die nodige ontsag aan julle werkgewers, of hulle nou goedhartig en vriendelik is, of onredelik. Dit is genade as iemand die pyn van onverdiende lyding verduur omdat hy aan God getrou wil wees. As julle gestraf word wanneer julle oortree het, watter verdienste is daarin as julle dit verdra? Maar om lyding te verdra wanneer julle goed doen, dit is genade van God.

Om oor te gesels en te dink:
Hierdie teks praat van huisslawe in ‘n spesifieke konteks waar hulle nie noodwendig hul eie geloof kon kies nie. Dit is nie ‘n teks wat ons moet gebruik om uitbuiting te regverdig nie. Tog besef ons dat met beperkte omstandighede, soos die van die huisslawe, kan ons optrede ‘n getuienis wees. ‘n Getuienis van ons geloof en ‘n spieël van God se liefde vir die wêreld. Laat ons dus elke dag doelbewus handel in liefde, ongeag ons omstandighede.

Gebed:
Here, help ons om in liefde te handel, selfs in die moeilikste omstandighede, sodat ons ‘n getuienis kan wees van u liefde. Amen.

Johannes 21:8-13
”Hulle was nie ver van die land af nie, net omtrent honderd tree. Die ander dissipels het met die skuitjie gekom en die net met die visse gesleep. Toe hulle aan land kom, sien hulle ‘n vuur brand en ‘n stuk vis daarop lê. Daar was brood ook. Jesus sê toe vir hulle: “Bring van die vis wat julle nou net gevang het.” Simon Petrus het toe in die skuit geklim en die net op die land getrek. Dit was vol groot visse, honderd drie en vyftig, en alhoewel daar so baie was, het die net nie geskeur nie. Toe sê Jesus vir hulle: “Kom eet.” Nie een van die dissipels het sover gekom om vir Hom te vra: “Wie is U?” nie. Hulle het geweet dat dit die Here is. Jesus kom toe, neem die brood en gee dit vir hulle, en net so ook die vis.“

Om oor te gesels en te dink
Jesus nooi die dissipels om saam met Hom te kom eet. Die dissipels het besef dat dit Jesus is. Hulle het die uitnodiging aanvaar. Jesus eet hulle in die koninkryk in en vier saam met hulle fees. Jesus kom nie met ’n agenda nie. Hy maak die kos en dit herinner aan Johannes 6 waar Jesus sê dat Hy die brood van die lewe is.
Later vertel Johannes in Openbaring 3 dat Jesus by die deur staan en klop om met elkeen van ons ’n feesmaal te hou. Hy is die Here van oorvloed en Hy voorsien.
Moenie op die boot bly en dink dat jy nie goed genoeg is nie of dat Jesus iets teen jou hou nie. Soos Hy die dissipels aanvaar het, aanvaar Hy jou en nooi jou vir ete. Kom eet saam.

Gebed
Jesus, dankie dat U vir my wag en my nooi om saam met U te eet. Ek aanvaar graag die uitnodiging om saam met U fees te vier. Amen.

Johannes 21:4-7
”Toe dit al lig was, het Jesus daar op die strand gestaan, maar die dissipels het nie geweet dat dit Hy is nie. Jesus vra toe vir hulle: “Mense, het julle nie iets gevang om te eet nie?” “Nee,” antwoord hulle Hom. Hy sê toe vir hulle: “Gooi die net aan die regterkant van die skuit uit, dan sal julle iets kry.” Hulle het die net toe daar uitgegooi, en vanweë die groot klomp vis kon hulle hom nie weer intrek nie. Die dissipel vir wie Jesus baie lief was, sê toe vir Petrus: “Dit is die Here!” Toe Simon Petrus hoor dat dit die Here is, het hy sy hemp aangetrek – want sy bolyf was kaal – en in die water gespring.“

Om oor te gesels en te dink
Jesus verskyn aan die dissipels, maar hulle herken Hom nog nie. Soos in Lukas 5 vra Hy hulle of hulle al iets gevang het. Hulle sê nee en Jesus sê dat hulle die nette aan die anderkant moet uitgooi. Hulle het dit dadelik gedoen. Johannes, die geliefde dissipel, herken Jesus en sê dit vir Petrus. Petrus doen iets vreemds. Hy trek eers sy hemp aan en spring in die water. Dit is asof hy wil wegkruip vir Jesus. Hy het ook skielik besef dat Jesus leef en dit verander sy lewe.
Let op hoe Jesus amper onopsigtelik daar is en dat die dissipels hom later eers herken. Jesus dring Hom nie op aan hulle nie. Hy sien hulle raak en wag vir hulle. Jesus doen dieselfde vandag. Hy wag vir jou. Herken jy Hom? Moet iemand vir jou ook sê dat die Here by jou is, soos Johannes?

Gebed
Here Jesus, ek herken U nie altyd nie. Mag ek U vandag raak sien. Dankie dat U altyd daar is en vir my wag. Amen.

Johannes 21:1-3
”Daarna het Jesus weer aan sy dissipels verskyn, by die See van Tiberias. Dit het só gebeur: Simon Petrus en Tomas, wat ook Didimus genoem is, Natanael van Kana in Galilea, die seuns van Sebedeus en nog twee ander dissipels was daar saam. Simon Petrus sê toe vir hulle: “Ek gaan visvang.” “Ons gaan ook saam met jou,” sê hulle vir hom. Hulle het gegaan en in die skuit geklim, maar daardie nag het hulle niks gevang nie.“
‭‭
Om oor te gesels en te dink
Nog twee van Jesus se volgelinge wat op die boot was, was Jakobus en Johannes, die seuns van Sebedeus. Hulle was bekend as “Bonarges” wat vertaal kan word as “seuns van die donder.”
Nie alleen wou hulle vuur uit die hemel af bid om mense uit te wis nie (Lukas 9:54), hulle wou ook op die beste plekke langs Jesus sit (Markus 10:35-45).
Ons kan ook hiermee identifiseer. Soms wil ons ook eerder vuur op mense afbid. Ons sukkel om ons woede in te hou. Ons wil ook die beste plekke vir ons uitkies. Ons wil graag die beste eerste hê. Tog hou Jesus dit nie teen hulle nie. Hy kyk verby dit en laat hulle toe om steeds Sy volgelinge te wees.
Hulle het uit moedeloosheid ook saam met Petrus gaan visvang. Hulle lewens sou radikaal verander omdat Jesus hulle in die boot raakgesien het. Jesus aanvaar hulle net soos hulle is, maar los hulle nie soos hulle is nie.

Gebed
Here Jesus, ek is ook soms soos Jakobus en Johannes. Ek dink net aan myself. Help my om U te volg en doen wat U vra. Amen.

Johannes 21:1-3
”Daarna het Jesus weer aan sy dissipels verskyn, by die See van Tiberias. Dit het só gebeur: Simon Petrus en Tomas, wat ook Didimus genoem is, Natanael van Kana in Galilea, die seuns van Sebedeus en nog twee ander dissipels was daar saam. Simon Petrus sê toe vir hulle: “Ek gaan visvang.” “Ons gaan ook saam met jou,” sê hulle vir hom. Hulle het gegaan en in die skuit geklim, maar daardie nag het hulle niks gevang nie.“
‭‭
Om oor te gesels en te dink
Nog een van Jesus se volgelinge wat op die boot is, is Natanael van Kana in Galilea. In Joh. 1:46 lees ons van Natanael wat skepties is oor Jesus en vra of daar iets goeds uit Nasaret kan kom. Jesus verwerp hom nie. Jesus het hom onder die vyeboom raak gesien en toe het Natanael Hom erken as die Seun van God. Jesus sê vir Natanael dat hy nog groter dinge sal sien en ook die hemel wat oop is. Natanael het Jesus begin volg en dit het waar geword. Hy het wonderwerke saam beleef. Hy het ook gewonder wat na die kruisiging sou gebeur. Jesus los hom nie en hy word ook genooi om saam met Jesus te kom eet.
Jesus sien ons ook raak, soos Hy Natanael raak sien. Al het Natanael vrae gehad, was hy welkom. Ons is ook altyd welkom by God omdat Hy ons raak sien.

Gebed
Here, dankie dat U my raak sien. Al het ek vrae, los U my nie. Dankie dat ek U kan lief hê. Amen.

Johannes 21:1-3
”Daarna het Jesus weer aan sy dissipels verskyn, by die See van Tiberias. Dit het só gebeur: Simon Petrus en Tomas, wat ook Didimus genoem is, Natanael van Kana in Galilea, die seuns van Sebedeus en nog twee ander dissipels was daar saam. Simon Petrus sê toe vir hulle: “Ek gaan visvang.” “Ons gaan ook saam met jou,” sê hulle vir hom. Hulle het gegaan en in die skuit geklim, maar daardie nag het hulle niks gevang nie.“
‭‭
Om oor te gesels en te dink
Johannes vertel ons dat Jesus na sy opstanding uit die dood aan mense verskyn. Sewe van die elf dissipels was bymekaar gewees. Hulle het gaan visvang omdat dit was wat hulle geken het en gedink het alles het tot ’n einde gekom. Hulle was saam in die boot toe Jesus aan hulle verskyn. Dis interessant om te lees wie almal daar saam was.
Saam met Simon Petrus was Tomas, wat ook Didimus genoem is. Tomas was die een wat in Joh 11:16 bereid was om sy lewe te verloor vir Jesus, maar het toe later sy geloof verloor. Tog het Jesus hom nie gelos nie. Jesus het hom in Joh 20:27-29 gehelp om sy geloof weer te vind, te midde van die twyfel.
Dalk kan jy ook vandag soos Tomas voel? Bring jou twyfel en vrae na Jesus toe. Hy sal jou nie verwerp nie.

Gebed
Here Jesus, soos U nooit vir Tomas gelos het nie, vra ek dat ek altyd na U sal kom met al my twyfel en vrae. Mag ek U liefde herontdek en beleef. Amen.

Psalm 25:4-6
”Maak my u wil bekend, Here, leer my u paaie. Laat u waarheid my lei en onderrig my daarin, want U is God, my redder. In U stel ek elke dag my verwagting. Dink aan die liefde en trou, Here, wat U van altyd af betoon het.“

Om oor te gesels en te dink
Ons is aan die begin van die week en Psalm 25:4-6 rig ons gedagtes. Jy kan vandag hierdie paar verse as gebed gebruik om jou dag en week aan die Here op te dra. Vra die Here om Sy wil aan jou bekend te maak en dat jy op Sy paaie sal stap. Gebruik die Bybel dat Sy waarheid jou lei en dat jy daaruit kan leer. Ons doen dit omdat ons God vertrou as ons Redder. Ons kan elke dag ons verwagting in Hom stel omdat Sy liefde en trou van altyd af nog daar was en sal wees in die toekoms.

• Wat wil jy vandag vir die Here gee?
• Wat is jou verwagting van die Here?

Gebed
Here, ek kom bid dat U U wil aan my sal bekend maak. Ek het U lief en stel my verwagting in U. Amen.

Handelinge 3:19
19Daarom, bekeer julle en kom tot inkeer. Dan sal God julle sondes uitwis.

VRAE:

• Wanneer mens van beter weet, is dit maklik om vergifnis te vra en om te keer. Wanneer mens steeds oortuig is dat jy reg is, is dit baie moeilik om te bekeer en tot inkeer te kom. Petrus is bewus daarvan. Daarom moedig hy die mense aan om tot inkeer te kom. Wanneer jy besef jy is verkeerd, vergifnis vra kan jou sondes dan ook uitgewis word.
• Wanneer het jy tot bekering gekom? Waarvan het jy bekeer of tot inkeer gekom? Is dit iets wat jy al gedoen het? Is hierdie tema vir jou maklik of moeilik om oor te dink? Hoe voel dit om te bekeer? Hoe voel dit om vergifnis te vra? Hoe voel dit om vergewe te word? Hoe voel dit om nuut te lewe wanneer jy nou van beter weet?
• Wanneer mens vergifnis ontvang het, is dit ook makliker om ‘n volgende keer vir ander vergifnis te gun. Dit is makliker want jy besef hoe diep jou nood en behoefte aan regmaak van die situasie is. Dit is veral waar wanneer jy afhanklik is van iemand wat niks hoef te vergewe of reg te maak nie. Het jy al ooit iemand anders se vergifnis benodig wat dit nie wou gee nie? Hoe het dit gevoel? Wat sou gebeur indien God jou so hanteer het?
• Is daar iemand in jou lewe wat jy sukkel om te vergeef? Is jy besig om dit vir hulle moeiliker te maak om reg te maak dit wat hulle in onkunde gedoen het? Soms beteken vergifnis nie dat die verhouding voortgesit moet word nie, maar dit vra wel dat die verhouding vrygestel kan word. Ons het nodig om mekaar te vergewe sodat ons vry kan wees van die skuld en woede en bitterheid wat ons gereeld aan mekaar bind. Wie kan jy begin vergewe, sodat die verhouding vrygestel kan word?

GEBED
Here, dankie dat U ons, ons sondes vergewe, veral wanneer ons onkundig was in ons optredes. Soveel meer wanneer ons wetend foute gemaak het. Here, help ons om ook vergifnis aan ander te gun. Gee asb. vir ons die wil om mense te wil vergewe. Here, gee ons die gawe van vergifnis sodat ons vry kan wees van dit wat ons gevange gehou het. Here, vergeef ons asb. ons oortredinge en wis ons sondes uit.
Amen

Handelinge 3:17-18
17“Nou weet ek, broers, dat julle net soos julle leiers in onkunde gehandel het. 18Tog het God reeds vroeër by monde van al die profete aangekondig dat die Christus sou ly. So het Hy dit nou laat gebeur.

VRAE:

• In die verse vandag, sien ons hoe die mense bewus gemaak word daarvan dat hulle verkeerd was oor Jesus. Hulle het Hom laat doodmaak, toe hulle om eerder moes erken as die seun van die lewende God. Hulle het Hom gekruisig toe hulle ‘n moordenaar vrygestel het. Ons sien ook dat dit in lyn was met wat oor Jesus geprofeteer is in Jesaja 53.
• Was jy al ooit verkeerd? Hoe het dit gevoel? Ons antwoord gewoonlik die vraag van hoe het dit gevoel toe jy ontdek het jy is verkeerd. Terwyl ons net verkeerd is en nog nie daarvan bewus is nie, voel dit baie soos om reg te wees. Ons is oortuig dat wat ons doen die regte ding is om te doen. Dit is eers wanneer ons van beter weet dat ons kan begryp ons was verkeerd.
• Wat sou gebeur as jy verkeerd is oor ‘n klomp dinge, maar eers by God later sou hoor dat jy verkeerd was? Sou jy kon jammer sê, die saak regstel indien jy leer dat jy verkeerd was? Selfs as dit handel oor een van jou diepste oortuigings? Deel nou eerlik jou hart met die Here.
• Hoe handel jy met mense wat jy oortuig is verkeerd is? Hoe help dit hulle om te ontdek dat hulle verkeerd is? Hoe kan julle spasie skep om in gesprek deel te neem sonder dat iemand verdedigend of aanvallig is? Met watter houding moet jy na die gesprek toe gaan? Vra dat God jou sal wys wat die regte ding is om te doen.

Gebed:
Here, daar was al tye in my lewe wat ek oortuig was ek doen die regte ding. En dit het so reg gevoel. Here, toe ek ontdek dat ek verkeerd doen, was dit vir my baie swaar om te

erken. Ek sukkel daarmee om nie reg te wees nie, om foute te maak. Here, help my asb. daarmee om oopkop genoeg te wees, om ruimte te los dat ek moontlik verkeerd mag wees. Here, gee vir my ‘n leerbare hart. Here, help my om slegs op U alleen te staan. Dat ek nie op enige ander opinie, oortuiging of gedagte sal staatmaak as U nie.
Amen

Handelinge 3:16
16Deur die geloof in sy Naam het Hy die bene van hierdie man, wat julle sien en ken, sterk gemaak. Die geloof wat van Hom kom, het die man volkome herstel, hier voor julle almal.

VRAE:

• Petrus gebruik die mense se eie belewenis om te getuig van dit wat God doen. Hy weet dat die mense met hulle eie oë gesien het en met hulle eie ore gehoor het. Hulle kan nie daarvan wegdraai of dit ontken nie. Die getuienis is voor hulle, en hulle moet self erken dat dit wat God doen lewens verander.
• Waar in jou lewe het jy al getuienis gehad van dit wat God doen? Dalk is dit in die lewe van ‘n ander gelowige wat jy nie kan ontken nie? Jy kan sien, hoor en beleef hoe God werk. Deel jou ervaring met die Here.
• Dalk het God al in jou eie lewe gewerk tot so ‘n mate dat jy nie onseker kan wees nie. Dit wat God gedoen het, kan nie deur jou eie werke en inspanning verduidelik word nie. Waar het God jou al ontmoet en jou oortuig deur dit wat jy self waargeneem het?
• Hoe deel jy dit wat jy sien, hoor en van oortuig is met ander wat nog nie dieselfde belewenis gehad het nie? Hoe is jy besig om te vertel van dit wat jy beleef het, sodat ander ook vir God kan ontmoet en in verhouding met Hom kan begin leef?

GEBED:
Here, ek het U al raakgesien in die lewens van ander om my. Ek het U al beleef in my eie lewe. Dankie Here dat U steeds vandag werk en beweeg. Here, gebruik asb. my lewe om ook vir ander te oortuig dat U groot is. Here, ek prys U naam vir die wonderbaarlike manier waarop U werk.
Amen

Handelinge 3:12
12Toe Petrus dit sien, het hy hulle toegespreek: “Israeliete, hoekom is julle hieroor verbaas? Wat staar julle ons so aan asof ons deur ons eie krag of vroomheid gemaak het dat hierdie man loop?

VRAE:

• Petrus vra vir die Israeliete waarom hulle so verbaas is dat die man wat hulle almal geken en gereeld gesien het, gesond gemaak is. Die mense was verbaas daaroor en het bespiegel hoe dit moontlik was dat hy gesond gemaak is. “Was dit moontlik die dissipels wat nuwe bonatuurlike kragte ontvang het?”, “Was dit moontlik dat Jesus se kragte nou in die dissipels geleef het?”, “Was die man skielik baie gelowig en het hy die wette begin hou, sodat hy op hierdie manier genees is?”
• Petrus verduidelik vir hulle in wie se krag die man genees is. Hy is genees omdat Jesus dit so wou hê. In Jesus se naam is enige iets moontlik. Hy alleen het die krag om dit te doen.
• Is daar iets in jou lewe, waaroor jy wonder? Is daar ‘n probleem wat jy al van al die kante af bekyk het, en net nie weet hoe om dit op te los nie? Het jy al probeer om dit op elke manier moontlik weg te kry? Deel jou hart met die Here.
• Het jy al in die verlede beleef dat Jesus ‘n situasie in jou lewe oplos? Het jy al jou huidige probleem na God geneem en vir Hom gevra om die oplossing te bied? Het jy Hom al genoeg vertrou dat Hy dit vir jou sal kan doen?

GEBED:
Here, ek weet U is magtig genoeg om enige probleem of situasie wat ek mag beleef kan oplos. Here, help my om U weer ‘n keer te vertrou vir dit wat tans in my lewe en hart aangaan op te los. Here, ek sukkel so baie daarmee. Here, help my om vrede te beleef, terwyl U die oplossing bring.
Amen

Handelinge 3:14
Hy was heilig en opreg, maar júlle het Hom verwerp en gevra dat daar vir julle ‘n moordenaar begenadig moet word.

VRAE:

• Hierdie vers herinner sterk aan Jesaja 53. Vers na vers sou mens kon glo dit is oor Jesus en sy ervaring voor die kruisiging geskryf. Die hoofstuk begin ook met die vers: “Wie sal ons glo as ons hiervan vertel? Wie sal die mag van die Here hierin kan raaksien?” Petrus is besig om die Israeliete aan te spreek. Mense wat hierdie teksgedeelte goed sou ken. Hy is besig om vir hulle te wys hoe Jesus die antwoord was op wie die Messias is.
• Jesus het gekom om soveel verskillende beloftes van die Ou Testament te vervul. Waarom glo jy is Jesus die vervulling van die Ou Testament? Wat het jou oorspronklik oortuig om Hom te begin volg? Waarom het die goeie nuus van Jesus jou oortuig dat Hy die enigste antwoord is? Deel jou hart met die Here.
• Watter gedeelte van die Christus verhaal dink jy honger mense die meeste voor? Wat het mense vandag nodig om in Christus te begin glo? Waarom is daardie element van ons geloof so oortuigend vir mense wat moed verloor het en soekend is?
• Hoe sou jy die goeie nuus van Jesus met mense deel wat na Hom soek?

GEBED:
Here, dankie dat daar ‘n persoon in my lewe was wat vir my die goeie nuus van Jesus met my gedeel het. Here, ek weet die wêreld honger en dors na U, al is hulle self nog nie daarvan bewus nie. Here, help my om die goeie nuus te deel. Here, help my met die regte woorde om vir hulle te vertel hoe Jesus die antwoord op elke probleem in hulle lewens is. Dankie Here, dat U, U beloftes aan die wêreld kom vervul het.
Amen

Handelinge 3:13
_ 13Die God van Abraham, die God van Isak, die God van Jakob, die God van ons voorvaders, het aan Jesus, sy Dienaar, goddelike eer gegee – aan Hom vir wie júlle uitgelewer en voor Pilatus verwerp het toe hy beslis het dat Hy vrygelaat moes word._

VRAE:

• Hierdie gedeelte in Handelinge wat Lukas aanhaal kom vanuit Eksodus 3. Dit is waar God aan Moses verskyn en hom die taak gee om die Israeliete vry te maak. Petrus gebruik dieselfde woorde om die Israeliete weer vry te maak. Hierdie keer van hulle eie onkunde. Hy wil hulle vrymaak van die gedagte dat hulle al die reëls volg en dan gered sal word. Hy wil hulle verduidelik dat die enigste ding wat werklik vrymaak is juis geloof in die een wat hulle gekruisig het.

• Vir Moses het dit geklink soos ‘n taak waarin hy nie suksesvol sal kan wees nie. Moontlik het Petrus ook gevoel asof hy nie veel mense sal kan oorreed van hulle onkunde nie. Tog stop dit nie een van die twee volgelinge nie. Moses gaan na Farao. Petrus verkondig aan almal wat hy kan. Die rede hiervoor is dat dit nie gaan oor die een wat die boodskap bring nie, maar oor die een waaroor die boodskap handel, God.
• Die God wat van die begin af geskep en in stand gehou het, wil vandag ook jou ontmoet. Is daar ‘n area in jou lewe of jou geloof waar jy dink jy het al die antwoorde, net soos die Israeliete? Indien iemand na jou toe sou kom met ‘n boodskap van die Here af, sou jy kon luister en die boodskap eerlik oorweeg? Of is jy oortuig dat jy al die antwoorde het en die waarheid besit? Deel jou hart met die Here.
• Soms is ons so besig om aan reëls, dogma of oortuigings vas te hou dat daar nie spasie is vir God om ons van iets nuut te oortuig nie. Kan jy meer los aan hierdie reëls, dogmas en oortuigings vashou om spasie te maak dat God dalk vir jou iets nuut wil leer? Wat sal vir jou die moeilikste wees om van oortuig te word, as dit kom by geloof? Waarom? Deel jou hart met die Here.

Gebed:
Here, ek is soms so oortuig dat ek presies weet, reg glo en dink en niks van iemand anders af benodig om meer getrou te wees in my geloof nie. Here, indien ek nie reg is in hierdie verband nie, het ek nodig dat U my sal help om ligter vas te hou aan my eie opinies en oortuigings. Here, help my om leerbaar te wees. Help my om oopkop genoeg te wees dat ek U stem en leiding te kan aanvaar. Here, help my om te besef dat ek nie alles wees nie en slegs aan U hand moet vashou, nie my gedagtes of oortuigings nie.
Amen

Johannes 20:28-31
28En Tomas sê vir Hom: “My Here en my God!” 29Toe sê Jesus vir hom: “Glo jy nou omdat jy My sien? Gelukkig is dié wat nie gesien het nie en tog glo.” 30Jesus het nog baie ander wondertekens, wat nie in hierdie boek beskrywe is nie, voor sy dissipels gedoen. 31Maar hierdie wondertekens is beskrywe sodat julle kan glo dat Jesus die Christus is, die Seun van God, en sodat julle deur te glo, in sy Naam die lewe kan hê.

VRAE:

• Dit gebeur so gereeld dat ons ‘n opmerking verkeerd op neem. Jesus sê hier vir sy dissipels dat die wat glo sonder om te sien gelukkig is, geseën is. So baie mense neem dit as ‘n opmerking dat die mense wat glo sonder om te twyfel beter is as ander wat soms sukkel om te glo, some bewys benodig, soms antwoorde nodig het. Dit is glad nie die geval nie. Jesus sê slegs dat die mense wat kan glo sonder om te glo gelukkig is, geseën is, omdat dit vir hulle maklik of natuurlik kom. Dat hulle kan vreugde vind daarin dat hulle nie so sukkel of swaarkry om te glo nie.
• Kom geloof vir jou maklik? Is dit vir jou maklik om die tree in geloof te gee voordat jy weet hoe dit gaan uitwerk of uitspeel? Is dit maklik vir jou om te vertrou, selfs al is daar geen bewyse dat dit gaan uitwerk nie? Deel dit met die Here. En wees dankbaar dat dit vir jou so maklik kom.
• Kom geloof vir jou moeilik? Is dit moeilik om te vertrou sonder dat jy weet hoe dit gaan uitwerk? Is dit vir jou moeilik om ‘n tree te neem as jy nie al die bewyse of antwoorde het nie? Deel dit met die Here. Weet dat Jesus geduld en genade met jou het. Dat Hy vir jou op die regte tye gaan gee wat jy nodig het, maar dat jy intussen steeds op die regte plek moet wees en kies om oop te wees sodat jy God se handelinge kan sien.
• Hoe sou jy vandag ‘n tree in geloof kan neem, ten spyte van die feit dat dit vir jou moeilik is om te glo? Wat is die eerste tree?

GEBED
Here, ek wil vir U dankie sê wanneer geloof vir my maklik kom. Dankie dat ek U so maklik kan vertrou. Dankie dat ek so maklik kan oorgee en weet dat ek veilig is in U hande. Here, ek bid vandag vir elkeen wat daarmee sukkel. Here, ek vra dat U vir elkeen wat sukkel op die regte tyd sal gee wat hulle benodig om totaal en al uitverkoop te wees aan U. Dankie dat U ook met hulle genade het en vir hulle lief is.
Amen

Johannes 20:27-28

_ Daarna sê Hy vir Tomas: “Bring jou vinger hier en kyk na my hande; en bring jou hand en steek hom in my sy; en moenie langer ongelowig wees nie, maar wees gelowig.” En Tomas sê vir Hom: “My Here en my God!”_

VRAE:

• Wanneer Tomas daarop aandring om die merke in Jesus se hande te sien, voordat hy kan glo, klink hy net soos baie mense vandag. Dit is moeilik om te glo in dit wat ons nie feite of antwoorde voor het nie. Die feit dat mens twyfel is menslik. En as ons Jesus se reaksie daarop sien, kan ons glo dat God ook genade daarvoor het. Twyfel is nie die teenoorgestelde van geloof nie. Ongeloof is. Twyfel is ‘n soeke na God, ‘n behoefte om te glo, veral wanneer dit moeilik is.
• Jesus gee vir Tomas wat hy nodig het. Tomas was op die regte plek en steeds besig met die behoefte om te wil glo, saam met al die ander dissipels. Jesus wys vir Tomas wat hy nodig het om te kan glo.
• Is daar iets in jou geloof waarmee jy sukkel? Is daar twyfel in jou hart oor iets wat vir ander dalk baie makliker kom? Deel dit met God vandag.
• Jesus wil vir jou gee wat jy nodig het om te glo. Hy wil vir jou die geleentheid gee om in Hom te glo. Dit vra wel dat jy op die regte plek is en jou behoefte om te wil glo uitleef voor God. Maak jy tyd om by die byeenkomste van gelowiges te wees? Spandeer jy tyd in God se Woord? Is jy besig om jou o en hart oop te h vir God se beweging in die wêreld? Is jy leerbaar en ontvanklik? Deel jou hart met die Here.

Gebed:
Here, ek wil so graag glo, maar dit is vir my so moeilik. Ek het antwoorde nodig Here. Here, gee my die wil om te wil glo. Here, gee dan ook vir my die antwoorde wat ek benodig om die glo proses makliker te maak. Here, help my om nooit op te hou soek na U nie. Here, ek het eintlik ‘n diep behoefte om totaal en al te glo en vertrou. Here, skenk my asb. die gawe van geloof.
Amen

Johannes 20:22-23

Nadat Hy dit gesê het, blaas Hy oor hulle en sê: “Ontvang die Heilige Gees! 23As julle vir mense hulle sondes vergewe, word dit hulle deur God vergewe; as julle dit nie vergewe nie, word dit nie deur God vergewe nie.”

VRAE:

• Nadat Jesus die eerste keer aan die dissipels verskyn gee Hy aan hulle die Heilige Gees. Sy In dieselfde asem sê vir hulle om mense hulle sondes te vergewe. Dit gee ons die idee dat vergifnis ‘n geloof praktyk is. Dit is ook interessant dat Jesus hulle sê om mense te vergewe wanneer Judas nie onder hulle is nie. Mens sou nie die dissipels kwalik neem as hulle Judas uitgestoot het, verwerp het en buitengewoon kwaad vir hom was nie. Mens sou selfs verstaan as hulle onder mekaar besig was om blaam rond te skuif. As die een hom nie verloën het nie, die ander nie vinniger opgetree het nie, een meer beskermend moes wees, ens. Mens sou selfs verstaan as hulle, hulleself kwalik geneem het vir hulle eie aandeel in die hele kruis gebeure.
• Is daar iemand vir wie jy kwaad is, uitstoot en kwalik neem? Is jy besig om hulle vyandig te hanteer en selfs aktief teenstaan? Hoe sou Jesus se woorde vanoggend jou aanspreek? Wat hoor jy? Wat dink jy verwag Jesus vandag van jou?
• Is daar medegelowiges of huishouding lede wat jy beskuldig, vinger wys of op neerkyk? Hoe sou Jesus se woorde vanoggend jou aanspreek? Wat hoor jy? Wat dink jy verwag Jesus van jou vandag?
• Is daar iets in jouself wat jy jouself oor nie kan vergewe nie? Wat sou Jesus se woorde vanoggend vir jou daaroor sê? Wat hoor jy? Wat dink jy verwag Jesus van jou vandag?

GEBED:
Here, daar is mense ver en naby wat ek nog nie vergewe het nie. Here, soms besef ek die persoon wat ek nie kan vergewe nie kyk vir my in die spieël. Here, gee my asb. die wil om te wil vergewe. Here, help my asb. om te begin vergewe. Here, help my asb. om totaal te vergewe. Here, vergewe ook asb. vir my.
Amen

Johannes 20:26
26Ag dae later was Jesus se dissipels weer bymekaar, en Tomas was by hulle. Hoewel die deure gesluit was, het Jesus gekom en tussen hulle gaan staan en gesê: “Vrede vir julle!”

VRAE:

• Wanneer Jesus aan sy dissipels verskyn is Sy eerste woorde aan hulle: “Vrede vir julle.” Jesus weet van die storms wat binne die dissipels en om hulle woed. Jesus bring vrede. Vrede van dit wat binne jou, jou ontstel en opwerk. Vrede vir die situasie waarin jy is en vir die omstandighede wat om jou plaasvind. Vrede vir verhoudings waarin jy jouself bevind.
• Beleef jy tans ontwrigting en omstandighede wat nie so vredevol vir jou voel nie. Omstandighede wat eintlik nogal baie stormagtig is? Deel jou hart met die Here. Wat is die storms wat binne jou, om jou en in verhoudings met ander teenwoordig is?
• Vrede beteken nie noodwendig omstandighede om jou wat kalm en sonder chaos is nie. Wat Jesus wel vir sy dissipels en vir ons bring is vrede wat jou kalm maak selfs wanneer die omstandighede woed. Kyk na die prentjie. In die rots hange is daar ‘n voëltjie wat op haar eiers sit en vrede beleef, ten spyte van die storms wat op die rotse woed. Sy beleef vrede want sy weet sy word versorg. Het jy al hierdie tipe vrede beleef? Deel jou hart met die Here.

GEBED:
Here, ek smag na die tipe vrede waar ek kalm en rustig kan wees, want ek weet ek kan op U vertrou. Here, dit is soms so moeilik vir my. Ek weet nie hoe om dit te doen nie. Here, help my om te begin vertrou. Here, help my om die wil te hê, om te wil vertrou. Here, ek weet U gee my vrede. Help my asb. Om dit te begin beleef en nie meer so baie op my eie vermoë te vertrou nie.
Amen

Johannes 20:24
24Tomas, wat ook Didimus genoem is, een van die twaalf, was nie by die dissipels toe Jesus gekom het nie.

VRAE:

• Volgens die Johannes evangelie was die dissipels na Jesus se dood, almal baie bang. Hulle was in ‘n kamer bymekaar toe Jesus aan hulle verskyn het. Ons leer egter deur die verhaal in Johannes 20 dat net 10 van hulle bymekaar was. Judas en Tomas was nie saam met hulle nie. Wanneer die dissipels vir hom vertel dat Jesus opgestaan het, kon hy dit nie glo tot hy self die merke van Jesus se hande en sy sien nie.
• Was jy al in situasies waar mense teenoor jou getuig het van wonderwerke en groot gebeure waar hulle Jesus beleef het, maar jy nie dit kan glo nie, omdat jy nie self daar was nie? Dink na oor die gebeure. Wie het vir jou vertel van hulle belewenis? Waarom was hulle so oortuig van die Here se werk? Waarom is dit vir jou moeilik om hulle woord daarvoor te neem?
• Voel dit vir jou soms asof jy nie op die regte plek is om God se wonderwerke en teenwoordigheid te beleef nie? Waar is jy in jou lewe? In watter spasies beweeg jy? Tomas was 8 dae later saam met die ander dissipels toe Jesus weer aan hulle verskyn het. Dalk is dit nodig dat jy meer saam met ander gelowiges bymekaar kom om God se teenwoordigheid te beleef?
• Tomas het nie geglo aanvanklik nie, tog het hy steeds saam met sy gemeenskap van heiliges bymekaar gekom. Hy het steeds getrou gebly in sy handelinge voordat hy oortuig geword het met die feite wat hy nodig gehad het. Hoe kan jy jou handelinge aanpas of gebruik om getrou te wees, voordat jy al die feite vind wat jy benodig?

GEBED:
Here, some beweeg ek in spasies waar ek nie U teenwoordigheid beleef nie. Ek is nie altyd getrou in my handelinge as dit kom by die praktiese uitleef van my geloof nie. Here, help my asb. om op die regte plekke te wees sodat ek U teenwoordigheid kan beleef. Here, help my asb. Om solank in geloof te gaan na die plekke waar U reeds werksaam is. Here, help my om ook te beleef dit wat ander so maklik beleef, U teenwoordigheid en werke.
Amen

Maar hy sê vir hulle: “As ek nie die merke van die spykers in sy hande sien en my vinger in die merke van die spykers steek en my hand in sy sy steek nie, sal ek nooit glo nie.”

VRAE:

• Die gebeure van Paasfees is soms moelik vir mense om te verstaan, wat nog gesê van te glo. Vir sommige kom geloof veel moeiliker as vir ander. Dalk is jy een van die mense wat daarmee sukkel. Dalk het jy talle vrae en soek jy bewyse vir die dinge wat geloof jou vra om te glo. In vandag se gedeelte is dit ook Thomas se uitdaging. Thomas hoor by die ander dissipels dat Jesus opgestaan het en aan hulle verskyn het. Maar dit is so ver buite sy raamwerk dat hy eers bewyse soek om dit te verifieer.
• Watter vrae leef daar in jou aangaande geloof? Het jy al jou vrae gedeel? Het jy al met die Here gepraat oor die vrae wat binne jou leef? Deel vanoggend alles waaroor jy wonder en meer inligting benodig, met die Here.
• Ken jy mense wat vrae het oor geloof? Weet jy nie wat om te antwoord nie? Soms is dit moeilik om mense met vrae te sien sukkel. Ons wil vinnige en maklike antwoorde gee sodat hulle ook net kan glo of ten minste nie so twyfel nie. Wat sou gebeur as jy nie vir hulle antwoorde probeer gee nie? Wat sou gebeur as jy vir God vra om vir hulle antwoorde te bring? Wat sou gebeur as jy saam met hulle eerder bid vir antwoorde, sodat hulle geleentheid het om saam met God in verhouding te kan groei terwyl hulle vir die antwoorde vir hulle vrae soek?
• In plaas daarvan dat jy vandag die twyfel probeer wegstoot of antwoorde op jou eie vind, neem die tree in geloof om vir God te vra vir die antwoorde wat jy benodig. Dit is ‘n moeilike tree, maar dit is ook geloof. In die soek saam met God, gee Hy dalk vir jou presies wat jy benodig. En die reis na die antwoorde is juis waar verhouding gevorm word.

Gebed:
Here, daar is so baie wat ek nie altyd verstaan nie. Ek wil antwoorde hê wat ek nie tans het nie. Here, help my met dit waaroor ek twyfel. Here, help my om die antwoorde te vind wat ek benodig. Here, help my om te begin glo. Here, help my.
Amen

Filippense 3:10-11
”Al wat ek wens, is om Christus te ken, die krag van sy opstanding te ondervind en deel te hê aan sy lyding deur aan Hom gelyk te word in sy dood, in die verwagting dat ek self deel sal hê aan die opstanding uit die dood.“

Om oor te gesels en te dink
Het jy ‘n wens of begeerte vir jou geloofspad? Paulus spreek sy wens en doel uit. Hy wil graag drie dinge ervaar. Hy wil Christus meer en meer leer ken (ontdek). Hy wil die krag (dinamika) van Jesus se opstanding omdervind. Hy wil ook deel in Jesus se lyding (gemeenskap ervaar) om aan Hom gelyk te word in sy dood. Hy wil leef uit die verwagting dat hy sal deel in die opstanding uit die dood.
Kon ons leer by Paulus om ook meer gefokus Christus te ontdek en te leef. Dit is immers on geloofsfamilie se droom. Ons het pas die Paasgebeure beleef en ons kan nie anders as om nuut na Christus te kyk nie.
Paulus het juis net in Filippense 2:5-9 verduidelik dat Jesus Homself verneder het om mens te word en lyding te ervaar, sodat ons kan lewe.
Mag jy Christus ook net nog meer en meer leer ken en die krag van die opstanding ervaar.

Gebed
Here Jesus, my begeerte is om U meer te ken. Mag ek die krag van die opstanding in my lewe ervaar. Amen.

Hebreërs 12:2
”die oog gevestig op Jesus, die Begin en Voleinder van die geloof. Ter wille van die vreugde wat vir Hom in die vooruitsig was, het Hy die kruis verduur sonder om vir die skande daarvan terug te deins, en Hy sit nou aan die regterkant van die troon van God.“

Om oor te gesels en te dink
Jesus is nie alleen die Begin en Voleinder van ons geloof nie, maar Hy het sy lewe as voorbeeld vir ons kom gee. Hy was bereid om die kruis te verduur. Hy het Homself verneder deur mens te word en in ons plek te kom sterf. Hy het nie vir die skande van hierdie vernedering terug gedeins nie. Hy het die vreugde om saam met ons in God se koninkryk te wees voor oë gehad. Hy sit nou aan die regterhand van God van waar Hy saam met die Vader regeer.
Al het mense Hom verguis en vyandig hanteer, het dit Hom nie afgegwing van die pad wat Hy gestap het nie.
Laat ons geïnspireer word om ook ons oog op Jesus te bly hou. Hy het die pad voor ons uitgestap, sodat ons eendag saam met Hom by Hom kan wees.

Gebed
Here Jesus, dankie dat U bereid was om die pad van vernedering vir my te stap. Ek wil my oog op U hou en agter U aan bly stap. Amen.

Hebreërs 12:1-2a
”Terwyl ons dan so ‘n groot skare geloofsgetuies rondom ons het, laat ons elke las van ons afgooi, ook die sonde wat ons so maklik verstrik, en laat ons die wedloop wat vir ons voorlê, met volharding hardloop, die oog gevestig op Jesus, die Begin en Voleinder van die geloof.”

Om oor te gesels en te dink
Hebreërs herinner ons op die regte dinge te fokus. Ons is nie alleen nie. Ons het medegelowiges en is deel van ’n geloofsfamilie wat ons kan kan en moet help om ons laste af te gooi en dat sonde ons nie maklik verstrik nie. Ons moet nie moedeloos word op ons geloofspad nie. Ons moet ons oë op Jesus hou. Hy is die Begin en Voleinder van ons geloof. Dit is amper te groots om in woorde te beskryf. Die Boodskap vertaal dit as: “Hy het vir ons gewys wat dit beteken om op God te vertrou en Hy sal ons tot aan die einde daarmee help, sodat ons geloof sal bly wat dit behoort te wees.”
Hou Jesus vandag voor oë met die wete dat jy nie alleen die pad stap nie.

Gebed
Here Jesus, U is die Begin en Voleinder van my geloof. Ek wil my oog op U gefokus hou. Dankie dat ek nie alleen is nie. Amen.

Markus 16:8
”Hulle het uit die graf uitgegaan en weggehardloop terwyl hulle gebewe het van die skrik. Hulle het vir niemand anders iets daarvan gesê nie, want hulle was bang.“

Om oor te gesels en te dink
Markus beskryf vir ons die reaksie van die vroue. Hulle was die eerste getuies van die opstanding. Hulle was bang, want hulle het gedink dat niemand hulle gaan glo nie. Die Afr2020 vertaling stel dit treffend: “want bewing en verbystering het hulle beetgepak. En hulle het vir niemand iets gesê nie, want hulle was bang.“
Hulle het hierdie dubbele emosie beleef van vrees en bewing, maar in ’n positiewe sin. Hulle was verbysterd oor wat hulle beleef het. Hulle het besef dat Jesus leef en nie meer daar is nie. Hulle het probeer sin maak, terwyl hulle terug gegaan het om dit vir die ander dissipels te vertel.
Die Markus-evangelie eindig hier met die woorde: “want hulle was bang”. Rou en eerlik. Ons kan juis hiermee identifiseer. Ons verstaan nie alles nie en kan erken dat ons ook bang is. Ons is verbysterd oor die opstanding en ontdek elke dag nog wat dit beteken dat Jesus opgestaan het. Laat ons verwonderd bly oor Jesus wat opgestaan het.

Gebed
Here Jesus, ek is soms bang, want ek verstaan nie alles nie. Maar ek wil in verwondering bly. Dankie dat U leef en alles vir my moontlik maak. Amen.

Markus 16:6-7
”“Moenie skrik nie!” sê hy vir hulle. “Julle soek Jesus van Nasaret, wat gekruisig is. Hy is uit die dood opgewek. Hy is nie hier nie. Kyk, daar is die plek waar hulle Hom neergelê het. Maar gaan sê vir sy dissipels en in die besonder vir Petrus: Hy gaan julle vooruit na Galilea toe. Daar sal julle Hom sien soos Hy vir julle gesê het.”“

Om oor te gesels en te dink
Die engel ontmoet die vroue by die graf en sê vir hulle dat Jesus opgestaan het, soos wat Hy voorspel het. Hy is nie meer daar nie, maar hulle kry die opdrag om nou getuies te wees van hierdie goeie nuus.
Hulle moet dit vir Jesus se dissipels gaan vertel, maar in besonder vir Petrus. Petrus word genoem om aan te toon dat Jesus nie sy rug op hom gekeer het nie, al het Petrus Hom verloën. Jesus was nog nie klaar met Petrus nie.
Verder kry hulle die belofte dat Jesus hulle sal vooruitgaan en hulle weer in Galilea ontmoet.
Ons kan met Petrus identifiseer. Ons kan dink dat ons nie meer Jesus se liefde waardig is nie. Tog hou Jesus dit nie teen Petrus nie en sluit hom steeds in. Jesus se liefde is groter as ons tekortkominge.

Gebed
Here Jesus, dankie dat U altyd kans sien om weer met ons ‘n pad te stap, soos met Petrus. Dankie dat U opgestaan het en U liefde só kom wys het. Amen.

Markus 16:2-6
”Die Sondagmôre baie vroeg kom hulle by die graf aan net toe die son opkom. Hulle vra toe vir mekaar: “Wie sal vir ons die klip voor die ingang van die graf wegrol?” Die klip was baie groot, maar toe hulle opkyk, sien hulle dat dit klaar weggerol is. Toe hulle in die graf ingaan, sien hulle ‘n jongman aan die regterkant sit met lang wit klere aan, en hulle het groot geskrik. “Moenie skrik nie!” sê hy vir hulle. “Julle soek Jesus van Nasaret, wat gekruisig is. Hy is uit die dood opgewek. Hy is nie hier nie. Kyk, daar is die plek waar hulle Hom neergelê het.“

Om oor te gesels en te dink
Ons vier die Opstanding van Jesus. Hy leef! Die grootste wonder van alle tye het plaasgevind. Niemand het verwag dat dit gaan gebeur nie. Tog het Jesus die dood oorwin. Die doderyk kon Hom nie vashou nie.
Wanneer die vroue na die graf toe gaan, was hulle verward. Hulle kom by ’n oop graf en hulle word begroet met die woorde dat hulle nie bang moet wees nie. Skielik het alles verander. Nie net hulle lewens nie, maar ook ons elkeen wat Jesus aanbid. Hy is uit die dood opgewek vir ons elkeen, as God se grootste geskenk aan ons elkeen.
Wanneer ons besef dat Hy vir ons opgestaan het, leef ons anders. Ons kan ’n WOW-lewe lei:

• W – Waaroor wonder ek?
• O – Wat kan ek ontdek?
• W – Waar sien ek God raak?

Gebed
Here Jesus, U lewe! U het vir ons elkeen die lewe gegee toe U opgestaan het. Ek wil U volg. Amen.

Markus 11:15-17
“Hulle kom toe in Jerusalem aan. Jesus het na die tempel toe gegaan en die mense wat op die tempelplein besig was om te koop en te verkoop, daar begin uitjaag. Die tafels van die geldwisselaars en die stoele van die duiweverkopers het Hy omgegooi. En Hy het niemand toegelaat om goed oor die tempelplein te dra nie. Toe het Hy die mense geleer en vir hulle gesê: “Staan daar nie geskrywe: ‘My huis sal ‘n huis van gebed vir al die nasies wees’ nie? Maar julle het dit ‘n rowersnes gemaak.””

Om oor te gesels en te dink
Jesus tree vir God se eer op. Die geldwisselaars het die mense uitgebuit deur die wisselkoers baie hoog te maak en die handelaars het buitensporige pryse gevra. Dit was vir die mense moeilik om vrylik te kom aanbid. Jesus spreek hulle aan en sê dat hulle mense keer om God te aanbid.
Jesus fokus op gebed en dat dit belangrik is dat ons God sal aanbid. Jesus verduidelik verder in Markus 11:22-25 dat gebed oor die regte gesindheid gaan. Ons moet God in gebed vertrou want by Hom is alles moontlik.
Kom ons maak erns met ons gebedslewe voor God. Hy ken ons harte en weet wat ons nodig het. Mag jy in hierdie Heilige Week Jesus opnuut ontdek en leef.

Gebed
Here, dankie dat ek kan bid. Ek dink aan die lydingspad wat U gestap het. Ek vertrou U en stap agter U aan. Amen.

Markus 11:12-14
“Toe hulle die volgende dag van Betanië af terugkom, het Jesus honger gekry. Hy sien toe op ‘n afstand ‘n vyeboom met blare aan en gaan daarheen om te kyk of Hy nie miskien ‘n vy daaraan kry nie. Toe Hy daar kom, kry Hy niks nie, net blare, want dit was nie vyetyd nie. Hy sê toe vir die boom: “Van jou sal niemand tot in der ewigheid ooit weer vye eet nie.” Sy dissipels het dit gehoor.”

Om oor te gesels en te dink
Hierdie verhaal oor die vyeboom voel uit plek uit. Tog ontdek ons dat Jesus dit as ’n beeld vir die mense gebruik wat Hom nie dien nie. Soos die vyeboom lyk of dit vrugte het, maar nie dra nie, so is die mense wat sê dat hulle glo, maar hulle lewens wys dit nie.
Nie alleen is dit waar van die volk nie, maar ook van die geestelike leiers wat die mense nie reg lei nie. Hierna volg die reiniging van die die tempel.
Ons moet onsself gereeld afvra of dit nie ook soms waar is van ons nie. Ons maak nie altyd erns met ons geloof nie en leef met die skyn van godsdiens. Geloof is om God te vertrou. Godsdiens is om dinge te doen wat ons dink God van sal hou.
Kom ons fokus op geloof in plaas van godsdiens.

Gebed
Here Jesus, ek wil graag vrug dra en U met alles vertrou. Ek wil nie ’n skyngeloof hê nie, maar doen wat U wil. Amen.

Markus 11:7-11
“Hulle bring toe die donkie na Jesus toe en sit van hulle klere op hom, en Jesus het opgeklim. Baie mense het van hulle klere op die pad oopgegooi en party weer groen takkies wat hulle langs die pad afgebreek het. Dié wat voor geloop en dié wat agteraan gekom het, het uitgeroep: “Prys Hom! Loof Hom wat in die Naam van die Here kom! Geseënd is ons voorvader Dawid se koninkryk wat aan die kom is! Prys Hom in die hoogste hemel!” Jesus het in Jerusalem na die tempel toe gegaan en alles daar bekyk. Dit was al laat middag toe Hy en die twaalf weer na Betanië toe gegaan het.”

Om oor te gesels en te dink
Jesus se intog in Jerusalem word aanvanklik goed ontvang. Die skare is opgewonde en bring eer aan Hom, want hulle verwag dat Jesus uiteindelik gaan doen waarna hulle so uitgesien het. Hulle verwag dat Jesus ’n verandering in hulle omstandighede gaan bring. Tog is dit nie wat Jesus doen nie. Hy doen dit in gehoorsaamheid aan Sy Vader. Hy stap die lydingspad, wat net Hy van geweet het.
Ons is party maal ook soos die skare. Ons roep ook uit: “Hosanna! Prys Hom! Loof Hom!” wanneer ons wil hê dat Jesus aan ons verwagtinge moet voldoen. As dit nie uitwerk soos ons dit voorsien nie, wil ons ook soos die skare later uitroep: “Kruisig Hom! Kruisig Hom!”
Wat is jou verwagting van Jesus? Moet Hy net doen wat jy dink of kan jy die lydingspad saam Hom stap, as dinge nie altyd is soos wat jy dink dit moet wees nie.

Gebed
Here Jesus, ek wil met ’n opregte hart uitroep: “Hosanna” en U eer as die Een wat gekom het vir my. Dankie dat U hierdie pad kom stap het. Amen.

Sagaria 9:9
”Jubel, Sion! Juig, Jerusalem! Jou koning sal na jou toe kom. Hy is regverdig en hy is ‘n oorwinnaar, hy is nederig en hy ry op ‘n donkie, op die hingsvul van ‘n donkie.“

Om oor te gesels en te dink
Ons vier die Heilige Week waar ons saam na dink oor Jesus wat gekom het om te ly en te sterf, soos wat Hy vooruit vir Sy dissipels gesê het. Die Ou Testament word aangehaal as bewys dat Jesus se intog nie met ‘n groot magsvertoon saam gaan nie, maar ‘n nederige intog. Markus vertel dat Jesus twee van sy dissipels gevra het om ‘n donkie te gaan haal, sodat Hy die intog kon begin.
Jesus se manier van doen is anders as die regeerders van daardie tyd. Alhoewel die mense ’n politieke leier verwag het wat hulle gaan help om die Romeinse regering om te keer, het Jesus gekom om te kom dien. Markus 10:45 bevestig dit: “Die Seun van die mens het ook nie gekom om gedien te word nie, maar om te dien en sy lewe te gee as losprys vir baie mense.”
Jesus was bereid om hierdie nederige moeilike pad ter wille van ons elkeen te stap, ook vir jou.

Gebed
Jesus, dankie dat U gekies om na my toe te kom. Dankie dat U U lewe kom gee het, ter wille van my. Ek kan nie anders as om dankbaarheid te lewe nie. Amen.

Daniël 6:11-16 (2020 Vertaling)
11 Toe Daniël te wete kom dat die bevelskrif geskryf is, het hy sy huis binnegegaan. Hy het in sy bovertrek oop vensters gehad in die rigting van Jerusalem; en hy het drie keer op ‘n dag daar op sy knieë gegaan, gebid en voor sy God lof uitgespreek, soos hy voorheen gedoen het. 12Daardie manne het toe ingestorm en Daniël biddend en smekend voor sy God gekry. 13 Daarna het hulle voor die koning verskyn en met hom gepraat oor die koninklike verbod: “Het u nie ‘n verbod op skrif gestel dat enigiemand wat vir dertig dae ‘n bede rig tot enige god of mens behalwe tot u, o koning, in die leeukuil gegooi moet word nie?” Die koning het geantwoord en gesê: “Die saak staan vas as ‘n wet van Mede en Perse, wat nie herroep mag word nie.” 14Toe antwoord hulle en sê vir die koning: “Daniël, een van die ballinge van Juda, steur hom nie aan u, o koning, of aan die verbod wat u op skrif gestel het nie, maar drie keer op ‘n dag rig hy sy bede tot sy God. ” 15 Toe die koning dít hoor, was hy erg ontsteld, en het hy sy bes gedoen om Daniël te red. Tot sononder het hy hom beywer om hom te bevry. 16 Daardie manne het ingestorm by die koning en vir die koning gesê: “Onthou, o koning, dat dit ‘n wet van Mede en Perse is dat elke verbod en verordening wat die koning uitgevaardig het, nie verander mag word nie.”

VRAE:

• In vandag se gedeelte sien ons hoe Daniël steeds God eer en aanbid, ten spyte van die moontlike gevaar om hom. Ons sien ook hoe hierdie aksie hom tog in gevaar plaas en moontlik sy lewe kan kos. Tog kies Daniël om getrou voor die Here te kniel.
• Ons dien die Here in ‘n land waar ons vry is om so te maak. Tog is daar geleenthede waar ons moontlik skaam kan wees om God te dien. Daar kan geleenthede wees waas dit nie die populêre ding is om te doen nie. Wat maak jy in daardie omstandighede? Dien jy steeds die Here, kniel jy steeds voor Hom? Of kies jy om jou geloof geheim te hou en weg te steek? Waar is daar voorbeelde in jou lewe van dit wat jy sê jy doen?
• Waarom is dit so moeilik om enduit God te dien as mens teenkanting beleef? Wat dink jy sou God van jou vra as almal om jou druk op jou plaas om jou rug op God te draai? Wat sou gebeur as ons nie meer in ons land vrylik die Here sou kon dien
• In die wêreld is daar baie lande waar die Christelike geloof nie verkondig mag word nie en baie teenkanting beleef. Bid vandag vir daardie gelowiges wie se lewens in gevaar is. Bid vir die mense wat steeds in daardie lande hulle geloof beoefen en met ander deel. Bid vir die lande se mense, om God te beleef en Hom te begin dien.
  
  GEBED
• Here, dankie dat ek in ‘n land kan leef waar ek U met vrymoedigheid kan dien. Here, ek is jammer dat ek selfs met hierdie voorreg, U nie ten volle dien nie. Here, help my om meer getrou te wees en U te soek in elke aspek van my lewe. Here, ek bid ook vir gelowiges wêreldwyd wat nie dieselfde voorreg het nie. Ek bid vir gelowiges wat U dien ten spyte van die feit dat hulle lewens in gevaar mag wees. Mag hulle omring word deur U teenwoordigheid en mag hulle beskerm word. Mag U hulle gebruik op so ‘n manier dat ander ook U vind en U begin dien.
• Amen

Matteus 27:27-31 (2020 Vertaling)
27Toe het die soldate van die prokurator vir Jesus na die pretorium saamgeneem, en die hele kohort soldate by Hom byeengebring. 28 Hulle het sy klere uitgetrek en ‘n helderrooi mantel om Hom gehang. 29Nadat hulle ‘n kroon van doringtakkies gevleg het, het hulle dit op sy kop gesit, en ‘n riet in sy regterhand. Hulle het voor Hom gekniel en met Hom die spot gedryf: “Gegroet, koning van die Jode!” 30 Hulle het op Hom gespoeg en die riet geneem, en Hom herhaaldelik op sy kop geslaan. 31Nadat hulle met Hom gespot het, het hulle die mantel afgehaal, sy boklere vir Hom aangetrek en Hom weggelei om Hom te kruisig.

VRAE:

• In vandag se gedeelte sien ons hoe die soldate Jesus spot en Hom probeer verneder. Maar in hulle poging om Hom te verneder is hulle besig om dit wat oor Jesus geskrywe staan te laat geskied. Elke knie sal buig en elke tong sal bely dat Hy die koning is. Hier is mense wat van ander kulture en gelowe kom wat selfs in hulle bespotting, tog dit bely. Die waarheid word tog erken wanneer die romeinse soldaat met Jesus se dood werklik bely dat Hy die seun van God is.
• Selfs wanneer mense nie werklik weet wat hulle doen of wie God werklik is nie, kan Hy hulle gebruik om Sy naam groot te maak. Het God al ooit ongelowiges gebruik om Sy grootheid aan jou te bewys? Was daar al ‘n geleentheid waar mense wat nie in God glo nie so opgetree het, dat jy tog God se grootheid en teenwoordigheid kon beleef?
• Waar was daar al geleenthede in jou lewe waar God gewerk het, sodat ander wat nie glo nie ‘n belewenis van God se teenwoordigheid kon beleef? Het mense wat nie glo nie, as gevolg van jou geloof, beleef dat God werklik die koning van die wêreld is? Hoe kan jy meer hiervan getuig?

Gebed:
Here, dankie dat U elke geleentheid neem. Selfs die oomblikke waar ander U naam wil verneder of sleg maak. Dankie dat U ook

2 Samuel 9:8-10
“Hy het weer voor Dawid gebuig en gesê: “Wat is ek tog dat u aandag gee aan ‘n dooie hond soos ek?” Dawid het vir Siba die amptenaar van Saul geroep en hom beveel: “Alles wat aan Saul en sy familie behoort het, gee ek aan sy kleinseun. Jy en jou seuns en jou slawe moet vir hom die lande bewerk en die oes insamel sodat daar kos kan wees vir sy huishouding, en sodat hulle kan eet. Maar Mefiboset die kleinseun van Saul sal van nou af by my aan huis eet.” Siba het vyftien seuns en twintig slawe gehad.”

Om oor te gesels en te dink
Mefiboset het gedink hy is nie waardig om die goedheid van koning Dawid te kan aanvaar nie. Hy verwys na homself as ’n dooie hond. Tog gee Dawid opdrag dat sy lot verander. Dawid onderneem om vir hom te sorg en hom in te nooi in sy huis.
Dawid het genoeg redes gehad om dit nie te doen nie. Tog kies hy om goedheid aan Mefiboset te betoon. Die Hebreeuse woord vir hierdie goedheid is “gesed” – wat ook lojaliteit en onvoorwaardelike aanvaarding beteken. Dawid het nie terug gedeins om dit te gee nie. Hy gee nie net vir hom goed nie, maar ook sy tyd as hy vir Mefiboset na sy tafel toe nooi.
Dit moes dalk vir Mefiboset moeilik gewees het om hierdie goedheid te aanvaar. Hy wou nog redes gee, maar Dawid het voort gegaan om goedheid aan hom te bewys.
Ons moet bereid wees om ook die Here se goedheid te ontvang. Laat ons nie dink ons is dit nie waardig nie. God se goedheid is vir ons elkeen bedoel.

Gebed
Here, dankie dat U so goed is vir my. Ek verstaan dit nie altyd nie, maar dankie U goedheid en guns by my is. Amen.

2 Kronieke 7:1-3 (2020 Vertaling)
1Net toe Salomo klaar gebid het, het vuur uit die hemel neergedaal en die brandoffer en maaltydoffers verteer, en die heerlikheid van die Here het die tempel gevul. 2Die priesters kon nie die huis van die Here binnegaan nie, want die heerlikheid van die Here het die huis van die Here gevul. 3Al die Israeliete het gesien hoe die vuur en die heerlikheid van die Here op die tempel neerdaal. Hulle het met hulle gesigte na die grond gekniel op die plaveisel, en in aanbidding gebuig. Hulle het die Here geprys met: “Want Hy is goed; ja, vir ewig duur sy troue liefde.”

VRAE:

• In vandag se gedeelte sien ons hoe ‘n hele volk voor God se aangesig buig, omdat hulle God se teenwoordigheid beleef in Sy tempel. Salomo het die tempel gebou om vir God ‘n woning te bied onder God se mense. Hierdie “huis” van die Here, was veel meer vir die mense van Israel, as wat dit vir God was. God was nog altyd saam met sy mense teenwoordig. Die mense het egter nie altyd God se teenwoordigheid gevoel nie. Nou kry die mense ‘n geleentheid om die teenwoordigheid van die Here te kan sien, beleef en altyd daarop staat maak.
• Is daar êrens ‘n plek in jou huis of lewe waar jy God se teenwoordigheid tasbaar kan beleef? Waarheen gaan jy, wanneer jy ‘n diep behoefte het om met God kontak te maak? Waarom is hierdie plek vir jou so kosbaar?
• Die realiteit was eintlik dat God oral teenwoordig was. Die mense het hulle daaglikse lewe in God se teenwoordigheid uitgevoer. Hulle normale lewe waar hulle gewerk het en met ander interaksie gehad het, was die plek waar God met hulle verhouding wou hê.
• Waar in jou lewe voel dit asof God nie teenwoordig is nie? Waar leef jy asof jy dit op jou eie doen en God nie raaksien waarmee jy besig is nie? Hoe kan jy hierdie plekke ook geleenthede maak om God se teenwoordigheid te beleef? Hoe kan jy in hierdie alledaagse ruimtes voor God kniel en aanbid?

GEBED:

Psalm 95
6Kom ons val in eerbetoon voor Hom neer, kom ons buig, kom ons kniel voor die Here ons Skepper!

VRAE:

• Vandag se Psalm erken God vir wie Hy is. Dit verwys na verskillende elemente wat God geskep het, en waardig is van prys. Dit nooi ons uit om voor God te kom kniel omdat ons juis erken wie God is, die heerser van die heelal, asook die heerser van my lewe.
• Wat sal alles op jou lysie wees? As jy redes moet gee waarom jy voor God kniel, wat sou jy op die lysie plaas? Deel jou lysie met die Here en eer Hom daarvoor.
• Die Psalm eindig waar God aan die woord is. Hy noem die geleenthede waar sy volk gekla het. Hy vra van hulle om nie weer so te maak nie, en wys ook wat die konsekwensies was van hulle houding teenoor God.
• Wat sou die Here vanoggend vir jou vra? Sou Hy ook ‘n lys van voorbeelde kon noem waar jou houding nie gepas was nie? Sou Hy vir jou ook vra om nie weer so te maak nie? Dink aan jou lewe, en hoe jou houding teenoor God nie gereflekteer het wie Hy was in jou lewe nie. Deel jou hart met die Here.

GEBED:
Here, vanoggend wil ek kom met dankbaarheid vir alles wat U vir my gedoen het. Maar meer as dit Here, wil ek U prys vir wie U is. U is die heerser van die heelal en die koning van my hart. Here ek is nederig verstom oor U grootheid en U liefde vir my. Here, help my om my houding so aan te pas, dat ek eerder op my knieë voor U neerval in aanbidding, as kla oor die paar goedjies wat ek voel ek steeds nie het nie. Here, help my om biddend afhanklik van U te bly.
Amen

Johannes 13:4-5
4Toe het Hy van die tafel af opgestaan, sy bokleed uitgetrek en ‘n handdoek gevat en om Hom vasgemaak. 5Daarna het Hy water in ‘n wasskottel gegooi en begin om sy dissipels se voete te was en dit dan af te droog met die handdoek wat Hy omgehad het.

VRAE:

• Tydens Jesus se laaste maaltyd met sy dissipels is Hy die heeltyd bewus dat dit die laaste keer sal wees. Hy weet dat die tyd gekom het vir Hom om oorgelewer te word, te ly en te sterf. Ten spyte van die feit dat Hy weet wat gaan gebeur, kies Hy om in sy laaste oomblikke, Sy dissipels se voete te was. Hy kniel voor elkeen van hulle, en dien hulle. Hy doen die werk van ‘n slaaf. Jesus stel vir ons die voorbeeld en sê selfs in vers 15, dat ons nou ook so moet maak.
• Daar is iets negatief in ons gedagtes gekoppel by die idee om te kniel voor iemand. Dit voel asof ons iemand anders ophef in ‘n posisie wat bo ons is en onsself verneder deur te kniel. Tog is dit vir Jesus, nie ‘n probleem om dit te doen nie. Hy kniel met gemak selfs voor Judas, wat Hom gaan oorlewer. Jesus dien almal, selfs die wat Hom te na kom.
• Hoe voel dit om te kniel voor ander? Indien jy vandag sou moes kniel voor mense wat jy nie hoog ag nie, of nie van hou nie, sou jy dit kon doen? Waarom is dit so moeilik om onsself in daardie posisie te plaas? Deel met die Here wat in jou hart opkom.
• Was daar al ‘n geleentheid waar iemand ander jou moes dien, voor jou gekniel het? Hoe het dit gevoel? Wat het in jou hart opgekom toe jy dit beleef het?

Gebed:
Here, ek verstaan eintlik glad nie hoe U voor U dissipels kon kniel en hulle voete was nie. Ek verstaan glad nie hoe U dit selfs vir Judas kon doen nie. Here, al verstaan ek nie, weet ek U vra dat ek dit ook moet doen. Here, wys vandag vir my waar ek iemand anders moet dien. Wys asb. vir my voor wie ek moet kniel en voete was, verhoudings herstel en moet dien. Here, help my om afstand te maak met dit wat binne my hart leef, en my keer om juis dit te doen.

Efesiërs 2:8
Julle is inderdaad uit genade gered, deur geloof. Hierdie redding kom nie uit julleself nie; dit is ‘n gawe van God.

VRAE:

• Ons het hierdie week reeds gehoor dat dit nie maklik is om die evangelie te volg nie. Dat dit wat die evangelie vir ons vir ons soms onmoontlik gaan voel. Ons het ook ontdek dat ons by Christus die krag ontvang om die evangelie te volg, solank ons vertroue in Hom geplaas word. Ons het selfs nagedink oor hoe ons die genade ontvang. Dit is juis wanneer ons swak is, dat God se genade gegee word. Maar waarom?
• God gee genade omdat Hy is wie Hy is. Hy is die God van liefde, die Vader wat ons as Sy kinders uitverkies, die Skepper van die heelal en die een wat ‘n verhouding met jou wil hê. God weet dat ons nooit in staat sou wees om die genade te kan verdien nie. God weet ons tekortkominge sal ons altyd in die moeilikheid kry. Die hele Ou Testament is vol van voorbeelde waar mense keer op keer hulle rug op God se genade gedraai het. Daarom kom God om die verhouding te herstel.
• Jesus gee sy lewe, vir mense wat die nie verdien nie en moontlik nie sal waardeer nie. Dit is die enigste manier waarop genade werklik gegee of ontvang kan word. Die een wat gee lê alles op die lyn en weet dat dit moontlik nie aanvaar sal word nie. Die een wat dit ontvang, weet dat hulle nie daarvan waardig is nie en juis dit so nodig het.
• Hoe voel jy oor genade? Is jy bewus van die feit dat jy steeds vandag dit nodig het? Of dink jy die genade is vir ander bedoel wat slegter as jy af is? Waarom is dit soms so moeilik om genade te ontvang? Waarom is dit soms so moeilik om vir ander genade te gun? Deel jou gedagtes me

Gebed:
Here, ek wil soms wag hou oor wie U genade mag ontvang. Here, ek vergeet dat ek juis die een is wat dit die meeste benodig. Here, help my om meer te fokus op die genade wat ek ontvang. Here, help my om in dankbaarheid te lewe. Here, help my om ander ook U genade te gun. Here, help my om daagliks in hierdie gawe wat U met vrymoedigheid vir

2 Korintiërs 12:9
9Sy antwoord was: “My genade is vir jou genoeg. My krag kom juis tot volle werking wanneer jy swak is.” Daarom sal ek baie liewer oor my swakhede roem, sodat die krag van Christus my beskutting kan wees.

VRAE:

• Ons het hierdie week reeds gehoor dat dit nie maklik is om die evangelie te volg nie. Dat dit wat die evangelie vir ons vir ons soms onmoontlik gaan voel. Ons het ook ontdek dat ons by Christus die krag ontvang om die evangelie te volg, solank ons vertroue in Hom geplaas word. Maar hoe?
• Die antwoord is eintlik heel eenvoudig. Wanneer ons swak is, is God sterk. Wanneer ons ophou om op ons eie vermoë staat te maak, kan ons begin om op God se vermoë te vertrou. God gee vir ons wat ons nodig het, sodra ons besef dat ons nie dit vir onsself kan doen nie. Dit is genade.
• Hoe sou jy genade beskryf? Wat is dit? Hoe voel dit? Hoe werk dit? Vra vir God om vir jou vandag te wys wat genade alles is.
• Hoe leef jy in genade? Leef jy asof jy vrygestel is? Leef jy asof jy werklik vergewe is en skuld vry is? Waarom leef ‘n mens soos iemand wat vry is en vergewe is?

Gebed:
Here, dankie vir U genade wat vir my genoeg is. Dankie dat U genade juis vir my gegee is, toe ek nog skuldig was, vuil was en nie self enige iets kon doen om dit te verdien nie. Here, dankie dat dit my vry stel, my ware lewe gee. Here, ek sal nooit genoeg dankie kan sê daarvoor nie.
Amen

Filippense 4:6-7
6Moet oor niks besorg wees nie, maar maak in alles julle begeertes deur gebed en smeking en met danksegging aan God bekend. 7En die vrede van God wat alle verstand te bowe gaan, sal oor julle harte en gedagtes die wag hou in Christus Jesus.

VRAE:

• Paulus was baie vertroud met moeilike situasies. Hy het baie swaar gekry. Daar was gereeld oomblikke waar hy vir homself sou kon vra of dit die moeite werd is om aan te hou glo. Wanneer hy in die tronk sit, waarskynlik een van die moeilikste belewenisse wat enige iemand kan hê, is sy antwoord om bly te wees. Om in die moeilike omstandighede aan te hou bid en alles met God te deel.
• Hoe is dit moontlik om bly te kan wees in moeilike omstandighede? Hoe is dit moontlik om aan te hou bid wanneer die omstandighede so onmoontlik vir jou voel? Het jy al deur sulke moeilike omstandighede gegaan? Hoe kon jy bly wees in die omstandighede? Hoe kon jy steeds alles met die Here deel, ten spyte van die feit dat jy swaar kry?
• Wanneer ons in gebed alles na die Here neem, kry ons ook die geleentheid om ons harte te laat verander. In plaas daarvan dat ons net ons probleme met God deel, kry ons die geleentheid om ons smekings, versoeke en klaagliedere te transformeer in dankseggings. Waarom is dit belangrik? Want wanneer ons begin fokus op danksegging verander ons fokus. Ons fokus begin die mooi soek, die positiewe soek, die glimmer oomblikke soek en die wonderwerk is, dat ons dit vind.
• Kan jy getuig van ‘n tyd waar jy op dankbaarheid gefokus het en redes gevind het vir dankbaarheid? Hoe het hierdie praktyk vrede gebring? Deel jou hart met die Here. Is dit tans moeilik om te fokus op dankbaarheid? Vra dat God jou hiermee help en vir jou vrede gee.

GEBED:
Here, ek wil vandag fokus op alles waarvoor ek dankbaar kan wees. Ek wil nie kla nie, ek wil nie smeek vir alles wat ek kort nie. Ek wil fokus op wat ek het. Here, dankie vir my lewe, vir my mense en my omstandighede. Here, dankie dat ek nie alleen in hierdie omstandighede is nie. Dankie Here, dat ek op U kan vertrou. Here dankie dat hierdie gedagte, dat U by mis, vir my soveel vrede kan bring. Here, hou my styf vas. Asseblief Here.
Amen

Markus 10:27
27Jesus het reguit na hulle gekyk en gesê: “Vir mense is dit onmoontlik maar nie vir God nie, want vir God is alles moontlik.”

VRAE:

• Dit wat Jesus vir ons vra, voel baie keer asof dit te moeilik is vir ons om te doen. Om ons rug te draai op die manier waarop ons nog altyd geleef het, is baie moeilik. Om jou naaste lief te hê soos jouself, is baie moeilik. Om jou kruis op te tel en die Here te volg, is baie moeilik.
• Waarom dink jy, vra Jesus vir ons om die dinge te doen wat vir ons so moeilik is, amper onmoontlik is? Wat het die Here al vir jou gevra, wat vir jou amper onmoontlik gevoel het? Is daar enige iets wat jy elke dag moet hanteer of deur moet gaan wat vir jou onmoontlik voel? Deel jou hart met die Here.
• Wanneer ons met die onmoontlike gekonfronteer word, word ons bewus van die feit dat ons dit nie alleen kan doen nie. Ons word bewus van die feit dat ons eintlik afhanklik is van die Here. Is jy afhanklik van die Here? Hoe getuig jou lewe hiervan? Waarom is dit belangrik dat jy van die Here afhanklik moet wees? Deel jou hart met die Here.

GEBED:
Here, wanneer ek met die moeilike dinge van die lewe gekonfronteer word, besef ek dat ek U nodig het. Ek kan nie hierdie lewe op my eie aanpak nie. Here, ek het U genade nodig om vandag deur hierdie dag te kom. Ek weet dat niks wat ek aanpak te groot is vir U nie. Here, werk deur my. Gebruik my. Here, meer van U, en minder van myself. Here. Ek is afhanklik van U.
Amen

Psalm 20:8
8Sommige vertrou op strydwaens en ander op perde, maar óns, ons vertrou op die Naam van die Here ons God.

VRAE:

• Op wie vertrou jy? Soms sal ons met ons monde bely dat ons die Here vertrou, maar ons lewens en optredes getuig van iets anders. Ons dink en sê vir ander dat God ons stuurwiel van ons lewens is. Maar wanneer ons leef, gebruik ons God meer soos die spaarwiel. Ons vertrou slegs op Hom wanneer dinge nie loop soos dit moet nie,
• Hoe lyk ‘n lewe waar God die stuurwiel van jou lewe is? Hoe sou dit lyk as jy elke klein aspek van jou lewe aan Hom oorgee? Hoe sou dit lyk om na God te gaan met die klein en nuttelose aspekte van jou lewe elke dag? Glo jy dat God ook in jou klein en moontlik “minder belangrike elemente van jou lewe” sou wou leiding bied vir jou? Of glo jy dat jy God pla met sulke onnodige versoeke? Spreek dit iets van hoe jy God vertrou wanneer jy met gemak jou eie besluite neem oor elemente wat nie so “belangrik” is nie?
• Hoe lyk ‘n lewe waar God net ‘n spaarwiel van jou lewe is? Is daar getuienis in jou lewe waar jy net vir God vra vir hulp wanneer die wiele van jou lewe afval? Wat sê hierdie benadering van jou geloofslewe? Hoe dink jy voel God daaroor as jy Hom net konsulteer wanneer jy raadop is en nie meer self die situasie kan hanteer nie?
• Die Here wil jou lei in elke opset van jou lewe. Hy wil ook hê jy moet Hom vertrou in elke aspek van jou lewe. Solank as wat jy self besluite neem oor die groot en klein elemente daarvan, is daar steeds ‘n gedeelte in jou wat nie aan God onderwerp nie. Deel met die Here daardie dele wat nie aan Hom onderwerp is nie. Gebruik die geleentheid om te bely en te vra dat God jou moet lei. Hoe wil Hy hê, moet jy eerder leef.

GEBED:
Here, daar is soveel geleenthede waar ek steeds dink ek kan my eie lewe leef en regeer. Here, ek besef dat die nie waar is nie. Here, ek besef ek het U nodig om ook leiding te bied in die klein, selfs nuttelose aspekte van my lewe. Here, help my om meer afhanklik van U te wees. Here, help my om meer op U te vertrou. Here, help my om U die stuurwiel in my lewe te gee, en nie net U te behandel soos die spaarwiel nie.
Amen

Matteus 5:3 NLV
”Gelukkig is dié mense wat weet hoe nodig hulle God het, want die koninkryk van die hemele is húlle deel.“

Om oor te gesels en te dink
As Jesus met sy Bergrede begin, is die eerste saligspreking: gelukkig is dié mense wat weet hoe afhanklik van God is. Die Afr2020 vertaling sê: “Gelukkig is die armes van gees”. Dit alles dui op afhanklikheid van God. Leef ek en jy só afhanklik? Weet ons hoe nodig ons God het?
Ons word heeltyd deur die wêreld herinner dat ons vir onsself moet sorg en dat ons geluk van ons en ons goed afhang.
Jesus kom herinner ons dat ware geluk is om by God te begin. As ons weet hoe nodig ons Hom het, begin ons die geheim van die lewe ontdek. Ons besef dat alles wat ons het en is van God af kom.

Gebed
Here, ek wil ware geluk beleef. Ek het U meer nodig as wat ek soms wil toegee. Help my om afhanklik van U te leef. Amen.

Genesis 12:1-3
”Die Here het vir Abram gesê: “Trek uit jou land uit, weg van jou mense en jou familie af na die land toe wat Ek vir jou sal aanwys. Ek sal jou ‘n groot nasie maak, Ek sal jou seën en jou ‘n man van groot betekenis maak, en jy moet tot ‘n seën wees. Ek sal seën wie jou seën, en hom vervloek wat jou vervloek. In jou sal al die volke van die aarde geseën wees.”“

Om oor te gesels en te dink
Seën kan nie net oor jouself gaan nie. Wanneer God jou seën, kan ons nie anders as om ons seën met ander te deel nie. Ons moet nie vaskyk in wat ons nie het nie, maar wat ons wel het en hoe ons dit kan deel. Ons seëninge is nie altyd geld en goed nie. Ons kan ons tyd en gawes met ander deel om vir hulle tot seën te wees.
Dink vir ’n oomblik na oor alles waarmee die Here jou seën en hoe jy dit kan gebruik om dit met iemand te deel.
Sê vir die Here dankie vir die seën wat jy onverdiend ontvang. Ons kan nie God se seën verdien nie. Soos Abram wat dit onverdiend ontvang het, ontvang ons elke dag God se seën.
Mag jy vandag ’n geseënde dag beleef.

Gebed
Here, dankie vir alles waarmee U my seën. Ek wil dit nie vir myself hou nie. Wys my met wie ek dit kan deel. Amen.

Markus 10:15-16
”Dit verseker Ek julle: Wie die koninkryk van God nie soos ’n kindjie ontvang nie, sal daar nooit ingaan nie. Hy het sy arms om die kindertjies gesit, hulle die hande opgelê en hulle geseën.“

Om oor te gesels en te dink
Jesus verwelkom die kindertjies. Dit was eintlik ’n baie vreemde ding wat Jesus doen. Kinders is in daardie tyd nie as belangrik geag nie. Tog kies Jesus om hulle aan te raak en te seën. Jesus het hulle omhels en vir hulle gebid. Ons almal weet dat fisiese aanraking kosbaar is en soveel meer nog as iemand vir jou bid. Ons het dit almal nodig.
Nie net om dit te ontvang nie, maar ook om dit te gee. Wie is daar wie jy vandag kan aanraak en voor kan bid?
Dit mag dalk iemand wees wat deur ander mense nie raak gesien word nie, tog is hulle net so belangrik soos die kindertjies.
Kom ons wys vandag vir iemand Jesus se liefde deur hulle aan te raak en vir hulle te bid.

Gebed
Here Jesus, dankie vir U liefde. Ek wil vandag vir iemand U liefde wys. Sal U vir my ’n geleentheid wys waar ek dit kan doen? Amen.

Markus 10:14-15
”Maar toe Jesus dit sien, was Hy verontwaardig en het Hy vir hulle gesê: “Laat die kindertjies na My toe kom en moet hulle nie verhinder nie, want die koninkryk van God is juis vir mense soos hulle. Dit verseker Ek julle: Wie die koninkryk van God nie soos ’n kindjie ontvang nie, sal daar nooit ingaan nie.“
‭‭
Om oor te gesels en te dink
Jesus moedig die mense, veral die grootmense, om die koninkryk van God soos ’n kind te ontvang. Jesus sê nie dat ons soos ’n kind moet glo nie. Hierdie teks word verkeerdelik so verstaan. Ons sou kon sê: “Wees soos ’n kind, nie glo soos ’n kind nie”
Wanneer ek soos ’n kind is, doen ek wat my ouers van my vra, want ek is afhanklik van hulle. So kan ons as kinders van God deel wees van die koninkryk wanneer ons in afhanklikheid Hom vertrou.
Soos ’n kind altyd die beste van sy ouers verwag, so kan ons weet dat die Vader ook vir ons die beste gee. Dit is Wie Hy is. Omdat Hy ons Vader is, kan ons Sy kinders wees.

Gebed
Hemelse Vader, dankie dat ek U kind is. Ek wil soos ’n kind U koninkryk met ope arms aanvaar. Dankie dat ek altyd welkom is. Amen.

Markus 10:13-14
”Die mense het kindertjies na Jesus toe gebring dat Hy hulle moet aanraak. Sy dissipels het met die mense daaroor geraas. Maar toe Jesus dit sien, was Hy verontwaardig en het Hy vir hulle gesê: “Laat die kindertjies na My toe kom en moet hulle nie verhinder nie, want die koninkryk van God is juis vir mense soos hulle.“
‭‭
Om oor te gesels en te dink
Die mense bring hulle kinders na Jesus omdat hulle wou Jesus moet iets vir hulle doen. Die dissipels is kwaad en wil nie dat die kinders Jesus pla nie. Kinders was nie deur die dissipels as belangrik genoeg geag nie. Tog maak Jesus kontak. Hy is verontwaardig dat die dissipels die kinders wil weg wys. Jesus nooi die kinders na Hom toe. Kinders moet nie verhinder word om na Jesus toe te kom nie. Jesus gebruik die kinders as voorbeeld om te sê dat die koninkryk van God juis vir mense soos hulle is. Hierdie “soos hulle” dui op afhanklikheid. Ons moet soos kinders van God afhanklik wees. Ons is altyd welkom by Hom.

Gebed
Here, ek kom in afhanklikheid na U toe. Ek wil U vertrou. Ek vra dat U my sal help om soos ’n kind U te vertrou met my hele lewe. Amen.

Markus 9:34-37
“Hulle het egter niks geantwoord nie, want hulle het langs die pad met mekaar gestry oor wie van hulle die belangrikste is. Jesus het gaan sit en die twaalf geroep. Hy sê toe vir hulle: “As iemand die eerste wil wees, moet hy die heel laaste en almal se dienaar wees.” Toe het Hy ‘n kindjie geneem en hom tussen hulle laat staan. Hy het sy arm om hom gesit en vir hulle gesê: “Elkeen wat so ‘n kindjie in my Naam ontvang, ontvang My; en elkeen wat My ontvang, ontvang nie net vir My nie, maar ook vir Hom wat My gestuur het.””

Om oor te gesels en te dink
Terwyl Jesus besig is om tussen die mense te leef en wonders te doen, is sy dissipels besig om te stry oor wie die belangrikste in die koninkryk saam met Jesus gaan wees. Jesus hoor hulle en spreek hulle aan. Wie eerste wil wees, sal laaste wees en almal se dienaar wees. Om in die koninkryk belangrik te wees is om ander te dien en jouself nie eerste te stel nie.
Verder gebruik Jesus die voorbeeld van ’n kind se afhanklikheid en ontvanklikheid wat ons moet nastreef in ons verhouding met God. Ons moet Jesus met oop arms ontvang. Soos ’n kind sy ouer moet oop arms ontvang, moet ons Jesus ontvang. Ons kan nie stry oor wie die belangrikste is en wat ons daaruit gaan kry nie.

Gebed
Jesus, ek wil soos ’n kind van U afhanklik wees en U met oop arms ontvang. Help my om op U te fokus en nie net op myself nie. Amen.

Psalm 127:1-2
“’n Pelgrimslied. Van Salomo. As die Here die huis nie bou nie, swoeg dié wat daaraan bou, tevergeefs. As die Here die stad nie beskerm nie, waak dié wat dit beskerm, tevergeefs. Tevergeefs dat julle vroeg opstaan en laat gaan slaap om met moeite ‘n bestaan te maak. Vir dié wat Hy liefhet, gee die Here dit in hulle slaap.”

Om oor te gesels en te dink
Hierdie Psalm herinner ons om op die Here te vertrou, eerder as op onsself. Die Psalm is gereeld gesing as hulle op pad was na Jerusalem toe en het hulle onthou dat die Here die middelpunt van alles is.
Dit roep ons op om in afhanklikheid van die Here te lewe. Ons kan nie terugsit en verwag die Here moet alles doen nie. Nee, in afhanklikheid moet ons Hom vertrou. Vandaar die beeld dat die Here dit wat ons nodig het, vir ons in ons slaap gee. Wanneer ons Hom vertrou, gee die Here vir ons die wysheid en insig op die regte tyd.
Het jy dalk ’n moeilike dag wat vir jou voorlê? Raak rustig en gee dit oor aan die Here. Vra Hom om jou wysheid en insig te gee.

Gebed
Here, ek wil in afhanklikheid van U lewe. Ek kan nie sonder U leef nie. Help my in alles U eerste te stel. Amen.

Markus 8:29
“Maar julle,” vra Hy hulle, “wie, sê julle, is Ek?” Petrus antwoord Hom: “U is die Christus!”

Om oor te gesels en te dink:
Neem vandag ‘n oomblik om hierdie teksvers ‘n paar keer te lees. Lees dit stadig. Lees dit hardop. Hoor hoe jy saam met Petrus bely wie Jesus is. Die Christus! Petrus verstaan hier nog nie en glo dat Jesus die politieke bevryder vir hulle gaan wees. Selfs wanneer ons bely wie God is, bely ons hoe ons God op daardie oomblik of oorgang in ons lewe verstaan of beleef. Neem ‘n laaste keer die papier waarmee jy hierdie week gewerk het. Skryf neer hoe jy vroeër of in ‘n ander fase/oorgan in jou lewe God verstaan, beleef of wat jou beeld van God was. Jou belydenis van God se klem mag dalk op ander plekke val in jou lewe, maar dat Jesus Christus die opgestane Here is, dit bly vas. Jy word uitgenooi om op jou dissipelskapreis te bly ontdek wie Christus is en hoe om dit te leef.

Gebed
Here, vandag wil ek net stiller by U in gebed sit. Bewus raak van U teenwoordigheid. Hardop sê dat U die Here van die heelal is en ook my Here. Die opgestane Here. My belydenis van wie U is ontwikkel. Ek wil bly ontdek wie U is en verras word met nuwe insigte. Amen.

Markus 8:27
Daarna het Jesus en sy dissipels na die dorpies naby Sesarea-Filippi gegaan. Langs die pad het Hy vir die dissipels gevra: “Wie, sê die mense, is Ek?”

Om oor te gesels en te dink:
Ons dink hierdie week na oor wie Jesus is. Maandag het jy neergepen wie Jesus vir jou persoonlik is. Die teks begin egter met Jesus wat vir sy dissipels vra oor wie die mense sê Hy is. Dink vir ‘n oomblik na oor wat die mense in jou lewe sê van wie Jesus is. Watter getuienisse het jy al gehoor? En watter opmerking het jy al gehoor wat nie strook met wie jy oortuig is, Jesus is nie. Loer weer na die papier en jou bewoording/getuienis van wie Jesus is. Loer ook weer na Woensdag se inskrywing oor mense se verwagting van Jesus en hoe dit met die lydende Messias verskil. In watter wyse word jy dalk vandag uitgedaag oor jou beeld van God? En waar word jy geroep om te getuig van wie God is.

Gebed
Here, ek ken U en ek is diep oortuig dat U my ken. Soms besef ek dat my beeld van U beperk is en ander kere word ek geroep om juis te deel en getuig oor hoe ek U verstaan. Heilige Gees wys vandag vir my waar ek oor U, soos ek U beleef, kan getuig. Maar Heilige Gees werk ook in my daar waar ek ook nog soos die dissipels sukkel om te begryp wie U is. Amen.

Markus 8:34-38
Jesus het toe die menigte mense saam met sy dissipels nader geroep en vir hulle gesê: “As iemand agter My aan wil kom, moet hy homself verloën, sy kruis opneem en My volg, want wie sy lewe vir homself wil behou, sal dit verloor; maar wie sy lewe vir My en die evangelie verloor, sal dit behou. Wat help dit ‘n mens tog om die hele wêreld as wins te verkry en sy lewe te verloor? Wat sal ‘n mens kan gee in ruil vir sy lewe? Wie hom dan vir My en my woorde skaam te midde van hierdie ontroue en sondige geslag, vir hom sal die Seun van die mens Hom ook skaam wanneer Hy kom saam met die heilige engele, en beklee is met dieselfde heerlikheid as sy Vader.”

Om oor te gesels en te dink:
Ons word geroep tot selfverloëning, om in ons self te sterf en pad van dissipelskap te stap – ongeag of dit goed of sleg gaan met ons. Of ons lag en of ons huil, ons is geroep as dissipels. Hierdie teks se ‘kruis opneem’ het minder te make met of ons swaarkry, maar fokus eerder op die ‘sterf’ gedeelte. Om jou eie wil te laat sterf en Jesus na te volg. Om so te lewe dat daar nie onduidelikheid is dat ons gesterf het en Jesus in ons lewe nie. Neem weer die papier waarmee ons die week werk en skryf daarop prakties neer wat dit in jou lewe beteken om ‘te sterf’. Byvoorbeeld om in jou keuses te sterf en na God se wil te soek. Hoe lyk dit? Is daar lewenskeuses wat jy tans moet neem? Is dit om meer gereeld bewus te wees van God se roeping in jou lewe? Hoe lyk dit? Is dit om te onthou dat alles in jou lewe oor God gaan? Wat sal jou daaraan herinner? Skryf neer wat dit prakties in jou lewe vandag beteken dat jy ‘sterf’.

Gebed
Here, ek sit met praktiese voorstelle in my hand. Ek sukkel om myself te verloën. Niemand wil sterf nie. En tog roep U my om in myself te sterf. Vandag kies ek om my kruis op te neem en U te volg. Here, hierdie praktiese dinge [noem dit op] wil ek graag beoefen. Heilige Gees help my hiermee. Amen.

Markus 8:32-33
Hy het met hulle hieroor reguit gepraat. Toe het Petrus Hom opsy geneem en Hom begin berispe. Hy het egter omgedraai, na sy dissipels gekyk en vir Petrus berispe. “Moenie in my pad staan nie, Satan,” het Hy gesê, “want jy dink nie aan wat God wil hê nie maar aan wat die mense wil hê.”

Om oor te gesels en te dink:
Jesus het die dissipels begin leer dat Hy baie moet ly. Petrus neem Jesus eenkant en raas met Jesus oor hierdie stelling. Waarom dink jy het Petrus met Jesus geraas? Dit is moontlik dat Petrus en die dissipels gedink het mense gaan nie ‘n leier wat ly of verkondig dat Hy doodgemaak gaan word, maklik volg nie. Jesus draai om en berispe Petrus voor die ander dissipels. Hy bevestig dat dit God se wil is dat Hy moet ly en dat dit nie gaan oor wat Petrus, die dissipels of mense dink nie. Jesus is getrou aan sy roeping: om ‘n ‘lydende Messias’ te wees, ‘n ‘lydende Dienskeg’. Loer weer na die papier waarop jy geskryf het wie Jesus vir jou is en hoe Jesus gely het. Skryf vandag neer watter verwagting ‘mense’ vandag oor Jesus het en hoe dit dalk verskil van Jesus as die lydende Messias en die lydende Dienskneg.

Gebed
Here, ek word opnuut die week bewus van U lyding, bevryding en diensbaarheid. Leer my om in U voetspore te volg en nie af te wyk vir wat ander mense dink of verwag nie. Amen.

Markus 8:31
Jesus het hulle toe begin leer dat die Seun van die mens baie moet ly, dat Hy deur die familiehoofde en die priesterhoofde en die skrifgeleerdes verwerp moet word en doodgemaak moet word, en drie dae later moet opstaan.

Om oor te gesels en te dink:
Gister het ons neergepen wie Jesus vir ons is. Neem ‘n oomblik en lees weer wat jy neergeskryf het. Wie sê jy, is Jesus? Jesus se dissipels het gedink hy is die Messias wat hulle van onderdrukking kom bevry. Hulle het nog nie verstaan nie. Jesus begin hulle toe leer dat Hy baie moet ly. Soms vergeet ons dat Jesus die lydende Messias vir ons geword het. ‘n Lydende dienskneg wat ook ander se lyding raaksien. Neem weer jou papier en skryf neer op watter wyses Jesus gely het. Probeer vandag ook ander mense se pyn raak te sien.

Gebed
Here Jesus, dankie dat U mens geword het en ‘n pad van lyding gestap het. Maak my vandag bewus daarvan dat U gekies het om die lyding te dra en so ook U kruis. Amen.

Markus 8:27-30

Daarna het Jesus en sy dissipels na die dorpies naby Sesarea-Filippi gegaan. Langs die pad het Hy vir die dissipels gevra: “Wie, sê die mense, is Ek?” Hulle antwoord Hom: “Johannes die Doper, party sê weer Elia, en party een van die profete.” “Maar julle,” vra Hy hulle, “wie, sê julle, is Ek?” Petrus antwoord Hom: “U is die Christus!” Toe belet Hy hulle om dit vir iemand anders te vertel.

Om oor te gesels en te dink:
Wie sê jy, is Jesus? Neem ‘n oomblik en skryf met ‘n pen en papier neer wie Jesus vir jou is. Moet dit nie oordink nie, laat die woorde op die papier vloei soos dit gewoon in jou gedagtes ontwikkel. Hou die papier vandag naby, sodat jy nuwe gedagtes deur die loop van die dag ook kan probeer vasvang. Wees eerlik en moenie probeer om die ‘regte’ antworode neer te pen nie. Ons gaan hierdie week saam nadink oor wie Jesus vir jou persoonlik is en watter roeping dit op jou lewe plaas.

Gebed
Here, vandag gaan ek poog om neer te pen wie U vir my is. Mag ek verras word met nuwe ontdekkings. Amen.

Markus 8:16-21
”Hulle het toe vir mekaar gesê dit is omdat hulle nie brood het nie. Toe Jesus dit hoor, sê Hy vir hulle: “Waarom praat julle daaroor dat julle nie brood het nie? Begryp en verstaan julle nog nie? Is julle nog steeds so traag van begrip? Julle wat oë het, sien julle dan nie? Julle wat ore het, hoor julle dan nie? Onthou julle nie, toe Ek die vyf brode vir die vyf duisend gebreek het, hoeveel mandjies vol stukke brood julle oorgehou het nie?” “Twaalf,” sê hulle vir Hom. “En sewe brode vir die vier duisend, hoeveel mandjies vol stukke het julle toe oorgehou?” “Sewe,” sê hulle vir Hom. Toe sê Hy vir hulle: “Verstaan julle dan nog nie?”“

Om oor te gesels en te dink
Die dissipels is traag om te verstaan wat die wonderwerke van die vermeeerdering van die brood beteken. Hulle twyfel en Jesus moet hulle herinner dat Hy in oorvloed voorsien. Daar bly selfs oorskiet (“leftovers”) oor. Tog sukkel die dissipels om dit te verstaan. Hulle mis die die wonderwerke wat Jesus voor hulle doen. Hulle dink aan redes hoekom dit nie so kan wees nie.
Ons sien ook nie altyd God se voorsiening raak nie. Ons mis die oorvloedige gawes wat Hy elke dag vir ons gee. Hy vermeerder gereeld ons brood en dan dink ons aan redes hoe dit nie moontlik kon wees nie. Laat ons nie Jesus se wonderwerke mis nie.

Gebed
Here, U is ‘n God van wonders. Ek wil U wonders raak sien en aan U al die eer gee. Help my waar my geloof te min is. Amen.

Markus 8:14-15
”Die dissipels het vergeet om brood saam te vat; hulle het net een by hulle in die skuit gehad. Jesus het hulle toe gewaarsku: “Pas op, wees op julle hoede vir die suurdeeg van die Fariseërs en die suurdeeg van Herodes.”“

Om oor te gesels en te dink
Jesus gebruik die brood en suurdeeg om die dissipels teen die Fariseërs en Herodus te waarsku. Net soos wat ’n klein bietjie suurdeeg ’n groot verskil maak, so het die Fariseërs ’n invloed op die mense om hulle. Hulle is die sinnebeeld van die bose wat teen Jesus en sy boodskap werk. Hulle vra tekens van Jesus, maar het reeds besluit om dit nie te glo nie.
Ons moet ook op die uitkyk wees vir dinge wat ons van Jesus en sy boodskap kan wegtrek. Soms kan dit klein dingetjies wees wat ons dink nie ’n invloed het nie, maar tog maak dit ons afvallig.
Laat ons moeite doen om op die regte dinge in Jesus se koninkryk te fokus. So kan ons ook soos suurdeeg ’n positiewe invloed op almal om ons hê.

GebedHere Jesus, ek wil U volg en ’n goeie invloed op ander hê. Mag ek nie ingetrek word deur die negatiewe dinge wat my vreugde steel nie. Amen.

Markus 8:1-9
”In daardie selfde tyd was daar weer ‘n keer ‘n groot menigte mense by Jesus, en hulle het niks gehad om te eet nie. Hy roep toe sy dissipels nader en sê vir hulle: “Ek kry hierdie mense innig jammer, want hulle is nou al drie dae lank hier by My en hulle het niks om te eet nie. As Ek hulle nou sonder kos huis toe stuur, sal hulle langs die pad beswyk. Party van hulle kom van ver af.” Maar die dissipels sê vir Hom: “Waar sal ‘n mens in hierdie verlatenheid genoeg brood vir hulle kan kry?” Hy vra hulle toe: “Hoeveel brood het julle?” “Sewe,” antwoord hulle. Toe gee Hy die mense bevel om op die grond te gaan sit. Nadat Hy die sewe brode geneem en God gedank het, het Hy dit gebreek en vir sy dissipels gegee om uit te deel, en hulle het dit aan die mense voorgesit. Hulle het ook ‘n paar vissies gehad; en nadat Hy die seën gevra het, het Hy gesê hulle moet dit ook uitdeel. Die mense het geëet en genoeg gekry. En hulle het nog sewe mandjies vol bymekaargemaak van die stukke wat oorgebly het. Daar was omtrent vier duisend mense. Daarna het Hy hulle huis toe gestuur.“

Om oor te gesels en te dink
Markus vertel van die tweede vermeerdering van die brood. Hierdie keer is dit Jesus wat die skare jammer kry en vir hulle kos wil gee. Die dissipels dink dadelik aan redes hoekom dit nie kan gebeur nie. Dis asof hulle nie kan onthou wat die vorige keer gebeur het nie. Jesus gaan voort en nadat Hy God gedank het, dit uitgedeel is en almal geëet het, het daar sewe mandjies oorskiet na oorvloedige voorsiening oorgebly.
Ons is party maal soos die dissipels. Ons begin by redes en verskonings hoekom ’n wonderwerk nie kan gebeur nie. Op hierdie manier kan ons dan die wonderwerk voor ons oë nie raak sien nie.

• Watter verskonings maak ek en jy?
• Vertrou ons die Here vir wonderwerke, ten spyte van?

Gebed
Here Jesus, ek sien nie altyd raak hoe U wonderwerke doen nie. Ek dink aan alles wat nie kan gebeur nie. Help my om U wonders raak te sien. Amen.

Markus 7:25-30 AFR20
”En gou het daar ‘n vrou wie se dogtertjie ‘n onrein gees gehad het, van Hom gehoor, en voor sy voete kom neerval. Dit was ‘n Griekse vrou, van Siro-Fenisiese afkoms. Sy het Hom gevra om die demoon uit haar dogter uit te dryf. Hy het vir haar gesê: “Laat die kinders eers versadig word, want dit is nie mooi om die kinders se brood te neem en vir die hondjies te gooi nie.” Sy antwoord Hom toe: “Here, die hondjies onder die tafel eet darem van die kindertjies se krummels.” Daarop sê Hy vir haar: “Op grond van wat jy gesê het, gaan huis toe! Die demoon het reeds uit jou dogter uitgegaan.” En toe sy by haar huis kom, kry sy die kindjie op die bed lê, en die demoon was reeds uit haar uit.“

Om oor te gesels en te dink
Hierdie vrou het alles op die spel geplaas om by Jesus uit te kom. Sy het teen die norm ingegaan en met Jesus gepraat omdat sy haar volle vertroue in Hom geplaas het. Sy verander Jesus bediening. Sy sê vir Jesus dat sy bereid sal wees om die krummels van die brood te eet, soos wat hondjies dit onder die tafel eet. Sy besef sy verdien dit nie, maar vra Jesus om genade. Jesus sien haar geloof raak en help haar. Hierdie vrou kon dink dat sy nie werd is om na Jesus toe te gaan nie, maar sy was oortuig om met die bietjie wat sy van Jesus weet, Hom te nader en om hulp te vra. Dit het haar lewe verander.
Ons kan met vrymoedigheid na Jesus toe gaan, want selfs die krummels is genoeg. Sy liefde vir ons verander ons lewens. Kom ons vertrou Hom met ons behoeftes. Hy help altyd.

Gebed
Here Jesus, ek kom na U toe en vertrou U. Dankie dat U altyd help, selfs al mag ek dink ek verdien dit nie. Amen.

Markus 6:34-38, 41-43
”Toe Jesus uit die skuit klim, het Hy ‘n groot menigte mense daar gesien en Hy het hulle innig jammer gekry, want hulle was soos skape wat nie ‘n wagter het nie. Hy het hulle toe baie uitvoerig begin leer. Toe dit al baie laat was, het Jesus se dissipels vir Hom kom sê: “Dit is ‘n afgeleë plek hierdie en dit is al baie laat. Stuur die mense terug sodat hulle op die plase in die omtrek en in die dorpies vir hulle iets te ete kan koop.” Maar Hy sê vir hulle: “Gee julle vir hulle iets om te eet.” Hulle antwoord Hom: “Moet ons met twee honderd mense se dagloon brood gaan koop om vir hulle iets te ete te gee?” Hy vra vir hulle: “Hoeveel brood het julle? Gaan kyk.” Nadat hulle gaan kyk het, sê hulle: “Vyf, en twee visse.” Toe het Hy die vyf brode en die twee visse geneem, na die hemel opgekyk en die seën gevra. Daarna het Hy die brood gebreek en dit vir sy dissipels gegee om aan die mense voor te sit. Hy het ook die twee visse onder hulle almal verdeel. Al die mense het geëet en genoeg gekry. Hulle het nog twaalf mandjies vol bymekaargemaak van die stukke brood en die vis.“

Om oor te gesels en te dink
Markus wys vir ons Jesus se hart. Terwyl Hy tussen die mense was, het Hy hulle innig jammer gekry. Hulle was soos skape sonder ’n herder. Jesus leer hulle van die koninkryk en dan kom vra die dissipels vir kos. Jesus wil vir hulle leer dat God voorsien, maar die dissipels dink dadelik verskonings uit dat dit nie moontlik is nie. Jesus gaan voort met dit wat hulle het, vyf brode en twee visse. Hy dank God en die wonder van vermeerdering gebeur. Almal was verbaas gewees. Die dissipels het dit amper gemis. Hulle het nie met God rekening gehou en besef Jesus kan die wonder doen nie.
Mis ons nie ook klein wonderwerke omdat ons dink hoekom dit nie kan gebeur nie?
Jesus begin met wat ons het en verander dit in wat ons nodig het.

Gebed
Jesus, ek bring vir U wat ek het. Gebruik dit om te doen wat U wil doen. Ek wil nie die wonderwerk mis nie. Amen.

Jesaja 56:1-3, 6
”Kom, almal wat dors is, kom na die water toe, selfs ook dié wat nie geld het nie, kom, koop en eet; ja, kom, koop sonder geld en sonder om te betaal, wyn en melk. Waarom betaal julle vir iets wat nie brood is nie, waarom werk julle vir iets wat nie kan versadig nie? Luister aandagtig na My, sodat julle kan eet wat goed is en versadig kan word met die beste wat daar is. Gee aandag en kom na My toe, luister, en julle sal lewe. Ek wil met julle ‘n ewige verbond sluit, Ek wil my troue liefde aan julle betoon soos aan Dawid. Vra na die wil van die Here terwyl Hy nog te vinde is, roep Hom aan terwyl Hy nog naby is.“

Om oor te gesels en te dink
Wat maak jou versadig? Waarop spandeer jy jou tyd?
Jesaja moedig die volk in ballingskap aan om God se uitnodiging te aanvaar. Moenie tyd en geld spandeer op dit wat nie werklik versadig maak nie. Ons moet van die regte brood eet. Alleen God kan vir ons gee wat goed is en ons versadig maak. Ons moet by Hom kom vra.
God het met elkeen van ons ’n verbond (ooreenkoms) gesluit om aan ons Sy liefde te betoon. Soos aan Dawid, is sy troue liefde ook vir ons.
Kom ons vra na die wil van die Here terwyl Hy nog te vinde is en naby ons is. Hy is die Brood van die lewe wat ons versadig maak.

Gebed
Here, dankie dat ek U altyd kan aanroep. Dankie dat U naby is. Maak my versadig met U ware brood. Amen.

Markus 5:40-43
”Hulle het Hom uitgelag. Hy het almal beveel om uit te gaan. Hy het net die pa en die ma van die kindjie en die drie dissipels wat by Hom was, saamgeneem en in die kamer ingegaan waar die kindjie was. Hy vat toe die kindjie se hand en sê vir haar: “Talita, koem!” Dit beteken: Dogtertjie, Ek sê vir jou, staan op! Dadelik het die dogtertjie opgestaan en begin loop; sy was al twaalf jaar oud. Die mense was stom van verbasing. Hy het hulle toe streng opdrag gegee om niemand anders daarvan te laat hoor nie en gesê hulle moet vir haar iets te ete gee.“

Om oor te gesels en te dink
Jesus doen die wonderwerk sonder om dit aan die groot klok op te hang. Hy beveel selfs dat hulle dit nie vir almal moet vertel nie. Jesus wil nie ‘n klomp bewonderaars hê wat net vir eie gewin Hom volg nie. Hy wil dat mense in geloof en gehoorsaamheid Hom volg.
Jesus wys sy deernis en besorgdheid vir almal. Nie net het Hy die vrou met bloedvloeing, ‘n uitgeworpene, gehelp nie. Hy red ook ‘n kind, wat nie baie aansien gehad het nie. Almal is vir Jesus belangrik.
Uit hulle verwondheid bring Hy hulle tot verwondering. Ons hoef nie bang te wees om ons nood na Jesus toe te bring nie. Hy kan ons verwondheid verander in verwondering. Ons kan Hom aanbid vir wie Hy is.

Gebed
Jesus, U het gekom om ons te red. U verander ons wonde in wonders. Mag ek U genade wat ek so nodig het, ervaar. Amen.

Markus 5:37-40
”Jesus het niemand behalwe Petrus, Jakobus en Johannes die broer van Jakobus toegelaat om verder saam met Hom te gaan nie. Hy kom toe by die huis van die raadslid van die sinagoge aan en sien die hele gedoente van mense wat verskriklik huil en te kere gaan. Hy het ingegaan en vir hulle gesê: “Wat raas en huil julle so? Die kindjie het nie gesterwe nie, sy slaap net.” Hulle het Hom uitgelag.“

Om oor te gesels en te dink
Die mense wat so besig was om in die huis oor die kind te huil, het Jesus net uitgelag toe Hy gesê het dat sy nie dood is nie, maar slaap. Die dogtertjie wás reeds dood, maar Jesus het gesê sy slaap net, om hulle te laat verstaan dat haar toestand net tydelik was en dat sy weer lewend sou word.
Jesus het die mense se spot verduur, want Hy wou hulle ’n belangrike les ten opsigte van geloof en vertroue in Hom leer. Dit is ’n ernstige vraag of ons as mense nog die volle vertroue in God het om ten spyte van menslike teenkanting te bly glo dat Hy magtig is en alles kan doen wat vir ons nie meer moontlik lyk nie. Die skare is sinies en dit verhinder hulle om Jesus raak te sien vir wie Hy is. Laat ons nie soos die skare Jesus mis omdat ons sinies is nie.

Gebed
Here Jesus, ek wil U raak sien. Ek wil U vertrou. Help my om nie sinies te wees en daarmee U nie te vertrou nie. Amen.

Markus 5:35-36
”Terwyl Jesus nog met die vrou praat, kom daar mense van die raadslid van die sinagoge se huis af en sê vir hom: “U dogter het gesterwe. Waarom val u nog ons Leermeester lastig?” Jesus het egter met die een oor gehoor wat daar gesê word, en Hy sê toe vir die raadslid van die sinagoge: “Moet jou nie ontstel nie. Bly maar net glo!”“

Om oor te gesels en te dink
Die krisis waarin Jaïrus verkeer het, het hom diep besorg gemaak. Hy het Jesus uit desperaatheid genader en nie geweet wat om te verwag nie. Groot sou sy teleurstelling toe hy hoor dat sy dogter gesterf het. Jesus los dit nie net nie. Jesus se woorde aan Jaïrus is ook vir óns ’n les. Hy het vir hom gesê: “Moet jou nie ontstel nie. Bly maar net glo!” Daar is nie net hoop nie, maar ook ’n versekering in daardie woorde opgesluit.
Die Seun van God is só oortuig van sy sending deur die Vader dat Hy Jaïrus gerusstel en oproep tot geloof, omdat Hy reeds geweet het wat sou volg en wat die uitkoms sou wees. Ons moet ook probeer om ons krisisse liewer vanuit die Goddelike perspektief te sien as net vanuit ons eie nood. Jaïrus het Jesus vertrou al het hy nie geweet wat gaan gebeur nie.

Gebed
Here, ek wil U vertrou en glo. Ek sukkel soms, maar help my om U te vertrou en die lewe uit U perspektief te sien. Amen.

Markus 5:30-34
”Jesus het ook self onmiddellik geweet dat daar van Hom krag uitgegaan het. Hy het Hom in die gedrang omgedraai en gevra: “Wie het aan my klere geraak?” Sy dissipels het Hom geantwoord: “U sien tog dat die mense van alle kante af teen U druk, en dan vra U nog: Wie het aan My geraak?” Hy het rondom Hom gekyk om te sien wie dit gedoen het. Die vrou het geskrik en gestaan en bewe, want sy het besef wat met haar gebeur het. Sy het toe voor Hom op haar knieë kom val en vir Hom haar hele geskiedenis vertel. Daarna sê Hy vir haar: “Dogter, jou geloof het jou gered. Gaan in vrede. Wees vir goed van jou kwaal genees!”“

Om oor te gesels en te dink
Die vrou het dit gewaag om aan Jesus te vat. Alhoewel sy dit met vrees en bewing gedoen het, was dit ’n goeie vrees wat tot die wonder. Jesus weet wat met Hom gebeur en wil haar raak sien. Jesus kyk uit vir haar en kyk nie deur haar nie. Hy ag haar as mens en nie as uitgeworpene nie.
God kyk ons elkeen ook raak. Jy mag dink dat Hy van jou vergeet het of jou nie raak sien nie. Hierdie vrou wys vir ons dat Jesus ons raak sien.
Jesus wens haar vrede toe. Dis ’n vrede wat alle verstand te bowe gaan. Haar lewe is nooit weer dieselfde nie.
Sy het Jesus herken en erken. Sy het gewaag om na Hom toe te gaan en sy het in vrede weggegaan. 
Kom laat ons dieselfde doen. Jesus ken ons en sien ons raak. Hy kyk nie deur ons nie. Hy is lief vir jou.

Gebed
Jesus, dankie dat U my raak sien. Ek bid dat ek U vrede vandag sal beleef en weet dat U vir my lief is. Amen.

Markus 5:25-29
”Daar was ook ‘n vrou wat al twaalf jaar lank aan bloedvloeiing gely het. Sy het baie gely onder die behandeling van talle dokters en het alles wat sy gehad het, daaraan bestee. Sy het egter geen baat daarby gevind nie; haar toestand het eerder vererger. Sy het van Jesus gehoor en in die gedrang nader gekom en van agter af aan sy klere geraak, want sy het gedink: as ek maar net aan sy klere kan raak, sal ek gesond word. En dadelik het die bron van haar bloedvloeiing opgedroog, en sy kon aan haar liggaam agterkom dat sy van haar kwaal ontslae was.“

Om oor te gesels en te dink
Hierdie vrou waag haar lewe om by Jesus uit te kom. Sy was sosiaal uitgestoot en deur die mense as onrein beskou. Sy was desperaat en kon nie anders as om na Jesus te kom nie. Sy het geglo dat Hy die Een is wat haar kan help. Sy’t ook besef dat sy Hom onrein kon maak, maar het alles op die spel geplaas om aan Jesus te vat. Sy het genoeg redes gehad om dit nie te doen nie, tog het sy aan Hom geraak en haar lewe het verander.
Ons dink ook baie keer redes uit om nie ons diepste nood na Jesus toe te vat nie. Ons sal eerder swaar kry en sukkel as om na Hom toe uit te reik. Soos hierdie vrou dit gewaag het, kom ons waag dit ook om aan Jesus te raak. Ons pla Hom nie.

• Wat is dit wat jy na Jesus toe wil bring?
• Kan jy Hom ten volle vertrou?

Gebed
Here Jesus, ek kom na U toe met my nood. Ek wil aan U raak. Mag ek vandag U vrede beleef. Amen.

Markus 1:15
15Hy het gesê: “Die tyd het aangebreek, en die koninkryk van God het naby gekom. Bekeer julle en glo die evangelie.”

VRAE:

• Jesus vra vir gelowiges en ongelowiges om die Goeie Nuus, die evangelie te glo. Hierdie Goeie Nuus is dat God nou mens geword het en prakties kom wys hoe God se liefde en versoening lyk. Die Goeie Nuus is dat God nou by ons is. Die Goeie Nuus is dat verhoudings tussen God en mens herstel word.
• As gelowiges, kan ons dalk vergeet hoe moeilik dit is om hierdie waarheid te ontvang en te glo. Ongelowiges verstaan nog nie waarom hierdie opdrag van Jesus vir hulle soveel vrede en vreugde gaan bring nie. ‘n Groot deel hiervan is dat hulle nie so duidelik die getuienis van ander gelowiges kan sien nie. As gelowiges tree ons gereeld op asof ons nie glo nie, nie seker is nie, nie heeltemal verander is nie.
• Dink aan gelowiges wat met hulle hele wese vertroue en geloof in God uitstraal. Wat maak dat hulle so leef? Hoe wys hulle dit? Hoe kan dit jou inspireer? Hoe wil jy ook soos hulle begin optree? Praat met die Here oor dit wat jy voel kortkom in jou eie optredes.
• Hoe leef jy vandag en elke dag dat mense wat nie glo nie, die geloof in jou kan raaksien? Hoe leef jy sodat mense nie twyfel oor waar jy jou geloof plaas nie? Hoe dink jy oor jou geloof? Hoe praat jy oor jou geloof? Hoe leef jy jou geloof? Is dit genoegsaam om vir ander te wys waarvan jy oortuig is?

GEBED
Here, ek weet hoe moeilik dit is vir mense om te glo in U. Veral as hulle nog nooit die lewe-gewende krag van ‘n verhouding met U beleef het nie. Here, help my om so te leef dat ander nuuskierig raak oor geloof in U. Here, help my om in my hele wese U te vertrou. Here, help ook die wat nog nie glo nie. Here, raak hulle aan, maak hulle bewus en laat hulle nie twyfel in U teenwoordigheid nie. Here, gebruik my soos U nodig het om ander te oortuig om te glo.
Amen

Markus 1:15
15Hy het gesê: “Die tyd het aangebreek, en die koninkryk van God het naby gekom. Bekeer julle en glo die evangelie.”

VRAE:

• Jesus vra vir gelowiges en ongelowiges om die Goeie Nuus, die evangelie te glo. Hierdie Goeie Nuus is dat God nou mens geword het en prakties kom wys hoe God se liefde en versoening lyk. Die Goeie Nuus is dat God nou by ons is. Die Goeie Nuus is dat verhoudings tussen God en mens herstel word.
• As gelowiges, kan ons dalk vergeet hoe moeilik dit is om hierdie waarheid te ontvang en te glo. Ongelowiges verstaan nog nie waarom hierdie opdrag van Jesus vir hulle soveel vrede en vreugde gaan bring nie. ‘n Groot deel hiervan is dat hulle nie so duidelik die getuienis van ander gelowiges kan sien nie. As gelowiges tree ons gereeld op asof ons nie glo nie, nie seker is nie, nie heeltemal verander is nie.
• Dink aan gelowiges wat met hulle hele wese vertroue en geloof in God uitstraal. Wat maak dat hulle so leef? Hoe wys hulle dit? Hoe kan dit jou inspireer? Hoe wil jy ook soos hulle begin optree? Praat met die Here oor dit wat jy voel kortkom in jou eie optredes.
• Hoe leef jy vandag en elke dag dat mense wat nie glo nie, die geloof in jou kan raaksien? Hoe leef jy sodat mense nie twyfel oor waar jy jou geloof plaas nie? Hoe dink jy oor jou geloof? Hoe praat jy oor jou geloof? Hoe leef jy jou geloof? Is dit genoegsaam om vir ander te wys waarvan jy oortuig is?

GEBED
Here, ek weet hoe moeilik dit is vir mense om te glo in U. Veral as hulle nog nooit die lewe-gewende krag van ‘n verhouding met U beleef het nie. Here, help my om so te leef dat ander nuuskierig raak oor geloof in U. Here, help my om in my hele wese U te vertrou. Here, help ook die wat nog nie glo nie. Here, raak hulle aan, maak hulle bewus en laat hulle nie twyfel in U teenwoordigheid nie. Here, gebruik my soos U nodig het om ander te oortuig om te glo.
Amen

Markus 1:15
15Hy het gesê: “Die tyd het aangebreek, en die koninkryk van God het naby gekom. Bekeer julle en glo die evangelie.”

VRAE:

• Jesus sê vir mense om te glo in die evangelie, die Goeie Nuus. Soms besef ons nie dat hierdie ook ‘n opdrag van Jesus is, net soos die bekeer. Om geloof te hê, verys soms dat ons ‘n tree in geloof neem, en net moet glo. Dit vra dat ons ten spyte van al die vrae wat in ons hart is, die keuse maak om te vertrou, te glo en seker te wees van wie God is.
• As gelowiges vind ons dit van tyd tot tyd moeilik om te glo. Ons kyk na omstandighede om ons en word oorweldig. Ons gaan deur ervarings en vind baie vrae, eerder as antwoorde. Watter onsekerhede dwaal in jou hart as dit kom by blindelingse vertroue en geloof in God? Wat is op die oomblik vir jou moeilik om te glo? Waarmee sukkel jy? Deel jou hart met die Here.
• As Jesus vanoggend vir jou vra om te glo ten spyte van al die dinge wat dit moeilik maak om te glo, hoe sou jy dit doen? Hoe kan jy die vrae, onsekerhede en twyfel een kant toe skuif en steeds glo? Hoe sou ‘n eerste tree in vertroue en geloof lyk, self al is daar onsekerhede in jou hart? Wat kan jy vandag doen om te glo?
• Is daar iemand in jou lewe wat altyd glo? Loer vandag by hulle in. Vra vir hulle waarom hulle altyd so standvastig is in hulle geloof. Vra vir hulle om saam met jou te bid.

Gebed:
Here, soms is dit so moeilik om te glo. My eie bekommernisse, ervarings, onsekerhede en twyfel maak dat ek geloof verloor. Here, wys my hoe om te glo ten spyte van al hierdie vrae om my. Here, help my om standvastig in my geloof te wees veral wanneer ek nie weet hoe nie. Here, help my om elke dag, treetjie vir treetjie, my hand in U hand te plaas en te weet wie U nog altyd was.
Amen

Markus 1:15
15Hy het gesê: “Die tyd het aangebreek, en die koninkryk van God het naby gekom. Bekeer julle en glo die evangelie.”

VRAE:

• Jesus vra dat mense hulleself moet bekeer, lank voordat Hy vir hulle sondes gesterf het. Hierdie bekering is nie net bedoel om plaas te vind sodat mense eendag die ewige lewe kan ontvang nie. Dit is bedoel sodat mense nou reeds in hierdie wêreld die volle vrede, vreugde en liefde wat ‘n verhouding met God in hou, kan beleef.
• Baie mense “bekeer” omdat hulle bang is vir die hel. Hulle is bang vir die straf wat God gaan toedien. Maar wanneer mense bekeer slegs omdat hulle bang is vir God en die konsekwensies wat kan volg, leef hulle nooit werklik uit geloof en lewe in oorvloed nie. Mense leef dan in vrees vir wanneer hulle weer die foute van voorheen maak en die straf wat daarmee saamkom.
• Waarom wil jy bekeer? Omdat jy bang is vir die konsekwensies as jy nie beker nie? Of wil jy bekeer omdat jy besef die lewe beter is wanneer jy in verhouding is met die lewende God? Waarom is dit vir jou belangrik dat jy en ander bekeer? Deel jou hart met die Here.
• Hoe lyk hierdie lewe nadat jy bekeer het? Baie dieselfde as voorheen? Totaal deur vrees gedryf en baie eng? Of deur vryheid en liefde gedryf met oorvloed? Hoe lyk dit om keer op keer te bekeer en elke dag saam met God oor te begin?

GEBED:
Here, ek wil nie na U toe vlug net omdat ek bang is vir hel of die konsekwensies van my optredes nie. Here ek wil bekeer en na U toe draai omdat ek glo U is my Here, U is my veilige vesting en by U is die enigste ware lewe. Dankie Here dat ek nou reeds hierdie lewe in oorvloed kan beleef. Dankie dat ek die vrug van hierdie lewe elke dag saam met U kan geniet. Here, U is werklik die enigste antwoord wat ek nodig het vir al my uitdagings.
Amen

Markus 1:15
15Hy het gesê: “Die tyd het aangebreek, en die koninkryk van God het naby gekom. Bekeer julle en glo die evangelie.”

VRAE:

• Jesus se boodskap aan die mense is om hulleself te bekeer. Om te bekeer beteken om ‘n verandering van gedagtes te hê. Om 180˚ draai te maak en jou ruk te keer op die dinge wat verkeerd is. Jesus vra vir die mense om anders te dink as voorheen en anders op te tree as voorheen.
• Wanneer het jy bekeer? Wanneer het jy jou rug gedraai op die ou manier van dink? Het jou rug gedraai op die ou manier van doen? Wat het hierdie bekering behels vir jou? Hoe moeilik was dit? Is daar steeds dinge waarvan jy moet bekeer?
• Hoe lewe jy nou anders as voor jy bekeer het? Hoe lyk jou gedagtes anders as voorheen? Hoe lyk jou woorde anders as voorheen? Hoe lyk jou dade anders as voorheen? Sou enige iemand om jou kon sê dat daar ‘n 180˚ draai was van die manier waarop jy voorheen gedink, gepraat en gedoen het?
• Bekering is nie iets wat mens net een keer doen nie. Dit is iets wat jy daagliks doen wanneer jy ontdek daar is steeds elemente, spasies en areas in jou lewe wat nog nie ten volle getransformeer is deur Jesus nie. Bekeer jy gereeld? Of is jy van mening dat jy dit een keer gedoen het en dit is genoeg? Hoe vra jy vir die Here om lig te skyn op die plekke waar bekering steeds nodig is in jou lewe? Deel jou hart met die Here.

GEBED:
Here, help my om nie in die versoeking te kom deur te dink ek is op die regte pad nie. Here, help my om nie oortuig te wees dat ek nie meer U transformerende krag benodig nie. Daar is steeds soveel aspekte van my wat moet bekeer en na U toe draai. Here, ondersoek my hart. Doen ‘n oudit op my. Here, maak seker dat ek elke dag opnuut bekeer en konstant my rug draai op die sondige natuur in my .
Amen

Markus 1:15
15Hy het gesê: “Die tyd het aangebreek, en die koninkryk van God het naby gekom. Bekeer julle en glo die evangelie.”

VRAE:

• In die Markus evangelie begin Jesus se prediking met, “Die tyd het aangebreek, die koninkryk van God het naby gekom.” Vir Jesus is die Goeie Nuus reeds hier op aarde relevant. Dit is die oplossing en antwoord op elke probleem en situasie. Dit is die rede om elke dag vryheid en lewe in oorvloed te beleef.
• Lewe jy elke dag in vryheid en lewe in oorvloed? Hoe sou jy vryheid beskryf? Hoe sou jy lewe in oorvloed beskryf? Hoe gee die Goeie Nuus van God, wat onder ons kom woon en herstel bring, vir jou vrede? Hoe gee hierdie Goeie Nuus vir jou lewe in oorvloed?
• In die verloop van jare het die Goeie Nuus in baie gelowiges se gedagtes slegs die belofte van ‘n ewige lewe geword. Waarom dink jy is dit vir mense hulle so ‘n groot troos of vrees? Waarom is die Goeie Nuus soveel meer as net ‘n ewige lewe? Beleef jy die Goeie Nuus as meer as net ‘n belofte vir die lewe hierna? Waarom of waarom nie? Deel jou hart met die Here.

GEBED:
Here, dankie dat die Goeie Nuus soveel meer is as net ‘n ewige lewe in U teenwoordigheid. Dankie dat ek reeds vandag U nabyheid kan beleef. Dankie dat ek reeds vandag herstel kan beleef in my verhouding met U, my verhouding met ander, my gesondheid, my hart en my lewe. Here, help my om elke dag te leef asof ek hierdie Goeie Nuus aanvaar en ten volle uitleef. Mag ek so leef dat ander kan sien hoe U my lewe in oorvloed gee, en my werklik vry maak van alles wat my gevangene hou.
Amen

Maandag, 5 Februarie 2024

Markus 1:15
15Hy het gesê: “Die tyd het aangebreek, en die koninkryk van God het naby gekom. Bekeer julle en glo die evangelie.”

VRAE:

• Aan die begin van Jesus se bediening, begin Hy met sy eerste preek. Jesus begin sy preek en bediening deur te sê die tyd het aangebreek vir die Goeie Nuus. Jesus verkondig hierdie Goeie Nuus, die evangelie regdeur sy bediening totdat Hy aan die kruis sterf.
• Wat is die Goeie Nuus, die Evangelie wat Jesus verkondig? Dit is reeds Goeie Nuus, nog voordat Hy vir ons sondes gesterf het. Nog voordat Hy uit die dood opgestaan het en die dood oorwin het. Hoe lyk hierdie Goeie Nuus? Hoe sou jy die Goeie Nuus vir jouself beskryf, as dit nie net die belofte van ‘n ewige lewe was nie?
• Jesus het mens geword, sodat die verhouding tussen God en mens herstel kan word. Hy het mens geword sodat God onder ons kom woon. Ons is nie meer alleen nie. Wat beteken dit vir jou dat God met jou is? Wat beteken dit vir jou dat die verhouding met God herstel is? Hoe leef jy in die vreugde van hierdie waarheid elke dag?

Gebed:
Here, ek is so dankbaar dat U mens geword het vir ons. Dankie dat U by my is. Dankie dat ek nie meer na U hoef te soek en te wonder en alleen hoef te voel nie. Dankie dat U die verhouding kom herstel het. Dankie dat dit nie meer van my afhang om aan te hou regmaak met U nie. Here, ek weet ek sou verlore gewees het sonder U inisiatief. Dankie vir hierdie Goeie Nuus.
Amen

Johannes 1: 50-51

Daarop sê Jesus vir hom: “Glo jy omdat Ek vir jou gesê het dat Ek jou onder die vyeboom gesien het? Jy sal nog groter dinge as dit sien.” Verder sê Jesus vir hom: “Dit verseker Ek julle: Julle sal die hemel oop sien en julle sal die engele van God sien op- en afklim na die Seun van die mens toe.”

Om oor te gesels en te dink:
Jesus vra vir Natanael of hy glo oor die opmerking van die vyeboom. Glo hy dat Jesus die Here is oor die opmerking wat dui dat Jesus hom ken? Dit is nie verkeerd nie, maar Jesus antwoord hom dat hy nog groter dinge sal sien. Dit is ‘n vooruitskouing na die opstanding van Jesus. Ons het dalk nie die opstanding self gesien nie, maar ons ken die opgestane Here Jesus Christus en die krag van Sy opstanding. Dit is verseker ons belydenis en ons kan saam uitroep om ‘te kom kyk’ die Here het opgestaan. Mag jy hierdie jaar meer en meer spasies ontdek waar Jesus Christus, ons opgestane Here, jou lewe kom verander. Mag jy meer gereeld bewus wees van die krag van Sy opstanding en daarom kan sê ‘kom kyk’!.

Gebed
Here, hierdie week het ek weer bewus geword dat ek ook geskape is. Dat U my ken, roep en vorm. Dat ek ook iets het om van te getuig, want ek ken U Here. Nog meer ek weet van U opstanding, ek glo in U opstanding en ek kan getuig van die krag van U opstanding. Dankie dat U opstanding vir my en ander hoop bied en so uitnodigend is ‘om te kyk’ wie U is. Amen.

Johannes 1:47-49

Toe Jesus vir Natanael na Hom toe sien aankom, sê Hy van hom: “Hier is ‘n ware Israeliet, ‘n man in wie daar geen bedrog is nie.” Natanael vra Hom toe: “Waarvandaan ken U my?” “Voordat Filippus jou geroep het,” antwoord Jesus hom, “toe jy nog onder die vyeboom was, het Ek jou al gesien.” Toe roep Natanael uit: “Rabbi, U is die Seun van God; U is die Koning van Israel!”

Om oor te gesels en te dink:
Natanael daag skepties by Jesus op, maar in hierdie ontmoeting ontdek hy wie Jesus is en dat Jesus hom ken. Jesus deel met Natanael dat Hy hom geken het nog voor dat Filippus hom uitgenooi het om ‘te kom kyk’ wie Jesus is. Jesus sê dat Hy hom onder die vyeboom gesien het en dit oortuig Natanael dat Jesus hom persoonlik ken. Hierdie ontdekking lei tot ‘n belydenis: ‘U is die Seun van God’. Wanneer ons kan bely dat Jesus die Here is kan ons ook uitroep ‘Kom kyk! Ek ken die Rabbi, die Seun van God, die Koning van Israel’ Mag jy vandag in die manier wat jy met mense omgang van God getuig. Laat ons ook uitroep ‘kom kyk! Jesus is die Seun van God’. Gryp die geleentheid aan om vandag met iemand op ‘n eenvoudige wyse te deel dat Jesus jou Here is. (Kom) Kyk of jy dit op ‘n eenvoudige manier kan doen deur in ‘n alledaagse gesprek of opmerking te verwys na Jesus as jou Here.

Gebed
Here, mag my lewe en woorde getuig dat U die Here is. Mag ek geleenthede aangryp om ander te nooi om ‘te kom kyk’ wie U is en vertel dat U my Here is. Amen.

Johannes 1:43-46

Die volgende dag het Jesus besluit om na Galilea toe te gaan. Hy kry toe vir Filippus en sê vir hom: “Volg My!” Filippus was van Betsaida afkomstig, van dieselfde dorp as Andreas en Petrus. Filippus kry toe vir Natanael en sê vir hom: “Ons het Hom gekry van wie Moses in die wet geskrywe het en van wie die profete ook geskrywe het. Dit is Jesus van Nasaret, die seun van Josef.” Maar Natanael sê vir hom: “Kan daar uit Nasaret iets goeds kom?” “Kom kyk,” het Filippus hom geantwoord.

Om oor te gesels en te dink:
Kom kyk! Ons tema hierdie week is uitnodigend en nooi jou om God opnuut weer te ontdek. Miskien ontdek jy weer hierdie week dat jy óók kan sê ‘kom kyk’, want die Here het jou tog geskape en aan die kruis vir jou ook gesterf. En tog wonder mens soms oor God en geloof. Natanael het ook gewonder, hy was skepties en krities oor Jesus. Soms voel die soeke na God of geloof soos om deur ‘n verkyker te kyk en mens sien nog nie die hele prentjie mooi in fokus nie. Dit is veral dan wanneer vriende soos Filippus ons help deur uitnodigend te kan wys waarop om dalk te fokus en ons uitnooi: ‘probeer om weer te kyk’.

Gebed
Here, dankie vir mense in my lewe wat my uitgenooi het om ‘te kyk’ en iets van U te beleef. Here gebruik my om mense te nooi om ook ‘te kom kyk’ in verskillende spasies in hulle lewe na wie U is. Amen

Filippense 2:6-8

Hy wat in die gestalte van God was, het sy bestaan op Godgelyke wyse nie beskou as iets waaraan Hy Hom moes vasklem nie, maar Hy het Homself verneder deur die gestalte van ‘n slaaf aan te neem en aan mense gelyk te word. En toe Hy as mens verskyn het, het Hy Homself verder verneder. Hy was gehoorsaam tot in die dood, ja, die dood aan die kruis.

Om oor te gesels en te dink:
In Psalm 139 het ons weer bewus geword hoe besonders elkeen van ons geskape is en dat die Here jou persoonlik ken. In Filippense 2 ontdek ons opnuut weer dat Jesus nie aan Sy Godgelyke wyse vasgeklem het nie. Dat Jesus mens geword het vir ons – vir jou. Kom kyk! Die Here het mens geword vir jou. Kom kyk! Die Here was gehoorsaam tot die dood, aan die kruis – vir jou. Mag jy opnuut hierdie week nie net ‘kom kyk’ en ontdek dat die Here jou geskape het, jou ken en roep nie, maar ook aan die kruis vir jou gesterf het.

Gebed
Here, vandag raak ek weer bewus van U liefdesdaad vir my – aan die kruis. Ek kom kyk weer vandag wat U vir my gedoen het. Here… dankie. Amen

Psalm 139:13-18

U het my gevorm, my aanmekaargeweef in die skoot van my moeder. Ek wil U loof, want U het my op ‘n wonderbaarlike wyse geskep. Wat U gedoen het, vervul my met verwondering. Dit weet ek seker: geen been van my was vir U verborge toe ek gevorm is waar niemand dit kon sien nie, toe ek aanmekaargeweef is diep in die moederskoot. U het my al gesien toe ek nog ongebore was, al my lewensdae was in u boek opgeskrywe nog voordat ek gebore is. Hoe wonderlik is u gedagtes vir my, o God, hoe magtig hulle almal! As ek hulle sou wou opnoem – hulle is meer as wat daar sand is, en as ek daarmee klaar is, sou ek nog steeds met U te doen hê.

Om oor te gesels en te dink:
Waar begin jou verhaal? Wat is die eerste foto’s in jou lewe se foto-album? Miskien het jy ook groot geword met foto’s wat jou ouers van jou gebêre het as ‘n klein babatjie. En tog kan so ‘n versameling nie presies vasvang hoe ‘n groot wonderwerk jy is nie! Nie eers die eerste sonar foto (indien daar een van jou geneem was) kan presies vasvang hoe wonderbaarlik jy aanmekaar geweef en gevorm is in jou moeder se skoot nie. Foto’s kan nie God se gedagtes oor jou vasvang nie. Die Psalmdigter probeer iets verwoord van hoe besonders ons as mense geskape is. Hoe uniek en kosbaar ons vir God is. Jy is deur God geskape. Wonderbaarlik geskep en hierdié Skepper ken jou. Om te roep ‘kom kyk’ begin dalk by ‘n besef dat God die Skepper van die hemel en aarde is, maar ook jou Skepper.

Gebed
Here, ek raak vandag opnuut bewus dat ek nie per toeval hier is nie. Dat voor ek gedagtes kon vorm, het U al gedagtes oor my gehad. Kom wys my wat U hart vir my is. Wat U gedagtes vir my is en hoe kosbaar ek vir U is. Amen.

Psalm 139:1-6

Here, U sien dwarsdeur my, U ken my. Of ek sit en of ek opstaan, U weet dit, U ken my gedagtes nog voordat hulle by my opkom. Of ek reis en of ek oorbly, U bepaal dit, U is met al my paaie goed bekend. Daar is nog nie ‘n woord op my tong nie of U, Here, weet wat dit gaan wees. U omsluit my van alle kante, U neem my in besit. Dié wete oorweldig my, dit is te hoog vir my begrip.

Om oor te gesels en te dink:
Kinders kan soms makliker as volwassenes in ‘verwondering’ staan. Dink veral aan geleenthede wanneer hulle iets vir die eerste keer beleef of raak sien. Soms is dit juis in hierdie oomblikke wat hul ‘n ouer nader roep om ook te ‘kom kyk!’. Dalk kan ons hierdie week weer in verwonderling staan deur opnuut weer bewus te word hóé goed God jou ken. Die Psalmdigter beleef dat God dwarsdeur hom kan sien. Dat God weet wat sy doen en late is, asook gedagtes! Kom kyk en beleef hierdie week saam in die dagstukkies dat die Here jou persoonlik ken, gevorm het, geroep het en uitnooi om Godself opnuut weer te ontdek in jou lewe.

Gebed
Here, ek wil hierdie week opnuut kom kyk. Opnuut kom kyk om iets van U te beleef. Iets van my eie roeping dalk te verstaan. Kom wys my. Amen

Kolossense 3:16-17
“Die boodskap van Christus moet in sy volle rykdom in julle bly. Leer en onderrig mekaar met alle wysheid. Met dankbaarheid in julle harte moet julle psalms, lofgesange en ander geestelike liedere tot eer van God sing. En wat julle ook al sê of doen, sê en doen dit alles in die Naam van die Here Jesus en dank God die Vader deur Hom.”

Om oor te gesels en te dink
Jesus se boodskap moet ons lewens rig. Soos ons Hom ontdek en leer ken, verdiep ons geloof en ervaar ons sy volle rykdom. Wanneer dit gebeur kan ons nie anders as om dit te deel en ander daarvan te vertel nie. Ons doen dit in wysheid wat God vir ons gee. ’n Manier om dit te laat gebeur is om met dankbaarheid liedere tot eer van God te sing. Al sing ons nie, kan ons na geestelike liedere luister om ons te help om op God te fokus.
Laat dit ons lewenswyse bepaal dat alles wat ons sê en doen, dit in die naam van die Here Jesus sal wees en dat daardeur vir God die Vader dankie sal sê. Mag hierdie dankbaarheid oorspoel in ons lewens na die mense om ons.

Gebed
Here Jesus, dankie vir U liefde wat nooit ophou nie. Ek wil in dankbaarheid U Naam groot maak en altyd ’n getuie van U goedheid wees. Amen.

Kolossense 3:15
”En die vrede wat Christus gee, moet in julle lewens die deurslag gee. God het julle immers geroep om as lede van een liggaam in vrede met mekaar te lewe. Wees altyd dankbaar.“

Om oor te gesels en te dink
Paulus moedig die gemeente aan om in vrede te lewe. Wanneer daar ongelukkigheid is, moet die vrede van Christus hoogty vier. Dit is om soos ’n liggaam in harmonie te wees met mekaar. Dit is deel van ons getuienis om in vrede met mense te leef en die vrede van Christus met hulle te deel.
Nog ’n belangrike aspek wat Paulus aanspreek is om altyd dankbaar te wees. Dis nie ’n maklik uitweg nie. Hy sit in die tronk en herinner hulle om ten spyte van moeilike omstandighede altyd dankbaar te wees. Dit is ’n lewenswyse om in afhanklikheid van God vir alles dankie te kan sê.
Soos ons deur Kolossense lees, besef ons dit vra vir nuwe keuse. Dit is ’n keuse om Jesus te volg en Sy identiteit ons identiteit te maak. Kies vandag om Jesus se vrede op ’n besonderse manier te deel met die mense om jou wat dit nodig het.

Gebed
Here, dankie vir U vrede. Help my om U vrede te deel. Ek wil vandag vir U dankie sê vir alles wat ek is. Amen.

Kolossense 3:13-14
”Wees geduldig met mekaar en vergewe mekaar as die een iets teen die ander het. Soos die Here julle vergewe het, moet julle mekaar ook vergewe. Bo dit alles moet julle mekaar liefhê. Dit is die band wat julle tot volmaakte eenheid saambind.”

Om oor te gesels en te dink
Paulus brei sy oproep tot ‘n nuwe leefstyl uit. Dit moet sigbaar wees in verhoudings deur geduld en vergifnis. Ons kan nie heeltyd boek hou van dinge wat verkeerd is nie. God het ons vergewe en daarom moet ons mekaar ook vergewe.
Die Boodskap vertaal Kol 3:14 treffend: ”Tussen die klere wat God vir julle gegee het, is daar ’n kledingstuk wat alles perfek afrond. Jy moet dit altyd en oral dra. Hierdie kledingstuk is die liefde. As julle mekaar liefhet, leef julle presies soos God dit wil hê. Liefde hou julle naby mekaar soos julle veronderstel is om te wees.“
‭‭
Gebed
Here, ek kies om vandag liefde aan te trek. Mag ek hierdie liefde vir iemand wys wat dit nodig het. Amen.

Kolossense 3:5-10
”Daarom moet julle die aardse dinge doodmaak wat nog deel van julle lewe is: onsedelikheid, onreinheid, wellus, slegte begeertes, en gierigheid, wat afgodery is. Deur sulke dinge kom die straf van God oor die mense wat aan Hom ongehoorsaam is. Vroeër het julle ook aan dié dinge meegedoen toe julle nog daarin gelewe het. Maar nou moet julle al hierdie dinge laat staan: woede, haat, nyd en gevloek. Vuil taal moet daar nie uit julle mond kom nie, en moenie vir mekaar lieg nie. Julle het met die ou, sondige mens en sy gewoontes gebreek en leef nou die lewe van die nuwe mens, wat al hoe meer vernuwe word na die beeld van sy Skepper en tot die volle kennis van God.“

Om oor te gesels en te dink
Paulus herinner die gemeente in Kolosse dat aangesien hulle ‘n nuwe identiteit in Christus het, hulle erns daarmee moet maak. Dit is soos om ontslae te raak van vuil klere. Dis ‘n keuse om Jesus te volg wat jou lewe verander. Hy noem twee keer vyf dinge waaraan hulle nie moet meedoen nie.
Omdat Jesus nou die belangrikste in ons lewens is, moet ons wegstap van die sondige gewoontes en toelaat dat God deur Sy Gees ons al meer vernuwe na sy beeld.
Die Boodskap vertaal dit treffend: “God het egter vir julle ook ’n nuwe stel klere gegee. Hierdie klere maak julle heeltemal nuut. Dit bring julle al hoe nader aan God. Julle leer Hom al hoe beter ken. Hoe beter julle Hom leer ken, hoe meer word julle soos Hy. So kom julle al hoe nader aan die doel waarvoor God julle gemaak het. God het ons gemaak om almal soos Christus te wees.“
‭‭
Gebed
Here Jesus, ek wil U beter leer ken en wees soos U. Ek wil my eie ou klere weggooi en U volg. Help my om vandag U liefde uit te leef. Amen.

Kolossense 3:5-10
”Daarom moet julle die aardse dinge doodmaak wat nog deel van julle lewe is: onsedelikheid, onreinheid, wellus, slegte begeertes, en gierigheid, wat afgodery is. Deur sulke dinge kom die straf van God oor die mense wat aan Hom ongehoorsaam is. Vroeër het julle ook aan dié dinge meegedoen toe julle nog daarin gelewe het. Maar nou moet julle al hierdie dinge laat staan: woede, haat, nyd en gevloek. Vuil taal moet daar nie uit julle mond kom nie, en moenie vir mekaar lieg nie. Julle het met die ou, sondige mens en sy gewoontes gebreek en leef nou die lewe van die nuwe mens, wat al hoe meer vernuwe word na die beeld van sy Skepper en tot die volle kennis van God.“

Om oor te gesels en te dink
Paulus herinner die gemeente in Kolosse dat aangesien hulle ‘n nuwe identiteit in Christus het, hulle erns daarmee moet maak. Dit is soos om ontslae te raak van vuil klere. Dis ‘n keuse om Jesus te volg wat jou lewe verander. Hy noem twee keer vyf dinge waaraan hulle nie moet meedoen nie.
Omdat Jesus nou die belangrikste in ons lewens is, moet ons wegstap van die sondige gewoontes en toelaat dat God deur Sy Gees ons al meer vernuwe na sy beeld.
Die Boodskap vertaal dit treffend: “God het egter vir julle ook ’n nuwe stel klere gegee. Hierdie klere maak julle heeltemal nuut. Dit bring julle al hoe nader aan God. Julle leer Hom al hoe beter ken. Hoe beter julle Hom leer ken, hoe meer word julle soos Hy. So kom julle al hoe nader aan die doel waarvoor God julle gemaak het. God het ons gemaak om almal soos Christus te wees.“
‭‭
Gebed
Here Jesus, ek wil U beter leer ken en wees soos U. Ek wil my eie ou klere weggooi en U volg. Help my om vandag U liefde uit te leef. Amen.

Kolossense 3:1-4
“Aangesien julle saam met Christus uit die dood opgewek is, moet julle strewe na die dinge daarbo waar Christus is, waar Hy aan die regterhand van God sit. Rig julle gedagtes op die dinge wat daarbo is, nie op die dinge wat op die aarde is nie, want julle het gesterwe, en julle lewe is saam met Christus verborge in God. Wanneer Christus, wat julle lewe is, by sy wederkoms verskyn, sal julle ook saam met Hom verskyn en in sy heerlikheid deel.”

Om oor te gesels en te dink
Paulus roep die gemeente in Kolosse op om onder moeilike omstandighede hulle geloof uit te leef. Hy skryf vanuit die tronk en herinner hulle wie hulle is. Hulle identiteit is in Christus. Omdat hulle saam met Christus uit die dood opgewek is, toe hulle tot geloof gekom het, kan en moet hulle anders leef.
Ons kan ook uit hierdie identiteit leef. Ons behoort aan Christus en daarom moet ons ons gedagtes rig op dit wat daarbo is. Christus is die belangrikste en ons moet ons besluite daardeur laat bepaal. Dit vra ’n keuse dat ons elke dag uit hierdie identiteit sal leef. Wanneer ons weet wie ons is, weet ons hoe om op te tree. Ons is nie op ons eie nie en ons kan nie as gelowiges net maak wat ons wil nie.
Kom ons kies vandag om ons gedagtes deur God te laat rig omdat ons aan Jesus Christus behoort.

GebedHere Jesus, ek wil my gedagtes rig op dit wat daarbo is. Ek wil kies wat vir U belangrik is. Dankie dat ek aan U behoort en dat U vir my lief is. Amen.

Kolossense 1:11-12
”Mag God deur sy wonderbare krag julle alle sterkte gee om in alle omstandighede geduldig te volhard. Met blydskap moet julle die Vader dank wat julle geskik gemaak het om deel te hê aan die erfenis wat vir die gelowiges wag in die ryk van die lig.“

Om oor te gesels en te dink
Paulus moedig in sy gebed die gemeente aan om deur God se wonderbare krag geduldig te volhard. Soos wat ’n boer geduldig wag op die oes, ons ook geduldig wag op God. Hierdie vers kan ook gelees word as: “…om in alle omstandighede geduldig te volhard met blydskap. Julle moet die Vader dank…”
Mens kan ook blydskap in die volharding ervaar. Dit kom wanneer ons uit dankbaarheid leef.
God is die Een wat ons geskik maak en ons laat deel in die koninkryk van die lig.
As jy tans moeilike omstandighede ervaar, bid en vra vir die Here vir Sy wonderbare krag om jou sterk te maak en jou te help om in jou omstandighede geduldig te volhard met blydskap.

Gebed
Here, ek kom bid en vra geduld. Help my om te volhard en om met dankbaarheid te leef. Dankie vir al U genade. Amen.

Kolossense 1:9-10
”Daarom, van die dag af dat ons van julle gehoor het, hou ons ook nie op om vir julle te bid nie. Ons vra God dat Hy deur al die wysheid en insig wat die Gees gee, julle sy wil duidelik sal laat ken, sodat julle tot eer van die Here sal lewe deur net te doen wat Hy verlang. Mag julle vrugte dra deur goeie werke en toeneem in die kennis van God.“

Om oor te gesels en te dink
Ons word ook opgeroep om te boer met genade. Soos God vir ons genoeg genade gee, moet ons dit ook uitdeel. Paulus moedig die gemeente in Kolosse aan om uit dankbaarheid vrug te dra (boer) deur goeie werk en toeneem in die kennis van God.
Wanneer ons tyd in God se Woord spandeer, ontvang ons wysheid en insig deur die Heilige Gee. God openbaar Sy wil vir ons sodat ons kan doen wat Hy van ons verlang. God se wil is dat ons Hom sal ken en tot eer van Sy Naam leef.
Bid vandag hierdie vir jouself en vra dat die Here vir jou wysheid en insig sal gee.

Gebed
Here, ek kom vra vandag wysheid en insig wat net U Gees kan gee. Ek wil U wil duidelik ken en tot eer van U lewe deur net te doen wat U verlang. Mag ek vandag vrugte dra deur goeie werk en toeneem in die kennis van U. Amen.

Kolossense 1:3-6
”Wanneer ons tot God, die Vader van ons Here Jesus Christus, bid, dank ons Hom altyd vir julle omdat ons gehoor het van julle geloof in Christus Jesus en van julle liefde vir al die gelowiges. Hierdie geloof en liefde is gegrond op die hoop wat vir julle in die hemel bewaar word en waarvan julle reeds gehoor het toe die waarheid, die evangelie, aan julle verkondig is. Die evangelie het julle bereik, en net soos dit in die hele wêreld vrug voortbring en verder versprei, gebeur dit ook by julle van die dag af dat julle van God se genade gehoor het en dit leer ken het soos dit werklik is.“

Om oor te gesels en te dink
God boer met genade. Paulus gebruik die landbou-beeld om te sê dat die genade wat God vir ons gee, groei en versprei. Hy is die Gewer hiervan en stel ons in staat om Hom te leer ken.
Paulus is dankbaar vir die gelowiges se geloof, liefde en hoop. Dit herinner aan 1 Kor 13 se geloof, hoop en liefde. Hierdie drie vorm saam ‘n eenheid waarin ons gewortel is. Die hoop is die sekerheid dat God by ons is en ons nooit sal los nie.

• Waar ervaar jy God se genade in jou lewe?
• Sê vir God dankie vir Sy genade wat vir ons hoop gee.

Gebed
Here, dankie vir oorvloedige genade. Dankie vir U liefde wat my hoop gee en kans gee vir die dag. Mag ek met hierdie hoop leef. Amen.

1 Korintiërs 9:25-27
”Almal wat aan ‘n wedstryd deelneem, ontsê hulleself allerlei dinge. Hulle doen dit om ‘n verganklike oorwinnaarskroon te verkry, maar ons ‘n onverganklike. Ek hardloop dan ook soos een wat nie van sy doel onseker is nie; ek slaan soos ‘n bokser wat nie in die lug slaan nie. Maar ek oefen my liggaam en bring dit onder beheer, sodat ek nie ander tot die stryd oproep en self nie kwalifiseer nie.“

Om oor te gesels en te dink
Die laaste padwyser vir 2024: “Om nie een aand te gaan slaap sonder dat ek my doel in die lewe nagejaag het nie.”
Hierdie laaste padwyser vra dat ons bewustelik sal leef en al die ander padwysers in ag neem, om te doen wat God van ons vra. Paulus gebruik ‘n sportsbeeld om ons gefokus te hou. Veral ook dat ons nie ander aanmoedig en self nie kwalifiseer nie. God het vir jou ‘n doel gegee om ‘n verskil te maak. Jy is nodig. Streef elke dag om jou doel uit te leef, hoe gering jy ook al dink dit mag wees.

Gebed
Here, ek kies om hierdie padwysers te volg. Ek kies om my doel na te jaag. Help my om U liefde orals te wys en te beleef. Amen.

Kolossense 3:23-24
“Wat julle ook al doen, doen dit van harte soos vir die Here en nie vir mense nie, omdat julle weet dat julle van die Here as beloning sal kry wat Hy belowe het. Christus is die Here in wie se diens julle staan.”

Om oor te gesels en te dink
Die dertiende padwyser vir 2024: “Om gefokus te wees op God se eer in alles wat ek dink, sê en doen.”
Hierdie padwyser vra dat ons God in alles eerste sal stel. Paulus praat met die gemeente in Kolosse en moedig hulle aan om die Here gelukkig te maak, in plaas daarvan om te doen wat mense wil.
Ons lewer ’n getuienis teenoor ander as ons wat ons doen nie net vir eie gewin doen nie. Nee, wanneer ons kies om ander mens te dien en te help, is ons besig om God se koninkryk te laat kom.
Ander mense mag dink dat dit benede hulle is om te doen wat jy doen, maar juis wanneer ons diensbaar is, kan ons weet dat ons agter Jesus aan stap.
God toets ons harte en daarom moet ons dit altyd met die regte bedoelings doen. Christus is die Here wat ons wil dien.
Mag jy vandag waarmee jy besig is, anders benader, omdat jy dit van harte soos vir die Here doen.

Gebed
Here, ek wil U vandag dien. Ek wil met die regte gesindheid doen wat ek moet doen. Help my om te weet ek staan in U diens. Amen.

Prediker 5:17-19
“Ek het ook iets gesien wat goed is: dit is aangenaam om te eet en te drink en die lewe te geniet onder al die geswoeg op hierdie wêreld. Dit kom ‘n mens toe vir die hele leeftyd wat God hom skenk. God gee aan ‘n mens rykdom en besittings en laat hom dit geniet. God laat die mens sy deel ontvang en sy werk met vreugde doen. Dit is ‘n gawe van God. So ‘n mens dink skaars na oor wat in sy lewe gebeur, so vol is hy van die blydskap wat God gee.”

Om oor te gesels en te dink
Die twaalfde padwyser vir 2024: “Om met dankbaarheid te leef vir elke stukkie brood op die tafel, asook vir elke nuwe dag wat die Here aan my gee om vir Hom te leef.”
Hierdie padwyser laat ons fokus om bewustelik dankbaar te leef. Alles wat ons het, is nie deur ons eie toedoen nie, maar ’n gawe van God. Ons kan vreugde vind in die lewe en dit geniet. Ons kan positief wees en positief praat oor wat rondom ons gebeur. Ons hoef nie te kla nie. Ons kan eerder dankie sê. Ons kan bid oor die dinge wat swaar is, terwyl ons dankbaar is oor dit wat ons het.
Die Here gee elke dag vir ons nuwe geleenthede. Laat ons die beste gebruik maak van elke geleentheid soos Efesiërs 5:16 ons herinner.

Gebed
Here, dankie! Dankie! Alles wat ek het, is ’n gawe van U af. Ek wil dankbaar leef en van elke geleentheid gebruik maak om U te dien. Amen.

Matteus 25:21
“Toe sê sy eienaar vir hom: ‘Mooi so! Jy is ‘n goeie en getroue slaaf. Oor min was jy getrou, oor baie sal ek jou aanstel. Kom in en deel in my vreugde!’”

Om oor te gesels en te dink
Die elfde padwyser vir 2024: “Om vrede te maak met die feit dat ek sommige mense sal teleurstel omdat ek nie alles vir almal kan of hoef te wees nie.”
Ons is elkeen uniek en verskil van mekaar. Die Here het vir elkeen van ons gawes gegee om ’n verskil te maak. Tog sukkel ons soms daarmee om alles vir almal te probeer wees. Die beste ding wat ons in 2024 kan doen, is om te doen wat die Here van ons vra en nie wat mense van ons vra nie.
Ons word opgeroep om die beste ek te wees wat die Here gemaak het. Ek hoef nie te wees wat ek dink ander dink ek moet wees nie.
Woeker met dit wat die Here vir jou gegee het, al dink jy dit is nie belangrik nie. Jou bydrae maak ’n verskil en gaan gemis word as jy nie doen wat die Here van jou vra nie.

Gebed
Here, ek wil graag wees wie U wil hê ek moet wees. Help my om my gawes en talente tot eer van U Naam te gebruik. Ek wil doen wat U van my vra. Amen.

Vrydag 12 Januarie 2024
“Nadat Paulus dit gesê het, het hy brood geneem, God in die teenwoordigheid van almal gedank, dit gebreek en begin eet. Hulle het almal moed geskep en self ook begin eet. Ons was altesaam twee honderd ses en sewentig mense aan boord. Nadat hulle genoeg geëet het, het hulle die vrag koring in die see gegooi en so die skip nog ligter gemaak.”

Om oor te gesels en te dink
Die tiende padwyser vir 2024: “Om te bid vir mense wat met integriteit werk en leef te midde van onreg en korrupsie, en om hulle te bemoedig om te volhard. “
Dit is nie moeilik om moedeloos te raak oor al die onreg en korrupsie nie, maar ons kan kies om mense te bemoedig wat kans sien om ’n verskil te maak.
Soos Paulus op die boot een van die min gelowiges was, het hy nie geskroom om te getuig dat die Here hulle sal help nie. Al 276 mense is gered as gevolg van Paulus se lewe.
Laat ons soos ’n Paulus die brug wees om mense by God uit te bring. Laat ons ander mense bemoedig wat stukkie vir stukkie deursigtig aanwesig is om onreg terug te druk. Daar is baie meer mense wat met integriteit leef en ons moet hulle bemoedig en dit nie uit die oog verloor nie. Kom ons bly bid vir hulle.

Gebed
Here, ek kom bid vir elkeen wat ter wille van U Naam onreg beveg. Gee hulle en ons die moed om die regte dinge te doen. Laat ons die brug vir mense wees om U raak te sien. Amen.

Matteus 6:1-4
”Moenie julle godsdienstige pligte in die openbaar nakom om deur mense gesien te word nie, want dan kry julle geen beloning van julle Vader wat in die hemel is nie. “As jy byvoorbeeld armes help, moet dit nie uitbasuin nie. Dit doen die skynheiliges in die sinagoges en op straat, sodat mense met lof van hulle kan praat. Dit verseker Ek julle: Hulle het hulle beloning klaar weg. Nee, as jy iets vir die armes gee, moet jou linkerhand nie weet wat jou regterhand doen nie, sodat jou goeie daad verborge kan bly. Jou Vader wat sien wat verborge is, sal jou beloon.”

Om oor te gesels en te dink
Die negende padwyser vir 2024: “Om gedurig op die uitkyk te wees vir al die stil helde van die Here wat nooit enige erkenning soek vir hulle liefdesdiens en goeie dade nie, en om in hulle voetstappe te volg as my mentors.”
Ons kan leer by mense wat eerder soos Jesus sê nie weet wat hulle linkerhand en regterhand doen nie. Ja, selfs as hulle bid of vas, weet niemand dit behalwe die Vader nie. Ons word geroep om ’n verskil te maak. Ons moet deurskynend aanwesig by mense wees. Daar wees om te help, maar nie vir eie aansien nie.
Dit is die klein dingetjies wat ’n verskil maak. Dit is ’n oproep na iemand wat alleen is, dit is ’n besoek aan iemand wat siek is of swaar kry. Dit is om kos te deel en ons tyd en aandag vir ander te gee.
As jy wonder hoe jy hierdie jaar ’n verskil kan maak, wees op die uitkyk vir mense wat ander help en sluit by hulle aan en begin dit self doen. So verheerlik ons die Vader in die hemel.

GebedHere Jesus, ek wil graag ’n verskil maak. Wys my wat ek kan doen om iemand te help. Mag ek in die agtergrond vir mense U liefde wys. Amen.

Matteus 25:41-45
“Dan sal die Koning vir dié aan sy linkerkant sê: ‘Gaan weg van My af, julle vervloektes! Gaan na die ewige vuur wat vir die duiwel en sy engele voorberei is, want Ek was honger, en julle het My niks gegee om te eet nie; Ek was dors, en julle het My niks gegee om te drink nie; Ek was ’n vreemdeling, en julle het My nie gehuisves nie; sonder klere, en julle het My nie klere gegee nie; siek en in die tronk, en julle het My nie versorg nie.’Dan sal hulle ook antwoord: ‘Here, wanneer het ons U honger of dors of ’n vreemdeling of sonder klere of siek of in die tronk gesien en U nie gehelp nie?’En Hy sal hulle antwoord: ‘Dit verseker Ek julle: Vir sover julle dit aan een van hierdie geringstes nie gedoen het nie, het julle dit aan My ook nie gedoen nie.’”

Om oor te gesels en te dink
Die agste padwyser vir 2024: “Om vergeetagtig te wees wat my eie behoeftes betref, en om ’n sagter hart te hê vir almal rondom my.”
Ons leef baie selfgerig en ons moet bewustelik kies om soos Jesus ons leer om nederig te wees. Dit gaan nie net oor my eie behoeftes nie. Ons moet vrygemaak word om op ander mense te fokus en om die myle in ander se skoene te stap.
CS Lewis sê dat nederigheid nie is om minder van myself te dink nie, maar minder aan myself te dink.
Jesus vra in Matteus 25 of ander mense die effek sal voel van wat ek glo. Ek moet dade by my woorde sit.
Wie sal my mis as ek nie meer daar is om te help nie? Wie sal my mis as ek nie meer vir hulle kan bid nie. Ons moet elke dag ’n verskil maak, sodat ander mense ook die pad agter Jesus wil aanstap.

Gebed
Here Jesus, ek wil graag ’n verskil maak. Ek wil aan die geringstes om my ’n verskil maak. Mag ek U liefde vandag uitdeel omdat U vir my lief is. Amen.

Romeine 12:18
“As dit moontlik is, sover dit van julle afhang, leef in vrede met alle mense.”

Om oor te gesels en te dink
Die sewende padwyser vir 2024 is: “Om eerste askies te sê wanneer ek verkeerd is.” Ons word opgeroep om te vergewe en nie met bitterheid te lewe nie. Dit is nie ’n maklike pad nie, maar ons moet die inisiatief neem om in vrede met mense te leef. Laat ons dié mense wees wat eerste uitreik en askies sê. Laat ons nie wag en voorwaardes stel voordat ons sal vergewe nie. As ons nie ons woede en bitterheid laat gaan nie, is dit om self gif te drink en te verwag die ander persoon moet iets oorkom.
Laat ons eerste ’n brug bou na ander toe. Paulus moedig ons aan om in vrede te lewe.
In die Onse Vader leer Jesus ons om ook te vergewe. Hy het ons vergewe en vra dat ons ook sal vergewe. Vra die Here om jou hierdie jaar op hierdie pad te help.

Gebed
Here, ek sukkel hiermee, maar vra dat U my sal help om askies te sê en in vrede met alle mense te leef. Amen.

Spreuke 4:25-27
“Hou jou oë op die pad vorentoe, kyk reg voor jou uit. Baken jou koers af, dan sal jy seker wees van elke tree. Moenie links of regs wegdraai nie, weerhou jou van die verkeerde koers.”

Om oor te gesels en te dink
Ons staan aan die begin van ’n Nuwejaar en ons staan voor keuses. Stephan Joubert het ’n rigtingwysers vir 2024 uitgelig wat ons kan help om hierdie jaar God se pad te kan stap.
Gaan deur hierdie lysie en vra die Here om jou te wys op watter jy nou op kan fokus. Soos die tyd aan gaan, kies dan vir jou ’n volgende een. Laat toe dat die Here so vir jou pad wys.

Gebed
Here, ek wil my oë op U pad hou. Ek wil nie die verkeerde koers kies nie. Help my om hierdie jaar dit elke dag te doen. Amen.

Rigsnoere uit die Bybel vir 2024:

1. Om die Here na te volg met alles in my.
2. Om vrygewig te leef soos wat Jesus my leer, sonder om iets terug te verwag.
3. Om ander mense geestelik ryk te maak, al voel ek soms brandarm.
4. Om ’n voltydse student te wees van die Here en sy Woord, en om myself gedurig te omring met wyse mense.
5. Om te doen wat reg is.
6. Om mense met respek te behandel, al doen hulle nie dieselfde terug nie.
7. Om eerste askies te sê wanneer ek verkeerd is.
8. Om vergeetagtig te wees wat my eie behoeftes betref, en om ’n sagter hart te hê vir almal rondom my.
9. Om gedurig op die uitkyk te wees vir al die stil helde van die Here wat nooit enige erkenning soek vir hulle liefdesdiens en goeie dade nie, en om in hulle voetstappe te volg as my mentors.
10. Om te bid vir mense wat met integriteit werk en leef te midde van onreg en korrupsie, en om hulle te bemoedig om te volhard.
11. Om vrede te maak met die feit dat ek sommige mense sal teleurstel omdat ek nie alles vir almal kan of hoef te wees nie
12. Om met dankbaarheid te leef vir elke stukkie brood op die tafel, asook vir elke nuwe dag wat die Here aan my gee om vir Hom te leef.
13. Om gefokus te wees op God se eer in alles wat ek dink, sê en doen.
14. Om nie een aand te gaan slaap sonder dat ek my doel in die lewe nagejaag het nie.
    Stephan Joubert

Matteus 7:12
“Alles wat julle wil hê dat die mense aan julle moet doen, moet julle ook aan hulle doen. Dit is tog waarop dit neerkom in die wet en die profete.”

Om oor te gesels en te dink
Die sesde padwyser vir 2024 is: “Om mense met respek te behandel, al doen hulle nie dieselfde terug nie.”
As mens oor respek dink, is ons eerste gedagte dat iemand respek moet verdien voordat hulle gerespekteer word. Jesus stel vir ons ’n nuwe reël in die Bergrede, die goue reël, bekend. Ons moet eerstens aan mense doen wat ons wil hê hulle aan ons moet doen. Ons moet respekvol met mense omgaan.
Die uitdaging is om juis respek vir iemand te wys wat niks terug kan doen om die respek te verdien nie. Ons kan nie net dié respekteer wat ons dink ons gaan help of bevoordeel nie. Nee, as volgelinge van Jesus moet ons juis almal respekteer.
Dit vra dat ons almal menswaardig sal hanteer. Soms is ’n glimlag en groet genoeg, ander kere is dit om iemand wat jou bedien by ’n winkel op die naam te groet.
Die oorsaak van soveel konflik in ons wêreld is omdat iemand voel dat hy of sy nie respekvol hanteer is nie.
Laat ons getuienis wees dat ons mense respekvol hanteer. So kan ons ’n verskil in 2024 maak, daar waar ons elke dag beweeg.

Gebed
Here, help my om mense respek te hanteer, selfs al verdien hulle dit nie. Mag ek nie verskonings uitdink om dit nie te doen nie. Ek wil graag U liefde vir die mense om my wys. Amen.

Matteus 6:33
”Maar soek eers die koninkryk van God en sy geregtigheid, en al hierdie dinge sal vir julle bygevoeg word.“

Om oor te gesels en te dink
Die vyfde padwyser vir 2024 is: “Om te doen wat reg is.” Hierdie padwyser moedig ons aan om die regte dinge te doen, al is dit nie altyd die makliker opsie nie. Ons kom voortdurend in situasies waar ons moet kies om die regte ding te doen. Jakobus 4:17 sê dat as ons weet wat die regte ding is om te doen en dit nie doen nie, is dit sonde. Ons doen dan afbreek aan ons verhouding met God en is ons getuienis vir die mense om ons sonder geloofwaardigheid.
Jesus moedig ook Sy dissipels in die Bergrede aan om eerder God se koninkryk en sy geregtigheid na te streef. God sal dan vir ons voorsien wat ons nodig het.
Wanneer ons hierdie jaar in moeilike situasies kom, bid vir wysheid dat ons eerder die regte ding sal doen, as die makliker opsie.
Kom ons streef hierdie jaar om as regverdige mense te leef en altyd God se koninkryk eerste stel.

Gebed
Here, ek wil doen wat reg is. Ek wil koninkryk eerste soek. Mag ek U eer deur die regte keuses te maak. Amen.

Johannes 6:66-69
”Hieroor het baie van sy dissipels omgedraai huis toe en nie meer saam met Hom gegaan nie. Toe vra Jesus vir die twaalf: “Wil julle nie ook weggaan nie?” Simon Petrus het Hom geantwoord: “Here, na wie toe sal ons gaan? U het die woorde wat ewige lewe gee. En ons glo vas en ons weet dat U die Heilige van God is.”“

Om oor te gesels en te dink
Die vierde padwyser vir 2024 is: “Om ’n voltydse student te wees van die Here en sy Woord, en om myself gedurig te omring met wyse mense.”
Ons doen nie genoeg moeite om studente van die Bybel te wees nie. Ons dink omdat ons nie die Bybel soos iemand anders ken nie, ons nie eers probeer nie. Ons kan nie in ’n verhouding met Jesus wees as ons nie tyd saam in Sy Woord spandeer nie.
Jesus vra vir sy dissipels of hulle nie ook wil gaan nadat ’n groot skare van 8000 Hom verlaat het nie. Petrus antwoord dat Jesus die enigste een is wat woorde wat ewige lewe gee, gee. Hy kon dit sê omdat hy Jesus geken het.

• Wil jy nie meer moeite doen om tyd in die Woord te spandeer nie?
• Kies ’n kort Bybelboek en lees dit gereeld deur.
• Memoriseer van die Bybelverse en pas dit in jou lewe toe.
• Spandeer tyd saam met ander wyse gelowiges wat jou op die pad kan help.

Gebed
Here, U Woord gee lewe. Ek wil hierdie jaar my verdiep in U Woord. Help my om dit te doen sodat ander mense U in my kan sien. Amen.

2 Korintiërs 6:6-10
”Ons het onberispelik opgetree, met begrip, met verdraagsaamheid en vriendelikheid. Dit alles het ons gedoen deur die Heilige Gees, deur opregte liefde, deur die woord van die waarheid en deur die krag van God. Ons wapen vir aanval en verdediging is om die wil van God te doen. Ons ontvang eer en oneer, ons word beledig en geprys. Ons word behandel as verleiers, en tog is ons betroubaar; as onbekendes, en tog is ons goed bekend; as sterwendes en, soos julle sien, ons lewe; as gestraf, maar ons is nie doodgemaak nie; as bedroefdes, en tog is ons altyd opgeruimd; as armes, maar ons maak baie ander ryk; as mense wat niks het nie, en tog besit ons alles.“

Om oor te gesels en te dink
’n Derde padwyser vir 2024 is: “Om ander mense geestelik ryk te maak, al voel ek soms brandarm.”
Hierdie voorneme vra dat ek bewustelik die fokus weg van myself sal draai en op die mense om my fokus. Ons kan baie selfsugtig wees en dink dat die Here net ons moet help, sodat ons gelukkig is.
Paulus beskryf hier dat hulle swaar gekry het en tog in die swaarkry het hulle vreugde ervaar. Hulle kon van hulleself wegkyk en ander raaksien.
Ons eie omstandighede gee ons soms die geleentheid om ander mense moed in te praat, selfs as ons moedeloos voel. Ons kan ons eie ervaring met ander deel wat nodig het om dit te hoor.

• Met wie moet jy tyd spandeer wat jou nodig het?
• Deel jou verhaal met iemand om daardie persoon moed te gee.

Gebed
Here, soms voel ek brandarm. Laat my onthou dat U my ryk maak en dat ek dit wat ek is, kan deel met iemand wat dit nodig het. Amen.

2 Korintiërs 8:7-9
”Aangesien julle alles in oorvloed het: geloof, die gawe om julle woord te doen, kennis van God, onbeperkte ywer en ons liefde vir julle, wees dan ook in hierdie liefdeswerk oorvloedig. Ek gee nie ‘n opdrag nie, maar ek wys julle op die ywer van ander om daardeur die opregtheid van julle liefde te toets. Julle ken die genade van ons Here Jesus Christus: hoewel Hy ryk was, het Hy ter wille van julle arm geword, sodat julle deur sy armoede ryk kon word.“

Om oor te gesels en te dink
’n Tweede padwyser wat ons in 2024 kan gebruik is: “Om vrygewig te leef soos wat Jesus my leer, sonder om iets terug te verwag.”
Vrygewigheid is die vergete skat van die Nuwe Testament. Dit is ’n lewenswyse. Dit is om jouself te gee. Dit is nie iets wat jy nou en dan doen nie.
Paulus herinner ons dat Jesus ryk was en arm geword het, ter wille van ons, sodat ons Hom kan leer ken.
Ons dink dadelik dat dit beteken ek moet geld gee. Dit kan dit ook beteken, maar mense het ons tyd en aandag meer nodig. Ons moet vrygewig met ons liefdeswerk wees. Mense om jou het jou nodig.
Daar is mense op jou pad waar jy moet stop en stil staan en jou tyd vrygewig deel.

Gebed
Here, ek sukkel om altyd vrygewig te wees. Leer my om te stop en my tyd en liefde met mense om my te deel. Amen.

Jeremia 31:21
“Rig vir jou padwysers op, bring vir jou rigtingborde aan, hou jou oog op die grootpad, op die pad wat jy moet loop.”

Om oor te gesels en te dink
Ons is aan die begin van ’n nuwe jaar en ons het baie voornemens. As gelowiges kan ons ook herbesin om te doen wat die Here van ons vra. Soos Jeremia die volk aanmoedig om padwysers en rigtingborde op sit, so moet ons fokus op dit wat belangrik is. Stephan Joubert herinner ons dat ons eerste voorneme moet wees om die Here met alles in my na te volg.
Paulus herinner ons in Filippense 1:21 dat ons ons oog op Christus moet hou. Die somtotaal van die lewe is Christus en dat my lewe deur Christus oorspoel sal word. Hy moet die Here van my hele lewe wees.
Ons moet Sy pad volg. Johannes 14:6 sê Jesus is die weg, die waarheid en die lewe. Of anders gestel: Hy is nie net die ware bestemming nie, maar Hy is ook saam met ons op die pad.
Soos ons hierdie jaar begin, kan ons Hom vertrou om ons oog op die grootpad te hou.

Gebed
Here, ek wil 2024 op U pad bly. Ek wil U volg in alles wat ek doen. Help my asseblief. Amen.

Lukas 7
16Almal is met ontsag vervul en het God geprys deur te sê: “’n Groot profeet het onder ons opgestaan,” en “God het na sy volk omgesien.”

VRAE:

• Die Romeinse soldaat wat na Jesus kom, weet meer as baie skrifgeleerdes. Hy weet wie Jesus is, en hy weet hoe om Jesus die respek te gee wat Hom toekom. Die romeinse soldaat, ‘n heiden, weet hoe om Jesus te eerbiedig. Hy ontmoet Jesus en glo met sy hele wese dat Jesus nie net die seun van God is nie, nie net daartoe in staat is om sy dienaar gesond te maak nie, maar meer as dit dat Jesus dit kan doen sonder om na die slaaf te gaan. Jesus kan slegs deur die woord te spreek lewe gee. Dit is in skerp kontras met al die ander mense wat verwag het dat Jesus moet kom, dinge moet doen sodat hy die wonders kan laat plaasvind.
• Jesus kom na die mense wat normaalweg deur die samelewing uitgestoot of nie erken word nie. Hy kom na mense wat nie noodwendig aanvaar sou word nie en uitgelewer en broos is. Was daar al ooit ‘n tyd waar jy gevoel het jy is uitgelewer, broos en afhanklik van ander? Hoe het dit jou laat voel? Hoe het jou verhouding met God gelyk? Deel jou hart met die Here.
• Wie in jou lewe of in jou omgewing is die mense wat uitgelewer is, broos is en nie noodwendig waarde het nie? Hoe bid jy vir hulle? Hoe nader jy hierdie mense? Is jy bereid om by hierdie mense te leer, of is jy oortuig jy het al die antwoorde? Deel jou hart met die Here.
• Om vir mense te kan bid of dankbaar te wees vir hulle in jou lewe, is ‘n voorreg. God kom na elkeen van ons in die normale dag se lewe, wanneer ons oorwinnings behaal, maar ook wanneer ons groot hartseer beleef. En in daardie oomblikke het ons die kans om God te volle te vertrou en lief te hê.

DOEN DING:

• By die etenstafel, vir ‘n plekmatjie, ‘n A4 papier vir elke persoon wat saam eet. Maak ook seker elkeen het ‘n pen of skryf ding.
• Voor of na julle geëet het, Skryf jou naam op die papier en almal gee hulle papier vir die persoon regs van hulle. Skyf dan ‘n gebed of dit waarvoor jy dankbaar is van hulle op die papier. Die kleintjies kan ‘n prentjie teken as hulle wil. Skuif die papier weer na regs, en herhaal. Hou aan daarmee tot elkeen ‘n boodskap, gebed of prentjie geteken het vir die familielid.

GEBED:
Here, Koning van die hemele, ek buig voor U neer vandag. Ek maak my hande oop en kyk op na U. Here, maak my hart en gees oop vir U. Ek is so dankbaar dat U nie bang is om die gemors in my lewe te herstel nie. Ek is so dankbaar dat U nie deur mense se opinies van my beïnvloed word nie. Here, ek weet dat U ten volle alles vir my gegee het. Ek weet dat U besonders lief is vir my. Mag my hele lewe ‘n offer aan U wees. Here U lig skyn helder in hierdie seisoen. Here, U is tot alles in staat.
Amen

Lukas 6
27“Maar vir julle wat na My luister, sê Ek: Julle moet julle vyande liefhê; doen goed aan die mense deur wie julle gehaat word; 28seën die mense deur wie julle vervloek word; bid vir die mense deur wie julle sleg behandel word.

VRAE:

• Jesus is aan die woord in hierdie hoofstuk en hy nooi mense uit na ‘n nuwe wêreld. ‘n Wêreld waar alles nie meer onderstebo is nie, maar eerder ‘n wêreld waar alles herstel is soos dit eintlik moes wees. ‘n Wêreld waar die gebede van gelowiges die kerkbanke laat skud en ‘n koninkryk waar die aarde deur die lewens van gelowiges geskud word.
• Jesus nooi die Fariseërs, mense wat hulle hele lewe aan die wet gehoorsaam was, om die wet reg te lees. Hy vra of hulle nie weet dat die wet nie naastenby so belangrik is soos die een wat lewe in die wet ingeblaas het nie? Hy dag hulle uit om die wêreld met nuwe oë te sien waar jy nie kwaad met kwaad vergeld nie, maar mense wat jou vyand is vergewe, hulle seën en vir hulle bid.
• Hoe sou dit lyk indien jy hierdie seisoen, nie net jou eie familie dien, vir hulle buitengewoon goed is en vir hulle al die geskenke koop en liefde gee nie? Hoe sou dit lyk indien jy daardie selfde energie in mense wat jou te nakom, mense wat jy nie kan vergewe nie, mense na wie jy op neerkyk of mense wat jy nie eers aan wil dink nie, daardie liefde en energie gee? Hoe voel dit om te dink jy moet jou geliefdes tweede stel en die ander ‘n prioriteit maak in die seisoen?
• Die here het gekom om die wêreld reg te stel. Maar die regstel voel nie vir ons so baie natuurlik nie. Deel jou hart met die Here en vra vir Hom waarop jy moet fokus. Hoe het jesus jou wêreld geskud, regte kan om gedraai?

DOEN DING

• Dek vandag die tafel waar julle eet asof die belangrikste gaste kom. Gebruik julle mooiste borde, messe, vurke en glase.
• Hoe voel dit om die eetgerei te gebruik wat gewoonlik uitgehou word vir spesiale geleenthede? Jesus het gekom om alles op sy kop te draai. Hy verander hierdie onderstebo wêreld sodat alles weer regte kant bo sal wees. Hoe het die manier waarop julle vanaand eet, julle herinner dat Jesus gekom het om ook die ordinêre oomblikke buitengewoon te maak?

GEBED:
Here, magtige God en ware Vriend, hoe kan ek U ooit na waarde eer? Selfs al voel dit vir my onmoontlik, wil ek U bedank en U naam groot maak! Ek sal nooit ten volle verstaan wat U kom in my eie lewe ten volle beteken het nie. Ek is op my knieë in verwondering oor die manier waarop U my vrygemaak het, my lief het en die feit dat ek ten volle aan U behoort. Here, ek is nie meer my eie nie. Here, help my om vry te word van al die ou godsdienstige reëls en wette. Here, help my om weg te bly van al die tradisies wat my keer om lewe te bied vir hulle wat werklik swaar kry en in nood is. Here, hierdie seisoen handel oor U koninkryk en U glorie. Ek plaas dit alles op die tafel. Wys vir my asb. U manier van doen in die hierdie seisoen. Here, verander my.
Amen

Lukas 5
5“Meneer,” antwoord Simon, “ons het die hele nag deur geswoeg sonder om iets te vang, maar op u woord sal ek die nette uitgooi.”

VRAE:

• Jesus is besig om mense te leer wanneer hy ‘n skuit sien dryf naby die oewer. Hy klim daarin en leer die mense verder. Wanneer hy klaar is met die menigte gaan hy na Petrus en sê vir hom om weer uit te gaan na die diep waters en die nette te laat sak.
• Petrus is al lank ‘n visserman. Hy weet wat hy doen. Die werk is fisies intensief en moeilik. Hy was alreeds heelnag besig om te werk. Hy was waarskynlik baie moeg en reg om te gaan rus. Wanneer Jesus vir hom vra om nog ‘n keer te gaan, kon hy maklik moeilik wees en weier om dit te doen. Tog vertrou hy vir Jesus. Hy vang so baie vis dat sy nette besig is om te skeur en hy vriende moes nader roep om te help.
• Hierdie hele ervaring het vir Petrus die kans gegee om skoongemaak te word van sy eie idees en oortuigings waarop hy normaalweg staatmaak. Watter idees en gedagtes huldig jy oor jou werk, jou huisgesin en jou naastes wat Jesus dalk in hierdie feestyd sou wou aanspreek? Waarom dink jy dien hierdie idees jou nie werklik nie? Hoe sou dit lyk indien jou lewe skoongewas was, van hierdie idees en gedagtes?
• Petrus het die kans gehad om gesuiwer of verfyn te word. In die proses om gesuiwer te word, gaan mens deur moeilike omstandighede waar jy gereduseer word tot ‘n hoër gehalte karakter. Watter ervarings in jou lewe, is besig om jou te suiwer en verfyn? Waarom dink jy is dit nodig om deur hierdie proses te gaan? Hoe gaan dit jou getuienis oor jou geloof help, deur hierdie proses enduit te sien?
• Petrus het die kans om nuwe lewe te bring fisies deur die kos wat hy nou kan voorsien, maar ook in die nuwe bediening wat die Here nou vir hom gee. Hoe gee God vir jou ook nou die geleentheid om nuwe lewe in die mense en bediening waar jy is te bring? Hoe lyk dit as jy werklik lewe bring vir mense om jou? Watter bediening plaas die Here op jou hart?

DOEN DING

• Indien dit moontlik is, maak ‘n vuur buite waar julle kan sit en gesels. Indien dit nie moontlik is nie sit ‘n YouTube video aan wat vertoon soos ‘n kaggel. Sommige het ook die klank van ‘n werklike vuur.
• Terwyl julle om die vuur sit. Deel met mekaar hoe die hitte van die vuur help om skoon te maak, nuwe lewe voort kan bring en metale suiwer. Hoe het die afgelope jaar dit met julle gedoen? Skoon gemaak, nuwe lewe gebring en gesuiwer?

GEBED:
Here, vergewe my wanneer ek vir U teenkanting gee in my suiweringsproses. U is altyd goed. Here, ek kan op U vertrou. Here, ek wil saam met U stap deur die Kersseisoen. Here, wys vir my wat U wil is vir my in hierdie tyd. Here, ek weet ek is gemaak vir soveel meer as wat ek vir myself kan droom. Here, ek weet dit. Here, vergroot my kapasiteit. Here, help my groei.
Amen

Lukas 4
1Jesus het vol van die Heilige Gees van die Jordaan af teruggekom, en deur die Gees is Hy na die woestyn toe gelei, 2waar Hy veertig dae lank deur die duiwel versoek is.

VRAE:

• Tydens Jesus se doop is Hy erken as God se geliefde. Hy is direk na die doop deur die Gees gelei, om deur die vyand in die woestyn versoek te word. Hy is op verskeie maniere versoek.
• Jesus is versoek terwyl hy baie honger was, om te besluit op wie Hy vertrou om vir hom te voorsien¬¬. Jesus bely dat God die enigste bron is van alles wat hy benodig. Wie is jou jou bron van voorsiening? Vertrou jy op God om te voorsien dit wat jy nodig het? Is jy bereid om daarop te wag? Of kies jy ander goed om jou te verdoof of te vul met alles wat nie werklik vir jou bedoel is nie? Kies jy ‘n besige program, ‘n verslawing, ‘n afleiding om jou aandag weg te neem van die dinge wat werklik jou siel sal versadig? Deel jou hart met die Here.
• Jesus is versoek om te besluit wat Sy grootste prioriteit is. Jesus het geweet dat God sy grootste prioriteit moet wees en hy het sy lewe daarvolgens ingerig. Hoe lyk jou prioriteite? Kom God voor alles anders in jou lewe? Of is jou verhouding met God die laaste element wat in jou kalender en hart plek kry? Hoe getuig jou kalender, finansies, gawes en mense van jou prioriteite? Deel jou hart met die Here.
• Jesus is versoek deur te wonder oor wie hom werklik sal beskerm. Jesus het geweet dat God Sy hand oor Hom hou en dat hy biddend God se leiding en wysheid moet soek voor hy enige tree verder gee. So gereeld storm ons in ‘n rigting of situasie, sonder om die Here se leiding te vra. Dan verwag ons dat God ons moet beskerm van die konsekwensies en nagevolge. Waar in jou lewe is jy nie besig om God se leiding eerste te vra nie? Waar word God se beskerming die laaste pleidooi wanneer daar nie meer ander uitweg is nie? Deel jou hart met die Here.

DOEN DING:

• Praat oor elkeen van die drie temas: Voorsiening, Prioriteite en Beskerming. Deel met mekaar hoe julle as ‘n huishouding God se voorsiening, prioriteite en beskerming prakties in julle lewens sien of op wil fokus.
• Bring ‘n bakkie met water na die etenstafel. Laat elkeen, een vir een, hulle hand in die water sit. Wanneer hulle die hand in die water sit, laat hulle sê: “Ek behoort aan God. Jesus het my vry gemaak van my sondes. Die Heilige Gees lei my nou elke dag.”

GEBED:
Here, ek is so bewus dat ek soms myself probeer help deur self te probeer voorsien, my eie prioriteite najaag en nie U wil te soek in elke keuse wat ek maak nie. Ek word versoek en ek is skuldig daaraan dat ek vir die versoekings val. Vergewe my asb. Here. Help my om meer na U te smag en te weet dat genoeg is. Here, ek wil nie meer na myself omsien nie, so besig wees dat ek niks in die oomblik beleef nie of U nie ten volle vertrou nie. Help my om nee te sê vir alles wat nie vir my bedoel is nie. Here, sal U die lewende God weer vandag opnuut oor my was. Here, U seën ons.
Amen

Lukas 1:35-38
Die engel antwoord haar: “Die Heilige Gees sal oor jou kom, en die krag van die Allerhoogste sal die lewe in jou wek. Daarom sal die een wat gebore word, heilig genoem word, die Seun van God. Kyk, ‘n bloedverwant van jou, Elisabet, het in haar ouderdom self ook ‘n seun ontvang, en sy wat as onvrugbaar bekend was, is nou al in haar sesde maand. Niks is vir God onmoontlik nie.” Maria sê toe: “Ek is tot beskikking van die Here. Laat met my gebeur wat u gesê het.” Toe het die engel van haar af weggegaan.

Om oor te gesels en te dink
Ons vier Jesus se koms en geboorte tydens Kersfees! Mense het iemand nodig gehad om hul te kom verlos. Ons het ‘n Verlosser nodig! Gister het ons nagedink oor ons verwagting van God. Miskien moet ons vra wat God se verwagting van ons is? In hierdie teks lees ons van ‘n jong Maria wat gekies is om die moeder van Jesus te wees. Na ‘n hele gesprekvoering met die boodskapper, die engel, sê Maria dat sy tot die beskikking van die Here is. Hier is ek Here. Miskien kan ons vandag nadink oor die verwagting dat ons ook geroep en gestuur word. Anders as Maria, maar tog ook geroep en ons kan ook die woorde gebruik ‘Ek is tot beskikking van die Here’.

Gebed
Here, ‘Ek is tot U beskikking’. Ek hoor hoe U my roep. Ek sien waar U my wil gebruik. Ek besef U het ook ‘n verwagting oor my lewe. Ek is geroep tot ‘n lewe van dissipelskap. Hier is ek. Gebruik my. Amen

Jesaja 9:5-6
Vir ons is ‘n Seun gebore, aan ons is ‘n Seun gegee; Hy sal heers, en Hy sal genoem word: Wonderbare Raadsman, Magtige God, Ewige Vader, Vredevors. Sy heerskappy sal uitbrei, en Hy sal vir altyd vrede en voorspoed bring. Hy sal op die troon van Dawid sit en oor sy koninkryk regeer. Hy sal dié koninkryk vestig en in stand hou deur reg en geregtigheid, van nou af en vir altyd. Daarvoor sal die onverdeelde trou van die Here die Almagtige sorg.

Om oor te gesels en te dink
Advent is ‘n woord wat ‘koms’ of ‘aankoms’ kan beteken. Dit is ook die tyd in die kerklike jaar wat ons in afwagting aftel tot die herdenking van Jesus se eerste koms: Kersfees. Die eerste Sondag van Advent vir hierdie jaar is komende Sondag 3 Desember. Ons lees in tekste waar mense gewag en vertrou het op die koms van ‘n Messias. Mense het iemand nodig gehad om hul te kom help en verlos, min wetend hoe hierdie Verlosser van hul beeld sal verskil. ‘n Verlosser wat as ‘n baba in ‘n krip gebore word! Wat is jou verwagting van God op hierdie stadium van jou lewe? Hoe word jy opnuut gekonfronteer met die verhaal van Jesus se koms in jou eie lewe?

Gebed
Here, vandag wonder ek oor ander mense se verwagting oor U koms. Wat het Maria as moeder verwag? Wat het die mense wat swaarkry in gedagte gehad? Jesus ek weet dat U die wêreld van die begin af op haar kop kom draai het, draai ook so my eie verwagting en verstaan van U eerste koms. Amen

Johannes 13:12-15
“Toe Hy hulle voete klaar gewas en sy bokleed aangetrek het en weer aangesit het, sê Hy vir hulle: “Verstaan julle wat Ek vir julle gedoen het? Julle noem My julle Leermeester en Here, en julle is reg, want Ek is dit. As Ek, wat julle Here en julle Leermeester is, dan julle voete gewas het, behoort julle ook mekaar se voete te was. Ek het vir julle ‘n voorbeeld gestel, en soos Ek vir julle gedoen het, moet julle ook doen.”

Om oor te gesels en te dink
Liefde maak nie altyd sin nie, tog moet dit ons nie ontmoedig om te probeer lief hê nie. Jesus het vir ons die voorbeeld gestel en as volgelinge moet ons voete was, al maak dit nie sin nie. Ons hoef nie oorweldig te wees nie. John Wesley help ons met die volgende aanhaling:
“Doen soveel goed as wat jy kan.
Op soveel maniere as wat jy kan.
Op soveel plekke as wat jy kan.
Aan soveel mense as wat jy kan.
So dikwels as wat jy kan.
So lank as wat jy kan.”
Mense onthou nie wat jy vir hulle gesê of gedoen het nie het nie, maar hoe jy hulle laat voel het.

At the end of the day people won’t remember what you said or did, they will remember how you made them feel. Maya Angelou

Gebed
Here, ek wil leer om lief te hê, selfs al maak dit nie sin nie. Mag ek U liefde deel en U voorbeeld volg. Amen.

Johannes 13:5-9
“Daarna het Hy water in ‘n wasskottel gegooi en begin om sy dissipels se voete te was en dit dan af te droog met die handdoek wat Hy omgehad het. Toe Hy by Simon Petrus kom, vra dié vir Hom: “Here, gaan Ú mý voete was?” En Jesus antwoord hom: “Wat Ek doen, begryp jy nie nóú nie, maar later sal jy dit verstaan.” Maar Petrus sê vir Hom: “U sal in alle ewigheid nooit my voete was nie!” Daarop sê Jesus vir hom: “As Ek jou nie was nie, het jy nie deel aan My nie.” Simon Petrus sê toe vir Hom: “Here, dan nie net my voete nie, maar ook my hande en my gesig.””
‭‭
Om oor te gesels en te dink
Soos Dawid se liefde vir Mefiboset nie sin gemaak het nie, wys Jesus vir ons groter liefde wat nie sin maak nie. Jesus is bereid om sy dissipels se voete te was en hulle te dien. Petrus sukkel om dit te verstaan, net soos Mefiboset dit ook nie verstaan het nie. Petrus sê: “Ja, maar…”
Ons is baie maal soos Petrus wat sukkel om God se liefde te aanvaar en ook om liefde wat nie sin maak uit te leef nie. Ons het baie verskonings. Ons sê maklik: “Ja, maar…”
Jesus stel nie eers ‘n klomp voorwaardes voordat Hy sy dissipels se voete was nie.
Hy stel die voorbeeld en gee vir ons ‘n nuwe opdrag om dieselfde te doen.

Gebed
Here Jesus, ek wil lief hê al maak dit nie sin nie. Help my om U liefde te aanvaar en ook U liefde en goedheid met ander mens te deel. Amen.

2 Samuel 9:8-10
“Hy het weer voor Dawid gebuig en gesê: “Wat is ek tog dat u aandag gee aan ‘n dooie hond soos ek?” Dawid het vir Siba die amptenaar van Saul geroep en hom beveel: “Alles wat aan Saul en sy familie behoort het, gee ek aan sy kleinseun. Jy en jou seuns en jou slawe moet vir hom die lande bewerk en die oes insamel sodat daar kos kan wees vir sy huishouding, en sodat hulle kan eet. Maar Mefiboset die kleinseun van Saul sal van nou af by my aan huis eet.” Siba het vyftien seuns en twintig slawe gehad.”

Om oor te gesels en te dink
Mefiboset het gedink hy is nie waardig om die goedheid van koning Dawid te kan aanvaar nie. Hy verwys na homself as ’n dooie hond. Tog gee Dawid opdrag dat sy lot verander. Dawid onderneem om vir hom te sorg en hom in te nooi in sy huis.
Dawid het genoeg redes gehad om dit nie te doen nie. Tog kies hy om goedheid aan Mefiboset te betoon. Die Hebreeuse woord vir hierdie goedheid is “gesed” – wat ook lojaliteit en onvoorwaardelike aanvaarding beteken. Dawid het nie terug gedeins om dit te gee nie. Hy gee nie net vir hom goed nie, maar ook sy tyd as hy vir Mefiboset na sy tafel toe nooi.
Dit moes dalk vir Mefiboset moeilik gewees het om hierdie goedheid te aanvaar. Hy wou nog redes gee, maar Dawid het voort gegaan om goedheid aan hom te bewys.
Ons moet bereid wees om ook die Here se goedheid te ontvang. Laat ons nie dink ons is dit nie waardig nie. God se goedheid is vir ons elkeen bedoel.

Gebed
Here, dankie dat U so goed is vir my. Ek verstaan dit nie altyd nie, maar dankie U goedheid en guns by my is. Amen.

2 Samuel 9:5-7
“Koning Dawid het hom toe laat haal uit Makir se huis in Lo-Dabar. Toe Mefiboset seun van Saul se seun Jonatan by Dawid kom, het hy op sy knieë geval voor Dawid en gebuig. “Mefiboset?” vra Dawid. “Ek is u onderdaan,” antwoord hy. Dawid sê vir hom: “Moenie bekommerd wees nie, want ek het besluit om jou onder my sorg te neem ter wille van Jonatan jou pa. Ek gaan al die grond van jou oupa Saul aan jou teruggee, en boonop sal jy van nou af by my aan huis eet.””

Om oor te gesels en te dink
Dawid laat Mefiboset haal om voor hom te verskyn. Mefiboset dink dat hy tereggestel gaan word omdat hy ‘n bedreiging vir Dawid inhou. Daarom dat hy versigtig en bang voor koning Dawid buig. Dawid hanteer hom goedgunstig. Hy noem hom op sy naam, stel hom gerus en verander sy toekoms op grond van sy vroeëre belofte aan Mefiboset se pa, Johnatan. Hy nooi hom om deel van sy huis en tafel te word. Hy stel geen voorwaardes nie. Hy aanvaar Mefiboset soos hy is, sodat hy ‘n verhouding met hom kan bou.
Ons het ook nodig om mense in ons lewens in te nooi, sonder voorwaardes en ‘n pad met hulle te begin stap. Wie is daardie persoon? Selfs al verdien hy of sy dit glad nie?

Gebed
Here, help my om met mense sonder voorwaardes’n pad te stap. Amen.

2 Samuel 9:1-5
“Op ’n dag het Dawid gevra: “Het daar nie miskien iemand uit Saul se familie oorgebly nie? Ek sou hom graag onder my sorg wil neem ter wille van Jonatan.” Hulle het toe vir Siba, ’n amptenaar van Saul se hofhouding, na hom toe laat roep. “Is jy Siba?” vra die koning hom. Hy antwoord: “Ek is u onderdaan.” “Is daar nie miskien iemand uit Saul se familie oor nie?” wou die koning weet. “Ek wil hom ’n besondere guns bewys.” “Daar is nog ’n kreupel seun van Jonatan,” was Siba se antwoord aan die koning. “Waar is hy?” vra die koning hom toe, en hy het geantwoord: “Hy is in die huis van Ammiël se seun Makir in Lo-Dabar.” Koning Dawid het hom toe laat haal uit Makir se huis in Lo-Dabar.”

Om oor te gesels en te dink
Koning Dawid besluit om teen alle verwagting uit te vra oor Saul se familie. Hy het vroeër met Jonathan, Saul se seun, ’n ooreenkoms uit hulle vriendskap gesluit, dat hulle altyd lojaal teenoor mekaar sal wees (1 Sam 20). Nadat hy gehoor het dat daar wel iemand is, laat hy hom haal. Dit sit Dawid nie af dat dit hom op risiko plaas nie. Dit was immers iemand wat sy koningskap sou kon bedreig.
Dawid laat hom uit moeilike omstandighede haal. Al ken Dawid hom nie, weerhou dit hom nie om steeds aan hierdie afstammeling van Saul te wil goed doen nie.
Ons kan by Dawid leer om ook risikos te neem. Net soos dit nie toe sin gemaak het nie, maak dit nie altyd sin om iemand te help wat jy dink dit nie verdien nie. Dawid maak nie verskonings nie, maar laat hom haal, sodat hy aan hom goed kan doen.

Gebed
Here, ek dink nie altyd aan ander soos wat ek moet nie. Help my om mense raak te sien wat ek kan help, al maak dit nie sin nie. Amen.

Filippense 3:6-8 (Die Boodskap)

6 In daardie tyd was ek so ernstig oor my Joodse godsdiens dat ek al wat Christen was, ywerig vervolg het. Ja-nee, volgens die Joodse wet het ek nie ’n voet verkeerd gesit nie. 7 Al dié dinge was eers vir my ook baie belangrik. Maar Christus het my oë laat oopgaan. Dit het glad geen waarde meer vir my nie. Ek het besef hoe dit ’n mens se aandag kan aftrek van wat regtig belangrik is, en dit is dat ek Christus Jesus as my Here leer ken het. 8 Dit het my laat besef dat al hierdie ander dinge eintlik niks in vergelyking daarmee is nie. Vandat my pad Jesus s’n gekruis het, het die hele manier waarop ek na dinge kyk, verander. Al daardie dinge wat eers vir my so belangrik was, is nou vir my minder as niks werd, want Jesus het vir my alles geword. Hy is nou vir my belangriker as alle ander dinge tesame. Daarom het ek alles gelos vir Hom. Wanneer God na my kyk, moet Hy sien dat ek in ’n intieme verhouding met Jesus staan. Jesus het mos my saak met God reggemaak.

Wanneer ons ’n ontmoeting met God het, verander alles vir ons!

Ons het die hele week na Paulus se bekeringsverhaal gekyk. In vandag se teksgedeelte vertel Paulus aan die Filippense hoe hierdie ontmoeting met Jesus alles vir hom verander het.

Lees dit stadig deur. Dink daaroor. Bid daaroor. Luister aandagtig wat die Heilige Gees vir jou hierdeur sê.
Gaan kyk weer na sleutelvrae in die dagstukkies wat deur die week gestuur is.

Hier is ’n paar sinne wat jy gebruik om jou gebede te lei na die week se dagstukkies.
Jy hoef nie almal te bid nie, kies die wat met jou hart praat.

Here, ek het waarheid nodig, wys my asb wat die waarheid is.
Here, waarvoor moet my oë oopgaan?
Here, is ek besig om myself te verset teen U prikkels?
Here, dankie vir die goeie nuus!

“Christians are called to leave behind, in the tomb of Jesus Christ, all that belongs to the brokenness and incompleteness of the present world.” N.T. Wright

Filippense 3:6-8 (Die Boodskap)

6 In daardie tyd was ek so ernstig oor my Joodse godsdiens dat ek al wat Christen was, ywerig vervolg het. Ja-nee, volgens die Joodse wet het ek nie ’n voet verkeerd gesit nie. 7 Al dié dinge was eers vir my ook baie belangrik. Maar Christus het my oë laat oopgaan. Dit het glad geen waarde meer vir my nie. Ek het besef hoe dit ’n mens se aandag kan aftrek van wat regtig belangrik is, en dit is dat ek Christus Jesus as my Here leer ken het. 8 Dit het my laat besef dat al hierdie ander dinge eintlik niks in vergelyking daarmee is nie. Vandat my pad Jesus s’n gekruis het, het die hele manier waarop ek na dinge kyk, verander. Al daardie dinge wat eers vir my so belangrik was, is nou vir my minder as niks werd, want Jesus het vir my alles geword. Hy is nou vir my belangriker as alle ander dinge tesame. Daarom het ek alles gelos vir Hom. Wanneer God na my kyk, moet Hy sien dat ek in ’n intieme verhouding met Jesus staan. Jesus het mos my saak met God reggemaak.

Wanneer ons ’n ontmoeting met God het, verander alles vir ons!

Ons het die hele week na Paulus se bekeringsverhaal gekyk. In vandag se teksgedeelte vertel Paulus aan die Filippense hoe hierdie ontmoeting met Jesus alles vir hom verander het.

Lees dit stadig deur. Dink daaroor. Bid daaroor. Luister aandagtig wat die Heilige Gees vir jou hierdeur sê.
Gaan kyk weer na sleutelvrae in die dagstukkies wat deur die week gestuur is.

Hier is ’n paar sinne wat jy gebruik om jou gebede te lei na die week se dagstukkies.
Jy hoef nie almal te bid nie, kies die wat met jou hart praat.

Here, ek het waarheid nodig, wys my asb wat die waarheid is.
Here, waarvoor moet my oë oopgaan?
Here, is ek besig om myself te verset teen U prikkels?
Here, dankie vir die goeie nuus!

“Christians are called to leave behind, in the tomb of Jesus Christ, all that belongs to the brokenness and incompleteness of the present world.” N.T. Wright

Handelinge 9:1-9; 17-19

17 Ananias het toe gegaan en in daardie huis gekom. Hy het Saulus die hande opgelê en gesê: “Saul, broer, die Here Jesus wat aan jou verskyn het toe jy op pad hierheen was, het my na jou toe gestuur sodat jy weer kan sien en met die Heilige Gees vervul kan word.”

Wanneer ons ’n ontmoeting met God het, sien ons ons eie sondigheid opnuut, en ontvang ons die Goeie Nuus!

Jesus se reaksie teenoor Paulus is goeie nuus! Paulus vervolg vir Jesus. Paulus probeer alles in sy vermoë om die verkondiging van die goeie nuus te stop. Jesus bewys aan hom genade, en trek by hom in deur middel van Heilige Gees. Wie doen dit? Wel, Jesus!

Wanneer ons ’n ontmoeting met God het, word ons met twee belangrike waarhede gekonfronteer:

• Kyk wat het ek alles gedoen!
• Kyk wat het Hy alles vir my gedoen!

Paulus was goed bewus van sy stryd met sonde. In Romeine 7:24 skryf hy: “Ek, ellendige mens! Wie sal my verlos van die liggaam van hierdie dood?” In hierdie ontmoeting met Jesus word hy gekonfronteer met die waarheid dat hy vir Jesus self vervolg, ellendige mens! Hy het eie sondigheid opnuut gesien.

Die wonder van die evangelie (die goeie nuus) is dat Jesus vir al ons sonde betaal het deur Sy kruisdood. Wanneer ons oorweldig word deur die waarheid van ons eie sondigheid, word ons ook oorweldig deur die goeie nuus dat die prys daarvoor reeds ten volle betaal is. Dit is goeie nuus, wat ons slegs kan ontvang, ons kan dit nie verdien nie!

Dit kan wees dat ons as gelowiges hierdie twee waarhede vergeet van tyd tot tyd. Daarom is dit belangrik dat ’n storie soos die een ons daaraan herinner, en dat ons vir ’n oomblik weer die wonder en voorreg hiervan sal waardeer.

• Het jy nodig om vandag weer die goeie nuus opnuut te ontvang en te waardeer?

“The gospel is this: We are more sinful and flawed in ourselves than we ever dared believe, yet at the very same time we are more loved and accepted in Jesus Christ than we ever dared hope.” Tim Keller

Handelinge 9:1-9; 17-19

4 Hy het op die grond neergeval en ‘n stem vir hom hoor sê: “Saul, Saul, waarom vervolg jy My?”

Wanneer ons ’n ontmoeting met God het, is ons klaar geworstel!

Paulus het geworstel. In Romeine 7 beskryf hy die worsteling met sy eie sonde en onvermoë om aan die volle wet gehoorsaam te wees. Hy het ten diepste geweet dat hy ’n redder nodig het, maar wou eenvoudig nie glo dat Jesus daardie redder was nie. Hy het self gehoor hoe Stefanus in Handelinge 7 hierdie onvermoë om onsself te red uitspel, en Jesus as redder verkondig. Paulus wou dit nie hoor nie, hy het eerder ingestem dat Stefanus doodgemaak word. Paulus het met Jesus self geworstel, en Hom selfs vervolg…

In Handelinge 26:14 voeg Paulus by dat Jesus vir hom gesê het “Jy maak jou net seer deur jou te verset.” Paulus verwys hier na die “prikkels” van ’n herder wat vir ’n oomblik pyn en ongemak vir sy skape veroorsaak, maar vir hulle eie lewe en beswil. Paulus se worsteling het gemaak dat hy eerder teen hierdie prikkels geskop het (soos wat ’n skaap sal maak) as om dit gehoorsaam te volg.

Elkeen van ons worstel ook, elkeen met sy/haar eie dinge op sy/haar eie tyd. Tydens ons worstelinge kan dit wees dat ons pyn, ongemak of disorientasie prikkels van die Goeie Herder af is, wat ons juis wil terugbring na die regte pad en naby aan Hom.

’n Ontmoeting met God bring ons by ’n oomblik van beslissing: ons gaan óf die prikkels volg en uiteindelik met ons worsteling klaarmaak (soos Paulus), óf ons gaan kies om weer teen dit te skop. Paulus het uiteindelik opgehou om teen die prikkels te skop en homself laat doop.

• Waarmee worstel jy tans?
• Is die pyn en ongemak wat jy tans ervaar dalk die prikkels van God wat jou na Hom toe terugroep?

“We all want progress, but if you’re on the wrong road, progress means doing an about-turn and walking back to the right road; in that case, the man who turns back soonest is the most progressive.” C.S. Lewis

Handelinge 9:1-9; 17-19

8 Toe Saulus van die grond af opstaan en sy oë oopmaak, kon hy nie sien nie. 9 Drie dae lank kon hy nie sien nie en het hy niks geëet of gedrink nie. 18 Onmiddellik het daar iets soos skille van Saulus se oë afgeval en kon hy weer sien.

Wanneer ons ’n ontmoeting met God het, sien ons soos nog nooit tevore!

Dink vir ’n oomblik aan ’n droom: terwyl jy droom voel dit asof dit wat jy sien werklik besig is om te gebeur. Wanneer jy wakker word, sien jy egter duidelik dat jy besig was om te droom. Jy kan dus duidelik sien dat dit ’n droom was, en dat jy nou wakker is.

Dieselfde gebeur met ons wanneer ons ’n ontmoeting met God het. Dán sien ons ons ons eie sonde, die leuens van die duiwel, hoe ver ons van die pad gedwaal het en hoe selfsugtig ons ons lewens inrig op ’n splinternuwe manier. Dit is asof jy kan sien hoe blind jy was…

In Handelinge 26:15-18, waar nog ’n weergawe van Paulus se bekeringstorie geskryf is, herroep Paulus die volgende woorde van Jesus wat op daai dag aan hom gesê is: “18 Jy moet hulle oë oopmaak sodat hulle hulle van die duisternis tot die lig en van die mag van die Satan tot God kan bekeer.” So die een wat blind was, wat nou kan sien, moet vir ander blindes die goeie nuus gaan vertel, sodat hulle ook kan sien!

• Wat het God onlangs vir jou gewys?
• Is daar iets in jou lewe wat jy miskien nie sien nie, waarvoor jy blind is?
• Is daar iets in jou lewe wat jou in die duisternis hou, wat jy moet sien?

I bring to you Lord, my momentary irritation, that you might reveal the buried seed of it—not in the words or actions of another person, but in the withered and hypocritical expectations of my own small heart.

Handelinge 9:1-9; 17-19

9 Drie dae lank kon hy nie sien nie en het hy niks geëet of gedrink nie.

Wanneer ons ’n ontmoeting met God het, begin ons dink!

Paulus was oortuig daarvan dat Jesus dood is, dat “die aanhangers van die leer van die Here” verkeerd was en dat hulle tronk-en doodstraf verdien het.
Trouens, Paulus se hooffokus in hierdie tyd was die vervolging van Christene. Hy het al die laasgenoemde geglo as die waarheid, totdat hy op dié dag gekonfronteer is met ’n waarheid buite hom. Die oomblik wat hy gekonfronteer was met hierdie waarheid moes hy ’n besluit neem: dit is óf ja, óf nee. Hy het Jesus se stem gehoor, hy het hom geantwoord, en toe moes hy dink daaroor… Jesus het WERKLIK opgestaan!

Weet jy dat ek en jy ook in iets kan glo asof dit die waarheid is, al is dit nie die waarheid nie? ’n Ontmoeting met God en Sy waarheid wat aan ons openbaar word is ’n manier hoe ons dít kan raaksien, daarmee kan worstel, en uiteindelik kan besluit of ons die waarheid gaan glo of nie.

• Dink jy tans oor jou geloof?
• Worstel jy tans met die waarheid, en dit wat jy glo as die waarheid?

As jou antwoord ja is op enige van die twee vrae, wil ek jou aanmoedig om:

1. Die Here te vra om vir jou die waarheid te wys en Homself aan jou te openbaar. Hy hoor jou!
2. Vir iemand in jou geloofsfamilie te vra om saam met jou te dink, te soek en te worstel. Ons is geskep vir verhouding, en om die waarheid saam te ontdek en te leef.

“The central basis of Christian assurance is not how much our hearts are set on God, but how unshakably his heart is set on us.” Tim Keller

Handelinge 9:1-9; 17-19

3 Toe hy op reis naby Damaskus kom, het daar skielik ‘n lig uit die hemel op hom gestraal.

Hierdie was Paulus se oomblik, die dag toe hy vir Jesus ontmoet het! Hierdie ontmoeting het alles vir hom verander: Paulus het homself hierna bekeer, laat doop, en die goeie nuus aan almal vir wie dit vir hom moontlik was verkondig.

Het jy al so ontmoeting met Jesus gehad?

Wanneer ons ’n ontmoeting met God het, verander dit ons, net soos dit vir Paulus verander het. Sy storie help ons om te verstaan en te sien hoe hierdie verandering plaasvind. Trouens, hy sê in 1 Timoteus 1:15-16 dat sy storie vir ons ’n voorbeeld moet wees. Ons gaan deur die loop van die week saam sy storie en voorbeeld bestudeer.

Om die week se reis te begin, dink vandag na oor die volgende vrae:

1. Ken jy vir God?
2. Hoe groei jy in jou intimiteit met God?
3. Wanneer ontmoet jy Hom?
4. Wat staan vir jou uit van Paulus se verhaal?

God is most glorified when you are most satisfied in Him. Faith is born and sustained by the Word of God, and out of faith grows the flower of joy. But to enjoy Him we must know Him. John Piper

Matteus 14:32-33
“Hulle het toe in die skuit geklim, en die wind het gaan lê. Die manne in die skuit het voor Jesus gekniel en gesê: “U is waarlik die Seun van God.””

Om oor te gesels en te dink
Nadat Petrus en Jesus in die boot geklim het, het die wind bedaar. Die dissipels het besef dat Jesus die Seun van God is en Hom aanbid. Ons sien dat wanneer ons in die boot is, ons kan weet dat Jesus by ons is. Ons hoef nie eers uit te klim om Hom raak te sien nie. Jesus is reeds by ons.
Die vroeë kerk het die simbool van ’n boot gebruik om hulle te herinner dat God by hulle is. Dit het vandag nog dieselfde betekenis. Die Here is by ons en ons kan Hom aanbid as die Seun van God. Ons hoef nie in vrees te lewe oor die storms wat oor ons woed nie. Hy is by ons, sodat ons nie bang hoef te wees nie.

Gebed
Here Jesus, dankie dat U in al die storms by my is. Ek aanbid U as die Seun van God. Mag ek rustig wees in die wete dat U nooit alleen sal los nie. Amen.

Matteus 14:30-31
“Maar toe Petrus sien hoe sterk is die wind, het hy bang geword en begin sink en uitgeroep: “Here, red my!” Dadelik het Jesus sy hand uitgesteek, hom gegryp en vir hom gesê: “Kleingelowige, waarom het jy begin twyfel?””

Om oor te gesels en te dink
Petrus begin om op die water te loop, maar toe hy begin rond kyk en besef hoe sterk die wind is, het hy bang geword. Hy het begin twyfel en gesink. Hy roep uit na Jesus om hom te red.
Jesus het dadelik gereageer. Dit is ’n belangrike woord: “dadelik”. Mens kan dit ook vertaal as onmiddelik. Jesus het nie gehuiwer om hom te help nie. Hy vra wel vir hom hoekom hy begin twyfel het.
Hierdie woorde herinner aan Matteus 8 toe Jesus die storm stil gemaak het. Die dissipels was ook bang en het getwyfel. Jesus gryp steeds in en help.
Vandag kan ons ook net uitroep: “Here, red my!” en weet dat die Here dadelik sal help. Laat ons nie op ons omstandighede fokus nie. Die Here is by ons en ons hoef nie bang te wees nie. Hy red onmiddelik.

Gebed
Here Jesus, ek kyk soms in my omstandighede vas en twyfel. Ek kom vra dat U my sal help. Ek roep saam met Petrus uit: “Here, red my!” Amen.

Matteus 14:28-29
“Toe sê Petrus vir Hom: “Here, as dit regtig U is, beveel my om op die water na U toe te kom.” “Kom!” sê Hy. Petrus het uit die skuit geklim, op die water begin loop en naby Jesus gekom.”

Om oor te gesels en te dink
Petrus word gewoonlik bewonder omdat hy ook op die water geloop het. Maar eintlik versoek hy Jesus, net soos wat die duiwel Jesus in die woestyn versoek het. Die woorde “as U…” is dieselfde woorde as in Mattues 4:1-11.
Petrus sien Jesus nie in die storm raak nie en daag Jesus uit. Jesus gee vir hom wat hy vra. Petrus klim uit die skuit en begin op die water loop.
Terwyl Petrus op die water loop het hy dalk begin besef wat besig is om te gebeur.
Ons is baie keer ook soos Petrus. Ons sien nie die Here in ons storm raak nie en wil Hom eerder versoek of toets. Ons kry dan ook soos Petrus wat ons vra. Jesus raas nie met Petrus toe hy dit vra nie. Jesus laat toe dat hy self ontdek wat besig is om te gebeur. Ons vra baie maal ook: “Here, as dit regtig U is…”

Gebed
Here Jesus, ek is ook soos Petrus. Ek vra ook sonder dat ek besef wat ek vra. Help my om U te herken waar U in my lewe besig is. Amen.

Matteus 14:24-27
Die skuit was reeds ‘n paar kilometer van die kus af en is deur die golwe geteister, want die wind was van voor. Met dagbreek die volgende môre het Hy op die see na hulle toe aangeloop gekom. Toe sy dissipels Hom op die see sien loop, het hulle groot geskrik en gesê: “Dis ‘n spook!” Van angs het hulle hard begin skreeu. Maar Jesus het dadelik met hulle gepraat en gesê: “Wees gerus, dit is Ek. Moenie bang wees nie.”

Om oor te gesels en te dink
Jesus loop op die water na Sy dissipels toe. Hulle erken Hom nie en vermoed dat Hy ’n spook is of selfs iemand uit die bose onderwêreld. Angs oorval hulle en hulle skreeu. Jesus stel hulle dadelik gerus met die woorde: “Wees gerus, dit is Ek. Moenie bang wees nie.”
Hierdie woorde van Jesus moet ons ook vandag hoor. Ons herken Jesus nie altyd in ons situasies nie. Ons misgis Hom as spook, of dink dat dit moontlik kan wees, dat Hy by ons is nie. Ons mis dat Jesus by ons is. Daarom as Jesus praat en sy dissipels gerus stel, hoef hulle nie meer bang te wees nie.
Jy kan ook weet dat Jesus vandag by jou is en vir jou dieselfde sê: “Wees rustig, dit is Ek. Moenie bang wees nie.”

Gebed
Here Jesus, ek sien U nie altyd raak nie. Mag ek vandag rustig wees en weet dat U hier by my is en dat ek nie hoef bang te wees nie. Amen.

Matteus 14:22-23
“Net daarna het Jesus sy dissipels in die skuit laat klim om solank voor Hom uit te vaar na die oorkant toe terwyl Hy nog eers die mense huis toe laat gaan. Nadat Hy die mense weggestuur het, het Hy alleen na die berg toe gegaan om te bid. Toe dit aand word, was Hy daar alleen.”

Om oor te gesels en te dink
Jesus het pas die wonderwerk van die vermeerdering van die brood gedoen (Mat. 14:13-21) en laat sy dissipels solank gaan, terwyl Hy die mense huis toe laat. Jesus wou alleen tyd met die Vader in gebed spandeer. Dit is iets wat ons maklik verby kan lees. Jesus het dit baie belangrik geag om alleen tyd saam met Sy Vader te spandeer. Ons sou kon dink dat dit nodig was nie, maar selfs Jesus bid en spandeer tyd saam met die Vader, ten spyte van ’n besige program.
Ons kan ook by Jesus leer. Kom ons maak tyd om te bid en alleen tyd saam met die Vader te spandeer. Al ken Hy ons deur en deur, is dit noodsaaklik dat ons ons afsonder en ons hart met Hom deel.

Gebed
Hemelse Vader, ek kom bid en vra dat U by my sal wees. Ten spyte van my program, wil ek graag alleen tyd saam met U spandeer. Ek het U lief. Amen.

Psalm 107:28-31
“Maar in hulle nood het hulle na die Here geroep om hulp, en Hy het hulle veilig uit hulle ellende gelei. Hy het die stormwind stilgemaak, en die golwe van die see het bedaar. Die seevaarders het hulle verheug oor die kalmte. God het hulle veilig gelei na die hawe waar hulle wou kom. Hulle moet die Here loof vir sy troue liefde, vir sy wonderdade wat Hy aan mense doen.”

Om oor te gesels en te dink
Ons almal beleef storms. Miskien beleef jy vandag ’n storm en weet jy nie watter kant toe nie. Hierdie Psalm herinner ons om in ons nood na die Here te roep. Hy is die Een wat ons uit ons ellende kan lei na ’n veilige plek.
Die golwe mag vir jou oorweldigend voel. Maar weet dat die Here stormwinde stil maak. Hy roep ons na die hawe en sal ons veilig daar uit bring. Laat ons nie self die storm probeer oplos nie. Kom ons roep die Here in ons nood en storm aan. Laat ons nie stil wanneer die Here wonderdade in ons lewens doen nie.

• Wat se storm beleef jy tans?
• Vra die Here om die storm stil te maak.

Gebed
Here, ek roep na U in my storm. Ek vertrou U. Mag U my veilig na die hawe toe lei. Amen.

Matteus 5:14-16
“Julle is die lig vir die wêreld. ‘n Stad wat op ‘n berg lê, kan nie weggesteek word nie; ook steek ‘n mens nie ‘n lamp op en sit dit onder ‘n emmer nie maar op ‘n lampstaander, en dit gee lig vir almal in die huis. Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik.”

Om oor te gesels en te dink
Jesus gebruik die beeld dat ons lig vir die wêreld is. Ons woorde en dade wys vir almal om ons wat ons glo. Daarom moedig Jesus ons aan om so te leef dat die mense om ons, deur die goeie werke wat ons doen, die Vader sal verheerlik. Dit plaas ’n groot onus op ons om met alles wat ons doen Jesus se liefde te wys. Deur met goeie werke ons liefde sigbaar te maak, verdryf ons die duisternis.
Soos Jesus se liefde vir elkeen van ons sonder voorwaardes kom, moet ons almal waarmee ons te doen het, met liefde behandel. Jesus het God se genadejaar kom aankondig en maak ons deel daarvan dat ons dit nie net self beleef nie, maar ook kan deel met ander. Ons lig en liefde kan nie weggesteek word nie.

Gebed
Here Jesus, dankie dat U ons Lig is. Ek wil graag deur wat ek doen U lig vir ander wys. Help my om ’n goeie ligdraer te wees. Amen.

Filippense 2:14-16
“Doen alles sonder kla of teëpraat. Sorg dat julle bo alle verdenking staan en opreg bly, onberispelike kinders van God te midde van ontaarde en korrupte mense. Tree onder hulle op as ligdraers in die wêreld deur die woord van die lewe uit te dra. Dan sal ek op die dag van Christus se koms rede hê om trots te wees, omdat dit sal blyk dat ek my nie verniet ingespan het nie en nie verniet geswoeg het nie.”

Om oor te gesels en te dink
Paulus moedig die Christene in Filippi aan om as deel van hulle getuienis alles sonder kla of teëpraat te doen. Hulle moet bo alle verdenking bly en opreg wees te midde van ontaarde en korrupte mense. Dit gaan nie oor ons vyande of wat ander mense doen nie, maar wat ons doen. Ons moet die ligdraers wees deur te doen wat ons sê. Ons woorde en dade moet ooreenstem. So sal ons ’n sterk getuienis hê en gereed wees as Jesus kom.
Laat ons nie moedeloos word om goed te doen nie. Kom ons hou di elig in onsself aan die brand, sodat ons ligdraers kan wees wat ’n verskil maak.

Gebed
Here Jesus, gee my die moed om as ligdraer op te tree. Laat ek eerder op U fokus as op alles wat nie reg is nie. Ek wil doen soos U vra. Amen.

Lukas 6:27-31
““Maar vir julle wat na My luister, sê Ek: Julle moet julle vyande liefhê; doen goed aan die mense deur wie julle gehaat word; seën die mense deur wie julle vervloek word; bid vir die mense deur wie julle sleg behandel word. As iemand jou op die een wang slaan, bied hom ook die ander een aan. En vir iemand wat jou boklere vat, moet jy ook jou onderklere nie weier nie. Aan elkeen wat iets vra, moet jy gee; en as iemand jou goed vat, moet jy dit nie terugeis nie. Behandel ander mense soos julle self behandel wil word.”

Om oor te gesels en te dink
Lukas haal ook die woorde van Jesus aan. Hy brei dit uit en maak dit prakties. Om jou vyande lief te hê, moet ons goed doen aan hulle, hulle seën en vir hulle bid. Verder vra dit om nie altyd jouself te laat geld nie, maar ook die ander wang te dra. Behandel ander mense soos julle self behandel wil word.
Dit is verseker nie maklike woorde nie, maar Jesus moedig ons aan om dit te probeer doen.
As daar mense is, wat vir jou soos ’n vyand voel, doen goed aan hulle, seën hulle en bid vir hulle.
Laat ons Jesus se genade vir ons vyande wys, omdat Jesus vir elkeen van ons Sy genade en liefde gee.

Gebed
Here, dankie vir U genade vir my. Help my om mense lief te hê, vir hulle goed te wees, hulle te seën en vir hulle te bid. Amen.

Matteus 5:46-48
“As julle net dié liefhet wat vir julle liefhet, watter loon kan julle dan nog verwag? Maak die tollenaars nie ook maar net so nie? En as julle net julle broers groet, wat doen julle meer as ander? Maak die heidene nie ook maar net so nie? “Wees julle dan volmaak soos julle hemelse Vader volmaak is.””

Om oor te gesels en te dink
Jesus vra die vraag wat ons almal kan laat dink. Ons kan nie net dié lief hê wat vir ons lief is nie. Ons behoort almal lief te hê. Jesus stel dit baie sterk dat as ons net vir sekere mense lief is, is ons soos heidene. Ons moet liefhet soos wat God liefhet. Ons moet volmaak wees, soos die Vader volmaak is, deur mense lief te hê.
As ons dit nie doen nie, is ons soos ’n sonsverduistering. Ons staan in die pad dat mense God kan ervaar. Wanneer ons liefde vir mense wys, kan hulle God leer ken en ook vir Hom lief wees. Laat ons nie in die pad staan om vir ander mense God se liefde te wys nie.

Gebed
Here, leer my om soos U lief te hê. Ek wil U liefde vir mense om my wys, sodat hulle U sal raak sien. Amen.

Matteus 5:43-45
““Julle het gehoor dat daar gesê is: ‘Jou naaste moet jy liefhê en jou vyand moet jy haat.’ Maar Ek sê vir julle: Julle moet julle vyande liefhê, en julle moet bid vir dié wat vir julle vervolg, sodat julle kinders kan wees van julle Vader in die hemel. Hy laat immers sy son opkom oor slegtes en goeies, en Hy laat reën oor dié wat reg doen en oor dié wat verkeerd doen.”

Om oor te gesels en te dink
Jesus praat in die Bergrede (Mat. 5-7) met die skare aan die begin van Sy bediening. Hy vertel vir hulle van God se koninkryk wat anders werk. Dit gaan oor liefde en nie haat nie. In daardie tyd het mense daarop geroem om net vir hulle naaste lief te wees. Naaste is verstaan as almal wat presies soos jy is. Almal anders is gehaat. Nou kom Jesus en nooi hulle uit om dit anders te doen. Hulle moet hulle vyande lief hê en vir hulle bid.
Dit is iets waarmee ons sukkel. Ons haat makliker as om lief te hê. Kom ons leer by Jesus om eerder lief te hê, as om te haat. Dit kan begin deur te bid vir die persoon waarvan jy nie hou nie. Wanneer ons bid, verander God ons harte. Deur lief te hê is ons kinders van God.

Gebed
Here, ek sukkel soms om vyande lief te hê. Ek wil vir hulle begin bid. Help my om liefde uit te leef. Amen.

Jesaja 61:1-3
Die Gees van die Here my God het oor my gekom; die Here het my gesalf om ’n blye boodskap te bring aan die mense in nood, Hy het my gestuur om dié wat moedeloos is, op te beur,om vir die gevangenes vrylating aan te kondig,vryheid vir dié wat opgesluit is, 2om aan te kondig dat die tyd gekom het waarop die Here genade betoon, die dag waarop ons God sy vyande straf maar almal wat treur, vertroos, 3die dag waarop Hy vir dié in Sion wat treur, eer gee in plaas van smart, vreugde in plaas van droefheid, blydskap in plaas van hartseer.”

Om oor te gesels en te dink
Jesaja bring ’n boodskap van bemoediging aan ’n moedelose volk wat swaar kry. Hy beklemtoon dat God self hulle gaan verlos. Hy wil vir hulle ’n booskap van vreugde bring dat God hulle raak sien in hulle nood. Hy sê vir hulle dat hulle lot gaan verander. Die wat moedeloos is, gaan opgebeur word, die wat gevange is, sal vry word, want God se genadejaar is hier.
Lukas maak later in die Nuwe Testament hierdie woorde op Jesus van toepassing. Jesus het God se genadejaar kom aankondig. Hy het alles kom verander. Hy kom gee eer in plaas van smart, vreugde in plaas van droefheid en blydskap in plaas van hartseer.
Dalk voel jy ook vandag moedeloos of hartseer?
Hierdie belofte is ook vir jou. God se genadejaar is hier en Hy sal jou nooit alleen los nie en Hy sal jou lot verander. Vertrou Hom daarvoor.

Gebed
Here, dankie vir hierdie belofte. Dankie vir U genade. Mag ek vandag U troos ervaar. Mag ek vandag bewus wees dat U my nooit sal los nie. Amen.

Jakobus 1:2-5
“My broers, julle moet baie bly wees wanneer allerlei beproewings oor julle kom, want, soos julle weet, as julle geloof die toets deurstaan het, stel dit julle in staat om te volhard. En die volharding moet end-uit volgehou word sodat julle tot volle geestelike rypheid kan kom, sonder enige tekortkoming. As een van julle wysheid kortkom, moet hy dit van God bid, en Hy sal dit aan hom gee, want God gee aan almal sonder voorbehoud en sonder verwyt.”

Om oor te gesels en te dink
Jakobus bevestig ook dat ons bly moet wees as daar beproewings oor ons pad kom. Dit toets ons geloof, maar dit kweek volharding wat lei tot geestelike rypheid. Dit is nie maklik om bly te wees as dit swaar gaan nie, maar wanneer ons in moeilike situasies is, kan ons bid en vra vir wysheid.
God gee aan almal wysheid (en vreugde) sonder voorbehoud en sonder verwyt. Ons hoef nie moedeloos te word nie. Hy stel ons in staat om end-uit te volhard.

• Waarvoor het jy wysheid nodig?
• Deel jou hart met God.

Gebed
Here, ek is nie altyd bly oor dinge wat gebeur nie. Ek kom vra wysheid. Mag ek aanhou om te volhard. Amen.

1 Petrus 1:6-9
“Verheug julle hieroor, selfs al is dit nodig dat julle ‘n kort tydjie bedroef gemaak word deur allerhande beproewings sodat die egtheid van julle geloof getoets kan word. Julle geloof is baie kosbaarder as goud, goud wat vergaan. Selfs die suiwerheid van goud word met vuur getoets, en die egtheid van julle geloof moet ook getoets word, sodat dit lof en heerlikheid en eer waardig mag wees by die wederkoms van Jesus Christus. Hom het julle lief, al het julle Hom nie gesien nie. Deur in Hom te glo, al sien julle Hom nou nie, het julle reeds deel aan die saligheid wat die einddoel van julle geloof is. En dit vervul julle met ‘n onuitspreeklike en heerlike blydskap.”

Om oor te gesels en te dink
As ons vir Petrus sou vra, hoe hy oor vreugde dink, sal hy vir ons sê dat dit nie altyd maklik is nie. Selfs wanneer allerhande beproewings oor jou pad kom, jy steeds die vreugde daarin sal vind. Hy stel dit amper sterker: verheug jou as dit swaar gaan. Ons is soos goud wat deur vuur gesuiwer word, wat ons meer gereed maak vir die koms van Jesus.
Wat ons verdere blydskap gee is dat ons weet ons aan die Here behoort, omdat ons glo.
So wanneer ons swaar kry, kan ons vashou aan die wete dat ons saam met Jesus gaan wees. Dit verskaf ons vreugde en is die einddoel van ons geloof.

Gebed
Here Jesus, ek ervaar nie altyd vreugde as ek swaar kry nie, maar wil U vertrou om my help om vreugde ook in swaar kry te sien. Ek wil met vreugde lewe. Amen.

Filippense 4:4
“Wees altyd bly in die Here! Ek herhaal: Wees bly!”
‭‭
Om oor te gesels en te dink
Om vreugde en blydskap te ervaar, is nie net ’n emosie nie. Dit is ’n wete dat ons aan God behoort. Daarom sê die Boodskap dit so treffend: “Julle hart behoort oor te loop van blydskap omdat julle aan die Here behoort. Ek sê weer, julle moet baie bly wees.”
Ons kan blydskap ervaar omdat ons die Here s’n is. Hy is die Een wat ons blydskap gee. Dit laat ons kans sien vir alles in die lewe, die goeie en slegte (vergelyk Fil. 4:13 DB).
Paulus herinner ons ook in Galasiërs 5:22 dat vreugde deel van die vrug van die Gees is. Daarom is dit ’n uitnodiging dat ons vreugde in ons lewe sal nastreef om daardeur ’n getuienis vir die mense om ons te wees.

Gebed
Here Jesus, dankie vir vreugde. Dankie dat ek aan U behoort. Mag ek vandag my blydskap met iemand deel. Amen.

Psalm 37:3-5
“Vertrou liewer op die Here en doen wat goed is, woon en werk rustig voort. Vind jou vreugde in die Here, en Hy sal jou gee wat jou hart begeer. Laat jou lewe aan die Here oor en vertrou op Hom; Hy sal sorg.”

Om oor te gesels en te dink
Die geheim van die lewe is om vreugde in die Here te vind. Ons mis soms die vreugde omdat ons op al die negatiewe nuus en gebeure om ons fokus. Die psalm herinner ons om liewer op die Here te vertrou en te doen wat goed is. Ons moet rustig werk en woon en ons lewe aan die Here oorgee. Ons kan Hom vertrou omdat Hy sorg. Vreugde en dankbaarheid gaan hand in hand saam. Die een kan nie sonder die ander nie. Wanneer ons dankbaar is oor wat ons het, kan ons vreugde daarin vind. Die Here kan ons harte en gee vir ons wat ons harte begeer.
Waarmee wil jy die Here vandag mee vertrou?

Gebed
Here Jesus, U ken my hart. Ek wil my vreugde in U vind. Ek wil my lewe aan U oorgee en U vertrou. Ek hou vas aan U belofte dat U sal sorg. Amen.

Prediker 8:15-17
“Ek het vreugde aanbeveel: daar is niks beter vir die mens in hierdie wêreld nie as dat hy eet en drink en vrolik is onder al sy geswoeg tydens die lewe wat God hom in hierdie wêreld gee. So het ek my daarop toegelê om agter te kom wat wysheid is en om te begryp waarmee mense hulle op die aarde besig hou sonder dat hulle dag of nag tot rus kom. Toe het ek al die werk van God begryp; die mens is nie in staat om wat in hierdie wêreld gebeur, te verstaan nie. Hoe hy hom ook al inspan en soek, hy verstaan nie. Al sê die wyse hy weet, kan hy nie verstaan nie.”

Om oor te gesels en te dink
Prediker beveel aan dat ons op vreugde moet fokus. Dit is ’n keuse wat ons maak. Daar is baie dinge waarvoor ons dankbaar kan wees. Ons het kos om te eet, klere om aan te trek en ’n huis om in te slaap. Ons neem dit as vanselfsprekend aan en mis die gawe en vreugde daarvan.
Daar is dinge wat ons nie kan verstaan nie. Ons moet ons nie onnodig met dit besig hou wat ons nie kan verstaan nie. Ons kan dit aan God oorgee en Hom daarmee vertrou.
Kom ons kies om vandag vrolik te wees en dit wat die Here vir ons gee te geniet. Ons vind vreugde in die eenvoud van die lewe.

Gebed
Here, dankie vir alles wat ek van U ontvang. Ek wil vandag vreugde kies en vrolik geniet wat U my gee. Amen.

Saterdag 21 Oktober 2023

Johannes 1:8
“Hy was nie die lig nie, maar hy moes van die lig getuig.”

Om oor te gesels en te dink
Skrif kan ‘n lamp op jou lewenspad wees. Deur tyd te spandeer om die
Skrif te bestudeer, kan ons op die wyse ook God beleef. Ons lees in die teks van Johannes wat na Jesus gewys het. Jesus wat die Lig is. Dit was sy getuienis. Wys jou lewe ook na Jesus die Lig? Die Lig wat jy persoonlik ken en beleef het?

Gebed
Here, mag ons lewe getuig van U die Lig, wie ons self ken en beleef. Amen

Saterdag 21 Oktober 2023

Johannes 1:8
“Hy was nie die lig nie, maar hy moes van die lig getuig.”

Om oor te gesels en te dink
Skrif kan ‘n lamp op jou lewenspad wees. Deur tyd te spandeer om die
Skrif te bestudeer, kan ons op die wyse ook God beleef. Ons lees in die teks van Johannes wat na Jesus gewys het. Jesus wat die Lig is. Dit was sy getuienis. Wys jou lewe ook na Jesus die Lig? Die Lig wat jy persoonlik ken en beleef het?

Gebed
Here, mag ons lewe getuig van U die Lig, wie ons self ken en beleef. Amen

Psalm 119:105
“U woord is ‘n lamp vir my voet en ‘n lig vir my lewenspad.”

Om oor te gesels en te dink
Het jy al ooit gedink aan die Skrif as ‘n lamp op jou lewenspad? Hoe het die Skrif of spesifieke tekste in die Bybel jou al begelei? Dalk lig gewerp op iets wat tans in jou lewe aan die gang is? Hoop gebring? Of selfs begelei om keuses op die lewenspad te maak? In die teks van 2 Petrus waarmee ons hierdie week gereis het, het ons opnuut bewus geword hoe daar na die Skirf verwys kan word as ‘n lig in ‘n donker wêreld. Ons kan verseker lig beleef in die tekste van die Bybel. Ons kan God deur die Skrif beleef.

Dink vir ‘n oomblik na oor hoe jy al God in die Skrif beleef het. Dank God vandag daarvoor.

Gebed
Here, ons beleef iets van U deur die Skrif. Vandag wil ons U dank vir verhale en getuienisse wat iets probeer verwoord van hul verstaan van U. Dit bring lig in ons wêreld en is verseker ‘n lamp in ons lewens. Amen.

2 Petrus 1:20-21
“Dít veral moet julle weet: geen profesie in die Skrif kan op grond van eie insig reg uitgelê word nie, want geen profesie is ooit deur die wil van ‘n mens voortgebring nie. Nee, deur die Heilige Gees meegevoer, het mense die woord wat van God kom, verkondig.”

Om oor te gesels en te dink
Hierdie skrywer motiveer dat die ‘profetiese woord’ soos ‘n lamp is wat in ‘n donker plek skyn. Ons kan dit ook verstaan as die Skrif, soos ons dit vandag tot ons beskikking het. En dat die tekste nie net self tot stand gekom het nie. Nee, die skrywer herinner die geloofsgemeenskap dat mense wat probeer getuig het oor God en hul verstaan van God, deur die Heilige Gees geïnspireer is. Die skrywer gaan nog verder en sê dat die uitleg daarvan ook deur die Heilige Gees gelei word.

Ons word uitgenooi om bewustelik om te gaan met die tekste in die Bybel. Bewus te wees van hoe God met mense gewerk het en ook vandag met ons kan werk.

Gebed
Here, ons beleef iets van U deur die Skrif. Die Skrif is soos ‘n lamp wat gedeeltelik lig bring in ‘n donker wêreld. Ons bely dat Jesus die Lig is en self ook geroep word om vanuit ons bewuswording van die LIg te leef. Amen.

2 Petrus 1:19
“En daarom beskik ons oor die profetiese woord, wat nog vaster staan. Julle doen die regte ding as julle daarop fokus, soos op ‘n lamp wat in ‘n donker plek skyn, totdat die dag aanbreek, en die môrester opgaan in julle harte.”

Om oor te gesels en te dink
Petrus deel dat hy ‘n getuie was van Jesus se verheerliking op die berg. Die teks verduidelik waarom hierdie belewenis hom ‘n betroubare getuie maak. Vers 19 word ingelei met ‘daarom’. Daarom, omdat hulle getuies is, beskik hulle oor die profetiese woord. Hy vergelyk die ‘profetiese woord’ met ‘n lamp wat in ‘n donker plek skyn.

Die Ou Testamentiese geskrifte en veral die profete, tot hierdie geloofsgemeenskap se beskiking, was vir hulle soos ‘n lamp wat lig bring. Hoe is die Skrif vandag ‘n lamp vir jou persoonlik, in ‘n donker wêreld?

Gebed
Here, ons ken U en het U innig lief. Ons weet dat U ons ook ken en by die naam geroep het. U gee vir ons U Skrif en Here, ons kan sien waar dit lig bring in ‘n donker wêreld. Amen.

2 Petrus 1:17
“Hy het van God die Vader eer en heerlikheid ontvang toe die Allerhoogste Majesteit gesê het: “Dit is my geliefde Seun oor wie Ek My verheug””

Om oor te gesels en te dink
Hierdie teks vertel van Petrus wat Jesus se verheerliking op die berg beleef het. En ook die stem wat Jesus se identiteit, net soos by sy doop, bevestig. Petrus deel dat hy ‘n oor- en ooggetuie was van Jesus se werk, verheerliking en selfs hierdie woorde wat sy identiteit bevestig. Hierdie belewenis maak hom ‘n betroubare getuie in terme van wat hy met die hoorders van die brief deel. Ons moet ook betroubare getuies kan wees en vanuit ons eie evaring met God deel.

Waar was jy al ‘n oor- of ooggetuie van God se werk? Van God se heerlikiheid? Wat het jy dalk al in die Skrif beleef en kan jy as ‘n getuie daarvan vertel of getuig?

Gebed
Here, help ons om hierdie week te kan getuig van dit wat ons van U beleef . Ons besef opnuut dat ons geroep word om betroubare getuies te wees. Amen.

2 Petrus 1:16
“Ons het ons immers nie op vindingryke fabels verlaat toe ons die kragtige teenwoordigheid van ons Here Jesus Christus aan julle bekend gemaak het nie. Inteendeel, ons was ooggetuies van sy ontsagwekkende grootsheid.””

Om oor te gesels en te dink
Hierdie teks vertel van Petrus as ‘n oog- en oorgetuie van Jesus. Hy het Jesus se lewe op aarde en leer aan die dissipels ervaar, maar ook Jesus se verheerliking op die berg. Hy bevestig dat die Goeie Nuus nie ‘n fabel is nie, omdat hy ‘n goeie oog- en oorgetuie is kan die mense aan wie hy skryf, hom vertrou. Deel van die ‘fabels’ waarna ander mense verwys het, was dat Jesus nie ‘n tweede koms, of te wel, terugkeer sal hê nie. Petrus, soos hier vertel, se oortuiging vloei vanuit ‘n belewenis wat hy gesien en gehoor het.

Waar en hoe het jy die Here hierdie jaar beleef? Word vandag uitgenooi om veral sensitief en ingestel te wees om iets van God hierdie week raak te sien en hoor.

Gebed
Here, help ons om hierdie week op die uitkyk te wees vir waar ons U beleef – ons glo dat U leef en bid, Heilige Gees, dat ons oop sal wees om U raak te sien en ervaar. Amen.

Lukas 17:3-5
“Wees dus self op julle hoede. “As jou broer verkeerd optree, berispe hom; en as hy berou kry, vergewe hom. Selfs as hy sewe maal op ‘n dag verkeerd optree teen jou en sewe maal na jou toe terugkom en sê: ‘Ek is jammer,’ moet jy hom vergewe.” Die apostels sê toe vir die Here: “Gee ons meer geloof.””

Om oor te gesels en te dink
Ons het hierdie week by tekste stil gestaan om ligter te reis en uit dankbaarheid te dink oor ons besittings. Soms reis ons swaar omdat ons sukkel om te vergewe. As gelowiges word ons opgeroep om te vergewe. Jesus sê vir sy dissipels dat daar nie voorwaardes kan wees nie. Die dissipels vra dadelik meer geloof daarvoor. Dit is verseker nie maklik om die pad van vergifnis te stap nie, maar dit is nodig dat ons die proses begin.
As jy swaar dra, bid en vra die Here vir geloof om die pad van vergifnis te stap. Dit lyk vir elkeen van ons anders, maar dit is noodsaaklik dat ons as gelowiges hierdie pad stap. So kan ons ligter leef omdat ons in die Lig leef.

Gebed
Here, ek dra soms onnodig swaar. Help my om te kan vergewe. Help my as my geloof te min is. Ek wil in U Lig bly leef. Amen.

Lukas 19:1-10
“Jesus het in Jerigo gekom en was op pad deur die stad. Daar was ‘n man met die naam Saggeus, die hooftollenaar, ‘n ryk man. Hy het geprobeer om Jesus te sien, maar weens die skare kon hy nie, omdat hy te kort was. Hy hardloop toe vooruit en klim in ‘n wildevyeboom om Jesus te kan sien, want Hy sou daar verbygaan. Toe Jesus by die plek kom, kyk Hy op en sê vir hom: “Saggeus, kom gou af, want Ek moet vandag in jou huis tuis gaan.” Hy het toe gou afgeklim en Jesus met blydskap ontvang. Almal wat dit gesien het, het beswaar gemaak en gesê: “Hy gaan by ‘n sondige man tuis!” Maar Saggeus het opgestaan en vir die Here gesê: “Here, ek gaan die helfte van my goed vir die armes gee, en waar ek iets van iemand afgepers het, gee ek dit vierdubbel terug.” Daarop sê Jesus: “Vandag het daar redding vir hierdie huis gekom; ook hierdie man is ‘n kind van Abraham. Die Seun van die mens het immers gekom om te soek en te red wat verlore is.””

Om oor te gesels en te dink
Jesus ontmoet vir Saggeus terwyl hy net nuuskierig was oor Jesus. Jesus keer sy hele lewe om toe hy Hom met blydskap ontvang. Saggeus besluit om die onreg wat hy as tollenaar gepleeg het, reg te stel. Hy onderneem om te begin weggee. Lukas vertel ons van die positiewe reaksie wat Saggeus op Jesus het. Dit staan in kontras met die ryk jongman van Lukas 18 wat nie kans gesien het om Jesus te volg nie.
Dit bly ’n proses vir ons as volgelinge van Jesus om ook ligter te leef en nie aan besittings vas te klou nie. Dit is nodig dat ons met oop hande en harte leef en help waar ons kan. Wanneer ons in afhanklikheid van Jesus leef, dink ons anders oor wat ons het en deel ons wat ons het met ander.

Gebed
Here Jesus, ek wil U bly volg. Wys my hoe ek meer van U hart kan wys met dit wat ek het. Ek met oper hande leef. Amen.

Lukas 18:18-23
“’n Man van aansien het aan Jesus die vraag gestel: “Goeie Leermeester, wat moet ek doen om die ewige lewe te verkry?” Jesus het geantwoord: “Waarom noem jy My goed? Niemand is goed nie, behalwe God alleen. Jy ken die gebooie: Jy mag nie egbreuk pleeg nie, jy mag nie moord pleeg nie, jy mag nie steel nie, jy mag nie vals getuienis gee nie, eer jou vader en moeder.” Maar hy antwoord: “Al hierdie dinge het ek van my kinderdae af onderhou.” Toe Jesus dit hoor, sê Hy vir hom: “Een ding kom jy nog kort: gaan verkoop alles wat jy het, en deel die geld aan die armes uit. Dan sal jy ‘n skat in die hemel hê. Kom dan terug en volg My.” Toe hy dit hoor, was hy diep teleurgesteld, want hy was baie ryk.”

Om oor te gesels en te dink
Die ryk jongman het gedink dat hy alles reg doen en God nie nodig het nie. Hy was selfgerig. Hy probeer Jesus gebruik tot sy eie voordeel. Tog sê Jesus vir hom om sy besittings te gaan verkoop omdat hy sy besittings die middelpunt van sy lewe gemaak het. Dit was vir hom ’n moeilike opdrag en hy het nie daarvoor kans gesien nie. Hy wou graag aan sy eie dinge nog vashou. Dit is een tipe reaksie. Die prys was vir hom te hoog. Lukas vertel ook van later van Saggeus wat anders reageer het toe Hy Jesus ontmoet het.
Ons mag besittings hê, maar besit dit ons? Ons moet Jesus die fokus en middelpunt van ons lewe hou en nie op ons besittings vertrou, soos hierdie ryk jongman nie. Laat ons met ander deel wat ons het. Jesus vra dat ons Hom sal volg sonder voorwaardes.

Gebed
Here Jesus, ek wil U volg. Ek wil U die middelpunt van my lewe maak. Ek wil nie net aan myself dink nie. Help my om agter U aan te stap. Amen.

Lukas 12:16-21
“Toe vertel Hy hulle ‘n gelykenis: “’n Ryk man se grond het goed gedra. Hy het toe by homself gedink: wat moet ek doen? Ek het nie plek waar ek my oes kan opgaar nie. Toe besluit hy: dit sal ek doen: Ek sal my skure afbreek en groter bou. Daarin sal ek al my graan en my ander goed opgaar. Dan sal ek vir myself sê: ‘Mens, jy het baie goed wat weggesit is vir baie jare. Hou op met werk: eet, drink en leef lekker.’ Maar God het vir hom gesê: ‘Jou dwaas. Vannag nog sal jou lewe van jou opgeëis word, en wie kry dan alles wat jy bymekaargemaak het?’ So gaan dit met hom wat vir homself skatte vergader en nie ryk is by God nie.””

Om oor te gesels en te dink
Jesus vertel ’n gelykenis nadat Hy gesê het ’n mens se lewe is nie afhanklik van die oorvloed van sy besittings nie. Die ryk dwaas is dwaas nie oor sy rykdom nie, maar omdat hy net aan homself dink. Hy dink dis aan homself te danke dat hy bereik het, wat hy bereik het. Sy selfgerigtheid is sy groot struikelblok. Hy het gedink dat hy niemand nodig het nie. Sy dwaasheid is om God nie te erken as die Een wat voorsien nie.
Ons moet eerder by God ryk wees deur in afhanklikheid en gehoorsaamheid aan Hom te leef. Laat ons erken dat God die Gewer van ons lewe is en dat ons nie sonder Hom kan lewe nie.

Gebed
Here God, ek vertrou op U. Ek wil by U ryk wees en nie net aan myself dink nie. Dankie vir alles wat ek van U ontvang. Amen.

Lukas 12:16-21
“Toe vertel Hy hulle ‘n gelykenis: “’n Ryk man se grond het goed gedra. Hy het toe by homself gedink: wat moet ek doen? Ek het nie plek waar ek my oes kan opgaar nie. Toe besluit hy: dit sal ek doen: Ek sal my skure afbreek en groter bou. Daarin sal ek al my graan en my ander goed opgaar. Dan sal ek vir myself sê: ‘Mens, jy het baie goed wat weggesit is vir baie jare. Hou op met werk: eet, drink en leef lekker.’ Maar God het vir hom gesê: ‘Jou dwaas. Vannag nog sal jou lewe van jou opgeëis word, en wie kry dan alles wat jy bymekaargemaak het?’ So gaan dit met hom wat vir homself skatte vergader en nie ryk is by God nie.””

Om oor te gesels en te dink
Jesus vertel ’n gelykenis nadat Hy gesê het ’n mens se lewe is nie afhanklik van die oorvloed van sy besittings nie. Die ryk dwaas is dwaas nie oor sy rykdom nie, maar omdat hy net aan homself dink. Hy dink dis aan homself te danke dat hy bereik het, wat hy bereik het. Sy selfgerigtheid is sy groot struikelblok. Hy het gedink dat hy niemand nodig het nie. Sy dwaasheid is om God nie te erken as die Een wat voorsien nie.
Ons moet eerder by God ryk wees deur in afhanklikheid en gehoorsaamheid aan Hom te leef. Laat ons erken dat God die Gewer van ons lewe is en dat ons nie sonder Hom kan lewe nie.

Gebed
Here God, ek vertrou op U. Ek wil by U ryk wees en nie net aan myself dink nie. Dankie vir alles wat ek van U ontvang. Amen.

Lukas 12:13-15
“Iemand uit die menigte sê toe vir Jesus: “Meneer, sê vir my broer hy moet die erfenis met my deel.” Maar Hy antwoord hom: “Man, wie het My as regter of deler vir julle aangestel?” Toe sê Hy vir hulle: “Pas op en wees op julle hoede vir elke vorm van gierigheid, want ‘n mens se lewe is nie afhanklik van die oorvloed van sy besittings nie.””

Om oor te gesels en te dink
Jesus is besig om wonderwerke te doen en gelykenisse te vertel, toe hy onderbreek word met die vraag dat Hy moet ingryp in ’n twis oor geld. Jesus antwoord dat Hy nie gaan doen wat die man vra nie, maar dat mens moet op pas vir gierigheid. Die mense se liefde vir geld het hulle verblind om te dink dat dit hulle gelukkig sou maak. Jesus sê dan juis dat ons geluk in die lewe nie afhanklik is van ons hoeveelheid besittings nie. Ons mag geld en besittings hê, maar dit kan nie al wees wat ons het nie. Ons bankbalans kan nie ons geluk bepaal nie. Die wêreld om ons wil probeer oortuig dat ons net gelukkig kan wees as ons baie besittings het.
Jesus gee die regte perspektief. Ware geluk is net by Hom te vind. Ons moet in afhanklikheid van God Hom vertrou vir wat ons het en daarmee doen wat Hy van ons vra. Laat ons fokus om in dankbaarheid te leef en op dit wat ons het, as om te fokus op dit wat ons nie het nie of nog nie het nie.

Gebed
Here Jesus, dankie dat U sorg. Ek wil in afhanklikheid van U leef. Ek wil werklik gelukkig wees deur U met my lewe te vertrou. Amen.

Handelinge 17:22-25
“Paulus het toe in die middel van die Areopagus gaan staan en gesê: “Ateners, ek sien dat julle in alle opsigte baie godsdienstig is. Terwyl ek deur julle stad geloop en kyk het na die plekke waar julle aanbid, het ek ook ‘n altaar gekry waarop geskrywe staan: ‘Aan ‘n onbekende god.’ “Nou ja, wat julle aanbid sonder om daarvan kennis te hê, verkondig ek aan julle. God, wat die wêreld met alles wat daarin is, gemaak het, Hý is die Here van hemel en aarde, en Hy woon nie in tempels wat deur mense gemaak is nie. Hy het ook nie nodig dat mense Hom versorg nie. Inteendeel, dit is Hy wat aan almal lewe en asem en alles gee.”

Om oor te gesels en te dink
Paulus praat met die mense in Atene en sê dat hulle afgestomp geraak het om in verwondering te leef. Hulle het God nie raak gesien nie. Hulle het gedink dat hulle sonder Hom kan leef. Tog wys Paulus hulle daarop dat die kuns van die lewe is om in verwondering te leef. Hy is die Here wat hemel en aarde gemaak het en wat vir ons die lewe gee. Hy is die Een deur wie ons lewe en alles ontvang.
Laat ons nie ook in die strik trap om “comfortably numb” te wees en alles om ons mis nie.
Kom ons maak dit ’n gewoonte om in verwondering te leef en alles wat ons raak sien, beter en duideliker te kan sien. Ons kan in dankbaarheid hierdie verwondering ervaar.

Gebed
Here, ek wil altyd in verwondering leef. Laat ek nie mis dat U die Een is wat die Begin en Einde van alles is nie. U is die Een wat lewe gee. Alles wat ek ontvang kom van U af. Amen.

Psalm 34:9
“Kom ondervind en sien self dat die Here goed is! Dit gaan goed met die mens wat by Hom skuil.”

Om oor te gesels en te dink
Ons dink saam na dankbaarheid en die Here se goedheid. Dit gaan nie net oor wat die Here doen nie, maar oor Wie Hy is. Hy is goed.
Elkeen van ons ervaar dit verskillend, maar die Here se goedheid is nie iets wat ons net vir onsself kan hou nie. Dit moet deurvloei na ander mense toe. Soos water wat vloei, moet ons dit deel. Ons kan ook net deel wat ons het. Die Afr2020 vertaal hierdie vers: “Beproef dit en ervaar: Die Here is goed, gelukkig is die mens wat by Hom skuil.” Ons kies om die Here se goedheid te ervaar. Ons kies om by Hom te skuil. Ons kies om Hom te vertrou. Die Here stel nie teleur nie.
Hierdie vers is ook ’n uitnodiging dat ons nie sonder die Here kan leef nie.

• Dalk sukkel jy om die Here te vertrou?
• Dalk ervaar jy nie tans die Here se goedheid nie?
  Kom vra vandag die Here dat jy Sy goedheid opnuut wil beleef.

Gebed
Here, mag ek vandag U goedheid ervaar. Ek kom skuil by U. Ek kom vertrou U vir vandag. Ek het U lief. Amen.

Psalm 23:5-6
“U laat my by ‘n feesmaal aansit, terwyl my teëstanders moet toekyk. U ontvang my soos ‘n eregas, ek word oorlaai met hartlikheid. U goedheid en liefde sal my lewe lank by my bly en ek sal tuis wees in die huis van die Here tot in lengte van dae.”

Om oor te gesels en te dink
God se goedheid is nie net vir eendag nie, maar vir elke dag. Psalm 23 is ‘n psalm vir die lewe. Die Here sorg elke dag vir ons soos ‘n herder. Selfs as dit swaar gaan, is ons nie alleen nie. Hy stap saam met ons. Die Here is ook ons Gasheer. Hy laat ons in Sy goedheid deel. Ons kom tuis in Sy teenwoordigheid. Dit laat ons in verwondering. Ons kan God se goedheid oral om ons raak sien. In ons huise en verhoudings kan ons God se goedheid en liefde ervaar en ook biddend vra dat ons dit sal ervaar. Ons kan met dankbaarheid God se goedheid ervaar en dit ook met ander mense rondom ons deel. Dit is nie iets wat ons net vir onsself moet hou nie.
Ons kan ook uitsien om tuis te saam met die Here tot in lengte van dae.

• Met wie kan jy vandag God se goedheid deel?
• Waarvoor is jy vandag dankbaar?

Gebed
Here, baie dankie vir U goedheid en guns. Ek verdien dit nie. Mag ek vandag U goedheid met iemand deel. Amen.

Psalm 8
“Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring.
As ek u hemel aanskou, die werk van u vingers, die maan en die sterre waaraan U ‘n plek gegee het, wat is die mens dan dat U aan hom dink, die mensekind dat U na hom omsien? U het hom net ‘n bietjie minder as ‘n hemelse wese gemaak en hom met aansien en eer gekroon, U laat hom heers oor die werk van u hande, U het alles aan hom onderwerp: skape en beeste, alles; selfs die diere in die veld, die voëls in die lug, en die visse in die see wat die oseane deurkruis. Here, ons Here, hoe wonderbaar is u Naam oor die hele aarde!”
‭
Om oor te gesels en te dink
Hierdie Psalm help ons om te fokus op die skepping en wat ons elke dag om ons raak sien. Ons word herinner om die mooi raak te sien en dat God alles goed gemaak het. Ons kan onsself verwonder oor al die mooi dinge. Dis ’n keuse om dit raak te sien en God daarvoor te prys.
Verwonderde mense is dankbare mense. Wanneer ons dankbaar leef, sien ons die klein wonderwerke om ons raak. Die sonsopkoms, blomme wat oopgaan, voëls wat kwetter en so veel meer wys vir ons God is teenwoordig by ons.

• Sien die mooi om jou raak.
• Sê vir die Here dankie vir Sy mooi skepping.

Gebed
Here, dankie dat ek in verwondering oor U kan wees. Dankie vir alles wat U geskep het. Ek wil vandag daarop fokus om dankbaar te wees. Amen.

Eksodus‬ ‭33‬:‭18‬-‭19‬
“Moses sê toe: “Toon asseblief u heerlikheid aan my.” Maar Hy het geantwoord: “Ek sal al my goedheid reg voor jou laat verbygaan, en Ek self sal die Naam ‘die Here’ uitroep. Ek is genadig oor wie Ek genadig wil wees, en Ek ontferm My oor wie Ek My wil ontferm.”“ (Afr2020)
‭‭
Om oor te gesels en te dink
Moses is in gesprek met God en vra om Sy heerlikheid te sien. Moses wou graag meer van God sien en daarom vra hy dit. God antwoord dat Hy vir hom eerder Sy goedheid (Hebreeuse tov) sal wys. God wys vir Moses wie Hy is, eerder as hoe Hy lyk. God is goed en Hy wys dit vir Moses. Hy beleef genade in daardie groot oomblik. Die Here laat hom in ‘n rotskeur staan toe Hy in sy heerlikheid verby gekom het.
Ons beleef elke dag God se goedheid. Nie omdat ons Hom kan sien nie, maar oor wie Hy is. Hy is goed. Hy is die groot “Ek is wat Ek is” (Eks 3:14) wat met Moses en met ons elkeeen bemoeienis maak. Sien dit vandag raak.

Gebed
Here God, mag ek vandag U goedheid beleef en raak sien. Ek wil dit nie as vanselfsprekend aanvaar nie. Dankie vir U genade vir my. Amen.

Genesis 1:3-4
“Toe het God gesê: “Laat daar lig wees!” En daar was lig. God het gesien die lig is goed, en Hy het die lig en die donker van mekaar geskei.”

Om oor te gesels en te dink
Ons sien in Genesis 1 dat God skep en dat dit goed is. Die Hebreeuse woord vir “goed” is “tov” en kom meer as 700 keer in die Bybel voor. God skep wat goed is. Ons mis soms om die goedheid van God raak te sien. Ons mis die verwondering om God se skepping raak te sien. Wanneer ons besef dat wat God skep goed is, kan ons op die goeie fokus.
Dit vra van ons ’n keuse om eerder op die mooi en goeie te fokus, as op die negatiewe. Om dankbaar te leef, beteken ook dat in verwondering sal leef. Dankbaarheid is verwondering en verwondering is dankbaarheid.

• Sien ek en jy nog nie mooi om ons raak?
• Waarmee vul ons ons gedagtes?
• Raak vir ’n oomblik stil en sien iets moois raak. Vra die Here om jou bewus te maak van die mooi en goed vandag.

Gebed
Here God, wat U geskep het is goed. Ek wil vandag die goeie raak sien. Help my om in verwondering te leef. Ek wil U vandag in die goeie raak sien. Amen.

Jona 4:2
2Hy het tot die Here gebid en gesê: “Ag, Here, ek het dit geweet toe ek nog in my land was. Daarom het ek reg in die begin na Tarsis toe gevlug. Ek het geweet U is ‘n genadige en barmhartige God, lankmoedig en vol liefde. U sien maklik af van die straf wat U aangekondig het.

VRAE:

• Jona se houding as mens is nie as gevolg van ‘n onsekerheid oor wie God is nie. Hy is heeltemal vertroud met wie God in wese is. As jy luister na hierdie vers, weet Jona baie goed wie die God is, met wie hy in verhouding is. Die wonder en prag van die vers is dat Jona genoeg vrymoedigheid het, om by hierdie God homself te wees. Hy is nie besig om voor te gee, of God te probeer om die bos te lei nie.
• God werk ook sagkens met Jona. God gebruik die natuur, vrae en metafore om met Jona te werk en sy hart aan te spreek. God is self met ons tekortkominge op ‘n sagte en liefde volle manier besig. Hoe help God vir Jona om sy hart en denke te skuif sodat hy nader is aan God se wil? Hoe vergelyk dit met maniere waarop God al met jou gewerk het? Hoe het God die natuur, vrae en metafore gebruik om jou bewus te maak van areas waar jy steeds kan of moet groei?
  -Wat sou gebeur as jy vir God net so goed geken het, soos wat Jona hom ken? Sou jy so eerlik met God kon wees? Sou jy vir God so intens kon vertrou dat Hy nie vir jou kwaad sou toewens nie? Hoe sou jou verhouding met God tans beter kon lyk, gebaseer op hoe goed jy vir God ken? Hoe kan jy vir God beter leer ken?
• Hoe leef jy saam met mense wat ook steeds moet groei in hulle eie menswees? Hoe help jy hulle om meer van God se hart te ontdek en dit te begin uitleef? Hoe hanteer julle situasies waar julle uitgedaag word om te groei maar julle eie swakste eienskappe julle versoek om die pad byster te word? Hoe herstel julle die verhouding?

Gebed:
Here, ek wil U dank vir die buitengewone hoeveelheid liefde en genade wat ek van U ontvang. Here, kan U my help om dieselfde tipe genade vir ander wat saam met my op reis is te gee. Here, help my om nooit te vergeet wie U is nie. Here, help my om nader aan U karakter te leef en dit ook vir ander te gun.
Amen

Jona 4:11
11Maar Ek mag nie besorg wees oor die groot stad Nineve nie, ‘n stad waarin daar meer as honderd en twintig duisend mense is wat nie weet wat reg of verkeerd is nie, en ook nog baie diere?”

VRAE:

• Jona se verhaal eindig waar God vir Jona uitwys wie Hy weereens is. God is die een wat mens en dier geskep het. Hy is die een wat vir hulle buitengewoon lief het, selfs wanneer hulle nie perfek is nie. God is die een wat altyd genade wil gee sodat die verhouding met hom weer herstel kan word. God se hart is nie dat enige een verlore moet gaan of van Hom vervreem moet wees nie.
• Indien jy God se voorbeeld sou volg, waar in jou lewe, is daar verhoudings wat God se liefde, barmhartigheid en genade benodig? Waar sou God jou uitnooi om mense te vergewe, hulle nie meer te oordeel nie, meer verdraagsaam te wees en met liefde hulle te hanteer?
• ‘n Natuurlike uitvloeisel van alles wat ons ontvang is dankbaarheid. Op watter maniere kan jy uit dankbaarheid, met ander deel wat jy self ontvang het? Hoe kan jy dankbaarheid beoefen, op so ‘n manier dat ander mense ook kan deelneem daaraan? Hoe spoor jou dankbaarheid ander aan om God se liefde, genade en barmhartigheid te kan beleef?
• Hoe kan dankbaarheid jou help om die Goeie Nuus van die evangelie met ander te deel? Sou ander mense God wil dien en eer, omdat hulle sien hoe dankbaar jy is vir die liefde en genade wat jy by God beleef? Deel jou hart met die Here.

Gebed:
Here, dankie vir U eindelose liefde en barmhartigheid. Dankie dat U vir ons so oorvloedig seën met versorging, beskerming en genade. Dankie dat U ons in staat stel om ook ander te kan seën omdat ons weet hoeveel ons het om voor dankbaar te kan wees. Here, mag ons op die probleme van die wêreld, die verhoudings in my lewe en my eie tekortkominge met liefde en genade reageer.
Amen

Jona 4:10-11
10Die Here het vir Jona gesê: “Jy is besorg oor die komkommerplant waarvoor jy nie gewerk het nie en wat jy nie versorg het nie. Dit het oornag opgekom en oornag is dit dood. 11Maar Ek mag nie besorg wees oor die groot stad Nineve nie, ‘n stad waarin daar meer as honderd en twintig duisend mense is wat nie weet wat reg of verkeerd is nie, en ook nog baie diere?”

VRAE:

• Uit Jona se verhaal leer ons nie veel van sy vriende, sy ondersteuningsnetwerk of sy Geloofsgemeenskap nie. Regdeur die verhaal is Jona ‘n enkelling op sy eie reis sonder mense wat die pad saam met hom stap. In Jona 1 van die 1983 vertaling identifiseer Jona homself as ‘n Hebreër wat die Here dien, maar hy brei nie uit op sy mense nie. Die teks noem dit nie, maar ek glo dat Jona so sig verloor het van wat werklik saakmaak in die lewe, en vir die Here, omdat hy nie behoorlik ingeburger is in ‘n Geloofsgemeenskap wat hom ondersteun, aanmoedig maar ook verantwoordelik hou vir sy geloofsreis nie.
• Hoe help die mense in jou lewe om te fokus op dit wat belangrik is? Hoe help hulle jou om dit te doen? Hoe hou hulle jou verantwoordelik wanneer jy sig verloor van dit wat werklik belangrik is? Hoe is hulle oortuigings, waardes en optredes in lyn met dié van die Here?
• Wie in jou lewe is besig om die Here se hart heelhartig na te jaag? Hoe kan jy dit sien uit hulle voorbeeld? Hoe praat hulle daaroor? Hoe nooi hulle jou in, om ook die hart van die Here na te jaag?
• Waarom is dit moontlik om sig te verloor van dit wat belangrik is wanneer jy geïsoleer is en op jou eie gedagtes en gevoelens moet staatmaak? Hoe sou ‘n gesonde Geloofsgemeenskap vir Jona gehelp het om te sien hoe dit wat vir hom belangrik is, nie in lyn is met dit wat vir God belangrik is nie? Hoe sou jy vir Jona gehelp het as jy langs hom onder die Komkommerplant gesit het?

GEBED:
Here, ons bid vir harte wat U hart sal weerspieël. Ek sê ons, want ek weet ek het ‘n Geloofsfamilie nodig wat my hiermee help. Here, help my om mense in my lewe toe te laat wat my help, aanmoedig, uitdaag en verantwoordelik hou om daagliks meer van U te ontdek en uit te leef. Here, gee asb. vir my mense om my, wat my wys wat vir U belangrik is. Here, gee my asb. mense wat vir my genoeg omgee om my nie te los soos ek tans is nie.
Amen

Jona 4:9-11
_ 9Toe vra God vir Jona: “Het jy rede om kwaad te word oor die komkommerplant?” en Jona antwoord: “Ek het rede genoeg: ek is besig om te sterf!” 10Die Here het vir Jona gesê: “Jy is besorg oor die komkommerplant waarvoor jy nie gewerk het nie en wat jy nie versorg het nie. Dit het oornag opgekom en oornag is dit dood. 11Maar Ek mag nie besorg wees oor die groot stad Nineve nie, ‘n stad waarin daar meer as honderd en twintig duisend mense is wat nie weet wat reg of verkeerd is nie, en ook nog baie diere?”_

VRAE:

• Die verhaal van Jona loop tot ‘n hoogtepunt waarin ons ontdek waar God se hart lê. God se hart is by mense (en selfs die diere) wat Hy geskep het. God ken hulle elkeen by die naam. God het elkeen van hulle geskep en vir hulle omgegee. God het daarna verlang om in verhouding met elkeen te wees. God het groot vreugde beleef toe die hele stad van Nineve hulle bekeer en wegdraai van hulle sondige lewens.
• Soms loop mense rond met ‘n groot gat in hulle hart. Hierdie gat kan slegs deur God gevul word. Ken jy mense wat met so ‘n hqrt rondloop? Wat laat jou dink dat hierdie persoon ‘n gat in hulle hart het wat slegs deur God gevul kan word? Hoe bewys jy liefde aan hierdie mense?
• Hoe kan Jona se ervaring ons aanmoedig om God se liefde en genade aan alle mense en diere te bewys? Hoe lyk dit prakties in die wêreld waarin jy leef?
• Wat dink jy is God se droom vir mense wat tans nog nie vir God so goed ken nie? Waarom sou God hulle ook liefde wil bewys en genade gee? Hoe kan jy deel wees van die manier waarop God vir hierdie mense liefde bewys?

GEBED:
Here, help my om die waarde van elke siel raak te sien. Here, help my asb. om u boodskap aan elkeen te bring wat nog nie in ‘n lewende verhouding met God is nie. Here, help my veral om die mense raak te sien wat U die meeste nodig het. Here, help my dat ek nie in die pad staan van mense wat U liefde en genade benodig nie.
Amen

Jona 4:5-8
5Jona is toe uit die stad uit. Hy het oos van die stad gaan sit en vir hom ‘n skerm gebou. Hy het daaronder in die skaduwee gaan sit om te sien wat in die stad gebeur. 6Toe laat die Here God ‘n komkommerplant opkom, en dit het bo-oor Jona gerank om skaduwee te gee vir sy kop en om hom van sy misnoeë te bevry. Jona was baie bly oor die komkommerplant. 7Die volgende môre met dagbreek laat God toe ‘n wurm kom, en dit het aan die komkommerplant gevreet, sodat dit verdroog het. 8Toe die son opkom, het God ‘n skroeiende sterk wind uit die ooste laat waai. Die son het vir Jona op sy kop gesteek, en hy het baie swak geword en gewens om maar liewer te sterf. Hy het gesê: “Dit is vir my beter om te sterf as om te lewe.”

VRAE:

• Jona is besig om sy ongelukkigheid met die Here te beklemtoon. Hy is kwaad vir God, omdat hy God so goed ken. Hy weet God is ‘n God wat barmhartig is, liefdevol, vinnig om te vergewe en ryk in genade. Jona se probleem daarmee, is dat dit vir mense gegun word waarvan hy nie hou nie. God gebruik die komkommerplant om vir Jona te probeer verduidelik waarom God ook vir die stad van Nineve omgee.
• Hoe reageer jy wanneer iemand iets wegneem van jou, wat vir jou baie kosbaar is? God verduidelik vir Jona dat sy hartseer en woede oor die plant, dieselfde sou wees as God se hartseer en woede oor ‘n groot stad vol mense en diere wat verlore sou gaan as gevolg van hulle eie sondes. Die feit dat hulle opreg berou het, gee God vreugde. Dit is vir God goed om die mense te kan vergewe.
• Wat kan ons by Jona leer oor die verbygaande natuur van dinge wat vir ons gemak gee? Is daar enige iets in jou lewe wat jou gemak gee of jou lewe makliker maak, waaroor jy ook baie hartseer of kwaad sou word, indien dit weggeneem word uit jou lewe? Wat kan jy daaroor leer?
• Hoe kan jy jou fokus skuif vanaf dinge wat tydelik is en net in die kort termyn vir jou vrede en vreugde gee? Hoe kan jy begin fokus op dit wat lang termyn vir die Here saak maak?

GEBED:
Here, help ons om rustigheid en vrede in U teenwoordigheid te vind. Here, help my om op U te fokus. Here, help my om te begin omgee waaroor U omgee. Here, help my om nie net op my eie gemak en vreugde te vind nie. Here, help my om meer om te gee oor mense, hulle verhouding met U en die genade wat hulle ook benodig. Here, mag my hart gefokus wees op dit wat die meeste vir U saak maak.
Amen

Jona 3:10-4:2
10Toe God sien wat hulle doen, en hoe hulle hulle bekeer van hulle verkeerde dade, het Hy afgesien van die ramp wat Hy gesê het Hy oor hulle sal bring. Hy het nie die ramp gestuur nie. 1Hieroor was Jona baie ontevrede en hy het baie kwaad geword. 2Hy het tot die Here gebid en gesê: “Ag, Here, ek het dit geweet toe ek nog in my land was. Daarom het ek reg in die begin na Tarsis toe gevlug. Ek het geweet U is ‘n genadige en barmhartige God, lankmoedig en vol liefde. U sien maklik af van die straf wat U aangekondig het.

VRAE:

• Jona het uiteindelik ingestem om God se boodskap van verlossing en genade aan die mense van Nineve oor te dra. Jona is suksesvol. Die hele stad is oortuig dat hulle verkeerd gedoen het en nou hulle sondes aan God moet bely. Hulle draai weg van hulle ou lewe en kies om die Here te dien. Vir enige profeet wat passievol is oor sy werk, sou mens dink Jona moet besonders gelukkig wees. Nie Jona nie. Jona is baie ongelukkig. Ons vind nou uiteindelik uit waarom Jona nie vir Nineve wou gaan verkondig nie. Want hy het God geken en geweet dat God die mense van Nineve sal verlos as hulle opreg berou het oor hulle sondes. Jona gun nie God se vryspraak, barmhartigheid, liefde of genade vir hierdie heidense nasie nie.
• Het jy al ooit daarmee gesukkel dat God barmhartigheid en liefde vir ander gee? Dalk veral mense wie jy nie sou dink waardig is van God se liefde en barmhartigheid of genade nie? Deel jou hart met die Here.
• Hoe wys Jona se vooroordele ons eie vooroordele uit? Was jy al kwaad vir God wanneer Hy iemand vryspreek, seën of geluk laat beleef? Wat maak jy met daardie gevoelens? Steek jy dit weg of deel jy dit soos Jona met die Here?
• Hoe kan jy ‘n hart begin kweek wat feesvier wanneer ander mense God se liefde en barmhartigheid beleef? Wat het jy van God nodig om jou daarmee te help?

Gebed:
Here, my genadige en barmhartige God, lankmoedig en vol van liefde. Dankie dat U my, ‘n sondaar, ‘n eg menslike mens genade betoon, liefde gee en barmhartig teenoor my optree. Here, help my om meer soos U te wil leef. Here, help my asb. om veral vir mense wat ek nie van hou nie, dit nie wil gun nie, en nie wil verdra nie eerste begin om liefde te bewys en genade te betoon. Here, help my vandag om spesifiek vir hulle guns toe te bid.
Amen

Lukas 15:31-32
“Toe sê die pa vir hom: Kind, jy is altyd by my, en alles wat ek het, is ook joune. Maar ons kan tog nie anders as om fees te vier en bly te wees nie, want hierdie broer van jou was dood, en hy lewe weer; hy was verlore, en ons het hom teruggekry.”

Om oor te gesels en te dink
Ons ken Lukas 15 as die verhaal van die verlore seun(s). ‘n Meer gepaste beskrywing sou die verhaal van die liedevolle Vader. Die pa neem die inisiatief in beide die twee seuns se lewens. Hy is die een wat hulle terug verwelkom en herinner dat hulle steeds sy kinders is.
Die Vader se liefde vir ons laat Hom ook heeltyd na ons toe uitreik. Hy verseker ons van Sy liefde en genade. Al was ons soos die jongste wat alles gemors het of soos die oudste wat voel ons verdien iets, is die Vader se genade vir ons meer as genoeg.

• Deel jy hierdie Vaderhart van God?
• Is jy ook bly dat ander mense God se genade ervaar?

Bid vandag vir iemand wat ook God se genade nodig het.

Gebed
Vader, dankie dat U altyd bly soek. Dankie dat U my aanvaar en oor my ook fees vier. Ek bid vandag ook vir…
Amen.

Lukas 15:25-30
“Sy oudste seun was nog in die veld. Toe hy terugkom en naby die huis was, hoor hy die musiek en die singery. Hy roep toe een van die bediendes nader en vra hom wat aan die gang is. Die bediende antwoord: ‘U broer het gekom, en u pa het die vetgemaakte kalf geslag omdat hy hom behoue en gesond teruggekry het.’ “Toe het die oudste seun kwaad geword en hy wou nie in die huis ingaan nie. Sy pa gaan toe uit en praat mooi met hom; maar hy antwoord: ‘Kyk, al die jare werk ek soos ‘n slaaf vir Pa. Nog nooit het ek ‘n opdrag van Pa verontagsaam nie, en vir my het Pa nog nooit eers ‘n bokkie gegee sodat ek saam met my vriende kan feesvier nie. Maar nou dat hierdie seun van Pa, wat Pa se goed met prostitute deurgebring het, terugkom, het Pa vir hom die vetgemaakte kalf geslag!’

Om oor te gesels en te dink
Die oudste seun was eintlik ook verlore gewees. Sommiges noem hierdie die gelykenis van die twee verlore seuns.
Hy was kwaad. Hy voel dat sy pa onregverdig optree om die jongste broer, wat hy nie sy broer wil noem nie, terug te verwelkom.
Die oudste voel dat hy meer verdien omdat hy alles nog altyd reg gedoen het. Hy voel selfvergenoegd en self voldaan. Hy verkwalik sy pa.
Hierdie oudste seun wys vir ons die gesindheid van die Fariseërs uit. Hulle het gedink hulle doen alles reg, maar het die punt van genade gemis. Ons is soms nie veel anders nie. Ons wil aandring op wat die Here vir ons moet doen. Ons laat nie ruimte dat God se genade anders werk nie, veral nie aan mense wat ons dink dit nie verdien nie.
Ons moet onsself gereeld ondersoek dat ons nie soos die oudste broer is wat op alles wil aanspraak maak en self die punt mis nie.
Die pa het deernis met die oudste seun en verwelkom hom ook. Ons is ook altyd welkom by die Vader.

Gebed
Vader, soms is ek soos die oudste broer wat voel alles is onregverdig. Ons verstaan nie genade nie. Dankie dat U genade steeds vir my ook genoeg is. Amen.

Lukas 15:20-24
“Toe hy nog ver aankom, het sy pa hom al gesien en hom innig jammer gekry. Hy hardloop hom tegemoet, omhels hom en soen hom.Toe sê die seun vir hom: ‘Pa, ek het teen God en teen Pa gesondig. Ek is nie meer werd om Pa se seun genoem te word nie.’Maar sy pa roep sy werksmense: ‘Maak gou! Bring klere, die beste, en trek dit vir hom aan; sit vir hom ’n ring aan sy vinger en trek vir hom skoene aan!En bring die vetgemaakte kalf, slag hom, en laat ons eet en feesvier!Hierdie seun van my was dood, en hy lewe weer; hy was verlore, en ek het hom teruggekry.’ Toe het hulle begin feesvier.

Om oor te gesels en te dink
Ons sien hoe die pa wag en kyk of sy seun nie dalk terugkom nie. Hy het besef dat sy seun sy eie wil gevolg het en keuses gemaak het. Maar hy was gereed vir die dag wat hy sou terugkom.
God se liefde vir ons verander nooit nie. Die Vader wag voortdurend vir ons. Hy soek na ons en gereed om ons te ontvang. Hy dwing ons nie om vir Hom te kies nie. Hy wag geduldig.
Die pa se soen van die seun wys dat hy hom ten volle vergewe en dat hy welkom is. So vergewe die Vader ons elkeen. Hy kan nie wag om saam met ons fees te vier nie.

Gebed
Vader, dankie dat U altyd soek en wag. Dankie dat U genade so groot en onbeskryflik is. Dankie dat ek altyd welkom by U is. Amen.

Lukas 15:17-19
“Toe kom hy tot inkeer en sê: ‘My pa het wie weet hoeveel dagloners, en hulle het almal oorgenoeg kos, en hier vergaan ek van die honger. Ek sal dadelik na my pa toe teruggaan en vir hom sê: Pa, ek het teen God en teen Pa gesondig! Ek is nie meer werd om Pa se seun genoem te word nie. Behandel my soos een van Pa se dagloners.’

Om oor te gesels en te dink
Die jongste verlore seun kom tot inkeer. Hy wil na sy pa toe teruggaan. Hy wil vergifnis gaan vra vir wat hy teen sy pa gedoen het. Hy wil graag weer deel word van sy pa se huishouding, al sou hy nie as seun behandel word nie. Die belangrikste is dat hy wel gereageer het, toe hy besef het hy op sy einde is.
Ons is party maal soos die verlore seun en wil nie teruggaan na die Vader toe nie. Ons dink verskonings uit oor hoekom ons nie welkom is nie. Ons mis die geleentheid om weer in die Vader se teenwoordigheid te wees. Dit is net genade om tot die punt te kom om terug te keer en te weet dat die Vader ons sal aanvaar. Ons weet wat die Vader doen. Ons weet wie Hy is. Laat ons nie huiwer om terug te gaan na Hom toe nie. Hy wag vir ons.

Gebed
Vader, ek voel soms soos die verlore seun wat alles opgemors het. Ek voel U kan nie vir my lief wees nie. Help my om te weet dat U altyd vir my wag en ek welkom is. Amen.

Lukas 15:11-13
“Verder het Jesus gesê: “Daar was ‘n man wat twee seuns gehad het. Die jongste het vir sy pa gesê: ‘Pa, gee my die deel van die besittings wat my toekom.’ Hy het toe die goed tussen hulle verdeel. “Nie lank daarna nie het die jongste seun alles tot geld gemaak en van die ouerhuis af na ‘n ver land toe vertrek. Daar het hy sy geld verkwis deur losbandig te lewe.”

Om oor te gesels en te dink
Die bekende verhaal van die verlore seun herinner waar die fokus van die jongste seun was. Hy het ’n lewe van onvergenoegdheid geleef en wou net meer en meer gehad het. Hy het gefokus op wat hy nie gehad het nie. Hy sien nie raak wat hy wel het nie. Sy pa laat hom toe om te gaan. Hy besef later dat dit die verkeerde keuse was en keer toe terug. Teen alle verwagting ontvang sy pa hom terug.
Ons kan ook maklik onvergenoegd en ontevrede raak as ons fokus op wat ons nie het nie of nog nie het nie, dan mis ons die vreugde van die lewe.
Kom ons wees vandag dankbaar oor dit wat wel het. Sê vir die Here dankie vir die lewe vandag. Sê vir die Here dankie dat jy genoeg is en het.

Gebed
Here, dankie, dankie. U gee altyd meer as wat ek raak sien. Help my om U in alles raak te sien en daarvoor dankbaar te wees. Amen.

Lukas 12:22-26
“Verder het Jesus vir sy dissipels gesê: “Daarom sê Ek vir julle: Moet julle nie bekommer oor julle lewe, oor wat julle moet eet nie, of oor julle liggaam, oor wat julle moet aantrek nie. Die lewe is tog belangriker as kos en die liggaam as klere. Kyk na die kraaie: hulle saai nie en oes nie; hulle het geen spens of skuur nie, maar God sorg vir hulle. Julle is tog baie meer werd as voëls. Trouens, wie van julle kan deur hom te bekommer sy lewe met een uur verleng? As julle nie eens so ‘n klein dingetjie kan regkry nie, waarom bekommer julle julle oor die ander dinge?”

Om oor te gesels en te dink
Jesus herinner ons opnuut op Hom te vertrou. Aan die begin van die week kan jy dalk bekommerd voel en wonder wat die week vir jou voorlê? Hier is ’n uitnodiging om jou bekommernis vir die Here te gee. Ons word vinnig ingetrek oor alles wat ons nie het nie en mis dat die Here vir ons sorg. Soos God vir die voëls sorg, sorg Hy ook vir ons. Inteendeel, ons is selfs belangriker as die voëls. Ons kan Hom vertrou dat Hy vir ons altyd sal bly sorg. Dit mag dalk nie wees soos ons dit nou wil hê nie, maar God bly getrou.
Om ons heeltyd te bekommer oor dinge wat ons nie kan verander nie, help ons nie. Dit maak ons net onrustig. Laat ons fokus op dit wat die Here reeds vir ons gee en sorg.

Gebed
Here, dankie dat U sorg! Dankie vir genoeg! Help my om my nie onnodig te bekommer nie. Ek vertrou U vir vandag. Amen.

Lukas 13:6-9
““Die slaaf kom toe terug en vertel dit alles aan sy eienaar. Toe word die man kwaad en sê vir sy slaaf: ‘Gaan uit na die strate en gangetjies van die stad en bring die armes en kreupeles en blindes en verlamdes hierheen.’ Later kom die slaaf sê: ‘Meneer, u opdrag is uitgevoer, en daar is nog plek.’ Toe sê die man vir die slaaf: ‘Gaan uit na die paaie en lanings en dring by hulle daarop aan om in te kom, sodat my huis vol kan word.”

Om oor te gesels en te dink
Jesus vertel ‘n gelykenis om te wys dat daar altyd nog plek is in die koninkryk. Mense maak verskoning hoekom hulle nie na die feesmaal kan kom nie. Dit sit die gasheer nie af nie. Hy bly nooi, selfs die mense wat mens nie gewoonlik nooi nie. Daar is altyd plek. Jesus nooi ons ook na die feesmaal. Daar is meer as genoeg plek. Ons sien dat ‘n verleentheid ‘n geleentheid word om meer mense in te nooi. Ek en jy is welkom by God se groot feesmaal. Hy nooi so veel as moontlik om deel daarvan te wees. Jesus veroordeel nie. Hy wil genade uitdeel en ons deel maak van die feesmaal.
Kom ons hou aan om mense te nooi en deel van die feesmaal te maak.

Gebed
Here, dankie dat U genade altyd genoeg is. Ek sien daarna uit om die feesmaal saam met U te geniet. Amen.

Lukas 13:6-9
“Daarna het Hy hierdie gelykenis vertel: “’n Man het ‘n vyeboom gehad wat in sy wingerd geplant was. Toe hy vrugte daaraan kom soek maar niks kry nie, sê hy vir die tuinier: ‘Kyk, dis nou drie jaar dat ek aan hierdie vyeboom vrugte kom soek, en ek kry niks nie. Kap hom uit! Waarom moet hy langer die grond uitput?’ Maar die tuinier antwoord: Meneer, laat hom nog hierdie jaar staan. Ek sal die grond rondom hom omspit en bemes. Miskien sal hy dan volgende jaar vrugte dra. Maar so nie, kan u hom uitkap.””

Om oor te gesels en te dink
Jesus vertel ‘n gelykenis van die onvrugbare vyeboom om vir ons te wys dat daar altyd nog genade is. Die tuinier neem verantwoordelikheid om toe te sien dat die vyeboom vrug sal dra deur ekstra moeite te doen. Die tuinier gee om wat met die vyeboom gebeur. So gee Jesus ook oor elkeen van ons om. Daar is altyd nog ‘n kans vir genade. Jesus is in ons lewens betrokke om ons te laat groei en vrug te dra. Selfs as ons daarmee sukkel, los Jesus ons nie uit nie.

• Het jy vandag genade nodig?
• Het jy genade vir iemand anders nodig?
• Het jy genade met jouself nodig?

Gebed
Here Jesus, dankie dat U genade nooit ophou nie. Dankie dat U altyd weer probeer. Mag ek vandag U genade opnuut weer vir ander en myself ervaar. Amen.

Johannes 21:15-17
“Toe hulle klaar geëet het, vra Jesus vir Simon Petrus: “Simon seun van Johannes, het jy My baie lief, meer as hulle hier?”
“Ja, Here,” antwoord hy Hom, “U weet dat ek U liefhet.”
Hy sê toe vir hom: “Laat my lammers wei.” Jesus vra hom weer ‘n tweede keer: “Simon seun van Johannes, het jy My baie lief?”
“Ja, Here,” antwoord hy Hom, “U weet dat ek U liefhet.” Hy sê toe vir hom: “Pas my skape op.”
Jesus vra hom die derde keer: “Simon seun van Johannes, het jy My lief?” Petrus het bedroef geword omdat Jesus hom die derde keer gevra het: “Het jy My lief?”, en hy antwoord Hom: “Here, U weet alles. U weet dat ek U liefhet.” Hy sê toe vir hom: “Laat my skape wei.”

Om oor te gesels en te dink
Jesus deel heeltyd genade en liefde uit. Hy wil nie heeltyd oordeel en veroordeel nie. Ons sien dat Jesus met Petrus ook ‘n pad van liefde stap. Nadat Petrus Jesus drie keer verloën het, vra Jesus hom drie keer of hy Hom lief het. Petrus antwoord eers maklik, maar besef dat Jesus meer vra. Hy besef Jesus deel genade uit. Hy gee Petrus nog ‘n kans, al is dit die soveelste kans.
Ons kan by Jesus leer om ook genade uit te deel, selfs al het ons die volste reg om kwaad te wees. Ons moet mense nog ‘n kans gee.

• Vir wie moet jy vandag genade en liefde wys?
• Sien jy kans om ‘n klein tree te gee om vir daardie persoon Jesus se liefde te wys.

Gebed
Here Jesus, ek het U lief. Dankie dat U my altyd nog ‘n kans gee. Mag ek vandag vir iemand ook nog ‘n kans gee en U liefde deel. Amen.

Lukas 9:54-55
“Toe die twee dissipels, Jakobus en Johannes, dit sien, sê hulle: “Here, wil U hê ons moet vuur uit die hemel afroep om hulle te verteer?” Maar Hy het omgedraai en hulle skerp tereggewys.”

Om oor te gesels en te dink
Jesus kies die pad van genade. Hy wys Jakobus en Johannes tereg. Hulle wil vuur af bid om die mense te verteer omdat hulle nie reg op tree nie. Jesus kies om eerder die Samaritane in te nooi in Sy koninkryk in. Daar is plek vir almal.
Ons moet by Jesus leer om eerder die pad van liefde en genade te stap. Ons kan nie onsself regverdig omdat ons dink ons is reg en ander is verkeerd en daarom moet God ander straf nie. Nee, Jesus bring nie vuur wat oordeel nie, maar vuur wat warm maak. Hy is as’t ware soos ‘n brandweerman wat met water die vuur van oordeel blus, sodat ons God se warm liefdeshart van genade kan ervaar.
Ons hoef nie bang vir God se oordeel te wees nie. Jesus kom wys vir God se hart van genade en wys ins tereg om nie heeltyd ander te wil oordeel nie.

Gebed
Here Jesus, ek is jammer as ek vinnig en maklik oordeel. Help my om U genade te ervaar en te deel vandag. Amen.

Lukas 9:54
Toe die twee dissipels, Jakobus en Johannes, dit sien, sê hulle: “Here, wil U hê ons moet vuur uit die hemel afroep om hulle te verteer?”

Om oor te gesels en te dink
Jesus is in Samaria waar Hy nie vriendelik ontvang word nie. Dadelik is Jakobus en Johannes, kwaad. Markus 3:17 vertel ons van hierdie twee broers wat die bynaam Boanerges (manne van die donder) gehad het. Hulle wil vergeld en die mense uitsorteer.
Ons kan ook hiermee identifiseer. Ons sukkel met ons eie woede en wil dan die Here vra om dit vir ons met vuur uit te sorteer. Of ons wil soms die vuur en oordeel oor mense afbid soos wat Elia in 2 Konings 1 gedoen het.
Jesus kies om dit nie te doen nie en Hy spreek hulle daaroor aan. Ons moet ook ons woede ook voor Jesus neerlê. Ons mag voel dat dit wat ons dink reg is, maar dis nie altyd die regte ding nie.
Deel met die Here wat in jou hart leef.

Gebed
Here, party maal wil ek ook net vuur op mense afbid. Help my om eerder in liefde te reageer en dien. Amen.

Lukas 9:51-53
“Toe die tyd nader kom dat Jesus in die hemel opgeneem sou word, het Hy vasbeslote die reis na Jerusalem begin en boodskappers voor Hom uit gestuur. Hulle het vertrek en in ’n dorp van die Samaritane gekom om daar vir Hom verblyf te reël. Maar die inwoners wou Hom nie ontvang nie, omdat Hy na Jerusalem toe op pad was.”

Om oor te gesels en te dink
Ons is nie goed met genade nie. Ons dink net aan onsself en gun nie altyd vir ander mense iets nie. Ons leef eerder in onmin, as in vrede. Daar was baie onmin tussen die Jode en Samaritane wat al vanaf die Ou Testament kom. Hulle kon mekaar nie verdra nie. Tog steur Jesus Hom nie daaraan nie. As deel van Sy reis na Jerusalem besluit Hy om deur die gebied van Samaria te gaan. Al wou die Samaritane Jesus nie ontvang nie, maak Jesus steeds bemoeienis met die mense. Jesus leef nie in haat nie, maar wys die liefdesweg. Ons kan vandag by Jesus leer. Ons moet vrede maak, selfs as daar onmin is. Dit is nie ’n maklike pad nie, maar as ons as volgelinge van Jesus soos Hy wil leef, vra dit van ons om die moeilike dinge te doen. Ons kan maklik dink dat dit nie nodig is nie, maar juis wanneer ons liefde leef, help ons God se koninkryk kom waar ons leef.

Gebed
Here, ek is soms in moeilike situasies. Help my eerder die liefdespad te stap. Mag ek vandag U liefde uitleef. Amen.

Matteus 11:28-30

30 My juk is sag en my las is lig.”

Wat is die verskil tussen Jesus en die Fariseërs se interpretasie van die wet?

• Jesus fokus op die hart van die wet, en die hart van die mens.
• Die Fariseërs fokus op die letterlike uitvoering van die wet, maar fokus geensins op die verandering wat dit in ’n mens se hart moet bring nie.

Jesus is eendag gevra wat die grootste gebod in die wet is. Hier is sy antwoord in Matteus 22:37-40: 37 Jesus antwoord hom: “ ‘Jy moet die Here jou God liefhê met jou hele hart en met jou hele siel’ en met jou hele verstand. 38 Dit is die grootste en die eerste gebod. 39 En die tweede, wat hiermee gelyk staan, is: ‘Jy moet jou naaste liefhê soos jouself.’ 40 In hierdie twee gebooie is die hele wet en die profete saamgevat.”

• Is God se wet in jou hart geskryf?
• Verander dit jou optrede daagliks, en vorm dit jou meer en meer in die beeld van Jesus?
• Verwag jy dat die Gees jou daagliks sal transformeer en sal lei in getrouheid aan die wet soos Jesus dit interpreteer?
• Sal jy Jesus se uitnodiging in ons teksgedeelte vir die week hoor, aanvaar en daarvolgens leef?

’n Eenvoudige gebed vir jou dag:
Here Jesus, ek aanvaar U uitnodiging. Dankie dat ek na U toe kan kom.

All change comes from deepening your understanding of the salvation of Christ and living out the changes that understanding creates in your heart. Tim Keller

Matteus 11:28-30

30 My juk is sag en my las is lig.”

Dink vir ’n oomblik hieroor: Jesus sê Sy interpretasie van die wet, dit is wat Sy “juk” is, is sag. Hy sê ook Sy “las” is lig.
Het jy al Matteus 5-7 gelees, waarin Jesus sekere belangrike wette herinterpreteer, en dit op die oog af nog moeiliker maak om dit te gehoorsaam?
Hoe dan nou gemaak met hierdie vers?

Dit is betekenisvol om vir ’n oomblik by die vers stil te staan. Die woord “sag” kom net hier in Matteus voor. Die woord “las” kom net nog eenkeer voor in Matteus, en dit is wanneer Jesus in Matteus 23:4 sê dat die Fariseërs se las “swaar” is.
So wat maak Jesus se juk sag en Sy las lig?

Sy teenwoordigheid! Dink so daaroor: dink aan die verskil tussen 50kg op jou rug dra (in ’n rugsak soos in die foto hierbo), en 50kg sleep in ’n waentjie met 4 wiele en ’n groot genoeg handvatsel vir twee mense om dit te trek. Laasgenoemde is baie makliker en “ligter”, al bly die gewig van dit wat jy saamdra presies dieselfde. Sien jy dit?

Om gehoorsaam aan Jesus te wees vra beslis iets van ons, trouens dit vra ons hele lewens, maar Jesus dra die las saam met ons, en dit maak dit doenbaar, sag en lig. Onthou, Hy het aan die begin gesê dat die pad van dissipelskap begin deur na Hom toe te kom, en dan Sy juk op jou te neem. Die persoonlike verhouding is die beginplek. Van daar stap Hy die pad saam ons.

Jy mag dalk vra hoe? Wel, deur die spesiale teenwoordigheid van die Heilige Gees in die lewe van elke gelowige. Meer hieroor more.

• Ervaar jy Jesus se juk as sag en Sy las as lig?
• Ken jy die spesiale teenwoordigheid van Heilige Gees in jou lewe?

’n Eenvoudige gebed vir jou dag:
Here Jesus, maak my asb bewus van hoe sag U juk is, en hoe lig U las is.

“He leads the way, keep close to him.” Dietrich Bonhoeffer

Matteus 11:28-30

29 Neem my juk op julle en leer van My, want Ek is sagmoedig en nederig van hart, en julle sal rus kry vir julle gemoed.

Jesus maak dieselfde belofte aan Sy luisteraars as wat God (Hy is Jahwe genoem in die Ou Testament) aan die Israeliete gemaak het in Jeremia 6:16.
Die rus waarvan Jesus praat is meer as net ontspanning of die geleentheid om asem te haal en goed te slaap. Jesus praat van ’n diep, voelbare vrede; ’n ervaring van heelheid; ’n wete dat alles wel is met jou hele wese omdat jy met God versoen is en Hom as jou Vader ken.

Weet jy dat God dit vir ons, Sy kinders, wil hê?

Jesus het juis aarde toe gekom omdat God getrou was aan die belofte wat Hy aan die begin van die Bybelse storie gemaak het; dat Hy die bose sal vermorsel en oorwin, sodat Hy en die mens weer in eenheid en vrede kan leef. Deur geloof kry ons hierdie vrede, en dit is goeie nuus omdat Jesus dit vir ons moontlik maak!
Dit is ’n vrede wat ons op ’n pad van heling na heelheid lei, ’n vrede wat ons nuut maak en verander sodat ons meer en meer soos Jesus lyk.

• Ken jy hierdie vrede?
• Is daar iets in jou lewe wat hierdie vrede steel?
• Is daar ’n deel van jou lewe waar jy heling nodig het, sodat jy as heel mens kan leef?

’n Eenvoudige gebed vir jou dag:
Here Jesus, gee asb vir my vrede vir my gemoed.

“God cannot give us a happiness and peace apart from Himself, because it is not there. There is no such thing.” C.S. Lewis

Matteus 11:28-30

29 Neem my juk op julle en leer van My, want Ek is sagmoedig en nederig van hart, en julle sal rus kry vir julle gemoed.

Sien jy dat Jesus vir ons ’n rede gee waarom ons Sy juk op ons moet neem en van Hom moet leer?
Jesus word slegs een ander keer as “sagmoedig” beskryf in die hele Nuwe Testament, en dit is in ’n aanhaling vanuit Sagaria in Matteus 21:5. Dit is ook die enigste keer wat Jesus as “nederig” beskryf word in die Nuwe Testament. Kyk mooi, Jesus sê dit van Homself! Hy wil hê Sy luisteraars (dit is ek en jy ook) moet weet wie hulle volg, en wat om te verwag van die een wat hulle volg.

Die Fariseërs daarteenoor was trots, lief vir ereplekke en spesiale titels en mal daaroor dat hulle mag oor mense kon uitoefen deur hulle interpretasie van die wet.

Beide Jesus en die Fariseërs het ’n interpretasie van die wet gehad. Jesus s’n het gelei na ’n nuwe hart, groter liefde vir almal en ’n lewe wat lyk soos die karakter wat Jesus van Homself in die gedeelte beskryf, sagmoedig en nederig.
Die Fariseërs se interpretasie het gelei na frustrasie, mismoedigheid en ’n gevoel van mislukking, want dit was bloot net te moeilik om die wet “soos hulle” na te kom.

Wanneer Jesus sê “julle sal rus kry” praat Hy met die woorde van Sy Vader in Jeremia 6:16, toe die mense van God ook moes kies wie hulle wil volg.

• Ken jy vir Jesus as nederig?
• Ken jy vir Jesus as sagmoedig?
• Hoe beīnvloed dit jou lewe as een van Sy volgelinge?

’n Eenvoudige gebed vir jou dag:
Here Jesus, ek wil van U leer, want ek glo U is sgamoedig en nederig van hart.

“There is no room for God in him who is full of himself.” Martin Buber

Matteus 11:28-30

28 “Kom na My toe, almal wat uitgeput en oorlaai is, en Ek sal julle rus gee.

Leermeesters en skrifgeleerdes in Jesus se tyd het mense genooi om gehoorsaam aan die wet te wees sodat hulle in vrede met God en ander kon leef. Die wet van die Ou Testament was iets waarin die Joodse mense in Jesus se tyd vreugde en standvastigheid gevind het, maar die interpretasie daarvan deur groepe soos die Fariseërs het gehoorsaamheid daaraan onmoontlik gemaak (dit was net te veel wette, en te ingewikkeld). Jesus het hierdie interpretasie van die wet “swaar en ondraaglik” genoem in Matteus 23:4.

Jesus se uitnodiging is allereers om na Hom toe te kom. Hy weet die mense soek na rus en Hy weet die Vader het rus aan sy mense belowe in die Ou Testament (sien Eksodus 33:14). Nou maak Hy dit duidelik dat Hy hierdie rus gee (soos die Vader belowe het), en dat dit te vinde is in verhouding met Hom. Hy belowe dat Hy rus sal gee!

Hierdie duidelike, direkte en persoonlike uitnodiging van Jesus is net hier in die hele Nuwe Testament te vinde. Vroeër in Matteus het Jesus ’n uitnodiging gerig met die woorde “volg My” (Matteus 4:19). Hier rig Jesus ’n persoonlike uitnodiging aan almal.

• Weet jy dat hierdie uitnodiging vir jou ook geld?
• Weet jy dat jy by Hom sal rus kry?
• Glo jy Hom?

’n Eenvoudige gebed vir jou dag:
Here Jesus, dankie vir U uitnodiging. Ek kom.

“When we begin to glimpse the reality of God, the natural reaction is to worship him. Not to have that reaction is a fairly sure sign that we haven’t yet really understood who he is or what he’s done.” N.T. Wright

Matteus 11:28-30

28 “Kom na My toe, almal wat uitgeput en oorlaai is, en Ek sal julle rus gee. 29 Neem my juk op julle en leer van My, want Ek is sagmoedig en nederig van hart, en julle sal rus kry vir julle gemoed. 30 My juk is sag en my las is lig.”

Wanneer laas het jy vir Jesus hoor praat? Wanneer laas het jy gehoor hoe Jesus jou nooi na iets meer, dieper en intiem?
In hierdie teksgedeelte nooi Jesus ons elkeen na rus, en na iets wat sag en lig is. Te midde van ons besige en soms oorweldigende alledaagse lewens klink dit hemels!

Hierdie teksgedeelte is uniek in die sin dat dit net in Matteus voorkom. Dit is ook Jesus se mees persoonlike en sagste uitnodiging om Hom te volg wat ons in ons vier evangelies (Matteus, Markus, Lukas, Johannes) kry.
Vers 28 en 29 het beide ’n uitnodiging en ’n belofte (kyk weer mooi na die gedeelte) en vers 30 gee nog verdere rede waarom ons hierdie uitnodiging moet aanvaar.

Deur die loop van die week gaan ons in diepte na elke vers kyk en daaroor reflekteer. Lees gerus die gedeelte nog een keer, stadig en gefokus.

’n Eenvoudige gebed vir jou dag:
Here Jesus, dankie vir U uitnodiging. Ek kom.

“I found that only when I rest in Jesus’ finished work for me can I really rest from my earthly work even for a moment.” Tim Keller

Romeine 12:13
Betoon meelewing met die behoeftes van die heiliges; lê julle toe op gasvryheid.

VRAE:

• Paulus moedig gelowiges aan om gasvryheid aan ander te bewys. Deur gasvry te wees, bewys ons liefde en sorg aan ander gelowiges en vreemdelinge. Dit beteken dat ons met oop hande en harte die wêreld aanpak.
• Gasvryheid is meer as net goeie etiket. Dit is ‘n uitdrukking van God se liefde en versorging. Paulus moedig gelowiges aan om hulle huise oop te stel vir ander en mense met nederigheid, liefde, vrede, sagmoedigheid en hoop ontvang. Mense moet kan voel asof hulle tuis gekom het, net so gelief is soos die inwoners vir mekaar is en dat hulle, hulleself in ons huise kan wees. Maar meer as dit moet mense ook so voel in ons teenwoordigheid. As mense, moet ons vrygewig wees met ons tyd, ons liefde, ons respek, ons gawes, ons menswees.
• Waarom dink jy is dit belangrik om gasvry te leef? Waar in die Bybel sien jy hoe Jesus gasvry geleef het? Hoe inspireer dit jou om dieselfde te doen?
• Hoe kan gasvryheid aan vreemdelinge, omgedraai word in geleenthede om die waarheid van Jesus met ander te deel?
• Kan jy aan ‘n tyd dink waar iemand gasvry was teenoor jou? Hoe het dit impak gehad op jou? Wie in jou lewe kry dit reg om gasvry te wees met hulle menswees? Hoe het dit jou aangeraak?

Gebed:
Here, skenk aan ons die gewilligheid om ons harte en huise oop te stel aan ander. Here, help ons om U voorbeeld van gasvryheid uit te leef waar ons ook mag gaan. Here, mag ons optredes U liefde en vrede bewys aan elkeen met wie ons vandag in aanraking kom. Here, mag ons elke geleentheid vandag aangryp om gasvry teenoor ander te mag leef.
Amen

Romeine 12:21
Moenie dat die kwaad jou oorwin nie, maar oorwin die kwaad met die goeie.

VRAE:

• Paulus moedig mense aan om die kwaad met Jesus se liefde te oorwin. Dit beteken dat ons nie vir ander net gee wat hulle ook uitdeel nie. Dit vra dat ons die vrug van die Gees uitleef en selfdissipline, geduld en selfbeheersing beoefen.
• Jesus het reeds die kwaad oorwin. Daarom is dit vir ons moontlik om die kwaad te oorwin deur Jesus wat vir ons die krag gee om dit te doen. Dit beteken dat ons negatiwiteit met Jesus se hoop ontmoet. Dit beteken dat ons korrupsie met Jesus se waarheid ontmoet. Dit beteken dat ons onreg met Jesus se selflose liefde ontmoet.
• Hoe kan ons prakties die kwaad oorwin met dit wat goed is? Waar in jou lewe kan jy dink aan voorbeeld waar Jesus dit deur jou kan doen?
• Waarom is dit belangrik om aktief op te staan teen die kwaad, eerder as om dit net te vermy en jou oë blind te hou daarvoor?
• Kan jy ‘n voorbeeld gee van ‘n situasie waar iemand die kwaad oorwin het met dit wat goed is, in jou lewe? Hoe het dit impak gehad op jou?

Gebed:
Here, gee vir ons die krag om die kwaad nie net te vermy nie, maar daarteen aktief op te staan. Here, help ons met die wyse waarop ons dit moet doen. Gee asb. vir ons die wysheid, die woorde en die hart waarmee ons teen kwaad moet opstaan. Here, mag ons agente van verandering wees in ‘n wêreld wat soms so gebroke lyk. Here, mag ons voorbeeld die transformerende krag van Jesus vir ander wys.
Amen

Romeine 12:14, 20
Seën julle vervolgers; ja, seën hulle, moet hulle nie vervloek nie. 20Maar: “As jou vyand honger is, gee hom iets om te eet; as hy dors is, gee hom iets om te drink.

VRAE:

• God vra dat ons vir die wat ons vervolg, seën en bid. Dit is baie moeilik om opreg vir iemand te bid en seën toe te wens en steeds met haat na hulle te kyk. Dit beteken dat ons buite ons gemaksone te klim en te kies met ons kop wat ons harte nog nie voel nie. Dit beteken dat ons God vra vir die wil, om hierdie mense te wil seën en liefhê.
• Wie is die vyand wat jy moet seën en liefde moet bewys? Dalk voel jou man of vrou soos die vyand? Dalk voel ‘n vriend of vriendin soos die vyand? Dalk is dit ‘n kollega of baas? Vra nou vir die Here om jou hart teenoor hulle te verander. En vra dat die Here hulle in oorvloed seën.
• Hoe kan jy hierdie vyand vandag dien en lief hê? Wat het jy van God nodig om dit te kan doen? Deel jou hart met die Here. Wat staan gewoonlik in die pad vir jou om hierdie mense lief te hê?

GEBED:
Here, gee asb. vir ons genoeg genade om die mense wat ons kwaad aandoen te seën en met liefde te behandel. Here, mag ons hierdie mense deur Jesus se oë raaksien? Here mag ons optrede vandag lei tot rekonsiliasie en versoening. Here, mag dit lei tot die opbou en uitbou van U koninkryk. 
Amen

Romeine 12:14, 20
Seën julle vervolgers; ja, seën hulle, moet hulle nie vervloek nie. 20Maar: “As jou vyand honger is, gee hom iets om te eet; as hy dors is, gee hom iets om te drink.

VRAE:

• God vra dat ons vir die wat ons vervolg, seën en bid. Dit is baie moeilik om opreg vir iemand te bid en seën toe te wens en steeds met haat na hulle te kyk. Dit beteken dat ons buite ons gemaksone te klim en te kies met ons kop wat ons harte nog nie voel nie. Dit beteken dat ons God vra vir die wil, om hierdie mense te wil seën en liefhê.
• Wie is die vyand wat jy moet seën en liefde moet bewys? Dalk voel jou man of vrou soos die vyand? Dalk voel ‘n vriend of vriendin soos die vyand? Dalk is dit ‘n kollega of baas? Vra nou vir die Here om jou hart teenoor hulle te verander. En vra dat die Here hulle in oorvloed seën.
• Hoe kan jy hierdie vyand vandag dien en lief hê? Wat het jy van God nodig om dit te kan doen? Deel jou hart met die Here. Wat staan gewoonlik in die pad vir jou om hierdie mense lief te hê?

GEBED:
Here, gee asb. vir ons genoeg genade om die mense wat ons kwaad aandoen te seën en met liefde te behandel. Here, mag ons hierdie mense deur Jesus se oë raaksien? Here mag ons optrede vandag lei tot rekonsiliasie en versoening. Here, mag dit lei tot die opbou en uitbou van U koninkryk. 
Amen

Romeine 12:17
Moet niemand kwaad met kwaad vergeld nie, maar rig julle gedagtes op dit wat vir alle mense goed is.

VRAE:

• Paulus vra dat ons mense wat kwaad doen en ons te na wil kom, nie met kwaad terug betaal nie, maar eerder vir hulle met liefde antwoord. Hierdie eenvoudige optredes van liefde, sal die getuienis wees van Jesus se radikale leringe.
• Dit is so maklik om kwaad met kwaad te betaal. Selfs die wêreld en vyand doen dit. Maar om soos Jesus met liefde, deernis en genade te antwoord, is die werk en leiding van die Here. Dit is getuienis van hoe God ons verander en transformeer.
• Wat is die moeilikste deel, om met liefde op kwaadwilligheid te antwoord? Dink veral aan tye wanneer jy seergemaak is of voel ‘n situasie was onregverdig?
• Hoe beïnvloed die manier waarop ons situasies reageer ons getuienis van ons geloof? Hoe is jou opinie van ‘n persoon al gevorm of beïnvloed in die manier waarop hulle reageer teenoor situasies of jou?

GEBED:
Here, gee vir ons die krag en geduld om in situasies die kwaad met liefde te antwoord. Here, help ons asseblief om U voorbeeld aan die kruis te gebruik vir inspirasie oor hoe ons ook aan onsself kan sterf. Here, mag ons sagmoedigheid en nederigheid ander inspireer om in verhouding met U te kom. Dankie Here, dat U daagliks met ons werk.
Amen

Romeine 12:9
Die liefde moet opreg wees. Verafsku wat sleg is en hou vas aan wat goed is.

VRAE:

• Paulus moedig die Geloofsfamilie van Romeine aan om liefde prakties uit te leef. Hy beklemtoon dat die liefde op moet wees. Hy gee vir hulle die opdrag om gasvry te leef met ander. Hy beklemtoon ook hoe belangrik dit is om die kwaad met liefde te ontmoet.
• Hoe lyk liefde in aksie? Hoe lyk dit prakties in jou lewe? Hoe kan mense sien dat jy liefde beleef, en ook uitleef? Hoe sou die mense in jou lewe getuig van die liefde wat hulle by jou ontvang?
  Wat is die verskil tussen opregte liefde en vals liefde? Hoe weet jy wanneer jy besig is om liefde opreg te gee, of uit verwagting en verpligting te gee? Hoe kan die Here jou help om liefde met meer vrymoedigheid uit te leef? Wat benodig jy?
• Hoe hou jy vas aan die goeie en hoe vlug jy vir die slegte? Waar in jou lewe is daar tekens hiervan? Watter versoeking is vir jou baie moeilik om voor nee te sê? Hoe kan jou hartsmense jou hiermee help? Hoe kan liefde jou help om nee te sê vir die versoekings?

Gebed:
Here, help my om opreg en outentiek lief te hê. Here, gee vir ons die wysheid om dit wat sleg is te haat en dit wat goed is na te jaag. Here, mag ons lewens U reflekteer. Here, mag ons deur U liefde getransformeer wees om vir ander genade en liefde te gee.
Amen

1 Petrus 4:8
Bo alles moet julle mekaar hartlik liefhê, want die liefde bedek baie sondes.

VRAE:

• Opregte, onvoorwaardelike, agape liefde kan wonde en verhoudings binne huishoudings en families herstel. Hierdie tipe liefde vra dat ons soms van onsself opoffer, dat ons nederig dien, dat ons ander se behoeftes raaksien en bevredig. Hierdie tipe liefde is nie jaloers nie en dit floreer nie in selfsug nie. Liefde soek oplossings , vrede en genesing.
• Hoe kan julle ‘n gees van diep liefde binne julle huishouding en families te vestig? Hoe kan julle dit vandag doelbewus begin doen?
• Hoe kan jy God se liefde en opoffering uitleef oral waar jy gaan? Hoe kan jy jou unieke gawes en eienskappe gebruik tot eer van God?

Gebed:
Here, wys my om ander onvoorwaardelik en opreg lief te hê. Here, wys my asb. hoe om ander lief te hê soos U my lief het. Here, mag my optredes en menswees U transformerende liefde reflekteer. Here, mag ons huishouding en ons familie ‘n getuie wees van U wese.
Amen

1 Korintiërs 12:!2
Net soos die liggaam ‘n eenheid is en baie lede het, en soos al die lede saam, al is hulle baie, een liggaam vorm, so is dit ook met die liggaam van Christus.

VRAE:

• Elke lid van ons huishoudings en families is uniek gemaak. Elkeen het sy eie gawes, perspektief en behoeftes. In ons diversiteit vind ons ook prag. Net soos die liggaam verskeie dele het wat uniek is en divers is, so is ons ook. Elkeen van ons is veronderstel om ‘n ander doel, rol en taak te verrig of bevredig.
• Hoe kan julle elkeen se unieke rol, bydrae en gawes vier binne hulle huishouding en familie? Waarvoor dank julle God as dit kom by julle diversiteit?
• Hoe kan julle, julle unieke krag gebruik om eenheid en konflik op te los? Hoe kan julle mekaar se sterk punte gebruik tot voordeel van julle huishouding en familie?
• Wanneer laas het julle vir mekaar waardering uitgespreek? Maak vandag tyd om dit te doen. Deel waarom die persoon se gawe, talent of karaktertrek vir jou kosbaar is en hoe dit jou inspireer.

Gebed:
Here, help my om die unieke gawes, eienskappe en perspektiewe binne my huishouding en familie te waardeer en vier. Here, help ons om mekaar te respekteer en hoog te ag. Here, help ons om die bande in ons huishoudings en families te versterk. Here, help ons om tyd en energie in ons verhoudings te bestee.
Amen

Romeine 12:18
As dit moontlik is, sover dit van julle afhang, leef in vrede met alle mense.

VRAE:

• In hierdie gedeelte vra Paulus nie net dat vrede die voorkeur in huishoudings en families kry nie, maar dat lede van daardie huishoudings en families sal poog om vrede te soek in elke situasie. Dit beteken dat mense soms moet kies vir die verhoudings, vir vrede en harmonie, selfs al beteken dit dat ons soms verskillende maniere het van dink oor sake. Dit vra van elke persoon om die ander se perspektief te sien, hulle harte sag genoeg te hou om self hulle eie opinie te verander en die vrede so te bewaar.
• Hoe kan jy probeer om die perspektiewe van ander raak te sien? Hoe kan jy jouself in ander se skoene plaas? Waarom is dit vir jou maklik of moeilik? Deel jou hart met die Here.
• Watter kompromieë kan jy maak ter wille van die verhouding? Wat gaan dit jou kos? Wat gaan dit jou baat? Hoe gaan julle verhoudings lyk, indien jy kies om ‘n middeweg te vind?
• Hoe kan gebed jou help om versoening te vind in tye wanneer julle nie met mekaar saamstem nie? Hoe kan dit julle help indien julle saambid?
  GEBED:
  Here, help ons familie en huishouding om brue te bou. Here help ons asb. om meer waarde te plaas op ons verhoudings, as ons ego se voorkeur om reg te wees. Here, help my om die geduld te hê om gemeenskaplike grond te vind in die verskillende maniere waarop ons enige iets benader. Here, help my selfs om die verskillende perspektiewe te vier. Here, mag U vrede wat alle verstand te bowe gaan heer is my lewe, huishouding en familie.
  Amen

Kolossense 3:13
Wees geduldig met mekaar en vergewe mekaar as die een iets teen die ander het. Soos die Here julle vergewe het, moet julle mekaar ook vergewe.

VRAE:

• Vergifnis is van kardinale belang in elke verhouding. Binne ons families en huishoudings is dit net so belangrik. Selfs al moet jy soos Jesus vra dat God hulle vergewe, wanneer dit nog te moeilik is om dit self te doen, vra die Here van ons dat ons ten minste die eerste tree in vergifnis neem. Soms begin dit by die eenvoudige gebed, “Here, gee my asb. die wil om te wil vergewe.”
• Vergifnis is ‘n buitengewone belangrike element van verhoudings met mense, omdat dit nie noodwendig die ander persoon vrede gee en vryspreek nie, maar omdat dit juis jouself vrede gee en jou gedagtes vrylaat. Ons is nie gemaak om met wrokke rond te loop en bitter te word as gevolg daarvan nie. Vergewe en beweeg aan, sodat jy kan leef in vrede en liefde.
• Hoe kan jy genade en vergifnis bewys in die oomblikke van familie drama en huishoudelike konflik? Hoe leef jy die voorbeeld vir jou kinders en jou hartsmense? Wat is die praktiese stappe wat jy neem om vergifnis te gee?
• Wat hou jou terug om vergifnis te gee, of vergifnis te bied aan iemand? Wat hou jou terug om vergifnis te vra vir dit wat iemand anders teen jou hou? Waarom is dit belangriker as die opdrag van God om te vergewe, of die vrede wat vir jou beskikbaar is wanneer jy dit gee? Deel jou hart met die Here.
• Hoe vra jy vergifnis van die Here? En hoe vergewe jy jouself wanneer jy verkeerd gedoen het? Hoe is hierdie optrede ‘n getuienis vir ander van die vergifnis wat jy by God ontvang of beleef? Deel jou hart met die Here.

GEBED:
Here, gee vir my die krag en deernis om ander te vergewe, soos wat U my vergewe het. Here, help my om enige bitterheid en kwaadwillige gevoelens neer te lê. Here, help my om die grond voor te berei vir genesing, rekonsiliasie en herstel van verhoudings in my familie en huishouding.
Amen

Spreuke 15:1
‘n Sagte antwoord laat woede bedaar; ‘n krenkende woord laat woede ontvlam.

VRAE:

• Ons woorde het die vermoë lewe of dood te spreek. Ons woorde kan gesond maak of seermaak. Wanneer ons met ons families en binne ons huishoudings werk, vra dit veral vir ons om geduld, selfbeheersing en sagmoedigheid te kies. Baie kere in tye van konflik en twis, is dit nie soveel die inhoud van wat ons sê nie, maar die manier waarop ons dit sê. Indien jy ook weet dat die inhoud van wat jy gaan sê bedoel is om te sny en af te breek, moet jy ook kies om dit eerder nie te sê nie. Soms het ons waarheid nodig wat ons seermaak, maar dit is nie bedoel om af te breek en ons te sny nie. Dit is bedoel om ons te help en op te lig. Vra vir die Here vir wysheid wanneer jy moeilike waarhede moet deel.
• Hoe kan julle as familie of huishouding kies om met sagmoedigheid te reageer in oomblikke van konflik? Waaroor kan julle saamstem? Watter waarder en reëls kan julle in plek stel om dit te doen?
• Watter tipe impak wil jy hê moet jou woorde en gemoed in die huishouding hê? Hoe gaan jy dit bewerkstellig? Hoe kan jy vra vir hulp wanneer jy dit nie regkry nie? Hoe gaan jy vra vir vergifnis en rekonsiliasie indien jy nie met sagmoedigheid opgetree het nie?
• Hoe kan jy Jesus se liefde, nederigheid, genade en empatie met ander om jou deel wanneer julle van opinies verskil of konflik beleef? Dink veral in die werksplek, skoolbanke, winkelsentrums of Geloofsfamilie.

GEBED:
Here, lei my woorde en maak my hart dag vir ander, veral wanneer ek kwaad is en hardkoppig is. Here, help my om sagmoedigheid en liefde te reageer in die hitte van ‘n argument. Here, mag my woorde genesing bring en verhoudings herstel.
Amen

Matteus 5:9
Geseënd is die vredemakers, want hulle sal kinders van God genoem word.

VRAE:

• Selfs in Jesus se tyd, het mense konflik beleef binne verhoudings. Ook familie verhoudings is nie oorgesien van drama wat tyd tot tyd kop uitsteek nie. Jesus gebruik die bergrede om verskeie kwessies aan te spreek. Een van die kwessies wat belangrik is, is dat ons as gelowiges gekenmerk word deur ons vermoë om vrede te bewerkstellig. Juis in ons huishoudings is dit belangrik. Ons huishoudings is die plek waar ons oefen, leer en getuig van dit wat werklik binne ons harte leef. Dit s juis die mense na aan jou wat jou die beste ken. Jy kan nie vir hulle wegsteek nie. Dit is juis die plek waar ons moet wys deur voorbeeld hoe belangrik die rol van vredemakers is.
• Hoe dra jy by tot die ervaring van vrede in jou huishouding? Of is jy die een wat die vrede konstant afbreek? Hoe sou jy huishouding getuig? Deel jou hart met die Here.
• Watter stappe kan jy neem om situasies van angs, onsekerheid en twis te ontlont?
• Hoe kan jy God se liefde reflekteer in jou huishouding, selfs wanneer daar konflik is? Is daar iets spesifiek waaroor julle as huishouding kan saam stem om vrede te bewerkstellig wanneer daar verskille is in opinies?

Gebed:
Here, gee as b. Vir my die wysheid en geduld om ‘n vredemaker te wees in my huishouding en familie. Here, help my om verdraagsaam te wees, liefde te gee en empatie te toon met die mense om my. Here, help my om konflik op te los en harmonie te herstel.
Amen

Jesaja 40:27-31
27Waarom sê jy dan, Jakob, waarom kla jy, Israel: “Die Here sien nie raak wat van my word nie, my reg gaan by my God verby”? 28Weet jy dan nie, het jy nog nie gehoor nie? Die Here is die ewige God, Skepper van die hele aarde. Hy word nie moeg nie, Hy raak nie afgemat nie en sy insig is ondeurgrondelik. 29Hy gee die vermoeides krag, Hy versterk dié wat nie meer kan nie. 30Selfs jongmanne word moeg en raak afgemat, selfs manne in hulle fleur struikel en val, 31maar dié wat op die Here vertrou, kry nuwe krag. Hulle vlieg met arendsvlerke, hulle hardloop en word nie moeg nie, hulle loop en raak nie afgemat nie.

VRAE:

• As gelowiges is dit soms moeilik om te erken dat ons word ook geraak deur die omstandighede om ons. Ons is mos juis veronderstel om nie te val vir die probleme wat die wêreld se mense mee sukkel nie. Jesaja erken dat selfs jongmense afgemat word. Jongmense word gekenmerk vir hulle energie. Die goeie nuus vir elkeen van ons is, dat wanneer ons in verhouding met God is, Hy die een is wat weer herstel bring. Hy gee weer nuwe krag. Hy herstel die hart wat moedeloos word en hopeloos voel. Die Here is die antwoord op elke kwessie wat ons beleef.
• Waarmee sukkel jy tans? Is jy moeg en moedeloos? Is jy seer en sensitief? Is jy hartseer en hopeloos? Deel jou hart met die here. Wees eerlik oor dit wat tans in jou hart leef.
• Wanneer jy weer herstel is, hoe lyk dit? Is dit iemand wat genoeg energie het om elke dag te hanteer? Is dit iemand wat blydskap vind in die alledaagse dingetjies? Is dit iemand wat goeie nuus bring wanneer die wêreld slegte nuus verkondig? Is dit iemand wat vrede uitleef in hulle huishouding, selfs wanneer almal baie spanning beleef? Vra vir die Here vir hierdie genesing. Begin dan ook leef asof die Here reeds hierdie genesing vir jou gebring het.

Gebed:
Here, ek het ‘n diep behoefte vir U genesing. Ek het nuwe energie nodig. Ek het U vrede nodig. Ek het U liefde nodig. Ek het U hoop nodig. Here, help my asb. om dit te begin leef in die vertroue, dat U dit vir my gee. Here, ek weet U kan alles in my verander. Ek glo en vertrou U daarvoor.
Amen

Jesaja 40:27-31
27Waarom sê jy dan, Jakob, waarom kla jy, Israel: “Die Here sien nie raak wat van my word nie, my reg gaan by my God verby”? 28Weet jy dan nie, het jy nog nie gehoor nie? Die Here is die ewige God, Skepper van die hele aarde. Hy word nie moeg nie, Hy raak nie afgemat nie en sy insig is ondeurgrondelik. 29Hy gee die vermoeides krag, Hy versterk dié wat nie meer kan nie. 30Selfs jongmanne word moeg en raak afgemat, selfs manne in hulle fleur struikel en val, 31maar dié wat op die Here vertrou, kry nuwe krag. Hulle vlieg met arendsvlerke, hulle hardloop en word nie moeg nie, hulle loop en raak nie afgemat nie.

VRAE:

• Talle skrywers in die Bybel verwys altyd na die probleme wat daardie mense in ‘n spesifieke situasie beleef. Wanneer hulle vrae het of antwoorde soek, kyk hulle altyd terug na wie God is, wat Hy gedoen het en hoe Hy getrou was in alle omstandighede. Hier in Jesaja sien ons ook hoe h terugkyk na wie God is. God is die een wat van die begin af alles geskep het. God is die een wat nooit moeg word nie, nooit afwesig is nie. God se karakter, identiteit en handelinge in die verlede herinner ons elke keer wat ons kan verwag nou.
• Wie is God vir jou? Wat het God al vir jou gedoen in die verlede? Hoe het God jou al voorheen ontmoet? Skryf vir jouself ‘n lys van ervarings met die Here. Herinner jouself aan wie God is. In dit beleef jy ook weer wie jy is. As God getroue Vader is, is jy Sy geliefde kind. Deel jou hart met die Here.
• Indien jy nog nie genoeg ervaring saam met die Here gehad het nie, kan jy ook terug kyk na ander se belewenis saam met God. Vra vir jou medegelowiges hoe hulle God beleef. Luister na potgooie van mense wat God beleef en van Hom getuig. Ommring jou met mense wat ook die here ken en vra vir hulle ervarings. Dit gee weer hoop. Dit bring weer perspektief. Dit gee weer vir jou eie geloof nuwe inspirasie. Met wie kan jy praat oor hulle ervarings van geloof?

Gebed:
Here, ek vergeet soms wie U is. Ek is so besig om op alles om my te fokus dat ek nie onthou wie U nog altyd was nie. Here, help my asb. om weer te fokus op wie U is.
Amen

Jesaja 40:27-31
27Waarom sê jy dan, Jakob, waarom kla jy, Israel: “Die Here sien nie raak wat van my word nie, my reg gaan by my God verby”? 28Weet jy dan nie, het jy nog nie gehoor nie? Die Here is die ewige God, Skepper van die hele aarde. Hy word nie moeg nie, Hy raak nie afgemat nie en sy insig is ondeurgrondelik. 29Hy gee die vermoeides krag, Hy versterk dié wat nie meer kan nie. 30Selfs jongmanne word moeg en raak afgemat, selfs manne in hulle fleur struikel en val, 31maar dié wat op die Here vertrou, kry nuwe krag. Hulle vlieg met arendsvlerke, hulle hardloop en word nie moeg nie, hulle loop en raak nie afgemat nie.

VRAE:

• Een van die elemente wat ons geloof van ander skei, is dat ons Vader vir ons spasie laat om mens te wees en selfs teen Hom te woed. Ek kyk na voorbeelde soos Jakob en Dawid. Hulle kon met die Here stoei en bely wat in hulle harte werklik aangaan. Hulle het nie nodig gehad om dit weg te steek, bang te wees dat God se skouers nie groot genoeg is om dit te hanteer of vrees dat God hulle gaan straf vir die menslike emosies wat hulle beleef nie.
• Wanneer laas was jy eerlik met die Here oor wat jy voel en wat in jou binneste aan die gang is? Wanneer laas was jy eerlik met jouself oor die belewenisse wat jy het? Soms is dit makliker om die gevoelens te projekteer. Jy sien dit so maklik in ander raak en kan hulle daarvan beskuldig, maar is blind vir dit wat self in jou woed. Sit vir ‘n oomblik en wees eerlik oor dit wat in jou hart en in jou gedagtes aan die gang is. Deel jou hart met die Here.
• Voel jy tans asof jy alleen is? Voel jy asof God by jou verbygegaan het? Voel jy asof dinge net te veel is? Voel dit asof die Here nie omgee nie? Voel jy geïsoleer? Voel jy erg benoud? Deel jou hart met die Here. Weet ook dat Hy by jou is, dit hoor en die spasie vir jou kan hou. Weet dat God jou nie alleen laat nie, selfs al voel jy al hierdie dinge.

GEBED:
Here, ek is nie altyd bewus van dit wat in my hart of in my kop aangaan nie. Here, soms voel dit vir my asof dit almal om my is, wat die probleem is, maar ek sien nie die balk in my eie oog nie. Here, wys asb. vandag vir my wat in my woed. Here, wys my asb. hoe ek steeds op U kan vertrou, steeds naby U kan wees, steeds kan weet dat U my kan lief hê en aanvaar soos ek is. Here, help my ook asb. met al hierdie gevoelens. Here, wees asb. die antwoord op alles wat ek voel.
Amen

Filippense 2:14-18
_ 14Doen alles sonder kla of teëpraat. 15Sorg dat julle bo alle verdenking staan en opreg bly, onberispelike kinders van God te midde van ontaarde en korrupte mense. Tree onder hulle op as ligdraers in die wêreld 16deur die woord van die lewe uit te dra. Dan sal ek op die dag van Christus se koms rede hê om trots te wees, omdat dit sal blyk dat ek my nie verniet ingespan het nie en nie verniet geswoeg het nie. 17Julle geloof is ‘n offer in diens van God. Selfs al word my bloed daarby as drankoffer uitgegiet, is ek daaroor bly, ja, is ek saam met julle almal bly. 18Om dieselfde rede moet julle ook bly wees, ja, saam met my bly wees._

VRAE:

• Paulus praat met gelowiges wat in ‘n wêreld woon wat korrup is. H skryf vir gelowiges wat daarna kyk en magteloos voel, negatief word en soms val vir die versoeking om net soos die omgewing om hulle te begin optree. Paulus vra hulle egter om nie soos die wêreld te word nie. Hulle moet anders wees en die pas aangee. Hulle moet bo verdenking optree in alles. Hulle moet opstaan vir wat reg is en die voorbeeld stel van wat eerder gedoen moet word.
• Wanneer ons met ongeregtighede, negatiwiteit en korrupsie te doen kry, is ons in gevaar om nie net negatief te word nie, maar ons kom ook in die versoeking om dieselfde voorbeeld te volg. Omdat ander mense daarmee wegkom, moet ek ook daarmee weg kan kom. Paulus se argument is dat dit net meer ongeregtigheid en negatiwiteit versprei. Dit wys ook glad nie dat ons juis verlos en vry is om Jesus te volg nie.
• is daar geleenthede of plekke waar jy kies om ook soos ander wat die wette te oortree? Praat jy ook teë? Kla jy net so hard soos die ander? Wat sou die mense in jou lewe sê, as ons hulle oor jou optrede sou vra? Waarom is dit soms moeilik om die goeie nuus, die lig en die hoop te bring? Deel jou hart met die Here.
• Wat kan jy vandag doen om die antwoord te wees op die korrupsie en slegte nuus in die land? Hoe kan j die ligdraer wees in jou eie huis? Wat vra God vir jou om te doen?

GEBED:
Here, soms word ek ook oortuig van hoe sleg alles gaan in ons huise en land. Here, soms wil ek ook korrup wees en afbreek, want dit voel asof dit al manier is om voor te kom. Here, ek vra dat U my sal help om reg te doen. Here, help my om bo verdenking te leef. Here, help my om eg, opreg, heilig en onberispelik te leef.
Amen

Filippense 2:14-18
_ 14Doen alles sonder kla of teëpraat. 15Sorg dat julle bo alle verdenking staan en opreg bly, onberispelike kinders van God te midde van ontaarde en korrupte mense. Tree onder hulle op as ligdraers in die wêreld 16deur die woord van die lewe uit te dra. Dan sal ek op die dag van Christus se koms rede hê om trots te wees, omdat dit sal blyk dat ek my nie verniet ingespan het nie en nie verniet geswoeg het nie. 17Julle geloof is ‘n offer in diens van God. Selfs al word my bloed daarby as drankoffer uitgegiet, is ek daaroor bly, ja, is ek saam met julle almal bly. 18Om dieselfde rede moet julle ook bly wees, ja, saam met my bly wees._

VRAE:

• Paulus sê dat ons ligdraers vir die wêreld is wanneer ons leef soos verlostes. Hy verduidelik ook hoe dit lyk om ligdraers te wees. Ligdraers is mense wat anders as die mense van die wêreld klink en lyk, in situasies wat ander moontlik depressief en negatief kan maak. Ligdraers is nie konstant besig om te kla en teë te praat nie.
• Is daar mense in jou lewe wat konstant kla of teë praat? Hoe voel dit om in hierdie mense se teenwoordigheid te wees vir lang tye? Hoe affekteer dit jou, liggaam, siel en gees? Deel jou hart met die Here.
• Is jy iemand wat konstant kla oor alles wat nie reg loop nie, nie volgens jou voorkeure is nie of teen jou grein gaan? Hoe voel dit om konstant aan hierdie dinge aandag te gee? Hoe reageer mense in jou lewe hierop? Waarom is dit konstant in jou gedagtes? Deel jou hart met die Here.
• Waarom sou j dink is dit een van Paulus se opdragte aan die gelowiges? Waarom os dit belangrik om nie te kla nie en nie teë te praat nie?

GEBED:
Here, ek sien soveel dinge in die wêreld wat my onrustig maak, kwaad maak, ontstel en negatief maak. Daar is soveel redes om te kla. Here, ek besef ook dat dit maak dat ek nie op die goeie dinge wat u in oorvloed gee kan fokus nie. Here, ek vra dat u my oë, hart en wil sal skuif na U. Here, help my om meer van U in hierdie wêreld raak te sien. Here, help my asb. om eerder u naam groot te maak, lof aan u te bring en U liefde met ander te deel.
Amen

Matteus 5:14-16
14“Julle is die lig vir die wêreld. ‘n Stad wat op ‘n berg lê, kan nie weggesteek word nie; 15ook steek ‘n mens nie ‘n lamp op en sit dit onder ‘n emmer nie maar op ‘n lampstaander, en dit gee lig vir almal in die huis. 16Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik.”

VRAE:

• Wat is die verskil wat een ding kan maak? Dalk nie so baie as dit een druppel water is en mens baie dors is nie. Tog maak een lig in die donker ‘n groot verskil. Dit is van ver af sigbaar en maak ‘n groot verskil vir die persoon wat bang is vir die donker. Lig bring hoop wanneer alles anders donker is.
• In die gedeelte in Matteus maak Jesus die opmerking oor lig. Mens steek dit nie aan en sit dit onder ‘n emmer nie. Mens gebruik dit om vir almal lig te bring en sigbaar te wees. Een lig is ook genoeg om ander ligte aan te steek. Die lig verloor niks om van sy lig te deel met ander nie.
• Is daar iemand in jou lewe, wie se lig helder skyn? Wie sou jy beskryf as ‘n brandende voorbeeld van lig in hierdie donker wêreld? Waarom skyn hulle lig so helder? Wat kan jy by hulle leer?
• Hoe helder is jou eie lig in hierdie wêreld? Is daar omstandighede wat jou lig verdoof? Wat maak dat jou lig weer helder brand? Deel jou hart met die Here.
• Sê vandag “dankie” vir die persoon wie se lig helder skyn. Deel met hulle die rede waarom jy daarvoor waardering het.

Gebed:
Here, ek wil eer vir u dankie sê U lig wat helder in my lewe skyn. Dankie dat U lig altyd die donkerste hoeke van m hart kan verlig. Here, ek wil U ook eer vir die mense in my lewe wie lig helder skyn in myne. Dankie dat hulle my opbeur en versorg. Here, mag ek ook asb. ‘n lig wees wat helder skyn in hierdie wêreld. Mag ek lig bring waar daar nie hoop of vreugde is nie. Mag ek ‘n draer van lig en hoop vir hierdie wêreld wees.
Amen

Filippense 4:8
“Laastens, liewe gelowiges:
alles wat waar is,
alles wat eerbaar is en wat respek verdien,
alles wat reg is voor God,
alles wat rein en opreg is,
alles wat vol skoonheid is en wat ons met verwondering vul,
alles wat lof en erkenning verdien,
ja, enigiets wat uitnemend is op morele vlak,
en enigiets wat prysenswaardig is – dink asseblief daaraan.

Om oor te gesels en te dink
Ons het hierdie week stil gestaan om na te dink hoe ons Jesus se denke na navolg. Die Boodskap vertaling stel dit ook baie duidelik: “_ “Weet julle waaraan julle moet dink in plaas daarvan om julle te sit en bekommer? Dink aan dit wat vir God saak maak, dinge wat ordentlik en reg is, dinge waaraan God sal dink en waarvan Hy sal hou, dinge wat God sal sê goed is. Moenie julle tyd mors om aan allerhande nuttelose dinge te sit en dink nie. Hou julle besig met dinge wat die moeite werd is en wat God in ’n goeie lig stel._”
Ons moet ons gedagtes op God rig en soos die ou Halleluja-lied sê: “Tel jou seëninge, tel hul een vir een…” So sal ons denk vernuwe en meer soos Jesus s’n word.

Gebed
Here Jesus, ek wil soos U wees en dink. Ek wil fokus op alles wat waar is. Mag ek my besig hou met dinge wat vir U die moeite werd is. Amen.

Filippense 4:8
“Laastens, liewe gelowiges:
alles wat waar is,
alles wat eerbaar is en wat respek verdien,
alles wat reg is voor God,
alles wat rein en opreg is,
alles wat vol skoonheid is en wat ons met verwondering vul,
alles wat lof en erkenning verdien,
ja, enigiets wat uitnemend is op morele vlak,
en enigiets wat prysenswaardig is – dink asseblief daaraan.

Om oor te gesels en te dink
Nog ‘n manier om te dink soos Jesus is om te fokus op alles wat vol skoonheid en mooi is, asook wat ons met verwondering vul. As ons rondom ons kyk is daar so baie dinge om raak te sien. Van ‘n sonsopkoms tot die lag van ‘n kind. Daar is soveel mooi om taak te sien, ons moet net ons oë oopmaak om dit bewustelik raak te sien.
Psalm 8 help ons om die wonder van die skepping raak te sien. Lees die Psalm en dink na oor hoe wonderbaar God alles en ons gemaak het.
Kyk vandag spesiaal rond om die mooi dinge, wat jy dalk elke dag verby stap, raak te sien. Dink oor alles wat mooi is.

Gebed
Here, hoe groot is U Naam oor die hele aarde. U het alles so mooi geskep. Mag ek vandag U skoonheid opnuut weer raak sien. Amen.

Donderdag 10 Augustus
Filippense 4:8
“Laastens, liewe gelowiges:
alles wat waar is,
alles wat eerbaar is en wat respek verdien,
alles wat reg is voor God,
alles wat rein en opreg is,
alles wat vol skoonheid is en wat ons met verwondering vul,
alles wat lof en erkenning verdien,
ja, enigiets wat uitnemend is op morele vlak,
en enigiets wat prysenswaardig is – dink asseblief daaraan.

Om oor te gesels en te dink
Jesus se dinkprogram wat Paulus voorstel vra dat ons ook ons denke moet heilig. Ons kan nie met sondige gedagtes besig wees en dink dat God dit nie weet nie. Ons moet erns maak met versoekings. Jakobus 1:14-15 herinner ons dat jou eie begeertes jou verkeerde dinge laat dink en doen. Ons kan nie God daarvoor blameer nie. Ons moet ons gedagtes gevange neem en dit aan Christus gehoorsaam maak (2Kor 10:5-6). Ons moet keuses maak om te fokus op alles wat rein en op opreg is. So kan ons heilige lewens lei.

Gebed
Here, ek wil beter dink en leef soos U van my vra. Help my om heilig te lewe. Amen.

Filippense 4:8
“Laastens, liewe gelowiges:
alles wat waar is,
alles wat eerbaar is en wat respek verdien,
alles wat reg is voor God,
alles wat rein en opreg is,
alles wat vol skoonheid is en wat ons met verwondering vul,
alles wat lof en erkenning verdien,
ja, enigiets wat uitnemend is op morele vlak,
en enigiets wat prysenswaardig is – dink asseblief daaraan.

Om oor te gesels en te dink
Nog ’n manier om te dink soos Jesus, is om te dink aan alles wat reg is voor God. Meer nog, is om te doen wat reg is voor God. Ons moet regverdig lewe en ook op kom vir dinge wat reg is. Ons moet help dat dinge reg gedoen word.
Een manier om reg te lewe is om soos Psalm 1 ons in die Woord van God te verdiep en dat ons vanuit die waarheid van die Woord, op die regte dinge sal fokus. Kom ons gee ons aandag aan die regte dinge, as om te verval in wat verkeerd is. Laat ons deel van die oplossing wees en doen wat reg is.

Gebed
Here, ek wil doen wat reg is. Ek wil ’n verskil maak. Ek wil my gedagtes rig op U wil hê ek moet doen. Amen.

Filippense 4:8
“Laastens, liewe gelowiges:
alles wat waar is,
alles wat eerbaar is en wat respek verdien,
alles wat reg is voor God,
alles wat rein en opreg is,
alles wat vol skoonheid is en wat ons met verwondering vul,
alles wat lof en erkenning verdien,
ja, enigiets wat uitnemend is op morele vlak,
en enigiets wat prysenswaardig is – dink asseblief daaraan.

Om oor te gesels en te dink
Wanneer ons soos Jesus dink, moet ons tweedens dink aan alles wat eerbaar is en wat respek verdien. Ons moet mense om ons met respek hanteer. Ons kan nie dink dat ons net mense met respek sal hanteer as hulle ons respekteer nie. Nee, Jesus wys vir ons deur Sy voorbeeld dat Hy selfs sy vyande en mense wat dit nie verdien het nie, met respek hanteer het. Ons moet fokus op hoe ons mense kan help en selfs die ekstra myl saam met hulle stap.
Dalk is jy in ’n moeilike situasie? Gee dit vir die Here en vra Hom om jou te help om op die regte dinge te fokus.

Gebed
Here Jesus, ek wil dink soos U dink. Ek wil leef soos U leef. Help my om te dink oor alles wat eerbaar is en wat respek verdien. Amen.

Filippense 4:8
“Laastens, liewe gelowiges:
alles wat waar is,
alles wat eerbaar is en wat respek verdien,
alles wat reg is voor God,
alles wat rein en opreg is,
alles wat vol skoonheid is en wat ons met verwondering vul,
alles wat lof en erkenning verdien,
ja, enigiets wat uitnemend is op morele vlak,
en enigiets wat prysenswaardig is – dink asseblief daaraan.

Om oor te gesels en te dink
Ons denke bepaal hoe ons lewe en Paulus stel vir ons ‘n denkprogram, soos ‘n oefenprogram, voor. Hy moedig ons aan om te dink soos God wil hê ons moet dink. Ons moet dit bewustelik oefen om te fokus wat God wil hê ons op moet fokus. Ons moet dit elke dag inoefen. Ons moet dink aan alles wat waar is.
Waarheid is relasioneel. Waarheid is God. Wanneer ons op waarheid fokus, fokus ons op God. Ons kan dink soos Jesus. 1 Korintiërs 2:14 herinner Paulus ons: “Wat ons betref, ons het die denkwyse van Christus.”

• Fokus vandag op die waarheid.
• Fokus op Jesus wat in verhouding met ons staan om vir ons die Waarheid te wys.
• Laat God jou denke vandag vernuwe.

Gebed
Jesus, ek wil dink soos U dink. Ek wil op U as Waarheid fokus. Help met my om alles wat waar is te dink en te doen. Amen.

Lukas 6:43-45
“Dit is nie die goeie boom wat slegte vrugte dra nie, en ook nie die slegte boom wat goeie vrugte dra nie. Elke boom word aan sy eie vrugte geken. Van doringstruike pluk ‘n mens mos nie vye nie, en van ‘n doringbos oes jy ook nie druiwe nie. Die goeie mens bring die goeie te voorskyn uit die oorvloed goeie dinge in sy hart, en die slegte mens bring die slegte te voorskyn uit die oorvloed slegte dinge. Waar die hart van vol is, loop die mond van oor.”
‭‭
Om oor te gesels en te dink
As ons as dissipels geroep is om verskil in God se Koninkryk te maak, moet ons na onsself en ons eie geestelike groei omsien. Hierdie teksgedeelte in Lukas kan ons weerloos en skuldig laat voel. Dit kan ons laat wonder oor die vrug in ons eie lewe. Wat gaan in ons harte aan? Verklap ons ‘mond’, dade en houding nie juis dit wat ons harte van vol is nie? Miskien glo ons die Goeie Nuus, of nie. Miskien is ons bang om nie te glo nie. Ongeag ons motivering, ons rede om volgelinge van Christus te wees, is leeg as ons harte nie as volgelinge warm brand nie. Hoe kan ons woorde en dade outentiek en sonder ‘moeite’ wees as dit nie ‘n hartsaak is nie?

Neem vandag ‘n oomblik om ‘n paar woorde op papier neer te skryf waarom dit vir jou ‘n hartsaak is om Jesus te volg. Nie die regte antwoorde wat jy dink iemand verwag nie. Nee, die opregte, weerlose en outentieke redes waarom jy ‘n volgelinge van Jesus is. Miskien gaan dit jou meer as ‘n dag vat om hierdie woorde te kan neerskryf, maar probeer om deur te druk om jou eie hart te hoor, in gebed.

Gebed
Here, hoor my hart vandag. Ek sukkel dalk vandag om die mooi woorde te vind waarom ek glo. Maar Here, ek glo. Help my in my tye van ongeloof. Help my hart om gevorm te word vir U.  Amen.

Psalm 1
“Dit gaan goed met die mens wat nie die raad van goddeloses volg nie, nie met sondaars omgaan en met ligsinniges saamspan nie, maar wat in die woord van die Here sy vreugde vind, dit dag en nag oordink. Hy is soos ‘n boom wat by waterstrome geplant is, wat op die regte tyd vrugte dra en waarvan die blare nie verdroog nie. Hy is voorspoedig in alles wat hy aanpak. So is die goddeloses nie. Hulle is soos kaf wat deur die wind uitmekaar gewaai word. Daarom sal goddeloses hulle nie kan handhaaf wanneer die Here oor hulle oordeel nie en sondaars nie ‘n plek hê in die vergadering van regverdiges nie. Waarlik, die Here lei die regverdiges op hulle pad, maar die pad van die goddeloses lei tot ondergang.”
‭‭
Om oor te gesels en te dink
Hierdie week dink ons na oor die Koninkryk van God. Hoe vinnig dit groei versprei en dat ons dit nie kan of moet beheer nie. Ons dink na oor ons eie rol in die Koninkryk en wat dit beteken om as dissipels geroep te wees. Hierdie Psalm vertel van wanneer dit met ‘n mens goed gaan. Dat mense wat die Woord dag en nag oordink en op God fokus, soos ‘n boom is wat by waterstrome geplant is. Goed geanker, wortel geskiet en gevoed om vrugte te dra. Wanneer daar vrug gedra word, is dit altyd tot groei, verspreiding van die Koninkryk. As ons as dissipels geroep is om verskil in Koninkryk te maak, moet ons na onsself en ons eie geestelike groei omsien. Groei jy? Hoe groei jy? Deur wat te doen groei jy as dissipel?

Gebed
Here, ons weet dit is belangrik om self te groei en ontwikkel. Maar ek dink daar gaan altyd later meer tyd daarvoor wees. Vandag bely ek dat ek op so manier my roeping vir nou mis. Heilige Gees, werk in my. Om te groei as dissipel vir U Koninkryk en gebruik my nou, 2023.  Amen.

Matteus 4:18-20
“Eendag toe Jesus langs die See van Galilea loop, sien Hy twee broers: Simon, wat ook Petrus genoem word, en sy broer Andreas. Hulle was besig om ‘n werpnet in die see uit te gooi, want hulle was vissers van beroep. Hy sê toe vir hulle: “Kom hier! Kom saam met My, en Ek sal julle vissers van mense maak.” Hulle het dadelik die nette gelos en Hom gevolg.””
‭‭
Om oor te gesels en te dink
Hierdie week dink ons na oor die Koninkryk van God. Hoe vinnig dit gegroei het, versprei het en dat ons dit nie kan of moet beheer nie. Wat dink jy is jou rol in die Koninkryk van God? As dissipels is ons elkeen geroep. Geroep om aktief deel te neem aan die Koninkryk. Deel te neem aan die groei en verspreiding. In hierdie teks hoor ons die roeping van die eerste dissipels in die evangelie van Matteus. Hoe het jou roeping geklink? Hoe klink jou roeping tans? ‘n Roeping om aktief in die Koninkryk van God te werk?

Gebed
Here, ek skop met tye teen my roeping. Soms is dit omdat ek dink dit te veel tyd sal neem. En met ander kere is dit omdat ek nie dink ek is goed genoeg om gebruik te word nie. Heilige Gees, bevestig my roeping in my eie hart. ‘n Roeping vir U Koninkryk. Amen.

Matteus 13:31-32
“Hy het nog ‘n gelykenis aan hulle voorgehou en gesê: “Die koninkryk van die hemel is soos ‘n mosterdsaadjie wat iemand gevat en in sy land geplant het. Dit is die kleinste van al die soorte saad, maar as dit uitgegroei het, is dit groter as die tuinplante en word dit ‘n boom, sodat die voëls in sy takke kom nes maak.””
‭‭
Om oor te gesels en te dink
Mosterdsaadjies mag nie toe Jesus die gelykenis vertel het in ‘n tuin geplant word nie, omdat dit onder andere moeilik is om te beheer. Dit het vinnig versprei, nes onkruid, en ‘n digte bos gevorm. God se Koninkryk kan nes ‘n mosterdsaadjie, of onkruid, nie beheer word nie. Laat mens dink aan die koninkryk van die tempel in terme van hoe die priesterhoofde en Fariseërs beheer uitgeoefen het en op die wyse mense uitgehou en uitgesluit het.

Waar probeer ons vandag nog God se Koninkryk beheer?
Waarom sal mense (onbewustelik) God se Koninkryk probeer intoom hou?

Gebed
Here, U Koninkryk is nie ons s’n om te probeer beheer nie. Wys my vandag op my optrede wat uitsluit of die verspreiding van U Koninkryk probeer tem. Amen.

Matteus 13:31-32
“Hy het nog ‘n gelykenis aan hulle voorgehou en gesê: “Die koninkryk van die hemel is soos ‘n mosterdsaadjie wat iemand gevat en in sy land geplant het. Dit is die kleinste van al die soorte saad, maar as dit uitgegroei het, is dit groter as die tuinplante en word dit ‘n boom, sodat die voëls in sy takke kom nes maak.””
‭‭
Om oor te gesels en te dink
‘n Mosterdsaadjie is bitter klein. Jy moet dit mooi optel en vashou om te keer om nie te laat val nie. Jesus vertel in ‘n gelykenis dat die Koninkryk van God nes ‘n Mosterdsaadjie is. Dis moontlik dat dit klein in die begin is maar kan groei tot ‘n groot en digte bos. Die verspreiding van die Goeie Nuus was ook eers ‘n klein groep volgelinge en later ‘n beweging en oortuiging waarvan ons vandag deel is. God se Koninkryk is groter as wat ons besef!

Hoe lyk God se Koninkryk vir jou?
Waar beleef jy God se Koninkryk?
Wees op die uitkyk hierdie paar dae vir dinge wat klein mag lyk, maar ‘n groot effek in God se Koninkryk is.

Gebed
Here, dinge mag dalk vir my klein lyk, maar die effek daarvan is nog vir my onbekend. U Koninkryk lyk anders as wat ek dalk aan gewoond is. Wys my hierdie paar dae hoe U Koninkryk kom. Amen.

Matteus 13:31-32
“Hy het nog ‘n gelykenis aan hulle voorgehou en gesê: “Die koninkryk van die hemel is soos ‘n mosterdsaadjie wat iemand gevat en in sy land geplant het. Dit is die kleinste van al die soorte saad, maar as dit uitgegroei het, is dit groter as die tuinplante en word dit ‘n boom, sodat die voëls in sy takke kom nes maak.””
‭‭
Om oor te gesels en te dink
‘n Mosterdsaadjie is bitter klein. Jy moet dit mooi optel en vashou om te keer om nie te laat val nie. Jesus vertel in ‘n gelykenis dat die Koninkryk van God nes ‘n Mosterdsaadjie is. Dis moontlik dat dit klein in die begin is maar kan groei tot ‘n groot en digte bos. Die verspreiding van die Goeie Nuus was ook eers ‘n klein groep volgelinge en later ‘n beweging en oortuiging waarvan ons vandag deel is. God se Koninkryk is groter as wat ons besef!

Hoe lyk God se Koninkryk vir jou?
Waar beleef jy God se Koninkryk?
Wees op die uitkyk hierdie paar dae vir dinge wat klein mag lyk, maar ‘n groot effek in God se Koninkryk is.

Gebed
Here, dinge mag dalk vir my klein lyk, maar die effek daarvan is nog vir my onbekend. U Koninkryk lyk anders as wat ek dalk aan gewoond is. Wys my hierdie paar dae hoe U Koninkryk kom. Amen.

Jona 4:1-4
“Hieroor was Jona baie ontevrede en hy het baie kwaad geword. Hy het tot die Here gebid en gesê: “Ag, Here, ek het dit geweet toe ek nog in my land was. Daarom het ek reg in die begin na Tarsis toe gevlug. Ek het geweet U is ‘n genadige en barmhartige God, lankmoedig en vol liefde. U sien maklik af van die straf wat U aangekondig het. “Laat ek nou maar sterf, Here, want dit is vir my beter om te sterf as om te lewe.” Toe vra die Here vir hom: “Het jy rede om kwaad te word?””

Om oor te gesels en te dink
Jona hou nie van die manier wat God werk nie. In sy woede verklaar tog hy wie God is. Hy wil God verkwalik dat Hy genadig en barmhartig is. Maar hy weet ook dis wie God is. Hy wil sy eie optrede teenoor God regverdig. Hy wil moed op gee en sterf.
Tog vra God vir Jona of hy enige rede het om kwaad te word. Per implikasie het Jona geen rede om kwaad te wees omdat God mense red nie en dat Hy van plan kan verander.
Ons is baie keer ook soos Jona. Ons regverdig ons optrede, selfs ons ongehoorsaamheid, as ons God anders werk as wat ons wil hê Hy moet werk. Ons het nie rede om kwaad te wees nie.
Jona verklaar ook dat God genadig en barmhartig is. Ten spyte van sy ontevredenheid kan Jona dit steeds bely.

Gebed
Here, soms voel ek ook kwaad soos Jona, maar ek bely dat U genadig en barmhartig is. Ek het U lief en wil U steeds dien. Amen.

Jona 3:5-6, 9-10
“Die mense van Nineve het toe in God geglo en hulle het ‘n dag aangekondig om te vas. Groot en klein het rouklere aangetrek. Die berig het ook by die koning van Nineve uitgekom….
9Miskien sal God van plan verander en nie meer kwaad wees nie. Dan sal ons nie omkom nie.” Toe God sien wat hulle doen, en hoe hulle hulle bekeer van hulle verkeerde dade, het Hy afgesien van die ramp wat Hy gesê het Hy oor hulle sal bring. Hy het nie die ramp gestuur nie.”
‭‭
Om oor te gesels en te dink
Jona preek in Nineve en die mense kom tot inkeer en begin in God glo. Selfs die koning beveel dat mense hulle moet bekeer. En hy reageer self. Dan sê die koning die belangrike woorde: “Miskien sal God van plan verander…” ’n Man wat nie God gedien het nie, vra die vraag of God nie van plan kan verander nie. Die antwoord op sy vraag is dat God van plan kan verander, soos wat Hy goed dink. Ons kan en moet God daarvoor vertrou. Net soos met Nineve waar dinge anders uitgewerk het, as wat aanvanklik gedink is, kan God van plan verander vir dinge in ons lewens. Laat ons in afhanklikheid Hom vertrou. Ons kan dieselfde bid en vra, soos die koning, dat God sy planne kan verander. God het geluister en nie die ramp gestuur nie.

Gebed
Here, dankie dat U God is. U kan van plan verander soos U goed dink. Mag ek U planne bly vertrou. Amen.

Jona 3:1-5
“Die woord van die Here het ‘n tweede keer tot Jona gekom: “Maak klaar, gaan na die groot stad Nineve toe en spreek hom aan met die boodskap wat Ek jou sal gee.” Toe maak Jona klaar en gaan na Nineve toe soos die Here hom beveel het. Nineve was ‘n baie groot stad: ‘n mens het drie dae gevat om dit deur te stap. Jona het die stad ingegaan en ‘n dag lank daar rondgestap en toe roep hy: “Nog net veertig dae en Nineve word verwoes! Die mense van Nineve het toe in God geglo en hulle het ‘n dag aangekondig om te vas. Groot en klein het rouklere aangetrek.”

Om oor te gesels en te dink
God los nie vir Jona uit nie. God roep Jona weer ’n keer om na Nineve toe te gaan. Jona het hierdie keer gereageer en na Nineve toe gegaan om die boodskap van bekering te gaan vertel. Daar word nie vertel of Jona dit gewillig gedoen het nie.
Die mense van Nineve reageer op hierdie boodskap en begin in God glo. Al was Jona onwillig, het God hom nog steeds gebruik om ’n verskil te maak.
Soos Jona, word ons aanhoudend deur God geroep. Hy los ons nie. En al is ons onwillig, gebruik God ons ook nog steeds om ’n verskil te maak. Ons wil dit nie altyd doen nie, maar God gebruik ons. Die manier waarop ons mense hanteer, maak ’n impak.

Gebed
Here, ek voel nie altyd gereed as U my roep nie. Ek is ook onwillig soos Jona. Gebruik my steeds om ’n verskil te maak. Amen.

Jona 2:1-4
“Toe bid Jona daar binne-in die vis tot die Here sy God. Jona het gesê: “In my nood het ek tot die Here geroep, en Hy het my gebed verhoor. Diep in die doderyk het ek hulp gevra, en U, Here, het my gehoor. U het my die diepte ingegooi, diep in die see, en die watermassa het my omring. U het golf na golf oor my laat gaan. Ek het gedink ek het uit u gesig verdwyn, maar tog sal ek weer u heilige tempel aanskou.”

Om oor te gesels en te dink
Jona verootmoedig homself voor God. Hy roep in sy nood na God en hy ervaar dat God sy gebed verhoor. Al het hy net van tevore van God probeer wegvlug, kom bely hy dat God die Een is wat by hom is. Jona besef dat al het hy probeer om van God af weg te kom, God hom nie gelos het nie. Hy bid tot God met die verwagting dat hy weer in God se teenwoordigheid sal wees.
In ons krisisse bid ons nie altyd nie. Ons voel ver van God af of dink dat ons nie God moet pla nie. Ons voel ook soms skuldig waar ons ons bevind. Dit is egter nie nodig nie. Wanneer ons swaarkry, moet ons juis soos Jona ons voor God verootmoedig en Hom vertrou dat Hy ons gebed verhoor.

• Wat is dit wat jy vandag vir die Here wil sê?
• Vertrou Hom dat Hy jou hoor.

Gebed
Here, soms voel ek oorweldig. Ek wil vandag my hart met U kom deel. Dankie dat U by my is, ongeag waar ek myself bevind. Amen.

Jona 1:5-6
“Die matrose het bang geword, en elkeen het tot sy god om hulp geroep. Hulle het die vrag van die skip in die see gegooi om die skip ligter te maak. Maar Jona was onder in die skip waarheen hy afgegaan het om te gaan slaap. Hy het vas geslaap en die kaptein het na hom toe gegaan en vir hom gesê: “Wat is dit met jou dat jy lê en slaap? Staan op en bid tot jou god. Miskien sal hy aan ons dink en dan sal ons nie vergaan nie.””

Om oor te gesels en te dink
Jona het probeer wegvlug van die Here af en dit vir niemand gesê nie. Tog het sy ongehoorsaamheid ’n effek gehad op die mense om hom. Die matrose was bang toe die storm uitbreek en het vermoed dat hy die rede daarvoor kan wees. Daarom maak hulle hom wakker en sê dat hy tot sy god moet bid. Hulle het toe nog nie besef wat aan die gebeur is nie.
Jona het tot God gebid en erken dat hy van God af vlug. Nadat die Jona oorboord gegooi is en die storm bedaar het, het die matrose ook vir God offers gebring.
Wat ons doen, goed of sleg, het ’n impak op die mense rondom ons. Hulle gaan of God in ons raak sien of hulle gaan niks met God te doen wil hê nie. Ons het ’n verantwoordelikheid hoe ons lewe. Ons is soms die enigste kontak wat mense met God het.

Gebed
Here God, al doen ek nie altyd wat U vra nie, help my om ’n getuie vir U vir die mense rondom my te wees. Amen.

Jona 1:1-3
“Die woord van die Here het tot Jona seun van Amittai gekom: “Maak klaar, gaan na die groot stad Nineve toe en spreek hom aan, want Ek weet hoe sleg hy is.” Maar Jona het klaargemaak om na Tarsis toe te vlug, weg van die Here af. Jona is af Joppe toe, en daar het hy ‘n skip gekry wat op vertrek was Tarsis toe. Hy het vir die reis betaal en aan boord gegaan om saam met die bemanning Tarsis toe te gaan, weg van die Here af.”

Om oor te gesels en te dink
Jona word deur God geroep om as profeet ’n boodskap aan die mense van Nineve te gaan gee. Maar Jona is onwillig en besluit om van die Here af weg te vlug. Dit is opmerklik hoe die woord “af” gebruik word. Hy kan amper nie verder weg gaan nie. Hy gaan omtrent in die teenoorgestelde rigting.
Wat die Here van Jona vra is nie onbillik nie, maar Jona sien nie kans om dit waarvoor die Here hom roep te gaan doen nie. Hy dink hy kan vir die Here wegkruip. Tog los God hom nie uit nie. Hy bly by hom, al dink Jona hy kan weg van die Here af.
Ons is ook soms so. Ons weet die Here roep ons ons maar ons wil dit nie doen nie en probeer van die Here af weg kom. Tog is God se genade en liefde groter.

Gebed
Here, soms wil ek ook soos Jona net weg van U af, want ek wil nie doen wat U van my vra nie. Dankie dat U my dan nie los nie. Dankie vir U liefde. Amen.

Lukas 15:20-24
““Toe hy nog ver aankom, het sy pa hom al gesien en hom innig jammer gekry. Hy hardloop hom tegemoet, omhels hom en soen hom. Toe sê die seun vir hom: ‘Pa, ek het teen God en teen Pa gesondig. Ek is nie meer werd om Pa se seun genoem te word nie.’ Maar sy pa roep sy werksmense: ‘Maak gou! Bring klere, die beste, en trek dit vir hom aan; sit vir hom ‘n ring aan sy vinger en trek vir hom skoene aan! En bring die vetgemaakte kalf, slag hom, en laat ons eet en feesvier! Hierdie seun van my was dood, en hy lewe weer; hy was verlore, en ek het hom teruggekry.’ Toe het hulle begin feesvier.”

Om oor te gesels en te dink
Hierdie week het ons nagedink oor genade. Genade wat ons onverdiend van God ontvang, asook ons eie genade waarmee ons met tye onregverdig te werk gaan. Hierdie is ‘n bekende teksgedeelte oor die verlore seun, of soos sommige verwys die verlore seuns. Ons fokus vandag op die eerste seun wat weggeloop het. Wanneer hy tot inkeer kom oor hoe onregverdig hy teenoor sy pa opgetree het en terugkom, word hy verras en oorweldig met genade. As ons hierdie gelykenis vergelyk met God as Ouer weet ons, of ken ons dit dalk self, dat God ons ook altyd oorweldig met Sy genade.

Dink na oor die volgende:
< Waar in jou lewe was jy so diep bewus van God se genade soos in hierde gelykenis?
< Stap vandag deur jou huis en raak aan verskillende items. Soos jy daaraan raak en voel, raak weereens bewus dat selfs die kos gesien kan word as sorg en genade.

Gebed: Bid vandag hierdie lirieke van die bekende lied ‘Genade’
“Genade onbeskryflik groot
Het U aan my bewys
Verlore seun, ‘n wegloopkind
Weer in die Vaderhuis
Ek is die naam van kind nie werd
Wou self my sake reël
My lewe, kanse, tyd en geld
Is nutteloos verspeel.”
Genade onbeskryflik groot
Daars fees, ek is weer tuis

Matteus 20:9-12
“Dié wat teen vyfuur gehuur is, kom toe en kry elkeen die gewone dagloon. Die mense wat eerste gehuur is, het gedink hulle sou meer kry, maar toe hulle aan die beurt kom, kry hulle ook elkeen die gewone dagloon. Hulle vat toe die geld maar begin by die eienaar kla en sê: ‘Hierdie laastes het net een uur gewerk, en nou betaal u hulle dieselfde loon as vir ons wat die hele dag hard gewerk het in die warm son.’”

Om oor te gesels en te dink
‘n Interpretasie van hierdie teks is dat die eienaar van die wingerd vir God voorstel. ‘n Ander moontlike interpretasie is dat die gelykenis, nes baie ander gelykenisse, ons aandag wil vestig op hoe die Koninkryk van God behoort te werk. Dit sou beteken dat die eienaar nie noodwendig vir God voorstel nie, maar ons uitdaag oor hoe ons in die Koninkryk te werk gaan. Hoe ons moontlik meer genadig en regverdig ander mense behandel vir wat hulle nodig het. Hoe sou God se Koninkryk lyk as daar uitgekyk word vir mense wat minder het?

Dink na oor die volgende:
< Waar kan jy gee omdat jy het, nes die wingerd eienaar?
< Hoe sou dit lyk om mense te help vanuit jou genade wat jy ontvang het?

Gebed
“Here, U is my lewe, U sorg vir my. Wat ek ontvang, kom alles van U af. Ek wil graag vandag raaksien waar ek vanuit die genade wat ek ontvang het, ‘n verskil in iemand anders se lewe kan maak. Amen.”

Matteus 20:13-15
““Maar hy antwoord een van hulle: ‘Vriend, ek doen jou geen onreg aan nie. Het jy nie met my ooreengekom vir die gewone dagloon nie? Vat jou geld en gaan huis toe. Ek wil vir hierdie laaste een dieselfde gee as vir jou. Mag ek dan nie met my geld maak wat ek wil nie? Of is jy afgunstig omdat ek goed is?’”

Om oor te gesels en te dink
God se genade is vir jou en vir almal. Hierdie week raak ons weer bewus dat dit nie met verdienste of harde werk verdien kan word nie. En dat ons nie kan oordeel oor hoe God sy genade uitdeel nie. Ons het na ons hande gekyk en bewus geword van wat God vir ons gee en waar ons na diensbaarheid geroep word. Kyk vandag weer na jou hande. Sien in jou geestesoog hoe jy iets van iemand weggryp. Is dit nie hoe ons soms oor God se genade dink nie? Dat ons beter weet aan wie en wanneer dit gegee moet word nie. Is genade dan nie God se genade nie? Wanneer ons so fokus op wat ander ontvang en afgunstig is daaroor, kyk ons soms mis en sien nie ons eie hande propvol genade van God raak nie.

Gebed
“Here, U is my lewe, U sorg vir my. Wat ek ontvang, kom alles van U af. Help my om minder te fokus op wat ander ontvang en daaroor afgunstig te wees, en eerder in my eie hande U genade raak te sien. Amen.”

Matteus 20:28
“So is dit ook met die Seun van die mens: Hy het nie gekom om gedien te word nie maar om te dien en sy lewe te gee as losprys vir baie mense.”

Om oor te gesels en te dink
Ons is hierdie week bewus van God se genade. Dit wat ons is, is net genade. Wat ons van God ontvang het, ook net genade. Dit is niks wat onsself kon verdien nie. Kyk vandag weer na jou hande. Gister het ons God geloof en dank vir dit wat God vir ons gee. Sien vandag jou eie hande raak. Jesus het nie net sy hande gegee nie, maar sy lewe. Hy het alles van Hom gegee. Ons word ook geroep om alles van onsself vir God en God se koninkryk te gee. Om ons hande te gee vir God se werk. Om onsself te gee indiens van die Here.

Dink na en bid oor die volgende:
< Hoe kan jou hande vandag deur God gebruik word?
< Hoe kan jou hande vandag God dien?
< Hoe kan jou hande vandag hierdie wêreld minder onregverdig maak?

Gebed
“Here, U is my lewe, U sorg vir my. Wat ek ontvang, kom alles van U af. Gebruik vandag my hande om tot diens vir U te wees. Amen.”

Psalm 16:5-6
“Here, U is my lewe, U sorg vir my. Wat ek ontvang, kom alles van U af. ‘n Pragtige deel is vir my afgemeet, ja, wat ek ontvang het, is vir my mooi.”

Om oor te gesels en te dink
Daar is niks wat ons kan doen om God se genade te verdien nie. Gister het ons in gebed God bedank vir genade waarvan ons opnuut bewus word. Kyk vandag na jou hande. Hou dalk jou hande oop op jou skoot of voor jou. Terwyl jy na jou hande kyk dink na oor wat God vir jou (vandag) gee? Hoe sorg God (vandag) vir jou?

Alles wat ons het en ontvang kan nie noodwendig in randwaarde gemeet word nie, maar dit beteken nie dat dit nikswerd is nie. Kyk weer na jou hande en dink na oor wat God vir jou gee wat nie noodwendig materialisties is nie.

Terwyl jy bewus word van hoe God vir jou sorg en wat jy (vandag) van God ontvang, bid die volgende hardop:
“Here, U is my lewe, U sorg vir my. Wat ek ontvang, kom alles van U af. ‘n Pragtige deel is vir my afgemeet, ja, wat ek ontvang het, is vir my mooi. Amen.”

Efesiërs 2:8-10
“Julle is inderdaad uit genade gered, deur geloof. Hierdie redding kom nie uit julleself nie; dit is ‘n gawe van God. Dit kom nie deur julle eie verdienste nie, en daarom het niemand enige rede om op homself trots te wees nie. Nee, God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het.”

Om oor te gesels en te dink
Soms vergelyk ons onsself met ander Christene in terme van hóé goeie Christene ons dink ons is. Ons vergeet dat ons uit genade gered is en daarom is ons lewenstyl nie sodat ons gered word nie, maar omdat ons bewus is van die genade wat ons ontvang het. Nie oor ons verdienste of goeie werke nie, want dan sal ons dit nooit kon verdien nie. Nee, genade van God en daarom niks om op onsself trots te wees nie.

Is jy bewus van God se genade in jou lewe? Nie net vir die ewige lewe nie, maar waarmee God huidiglik in jou lewe besig is. Of dink jy dat alles jou eie toedoen is? Neem vandag ‘n oomblik om bewus te word van God se genade en God daarvoor te dank.

Gebed
Here, ek word vandag opnuut bewus van __ in my lewe. Ek besef dat dit ook van U af kom. U genade is groter as wat ek daagliks besef. Dankie Here dat U genade nie afhang van my nie, help my om meer bewustelik te leef uit dankbaarheid. Amen.

Lukas 22:31-34
““Simon, Simon!” het Jesus gesê. “Luister! Die Satan het daarop aangedring om julle soos koring te sif. Maar Ek het vir jou gebid dat jou geloof jou nie begewe nie. As jy weer tot inkeer gekom het, moet jy jou broers versterk.” Petrus sê vir Hom: “Here, ek is bereid om saam met U selfs gevangenskap en dood in te gaan.” Maar Hy antwoord: “Petrus, Ek sê vir jou: Die haan sal vannag nie kraai voordat jy My drie maal verloën het deur te sê dat jy My nie ken nie.””

Om oor te gesels en te dink
Jesus het gereeld gebid. Dit was vir Hom een van Sy belangrikste geloofsgewoontes. Hy het gereeld Homself afgesonder om te bid soos ons in Lukas 5:16 sien. Lukas vertel vir ons hoe Jesus gebid het. Hy wys ook vir ons uit dat Jesus vir Petrus gebid het toe dit met hom swaar gegaan het. Jesus het geweet dat die die Satan die dissipels wou sif. Die Boodskap vertaal hierdie treffend: “Maar moenie bekommerd wees nie: Ek het spesifiek vir jou gebid! Ek het God gevra om te sorg dat jy nooit sal ophou glo nie. Nou is jou geloof maar swak, maar een van die dae sal dit anders wees. Glo My! Wanneer daardie dag aanbreek, moet jy asseblief omsien na al die ander gelowiges. Bemoedig hulle dan en sorg dat hulle geloof ook sterk is.”
Jesus bid ook vir ons. Jesus bid vir jou!

Gebed
Jesus, dankie dat U vir my bid. Help my waar my geloof swak is en ek U nie volg nie. Ek het U lief. Amen.

Lukas 5:27-29
“Daarna het Jesus uitgegaan en ‘n tollenaar met die naam Levi by sy tolhuis sien sit, en Hy sê vir hom: “Volg My.” Hy het alles net so laat lê en opgestaan en Jesus gevolg. Levi het ‘n groot feesmaal in sy huis gehou ter ere van Jesus, en ‘n groot aantal tollenaars en ander mense het saam met hulle aangesit.”

Om oor te gesels en te dink
Jesus skroom nie om by randfigure stil te staan nie. Tollenaars was gehate persone omdat hulle bekend was vir uitbuiting. Tog sien Jesus mense soos Levi raak en roep hom om Hom te volg. Hy reageer dadelik en los alles om Jesus te volg. Levi gaan verder om die nuus bekend te maak deur ‘n groot feesmaal vir Jesus te hou. Hy nooi ander tollenaars en mense wat nie hoë aansien gehad het nie. Hulle is almal welkom by Jesus aan tafel. Jesus herinner die Fariseërs wat Hom hieroor veroordeel dat Hy nie gekom het vir mense wat dink hulle Hom nie nodig het nie, maar vir mense wat erken dat hulle Hom nodig het.
Jesus roep ons om Hom te volg, al dink ander mense dat ons dit nie waardig is nie. Jesus gee nooit op ons op nie.

Gebed
Jesus, dankie dat U mense roep, al dink ons hulle verdien dit nie. Dankie dat U my geroep het. Ek wil U bly volg. Amen.

Lukas 5:18-20
“Onverwags kom daar mense met ‘n verlamde man op ‘n draagbaar aan, en hulle probeer om hom die huis in te bring en voor Jesus neer te sit. Toe hulle vanweë die gedrang nie kans sien om hom in te bring nie, klim hulle op die dak en laat hom met draagbaar en al deur ‘n opening tussen die dakteëls afsak tussen die mense in en vlak voor Jesus. Toe Hy hulle geloof sien, sê Hy: “Mens, jou sondes is jou vergewe.””

Om oor te gesels en te dink
Lukas vertel vir ons nog ‘n verhaal van genesing wat Jesus doen. Hierdie keer is dit ‘n verlamde man wat nie gedink het dat hy ooit gesond sou word nie. Tog gee sy vriende nie moed op nie en doen alles in hulle vermoë om hom by Jesus uit te bring. Lukas sê dat toe Jesus die verlamde man se vriende se geloof sien, het Hy hom genees. Sonder sy vriende se omgee, sou hy nie by Jesus uitgekom het nie. Mens kan net wonder wat die verlamde man moes dink wat met hom gebeur. Dalk het hy geprotesteer teen die hulp? Dalk wou hy Jesus nie pla nie?
Ons is ook partymaal is sulke situasies. Ons moet ander help om by Jesus uit te kom, selfs al dink hulle dat hulle nie genesing kan ontvang nie. Op grond van ons geloof, kan ons mense na Jesus toe bring.
As ons dalk soos die verlamde man is, moet ons toelaat dat ons vriende ons na Jesus toe bring.

• Wie kan jy nader na Jesus toe bring?
• Moet jy toelaat dat vriende jou nader aan Jesus bring?

Gebed
Here Jesus, dankie vir vriende. Mag ek so vriend wees wat mense nader aan U bring. Mag ek toelaat dat vriende my nader aan U bring. Amen.

Lukas 5:15-16
“Tog het die nuus oor Hom nog verder versprei, en groot menigtes het saamgedrom om na Hom te luister en van hulle siektes genees te word. Maar Hy het Hom altyd weer in eensame plekke afgesonder om daar te bid.”

Om oor te gesels en te dink
Ten spyte van Jesus se besige en belangrike bediening van lering en genesing, het Hy tyd vir die belangrikste van alles gemaak. Hy het Hom altyd weer in eensame plekke afgesonder om te bid. Ons kan vinnig oor hierdie teks lees, maar Lukas noem dit nie net terloops nie. Deur die hele evangelie van Lukas wys hy hoe belangrik gebed vir Jesus is. Van waar Jesus gedoop is tot by die kruis het Jesus voortdurend gebid. Op hierdie manier was Hy heeltyd in gesprek met die Vader.
Ons moet by Jesus leer om dieselfde te doen. Ten spyte van ons besige programme moet ons tyd maak om onsself af te sonder om te bid. Wanneer ons so bid, koester ons ons verhouding met die Vader. Soos Jesus sy hart met die Vader gedeel het, kan ons ook ons hart met Hom deel.

Gebed
Hemelse Vader, ek wil myself gereeld afsonder om met U te praat. Dankie dat ek my hart met U kan deel. Mag ek nie te besig raak en nie bid nie. Amen.

Lukas 5:12-13
“Eendag toe Jesus in een van die dorpe was, kom Hy ‘n man teë wat oortrek was van die melaatsheid. Toe die man Hom sien, val hy op sy knieë voor Hom en smeek: “Here, as U wil, kan U my gesond maak.” Jesus steek sy hand uit, raak hom aan en sê: “Ek wil. Word gesond!” En sy melaatsheid was onmiddellik weg.”

Om oor te gesels en te dink
Jesus kry die vreemde versoek van die melaatse man. Dis amper asof hy nie dink dat Jesus hom sal wil genees nie. Teen alle verwagting reageer Jesus positief. Hy steek sy hand uit en raak aan hom om hom te genees. Dit was ongekend want melaatse mense was nie welkom in die samelewing nie. Jesus steek ’n grens oor om hierdie persoon te help.
Soms moet ons ook ’n grens oorsteek om iemand te kan help, selfs as hulle dit nie verwag nie. Dit mag vra dat ons iets doen wat ons nie gedink het ons sou doen nie. Tog het mense ons liefde en aanraking nodig.

• Is daar iemand wat jy van weet wat jou aanraking nodig het?
• Is daar ’n grens wat jy moet oorsteek om vir iemand Jesus se liefde te wys.

Gebed
Here Jesus, ek wil by U leer. Wys my wie U liefde en aanraking nodig het. Dankie dat U liefde vir my genoeg is. Amen.

Lukas 5:5-8
““Meneer,” antwoord Simon, “ons het die hele nag deur geswoeg sonder om iets te vang, maar op u woord sal ek die nette uitgooi.” En toe hulle dit doen, het hulle so ‘n groot klomp vis gevang dat hulle nette wou skeur. Hulle wink toe vir hulle maats in die ander skuit om te kom help. Hulle het gekom en albei die skuite so vol gemaak dat hulle amper gesink het. Toe Simon Petrus dit sien, val hy voor Jesus se knieë neer en sê: “Gaan weg van my af, Here, want ek is ‘n sondige mens.””

Om oor te gesels en te dink
Jesus sien Simon Petrus raak waar hy besig is om vis te vang. Hy is nie suksesvol nie en is verbaas as Jesus hom beveel om weer sy nette te gaan ingooi. Omdat hy pas Jesus se lering vanuit sy skuit gehoor het, besluit hy om Jesus te vertrou. Hulle gaan toe weer uit en ervaar ’n wonderwerk.
Simon Petrus besef wat gebeur het en val voor Jesus se voete neer. Hy herken Hom nou as Here. Hy is nou nie meer “Meneer” nie, maar “Here”.
Simon Petrus voel dat hy nie waardig is om voor Jesus te verskyn nie. Jesus roep hom steeds om hom te volg. Hy los alles en begin Jesus volg.
Partymaal is ons ook moedeloos oor ons situasie en dink dat daar nie uitkoms is nie. Tog doen Jesus wonderwerke wat ons nie altyd verwag nie. Ons kan soos Petrus leer om Jesus te vertrou.

Gebed
Here Jesus, leer my U te vertrou, selfs as ek dink dis nie moontlik nie. Ek erken U as my Here. Dankie dat U my raak sien. Amen.

Matteus 25:21
Toe sê sy eienaar vir hom: ‘Mooi so! Jy is ‘n goeie en getroue slaaf. Oor min was jy getrou, oor baie sal ek jou aanstel. Kom in en deel in my vreugde!’

VRAE:

• Ek is seker dat elkeen van ons aan die einde van ons loopbaan sal wil kom en wil getuig daarvan dat ons enduit voluit gewerk het. Dat ons deur die werk vreugde beleef het, dat ons van God getuig het en Hom geëer het deur ons werk. Ons sal elkeen graag wil hoor hoe God vir ons sê: “Mooi so! Jy is ‘n goeie en getroue werker.” Dat Hy ons in sy arms opneem en huis toe neem. Dat ons dan met vrymoedigheid en vrede by God kan rus.
• Hoe kan jy enduit volhard in die werk waarmee jy besig is? Hoe kan jy lewenslank waarde vind in die werk wat jy doen? Ons lewens en werkslewe gaan ook deur verskeie seisoene. In elke seisoen moet ons weer opnuut inspirasie vind vir die werk wat ons moet doen. Met wie kan jy praat om jou te help met motivering en inspirasie wanneer werk ‘n seisoen beleef wat vir jou swaar is om te hanteer?
• Hoe sou sukses lyk volgens jou? Hoe sou jy weet of jy suksesvol was teen die einde van jou loopbaan? Hoe sou jy dit bepaal? Wat dink jy sou God wou hê, jy moet doen teen die einde van jou loopbaan? Hoe vertrou jy Hom daarvoor? Hoe bly jy getrou in die lang termyn? Deel jou hart met die Here.

Kunswerk: Maria Oosthuizen – My Soul Thirsts For You
https://www.houseofmaria.co.za/collections/a3-prints-only/products/mpp20053-my-soul-thirst-for-you?variant=39938720694370

GEBED
Here, ek wil so graag getrou bly aan U. Ek wil so graag U eer met die werk wat ek doen. Ek wil so graag vir U vra om my lewenslank getrou te hou aan U roeping. Here, help my om elke dag te werk tot die beste van my vermoë. Here, mag ek elke dag U eer bring deur die werk wat ek doen.
Amen

Eksodus 3:4-5
Toe die Here sien dat hy nader kom om te kyk, roep God na hom uit die doringbos: “Moses! Moses!” En hy antwoord: “Hier is ek.” 5Die Here sê toe vir hom: “Moenie nóg nader kom nie. Trek uit jou skoene, want die plek waarop jy staan, is gewyde grond.”

VRAE:

• Moses het God ontmoet op heilige grond. Die werk waarvoor Moses geroep het was heilige werk. As ons wel die uittog verhaal lees, besef ons dat Moses nie elke dag gevoel het asof die werk Heilige werk is nie, asof die grond waarop Moses beweeg nie heilige grond is nie. Die volk het gekla en die weg was lank en moeilik.
• God roep ons ook vir spesifieke werk. Leonard Sweet het een keer gesê dat hy ‘n duikboot deur gekoop het vir sy studeerkamer. Wanneer hy dan by sy studeerkamer ingaan onthou hy om sy voete op te lig want hy betree heilige grond, en sy kop af te buk want hy buig voor die Here. Wanneer hy dan uit sy studeerkamer gaan, die wêreld in, moet hy dit weer doen. Want die wêreld is ook sy werksplek. God roep ons elkeen vir Heilige werk op Heilige grond. Waarvoor is jy geroep? Deel jou hart met die Here.
• Die kunswerk kyk Jesus diep in die meisie se oë. Daar is ‘n intimiteit en verweefdheid in hulle nabyheid. Wanneer ons werk, kan ander God raaksien in die werk wat ons doen. Wanneer ons werk, moet ander God se teenwoordigheid in ons kan raaksien. Ons moet so naby aan God leef dat niemand kan twyfel of God teenwoordig is in ons nie, of ons in die wil van God is nie. Hoe lyk hierdie nabye verhouding in jou werk? Hoe kan ander van hierdie verhouding tussen jou en God getuig?
• Waar is die heilige grond waar jy moet werk? Hoe hanteer jy die uitdagings, probleme en situasies wat jy daagliks beleef? Hoe kan jy jouself weer herinner aan die heilige grond waarop jy daagliks loop in jou werk? Hoe kan jy met ander jou ervarings van heilige grond deel? Hoe kan jy ander ook help om die heilige grond te sien waarop hulle die voorreg het om te werk?

Kunswerk: Maria Oosthuizen: You Are Moving In My Midst
https://www.houseofmaria.co.za/collections/a3-prints-only/products/mpp18066-you-are-moving-in-my-midst?variant=39961179095138

Gebed:
Here, ek besef dat ek op heilige grond tree, elke keer wanneer ek uit die deur stap en gaan werk. Here, help my asb. om te sien hoe ‘n voorreg dit is. Veral Here, wanneer ek net die uitdagings, die klagtes, die probleme en die struikelblokke sien en beleef. Here, ek vra dat U asb. vir my sal herinner hoe om die werk wat ek doen te respekteer en met eer aan te pak. Here, help my asb. om U te eer met die manier waarop ek die werk aanpak en deurvoer. Here, mag U naam groot gemaak word.
Amen

Johannes 12:3
Toe het Maria ‘n halfliter egte, baie duur nardusolie gebring en dit op Jesus se voete uitgegiet en sy voete met haar hare afgedroog. Die hele huis is deurtrek met die geur van die reukolie.

VRAE:

• Maria het Jesus gesalf met duur nardusolie. Sy moes hard gewerk het vir daardie olie. Sy het met haar geskenk Jesus gesalf en aan Hom eer bewys. Net so bring die werk wat ons doen eer aan God. Maar die winste van ons werk kan ook gebruik word om God te eer. Die manier hoe ons werk en die vrug van ons werk kan soos ‘n heerlike geur die wêreld verryk.
• Wat is die vrug van jou werk? Hoe word jou werk beloon? Dink aan meer voorbeeld as net salaris. Hoe is elkeen van die belonings vir jou ook ‘n geleentheid om God te eer? Hoe beleef jy die vrug van jou werk? Deel jou hart met die Here.
• Hoe praat jy oor jou werk? Hoe praat jy oor die vrug van jou werk? Hoe sou mense om jou getuig van die vrug van jou werk?
• Hoe seën jou werk ander mense? Hoe eer jou werk die Here? Deel jou hart met die Here.
• Hoe kan jy teenoor ander getuig deur die werk wat jy doen? Hoe kan hulle die soet geur van Christus met ander deel? Hoe kan ander ook aangemoedig word om Christus te eer deur die werk wat jy doen?

Kunswerk: Maria Oosthuizen – The Sweet Smell
https://www.houseofmaria.co.za/collections/a3-prints-only/products/mpp19028-the-sweet-smell?variant=39946473144418

GEBED:
Here, ek beleef U as my Here, my Redder en my Verlosser. Ek beleef die voorreg wat ek het om U te kan dien by my werk. Ek is so dankbaar vir die vrug wat my werk voortbring. Here, ek weet ook dat ek dit weer kan gebruik om U naam groot te maak. Here, help my om so te praat, dink en op te tree sodat ander die soet reuk van Jesus se liefde kan beleef. Here, mag alles wat ek doen U eer. Here, mag U opgehef word in alles wat ek doen. Ook met die vrug wat my werk bring. Gebruik dit tot eer van U naam.
Amen

Romeine 8:14-16
_ 14Almal wat hulle deur die Gees van God laat lei, is kinders van God. 15Die Gees wat aan julle gegee is, maak julle nie tot slawe nie en laat julle nie weer in vrees lewe nie; nee, julle het die Gees ontvang wat julle tot kinders van God maak en wat ons tot God laat roep: “Abba!” Dit beteken Vader. 16Hierdie Gees getuig saam met ons gees dat ons kinders van God is._
14God’s Spirit beckons. There are things to do and places to go! 15 This resurrection life you received from God is not a timid, grave-tending life. It’s adventurously expectant, greeting God with a childlike “What’s next, Papa?” 16 God’s Spirit touches our spirits and confirms who we really are. We know who he is, and we know who we are: Father and children. (Message)

VRAE:

• Die “Message” weergawe van die teks beskryf dit die beste. Daar is ‘n opwinding en verwondering belewenis wat gelowiges het as dit kom by werk. Dit is ‘n geleentheid om te getuig van God se grootheid. Dit is ‘n geleentheid om te werk in God se koninkryk. Dit is ‘n geleentheid om God te eer. Ons identiteit is “kind van God”. Wanneer ons by die werk is, het ons die voorreg om soos kinders, vir God te vra: “Wat kan ons volgende doen vir U?”.
• Het jy ‘n kinderlike opgewondenheid oor jou werk? Sien jy dit as ‘n geleentheid om God en ander te kan dien? Gebruik jy dit as ‘n geleentheid om in verwondering oor God te wees en Hom te loof? Deel jou hart met die Here. Hoe kan jy hierdie ervaring ‘n realiteit maak in jou werk?
• Hoe kan jy ander mense by die werk inspireer om ook kinders van God te word? Hoe kan jy hulle opgewonde maak oor die goeie nuus? Hoe kan jy hulle in die kinderlike verwondering van God innooi? Hoe is jy besig om die goeie nuus by die werk te versprei en verkondig?

Kunswerk: Maria Oosthuizen – This is Joy
https://www.houseofmaria.co.za/collections/a3-prints-only/products/mpp19035-this-is-joy?variant=39946462822498

GEBED:
Here, ek wil kinderlik opgewonde wees oor U. Oral. Elke dag. Ook by die werk. Here, wys vir my hoe ek dit kan doen in ‘n rol waar alles so ernstig en vervelig is. Here, help my om my identiteit as kind van God vol te lewe. Here, help om deur my eie ervaring met U ander te inspireer om ook in verhouding met U te staan. Here, dankie dat U my Vader is. U is besonders. Ek is in verwondering!
Amen

Dinsdag, 4 Julie 2023

Matteus 11:28-30
“Kom na My toe, almal wat uitgeput en oorlaai is, en Ek sal julle rus gee. 29Neem my juk op julle en leer van My, want Ek is sagmoedig en nederig van hart, en julle sal rus kry vir julle gemoed. 30My juk is sag en my las is lig.”

VRAE:

• Soms beleef ons wonde in die verloop van ons werk. Mense maak ons seer, konflik breek ons siel, situasies maak ons moedeloos, teleurstellings breek ons gemoed. Dit laat ons gewond. God is nie onbewus hiervan nie. Hy weet waar deur ons gaan wanneer ons werk. Dit is nooit Sy droom vir ons nie. Maar wanneer ons gewond is. Belowe Hy sy teenwoordigheid in daardie omstandighede.
• Waar het jy wonde beleef as dit kom by werk? Wat is die stories en leuens wat in jou hart leef, rondom werk? Die Here wil jou wonde bind. Hy wil vir jou kans gee om te genees. Hoe laat jy God toe om jou te versorg en jou wonde te verbind? Wat het jy tans nodig om na jouself en jou seerkry om te sien? Hoe gaan jy dit inbou?
• Jesus sê jy kan na Hom toe gaan as die las te swaar is, die seerkry te veel is. Hy sal vir jou rus gee. Hoe lyk dit om in Christus te rus? Hoe is Hy deel van jou werkservaring? Hoe gee jy vir Hom geleentheid om die leiding te neem by die werk? Hoe bid jy vir die werk, die werkservaring en die mense met wie jy werk?

Kunswerk: Maria Oosthuizen – Life’s Battles
https://www.houseofmaria.co.za/collections/a3-prints-only/products/mpp21036-lifes-battles

GEBED:
Here, U weet hoe seer ek al gekry het by die werk. U weet dat dit vir my soms swaar is om te dink ek moet dag in en uit die werk doen. Ek het nodig dat U vir my sal versorg. Here, ek vra dat U sal herstel dit wat by my gebreek is. Ek vra dat U my ook sal gebruik as ‘n agent van vrede, herstel en vergifnis. Gebruik my, Here, om te getuig van U liefde, sorg en genade by die werk.
Amen

1 Korintiërs 9:24-25
“Weet julle nie dat atlete wat aan ‘n wedloop deelneem, wel almal hardloop, maar dat net een die prys ontvang nie? Hardloop dan só dat julle die prys kan wen. Almal wat aan ‘n wedstryd deelneem, ontsê hulleself allerlei dinge. Hulle doen dit om ‘n verganklike oorwinnaarskroon te verkry, maar ons ‘n onverganklike.”

Om oor te gesels en te dink
Paulus gebruik ‘n bekende beeld van sy tyd om ons geestelike lewe met ‘n wedloop te vergelyk. Ons almal is deel van die wedloop en is ons op pad om die onverganklike kroon te ontvang. Dit is nodig om sekere keuses te maak, sodat jy die eindstreep kan bereik. Dit is nie altyd maklik om vir die regte dinge te kies nie, maar wanneer ons weet waarnatoe ons op pad is, kan ons dit doen. Geloofsgewoontes soos omgee, sorg, gebed en tyd met God se Woord help ons om in die wedloop te bly.

• Watter keuses maak jy om jouself geestelik te oefen?
• Is daar dinge wat jy kies om te doen of nie te doen nie, op jou geestelike reis?

Gebed
Here, ek sien uit na die onverganklike kroon. Ek kies vandag om te fokus op dit wat vir U belangrik is. Help my in my lewenswedloop. Amen.

1 Korintiërs 9:24-25
“Weet julle nie dat atlete wat aan ‘n wedloop deelneem, wel almal hardloop, maar dat net een die prys ontvang nie? Hardloop dan só dat julle die prys kan wen. Almal wat aan ‘n wedstryd deelneem, ontsê hulleself allerlei dinge. Hulle doen dit om ‘n verganklike oorwinnaarskroon te verkry, maar ons ‘n onverganklike.”

Om oor te gesels en te dink
Paulus gebruik ‘n bekende beeld van sy tyd om ons geestelike lewe met ‘n wedloop te vergelyk. Ons almal is deel van die wedloop en is ons op pad om die onverganklike kroon te ontvang. Dit is nodig om sekere keuses te maak, sodat jy die eindstreep kan bereik. Dit is nie altyd maklik om vir die regte dinge te kies nie, maar wanneer ons weet waarnatoe ons op pad is, kan ons dit doen. Geloofsgewoontes soos omgee, sorg, gebed en tyd met God se Woord help ons om in die wedloop te bly.

• Watter keuses maak jy om jouself geestelik te oefen?
• Is daar dinge wat jy kies om te doen of nie te doen nie, op jou geestelike reis?

Gebed
Here, ek sien uit na die onverganklike kroon. Ek kies vandag om te fokus op dit wat vir U belangrik is. Help my in my lewenswedloop. Amen.

Jesaja 50:4
“Die Here my God het my geleer om die regte woorde te gebruik sodat ek dié wat moeg is, kan moed inpraat. Elke môre laat Hy my opnuut weer luister, Hy laat my luister soos ‘n leerling moet luister.”

Om oor te gesels en te dink
Jesaja herinner ons aan die belofte dat die Here ons leer om mekaar moed in te praat. Dalk voel jy moeg? Dalk is jy moedeloos? Dalk ken jy iemand wat moeg en moedeloos voel?
Wanneer ons by die Here stil word, gee Hy vir ons die regte woorde. Ons moet luister, soos wat ’n leerling luister. Intensioneel. Gehoorsaam.

• Sal jy jouself vandag oopstel om so na die Here te luister?
• Vir wie moet jy vandag moed in praat?

Gebed
Here, my God, ek wil leer om die regte woorde te gebruik. Ek wil luister soos ’n leerling en by U leer. Mag ek vandag iemand moed in praat. Amen.

1 Korintiërs 13:11-13
“Toe ek ‘n kind was, het ek gepraat soos ‘n kind, gedink soos ‘n kind, geredeneer soos ‘n kind. Maar noudat ek ‘n man is, is ek klaar met die dinge van ‘n kind. Nou kyk ons nog in ‘n dowwe spieël en sien ‘n raaiselagtige beeld, maar eendag sal ons alles sien soos dit werklik is. Nou ken ek net gedeeltelik, maar eendag sal ek ten volle ken soos God my ten volle ken. En nou: geloof, hoop en liefde bly, hierdie drie. En die grootste hiervan is die liefde!”

Om oor te gesels en te dink
Om in liefde te leef is nie altyd maklik nie. Daar is dinge wat mens nie altyd verstaan nie. Oms ken nie nou ten volle nie en ons verstaan ook nie ten volle nie, maar eendag sal ons ken en verstaan soos God ons ken.
Ons kan nie liefde leef, omdat ons dit nie verstaan nie. Ons moet juis daarop fokus. Saam met geloof (ons verhouding met God) en hoop (die sekerheid dat God sy beloftes hou) is die liefde die grootste.
Laat ons nie moeg word om lief te hê, terwyl ons in geloof en hoop leef.

Gebed
Here God, U is liefde. Al verstaan ek nie altyd nie, bly U liefde staan. Mag ek met geloof, hoop en liefde leef. Amen.

1 Korintiërs 13:6-8
“Dit verbly hom nie oor onreg nie, maar verheug hom oor die waarheid. Dit bedek alles, glo alles, hoop alles, verdra alles. Die liefde vergaan nooit nie, maar die gawe van profesie sal verdwyn, die gawe om ongewone tale en klanke te gebruik, sal ophou, en dié van kennis sal uitgedien raak.”

Om oor te gesels en te dink
Die liefde het ook grense en daarom waar liefde heers kan onreg nie geduld word nie. Liefde fokus en verbly hom oor die waarheid. Liefde is om altyd die regte ding te doen. Daarom sê Paulus dat liefde alles bedek, alles glo, alles hoop en alles verdra. Dit klink amper onmoontlik, maar dis juis moontlik omdat God se liefde vir ons nooit vergaan nie. Liefde is nie iets wat mens kan opgebruik nie en dan sê dis klaar nie. Gawes verdwyn, maar God se liefde kan nooit ophou nie. Liefde is ‘n werkwoord. Ons moet liefde gee, maar ook ontvang.

• Hoe lyk jou liefde?
• Glo jy dat God se liefde vir jou genoeg is?

Gebed
Here, dankie dat U liefde nooit ophou nie. Help my om in liefde te bly oefen, al is dit soms moeilik. Amen.

1 Korintiërs 13:4-5
“Die liefde is geduldig, die liefde is vriendelik; dit is nie afgunstig nie, is nie grootpraterig nie, is nie verwaand nie. Dit handel nie onwelvoeglik nie, soek nie sy eie belang nie, is nie liggeraak nie, hou nie boek van die kwaad nie.”

Om oor te gesels en te dink
Liefde is ‘n werkwoord en nie net ‘n gevoel nie. Paulus verduidelik hoe dit lyk as jy liefde inoefen. Die Boodskap vertaal hierdie twee verse baie prakties: “Om ander lief te hê beteken om nooit iemand sleg te behandel wat jou irriteer nie; om altyd alle mense so te hanteer dat hulle graag by jou wil wees sonder om bang te wees dat jy hulle sleg sal behandel; om ander mense dit wat hulle het of kry te gun sonder om lelik te wees as hulle dinge het wat jy nie het nie; om nie heeltyd oor jouself te praat en te spog nie; om nie heeltyd te maak asof jy soveel beter as ander mense is nie; om nie ongeskik te wees nie, maar jou so te gedra dat ander nie ongemaklik saam met jou voel nie; om nie net heeltyd aan jouself en jou eie voordeel te dink nie; om nie sommer vir niks kwaad te word nie, en om nie elke liewe dingetjie wat iemand verkeerd doen te onthou sodat jy hom kan terugkry nie.”

Gebed
Here, help my om vandag U liefde prakties te oefen. Mag ek vandag vir iemand uit liefde help en omgee. Amen.

1 Korintiërs 13:1-3
“Nou wys ek julle wat nog die allerbeste is: Al praat ek die tale van mense en engele, maar ek het geen liefde nie, het ek ‘n stuk klinkende metaal, ‘n galmende simbaal geword. Al het ek die gawe van profesie en ken ek al die geheimenisse en besit ek al die kennis, en al het ek al die geloof om berge te versit, maar ek het geen liefde nie, dan is ek niks. Al deel ek al wat ek het aan ander uit, en al gee ek my liggaam prys om my daarop te kan beroem, maar ek het geen liefde nie, baat dit my niks.”

Om oor te gesels en te dink
Paulus herinner ons dat die toets van alles wat ons doen, die liefde is. Maak nie saak watter gawe ons het nie, as ons dit nie met liefde doen nie, beteken dit niks. Liefde in aksie maak die verskil. Jou gawe kan net vir iemand iets beteken as jy dit met liefde inoefen. Paulus noem drie gawes wat nutteloos sou wees, as dit nie met liefde gedoen word nie. Dien jy met jou gawes in liefde? Wie het jou liefde nodig? Wie kan jy dien met liefde?

Gebed
Here, ek wil graag in oefening bly om alles met liefde te doen. Help my om my gawes met liefde en uit liefde te deel. Amen.

Filippense 1:9-11
“Ook bid ek dat julle liefde al hoe meer sal toeneem in begrip en fyn aanvoeling, sodat julle die dinge sal kan onderskei waarop dit werklik aankom. Dan sal julle op die dag wanneer Christus kom, onberispelik en sonder blaam wees, en deur Jesus Christus sal julle geheel en al in die regte verhouding met God wees, tot sy lof en eer.”

Om oor te gesels en te dink
Hoe oefen jy liefde in? Of dalk is die vraag hoekom moet ons liefde inoefen? Ons oefen dit in, want dit is wat God van vra en ook omdat ons tot verheerliking van God die liefde wil kan ‘opvoer’. Paulus praat van die dag wat Christus kom, of anders gestel die dag wat ons voor God ons ‘opvoering’ moet wys. Dit is waarvoor ons tans ‘oefen’ op aarde. Ons is tans besig om aan die heel beste opvoering te oefen en dit gaan oor liefde.

Gebed
Here, dankie vir U grootste daad van liefde. Ek wil deel hê aan die beste ‘opvoering’ vir U. Leer my hoe liefde lyk en waar om dit in te oefen. Amen.

Filippense 1:9-11
“Ook bid ek dat julle liefde al hoe meer sal toeneem in begrip en fyn aanvoeling, sodat julle die dinge sal kan onderskei waarop dit werklik aankom. Dan sal julle op die dag wanneer Christus kom, onberispelik en sonder blaam wees, en deur Jesus Christus sal julle geheel en al in die regte verhouding met God wees, tot sy lof en eer.”

Om oor te gesels en te dink
Liefde is ‘n woord wat kinders van kleins af ken ‘Ek is lief vir jou’. DIt is ‘n gevoel vir iets of iemand. Maar liefde is definitief ook dade. Paulus skryf aan die gemeente in Filippi dat hy bid vir hulle en dat hy spesifiek bid dat hulle liefde (dade) sal toeneem. Dat hierdie liefde (dade) met ‘insig’ of te wel begrip en fyn aanvoeling sal toe neem. Hy wil hulle oortuig dat hulle die daad van liefde moet begin inoefen, sodat dit deel van hulle lewe word. Hoe oefen jy liefde in? Teenoor wie? En teenoor wie nie? Mag jy vandag bewus word van jou dade as liefde en met insig en fyn aanvoeling daaroor dink.

Gebed
Here, dankie vir U grootste daad van liefde. Gebruik my vandag om ook liefde teenoor ander te betoon en in te oefen. Help my om bewus te raak waar ek liefde leef en waar nie.  Amen.

Romeine 12:1
“En nou doen ek ‘n beroep op julle, broers, op grond van die groot ontferming van God: Gee julleself aan God as lewende en heilige offers wat vir Hom aanneemlik is. Dit is die wesenlike van die godsdiens wat julle moet beoefen.”

Om oor te gesels en te dink
Paulus herinner ons dat Jesus se koms beteken dat ons nie meer offers hoef te bring nie, maar dat ons onsself moet gee as lewende en heilige offers vir God. Wanneer ons besef dat Jesus se offer ons lewens kom verander het, dan kan ons nie anders as om onsself vir mense om ons te gee nie. Ons sal dan help waar ons kan. Ons sal bid vir ander. Ons sal dien waar ons kan. Ons sal lief hê en ’n ekstra myl stap. Dan is ons besig met die wesenlike, of anders gestel, die essensie van ons geloof.
Mag die Here jou iewers gebruik as ’n offer vir iemand wat dit nodig het.

Gebed
Here God, dankie vir U groot genade en ontferming wat U vir my kom gee het. Help my om ’n lewende en heilige offer vir U en iemand anders te wees. Amen.

Hebreërs 10:19-22
“*Broers, ons het dus nou deur die bloed van Jesus vrye toegang tot die heiligdom, en dit op ‘n weg wat nuut is en na die lewe lei. Hierdie weg het Hy vir ons gebaan deur die voorhangsel heen, dit is deur sy liggaam. En terwyl ons Hom ook as groot priester oor die huis van God het, laat ons tot God nader met ‘n opregte hart en met volle geloofsekerheid. Ons harte is immers gereinig van ‘n skuldige gewete, en ons liggame is gewas met skoon water._”

Om oor te gesels en te dink
Toe Jesus aan die kruis gesterf het, het die voorhangsel in die tempel van bo tot onder geskeur (Markus 15:38). Dit was die teken dat ons vrye toegang tot God gekry het. Meer nog, Jesus is die groot Hoëpriester wat vir ons hierdie vrye toegang gee. Ons kan dus met ’n opregte hart tot God nader en weet dat Hy daar is. Ons is gereinig en hoef nie meer skuldig te voel nie. Jesus Christus het dit vir ons elkeen moontlik gemaak.
Ons moet hierdie vrye toegang met ope arms ontvang en nie dink ons is dit nie waardig nie. Jesus het juis vir ons almal kom sterf om hierdie toegang moontlik te maak. Jy kan met vrymoedigheid tot God nader.

Gebed
Here God, dankie wat U deur die bloed van Jesus vir my vrye toegang tot U gegee het. Ek verstaan dit nie altyd nie, maar ek volg U. Dankie dat U vir my lief is. Amen.

Hebreërs 9:24-25, 28
“Christus het nie ingegaan in ‘n heiligdom wat deur mense gemaak is en net ‘n namaaksel van die ware is nie. Nee, Hy het in die hemel self ingegaan om nou ter wille van ons voor God te verskyn. Hy het nie ingegaan om Homself herhaaldelik te offer nie, soos die hoëpriester elke jaar die Allerheiligste binnegaan met bloed wat nie sy eie is nie. So is Christus ook net een maal geoffer om die sondes van baie weg te neem. As Hy die tweede keer verskyn, kom Hy nie in verband met sonde nie, maar om verlossing te bring vir dié wat Hom verwag.”

Om oor te gesels en te dink
Die Hebreërs skrywer verduidelik in hoofstuk 9 in detail wat dit beteken dat Jesus Christus se offer vir ons elkeen genoeg was. Ons het nie meer ’n aardse tabernakel waar ons offers moet bring nie. Christus het in die hemel ingegaan en ter wille van ons voor God verskyn. Hy het Homself geoffer vir elkeen van ons. Hy was die ware Hoëpriester wat dit moontlik gemaak het. Ons kan nou uitsien wanneer Hy weer kom. Ons sien uit na die verlossing wat net Hy bring.

Gebed
Jesus Christus, U wat U self geoffer het, ter wille van my! Dankie! Dankie dat ek nou in vrede kan leef en kan uitsien na U verlossing. Amen.

Eksodus 40:34-38
“’n Wolk het die tent van ontmoeting oordek, en die magtige teenwoordigheid van die Here het die tabernakel gevul. Moses kon nie in die tent van ontmoeting inkom nie: die wolk was daarin, en die magtige teenwoordigheid van die Here het die tabernakel gevul. Later het dit so gegaan: wanneer die wolk van die tabernakel af voor die Israeliete uit wegtrek, het hulle agter die wolk aan versit. As die wolk nie weggetrek het nie, het hulle daar gebly totdat dit wel weggetrek het. Die wolk van die Here was bedags ‘n wolk oor die tabernakel en snags het dit ‘n vuur daarbo-oor geword. So het die hele Israel dit ervaar elke keer as hulle versit.”

Om oor te gesels en te dink
Die volk het die sigbare teenwoordigheid elke dag beleef. God se teenwoordigheid word met ’n wolk beskryf. Bedags was dit ’n wolk wat skadu gegee het en snags wat dit ’n vuurwolk wat lig gegee het. Dit het die volk gehelp om te weet dat die Here by hulle is. Ons sal partykeer wat wil gee om vandag dit ook te kan beleef. Die Goeie Nuus is dat die Here steeds by ons is en dat ons Hom kan aanbid.

• Hoe voel jy om te weet dat die Here by jou is?
• Wat sou jy graag vir die Here wil sê?
• Wat herinner jou aan God se teenwoordigheid?

Gebed
Here, dankie dat U by my teenwoordig is. Help my om U raak te sien in dit wat ek vandag doen. Ek dra hierdie dag aan U op. Amen.

Eksodus 25:8-9
“8 Hulle moet vir My ’n heiligdom oprig dat Ek tussen hulle kan woon. 9Die tabernakel en al sy toebehore moet gemaak word presies volgens die plan wat Ek jou gewys het.”

Om oor te gesels en te dink
Ons lees in Eksodus 25-40 hoe die tabernakel gebou is. Die volk het offers gebring om dit moontlik te maak. Die tabernakel is ook bekend as die “die tent van ontmoeting” (Eks 27:21) of “die verbondstent” (Heb 9:2). Hierdie name probeer God se teenwoordigheid vashou. Die volk het baie moeite gedoen met die bou van die tabernakel. Hulle het egter nie vrye toegang tot die tabernakel gehad nie. ’n Hoëpriester kon net een keer per jaar in die allerheiligste ingaan om versoening namens die volk te doen. Ons kan vandag weet dat God deur Sy Gees altyd by ons is en dit is nie van ’n plek afhanklik nie.

Gebed
Here, dankie dat ek net my oë kan toemaak en bid. Dankie dat U by my is en dat ek U kan ontmoet. Ek gee myself vandag vir U. Amen.

Johannes 1:1-5, 14
“In die begin was die Woord daar, en die Woord was by God, en die Woord was self God. Hy was reeds in die begin by God. Alles het deur Hom tot stand gekom: ja, nie ‘n enkele ding wat bestaan, het sonder Hom tot stand gekom nie. In Hom was daar lewe, en dié lewe was die lig vir die mense. Die lig skyn in die duisternis, die duisternis kon dit nie uitdoof nie. 14 Die Woord het mens geword en onder ons kom woon. Ons het sy heerlikheid gesien, die heerlikheid wat Hy as die enigste Seun van die Vader het, vol genade en waarheid.”
‭‭
Om oor te gesels en te dink
Johannes begin sy evangelie met die boodskap dat God in Jesus onder ons kom woon het. Jesus, die Woord, was van die begin by God en self God. Hy het soos ‘n lig in die donker vir ons kom wys wie Hy is. Meer nog, Hy het letterlik Sy tent onder ons kom opslaan.
Dit is die vervulling van die belofte van die Ou Testament. Hy laat ons sy heerlikheid sien en ons kan Sy genade ervaar.

• Maak dit rustig dat Jesus by jou kom woon het?
• Kan jy sy heerlikheid en genade raak sien?
  God neem die inisiatief om na ons toe te kom. Uit Sy liefde vir jou, kom Hy na jou toe. Sê vir Hom dankie daarvoor.

Gebed
Jesus, U was nog altyd daar! Dankie dat U na ons toe gekom het om by ons te kom woon. Ek wil U heerlikheid raak sien en U genade beleef. Amen.

Jesaje 61:1-3
“Die Gees van die Here my God het oor my gekom; die Here het my gesalf om ‘n blye boodskap te bring aan die mense in nood, Hy het my gestuur om dié wat moedeloos is, op te beur, om vir die gevangenes vrylating aan te kondig, vryheid vir dié wat opgesluit is, om aan te kondig dat die tyd gekom het waarop die Here genade betoon, die dag waarop ons God sy vyande straf maar almal wat treur, vertroos, die dag waarop Hy vir dié in Sion wat treur, eer gee in plaas van smart, vreugde in plaas van droefheid, blydskap in plaas van hartseer. Hulle sal genoem word: Bome van Redding. Die Here het hulle geplant om sy roem te vermeerder.”

Om oor te gesels en te dink
Die Goeie Nuus is trasformerend. Dit verander ons, dit verander lewens en gemeenskappe. Jesaja praat van Geesvervulde aksies wat die Goeie Nuus vir mense in nood, die wat moedeloos is en vasgevang voel, bring. Ons is ook met die Heilige Gees vervul en deur God gestuur. Waarheen stuur God jou vandag om die Goeie Nuus vir mense wat dit nodig het, te bring?

Gebed
Here, werk vandag deur my dat ander U genadig en Goeie Nuus kan beleef. Dat die mense wat oor my pad kom wat moedeloos, sonder hoop, hartseer, vasgevang en in nood is, deur my woorde en aksies, my teenwoordigheid, bewus kan wees van U teenwoordigheid. Here, stuur my en wys my waar U reeds besig is om mense te troos. Amen

Johannes 17:18-20
“Soos U My na die wêreld toe gestuur het, het Ek hulle ook na die wêreld toe gestuur; en ter wille van hulle wy Ek My aan U toe, sodat hulle ook deur die waarheid aan U toegewy kan wees. “Ek bid egter nie net vir hulle nie, maar ook vir dié wat deur hulle woorde tot geloof in My sal kom.”

Om oor te gesels en te dink
Jesus bid vir sy dissipels en dit word in hierdie gedeelte van Johannes vasgevang. Hy sê in Sy gebed dat Hy (Jesus) na die wêreld gestuur is en so ook het hy Sy dissipels gestuur (na die wêreld). In Jesus se gebed bid Hy ook vir die volgende volgelinge wat deur die dissipels se woorde tot geloof sal kom.

Ons is ook gestuur en ingesluit in hierdie groot opdrag. Ons woorde en dade moet daartoe lei dat ander tot geloof sal kom en selfs in hul geloof sal verdiep. God is reeds besig met mense. Ons word genooi en gestuur om daarheen te beweeg. Om daar te wys na God en waar God aan die werk is.

Gebed
Here, wys my waar U my stuur vir die volgende paar dae. Heilige Gees, gee aan my die woorde en dade sodat ander tot geloof kan kom of selfs in geloof kan verdiep. Amen

Johannes 20:21
“‘Vrede vir julle!’ sê Hy weer vir hulle. ‘Soos die Vader My gestuur het, stuur Ek julle ook.’”

Om oor te gesels en te dink
Hierdie teksgedeelte is in die Johannes-evangelie se vertelling van Jesus wat aan die dissipels verskyn het en hulle stuur. Missio Dei verwys na God se sending. In wese beskryf hierdie term ook wie God is. God is nog altyd ‘n God wat mense roep en stuur. Dink aan Abraham, Jesaja, Jona, die disspels, Paulus ens. God is ‘n God wat stuur en aan die beweeg is. ‘n Uitnodiging rig aan ons om daar betrokke te raak waar God reeds besig is.

Waar kan jy terugkyk en sien hoe God mense geroep het? Jou geroep het? En gebruik het om aan te sluit by dit wat God reeds mee besig is in hierdie wêreld?

Gebed
Here, U is ‘n God wat roep en stuur. Ek is verseker ingesluit in hierdie roeping. Hier is ek, Here. Stuur my. Wys my waar is U aan die werk en hoe ek vandag daar moet betrokke raak.  Amen

Handelinge 8:32-35
“Die Skrifgedeelte wat hy gelees het, was dit: ‘Soos ‘n skaap is Hy gelei om geslag te word; en soos ‘n lam wat stil is as hy geskeer word, het Hy nie sy mond oopgemaak nie. In sy vernedering het daar nie reg aan Hom geskied nie. Wie sal van sy nageslag kan vertel? Sy lewe op aarde word beëindig.’ Die amptenaar vra toe vir Filippus: ‘Sê vir my, asseblief, van wie praat die profeet hier, van homself of van iemand anders? Filippus het by hierdie Skrifgedeelte begin en die evangelie oor Jesus aan hom verkondig.”

Om oor te gesels en te dink
Saam lees die Etiopiër en Fillippus die teksgedeelte in Jesaja. Die Etiopiër vra vir Fillippus om die teks vir hom te interpreteer. Fillippus begin toe by hierdie teksgedeelte en beweeg oor na die Goeie Nuus van Jesus. Hy deel met hom die Evangelie. Wat ‘n mooi moment! En die Etiopiër aanvaar hierdié nuus as ook Goeie Nuus vir hom.

Wat beteken die Goeie Nuus vir jou, persoonlik? Kan jy dit in woorde verwoord? Met wie sou jy dit graag wou deel?

Gebed
Here, U Goeie Nuus is vir almal. En ek ken dit ook persoonlik! Mag U my gebruik om deur my eie getuienis van wat U in my lewe beteken, met ander te deel. Amen.

Handelinge 8:29-31
“Toe sê die Gees vir Filippus: “Gaan loop saam met daardie wa.” Filippus het daarheen gehardloop en gehoor dat die man uit die profeet Jesaja lees. Hy vra toe vir hom: “Verstaan u wat u lees?” Die Etiopiër antwoord: “Hoe sou ek kon as niemand dit vir my uitlê nie?” Hy het Filippus gevra om op te klim en by hom te kom sit.”

Om oor te gesels en te dink
Dit is besonders dat die Etiopiër uit ‘n boekrol van Jesaja lees. Hy is uiteraard nie ‘n Jood nie, maar nuuskierig oor hierdié God en Sy mense. Fillippus vra of hy verstaan wat hy lees. Dit is ‘n fantastiese wyse om deel van ‘n moontlike gesprek te word. ‘n Vraag. Waar kan jy ‘n eenvoudige vraag vandag vra, wat dalk mag lei na ‘n moontlike gesprek?

En met wie kan jy iets van jou interpretasie van die Bybel deel? Dit wat jy verstaan van wat jy lees. Deur te gesels en met iemand te deel hoe ons die Bybel verstaan, is deel van getuienis – ‘n eenvoudige gesprek. En in die luister na ander se inerpetasie van die Bybel groei en leer ons ook.

Gebed
Here, dankie dat ek in my huistaal die Bybel kan lees. Dankie ook vir die ruimtes en Geloofsfamilie waarvan ek deel is wat saam met my soek na U, na U beweging in die wêreld en ook hoe ons U Woord interpreteer.  Amen.

Handelinge 8:26-29
“‘n Engel van die Here het vir Filippus gesê: “Maak jou klaar en gaan teen die middag na die pad wat van Jerusalem af Gasa toe loop.” Dit is ‘n stil pad. Filippus het toe klaargemaak en gegaan. ‘n Ontmande Etiopiër wat ‘n hoë pos beklee het aan die hof van die kandake, soos die koningin van Etiopië genoem is, en wat haar geldsake beheer het, het na Jerusalem toe gekom om te aanbid. Hy was nou op pad terug en het op sy wa gesit en lees uit die profeet Jesaja. Toe sê die Gees vir Filippus: “Gaan loop saam met daardie wa.””

Om oor te gesels en te dink
In hierdie teks lees ons hoe God die een is wat eerste handel. ‘n Engel van die Here sê vir Filippus om te gaan na ‘n spesifieke pad. Fillippus word letterlik gevra om te beweeg. Waar beweeg die Heilige Gees in jou leefwêreld? En hoe word jy gevra om daareen te beweeg? Die teks noem ook hoe die Heilige Gees vir Filippus sê om te stap na die wa. ‘n Tweede opdrag om te beweeg. Waarheen word jy vandag geroep om te beweeg?

Gebed
Here Jesus, maak vandag my oë oop om te sien waar U besig is in my leefwêreld en hoe ek kan aansluit by U beweging. Amen.

1 Johannes 1:1-4
1Van die begin af was Hy daar. Ons het Hom self gehoor; ons het Hom met ons eie oë gesien; ja, ons het Hom gesien en met ons hande aan Hom geraak. Hy is die Woord, die Lewe. 2Die Lewe het gekom; ons het Hom gesien en is getuie daarvan, en ons verkondig aan julle die Ewige Lewe wat by die Vader was en aan ons geopenbaar is. 3Hom wat ons gesien en gehoor het, verkondig ons aan júlle, sodat julle aan ons gemeenskap deel kan hê. En die gemeenskap waaraan ons deel het, is dié met die Vader en met sy Seun, Jesus Christus. 4Dit skryf ons sodat ons blydskap volkome kan wees.

VRAE:

• Die skrywer van die brief herinner sy lesers op verskillende plekke van die waarheid. Wanneer mense die Goeie Nuus hoor, is daar dadelik Fopnuus wat hulle probeer oortuig waarom die Goeie Nuus nie vir hulle geld nie. Die skrywer bou op Jesus se woorde wat ook in die Johannes evangelie gebruik. Hy herinner die mense dat hulle deur God gelief is. Hy herinner hulle dat Jesus sy lewe vir hulle, sy vriende aflê. Hy herinner hulle dat God vir hulle in genade vergewe. Hy herinner hulle dat hulle nou vry is en herstel is in verhouding. Hy herinner hulle aan al die waarhede.
• Watter leuens kom na vore wanneer jy gekonfronteer word met genade, vergifnis, verlossing en liefde? Wat maak dit moeilik om hierdie genade, vergifnis, verlossing en liefde net te ontvang? Wat is die stories wat in jou eie gedagtes loop? Deel jou hart met die Here.
• Mense teenoor wie ons getuig gaan ook ‘n klomp fopnuus glo. Hulle is te sondig. Hulle is te ver verlore. Hulle is nie goed genoeg nie. God sal hulle nie kan liefhê nie. Hulle moet eers alles regmaak voordat hulle dit kan ontvang. Hulle moet eers heeltemal verander voordat hulle werklik vry kan wees. Hoe help die Goeie Nuus ons, om mense se fopnuus stil te maak? Deel jou hart met die Here.

Gebed:
Here, dankie dat U Goeie Nuus genoeg is. Here, help ons om nie toe te laat dat die fopnuus wat die vyand in ons wakker maak, ons van U weghou nie. Here, help ons om mense te herinner dat dit net leuens is. Here, help ons om dit stil te leef. Here, help ons om meer op die Goeie Nuus te vertrou, as wat ons luister na die fopnuus.
Amen

1 Johannes 1:1-4
1Van die begin af was Hy daar. Ons het Hom self gehoor; ons het Hom met ons eie oë gesien; ja, ons het Hom gesien en met ons hande aan Hom geraak. Hy is die Woord, die Lewe. 2Die Lewe het gekom; ons het Hom gesien en is getuie daarvan, en ons verkondig aan julle die Ewige Lewe wat by die Vader was en aan ons geopenbaar is. 3Hom wat ons gesien en gehoor het, verkondig ons aan júlle, sodat julle aan ons gemeenskap deel kan hê. En die gemeenskap waaraan ons deel het, is dié met die Vader en met sy Seun, Jesus Christus. 4Dit skryf ons sodat ons blydskap volkome kan wees.

VRAE:

• Wanneer jy die res van die brief lees, ontdek jy hoe Johannes kontraste gebruik wanneer hy sy getuienis bring. God is die lig wat gekom het op antwoord op die donker van die wêreld. Jesus is die ewige lewe as antwoord op die sonde se dood. God is die waarheid wat van die begin af daar was, en die wêreld is gevul met leuens.
• Watter slegte nuus is daar om jou? Watter uitdagings, struikelblokke, versoeking en vrese kan jy noem wat sou kwalifiseer as slegte nuus? Watter slegte nuus moet jy elke dag hanteer? Watter slegte nuus moet jou familie en vriende hanteer? Deel jou hart met die Here.
• Die brief se skrywer wys hoe God die Goeie Nuus is, as antwoord op die slegte nuus van die wêreld. Wanneer ons getuig, kan ons ook sy voorbeeld volg. Wanneer ons luister na mense se stories, hoor ons baie slegte nuus.
• Hou sou jy die Goeie Nuus deel as antwoord op hierdie slegte nuus? Hoe sou jy vir jouself, jou mense en ander om jou kon getuig dat God die antwoord is? Deel jou hart met die Here.

Gebed:
Here, ek weet U is die Goeie Nuus in antwoord op al die slegte nuus om ons. Here, help om braaf genoeg te wees om dit met ander te kan deel. Here, help my om ‘n draer van Goeie Nuus te wees. Here, help my met wysheid, onderskeiding en die regte woorde wanneer ek met mense se slegte nuus gekonfronteer word. Here, help my om te getuig vanuit my lewende verhouding met U, nie net kop kennis wat ek weet nie.
Amen

1 Johannes 1:1-4
1Van die begin af was Hy daar. Ons het Hom self gehoor; ons het Hom met ons eie oë gesien; ja, ons het Hom gesien en met ons hande aan Hom geraak. Hy is die Woord, die Lewe. 2Die Lewe het gekom; ons het Hom gesien en is getuie daarvan, en ons verkondig aan julle die Ewige Lewe wat by die Vader was en aan ons geopenbaar is. 3Hom wat ons gesien en gehoor het, verkondig ons aan júlle, sodat julle aan ons gemeenskap deel kan hê. En die gemeenskap waaraan ons deel het, is dié met die Vader en met sy Seun, Jesus Christus. 4Dit skryf ons sodat ons blydskap volkome kan wees.

VRAE:

• Ons moet eers ons harte bewaak van die verkeerde dinge en fokus op die regte goed. Dan moet ons leer hoe om te luister na ander. Wanneer ons in verhouding is en goed kan luister, sal ons weet wanneer die regte tyd is om ons stories te deel en te getuig. Ons fokus vir die res van die week op hoe getuienis lyk.
• Die skrywer van 1 Johannes wys vir ons waar om te begin wanneer ons getuig. Ons begin by die Goeie Nuus. Hy begin by God. Wie is die God waarvan hy getuig? Hoe is hierdie God die Goeie Nuus wat ander nodig het? Vir die skrywer van hierdie brief is dit die God wat van die begin af daar was, wat mens geword het en kom wys het hoe lyk liefde in aksie en dit is die waarheid.
• Wat is die Goeie Nuus van Jesus, vir jou? Wat is die Goeie Nuus van die Vader, vir jou? Wat is die Goeie Nuus van die Heilige Gees, vir jou?
• Waarom het die wêreld hierdie nuus nodig? Waarom begin ons by wie God is, wanneer ons getuig? Deel jou hart met die Here.

GEBED:
Here, ek wil U loof en prys vir die feit dat U die Goeie Nuus is vir die wêreld. Meer as dit Here, ek wil U prys vir die feit dat U die Goeie Nuus is vir my. Dankie dat U standvastig is, wanneer alles om my skut. Dankie Here, dat U versorg wanneer ek verwaarloos voel. Dankie Here dat U voorsien wanneer ek nie weet hoe nie. Dankie Here, dat U troos wanneer ek swaar kry. Here, U is Goeie Nuus.
Amen

Woensdag, 24 Mei 2023

Matteus 13:9
“Wie ore het, moet luister!”

VRAE:

• Hierdie frase is een wat Jesus gereeld gebruik het. Mens sou dink dat die proses van luister baie eenvoudig is. Dit is iets wat ons almal moet kan doen. Tog is dit nie so eenvoudig nie. Ons hoor dalk baie dinge, maar ons luister nie altyd nie. Om te luister beteken dat ons die boodskap hoor, dat dit deur ons werk en dat ons deur dit getransformeer word of kies om nie daardeur beïnvloed word nie.
• Jesus moedig mense aan om te luister na wat Hy sê. Dat daar verandering of reaksie op Sy boodskap is. Hoe lyk dit om te luister? Hoe weet jy wanneer iemand anders na jou geluister het? Hoe lyk dit wanneer jy nie net gehoor het nie, maar werklik geluister het na iemand? Deel jou hart met die Here.
• Wanneer jy luister, kan jy die persoon spieël? Dit beteken om vir die persoon terug te kan sê, in jou eie woorde, wat jy by hom of haar gehoor het.
• Kan jy beskryf wat jy sien in die ander persoon wanneer jy geluister het? Sien jy die liggaamstaal, die stemtoon, die ervaring van die persoon wat praat, wanneer jy luister?
• Kan jy beskryf hoe jy voel wanneer jy luister na iemand? Kan jy optel as daar by jou emosie gewek word?
• Kan jy kreatiewe oop vrae vra wanneer jy luister? Oop vrae is vrae wat meer as ‘n ja of nee antwoord gaan gee. Dit gee iemand die geleentheid om uit te brei op dit wat hulle deel. Dit maak ook dat jy nie net luister om te antwoord nie. Vra om te verstaan.
• Kan jy kritiek hanteer wanneer jy luister? Is jy bereid om eers die ander persoon se kant te verstaan, sonder om net te verdedig. Eers dan het ons ten volle geluister.
• Luister jy op hierdie manier na Jesus wanneer jy die Woord lees? Deel jou hart met die Here.

GEBED:
Here, ek wil so graag na U luister. Ek sukkel wel daarmee Here. Help my om beter te luister.
Amen

Maandag, 22 Mei 2023

Matteus 13:3
Hy het hulle baie dinge in gelykenisse vertel en onder andere gesê: “’n Saaier het eendag gaan saai.

VRAE:

• Die gelykenis van die saaier begin baie eenvoudig. Jesus vertel hoe die saaier gaan saai het. Hy vertel hoe die saaier op verskeie tipe grond gesaai het. Die hoof gedaate kan lyk asof dit net gaan oor die grond waar die saad geval het, aangesien soveel van die verhaal daaraan spandeer word. Ons moet wel nie uit die oog verloor dat die opskrif en Jesus se openingswoorde, wel oor die saaier gaan nie.
• Die saaier saai. Dit is sy taak. Hy saai oral. Hy het nie gevra of die grond die saad verdien nie. Hy het gesaai. Indien God meer kieskeurig was oor die grond (hart) waarin Hy gesaai het, sou God die moeite gedoen het om die goeie nuus in jou hart te saai? Was jy vrugbare grond, toe God in jou hart begin saai het? Dink terug aan jou eerste ervarings met God se goeie nuus, en deel jou hart met die Here.
• Indien ons die saaier in die gelykenis sou wees, is ons goeie saaiers? Saai ons oral? Of is dit vir ons te moeilik, te ongemaklik om te saai? Is ons te skaam, te bang, te onseker om te saai? Wat sou God sê van jou taak as saaier? Is jy besig om ‘n goeie saaier te wees? Deel jou hart met die Here.
• Waar saai jy oral? Is jy baie kieskeurig oor die plekke waar jy saai? Of is jy vrygewig soos die saaier in die gelykenis? Waarom saai jy waar jy saai? Deel jou hart met die Here.

Gebed:
Here, ek sukkel daarmee om te saai. Ek het soveel verskonings en redes waarom ek nie saai nie. Here, help my om my verskonings agter te los. Here, help my om met vrymoedigheid te saai, selfs al is die grond nie na my mening reg vir die saad nie. Here, U berei die grond voor. U maak seker of dit wortel skiet of nie. Here, help my om vrede te maak met my taak, van saai. Dankie Here dat ek U kan vra vir hulp.
Amen

Matteus 13:3
Hy het hulle baie dinge in gelykenisse vertel en onder andere gesê: “’n Saaier het eendag gaan saai.

VRAE:

• Die gelykenis van die saaier begin baie eenvoudig. Jesus vertel hoe die saaier gaan saai het. Hy vertel hoe die saaier op verskeie tipe grond gesaai het. Die hoof gedaate kan lyk asof dit net gaan oor die grond waar die saad geval het, aangesien soveel van die verhaal daaraan spandeer word. Ons moet wel nie uit die oog verloor dat die opskrif en Jesus se openingswoorde, wel oor die saaier gaan nie.
• Die saaier saai. Dit is sy taak. Hy saai oral. Hy het nie gevra of die grond die saad verdien nie. Hy het gesaai. Indien God meer kieskeurig was oor die grond (hart) waarin Hy gesaai het, sou God die moeite gedoen het om die goeie nuus in jou hart te saai? Was jy vrugbare grond, toe God in jou hart begin saai het? Dink terug aan jou eerste ervarings met God se goeie nuus, en deel jou hart met die Here.
• Indien ons die saaier in die gelykenis sou wees, is ons goeie saaiers? Saai ons oral? Of is dit vir ons te moeilik, te ongemaklik om te saai? Is ons te skaam, te bang, te onseker om te saai? Wat sou God sê van jou taak as saaier? Is jy besig om ‘n goeie saaier te wees? Deel jou hart met die Here.
• Waar saai jy oral? Is jy baie kieskeurig oor die plekke waar jy saai? Of is jy vrygewig soos die saaier in die gelykenis? Waarom saai jy waar jy saai? Deel jou hart met die Here.

Gebed:
Here, ek sukkel daarmee om te saai. Ek het soveel verskonings en redes waarom ek nie saai nie. Here, help my om my verskonings agter te los. Here, help my om met vrymoedigheid te saai, selfs al is die grond nie na my mening reg vir die saad nie. Here, U berei die grond voor. U maak seker of dit wortel skiet of nie. Here, help my om vrede te maak met my taak, van saai. Dankie Here dat ek U kan vra vir hulp.  
Amen

Matteus 5:23-24
“As iemand ‘n regsaak teen jou begin, kom betyds tot ‘n skikking solank jy nog saam met hom op pad hof toe is, sodat hy jou nie voor die regter bring en die regter jou aan die polisie oorgee en dié jou in die tronk sit nie. Dit verseker Ek jou: Jy sal sekerlik nie daar uitkom voordat jy die laaste sent betaal het nie.”

Om oor te gesels en te dink
Jesus gee nog ‘n voorbeeld om te wys dat dit belangrik is om in vrede met mense te leef. In daardie tyd het die mense mekaar vir die geringste skuld voor regters gebring wat nie hulle belange beskerm het nie. Daarom moedig Jesus sy dissipels en ons aan om sover moontlik in vrede met die mense om ons te lewe. Ons verhouding met ander weerspieël ons verhouding met God.
Dit is nie ‘n maklike saak nie, maar laat ons ons beywer om die ekstra myl te stap en die mindere te wees om ‘n verhouding te koester. Op hierdie manier wys ons dat Jesus se liefde ‘n verskil in ons lewens maak en dat ons deel van Sy koninkryk is. Jesus vra dat ons met ‘n liefdevolle hart mense dien.

Gebed
Here Jesus, ek wil U liefde uitleef omdat U my eerste liefgehad het. Help my om vandag vir iemand die ekstra myl te stap. Amen.

Matteus 5:23-24
“As iemand ‘n regsaak teen jou begin, kom betyds tot ‘n skikking solank jy nog saam met hom op pad hof toe is, sodat hy jou nie voor die regter bring en die regter jou aan die polisie oorgee en dié jou in die tronk sit nie. Dit verseker Ek jou: Jy sal sekerlik nie daar uitkom voordat jy die laaste sent betaal het nie.”

Om oor te gesels en te dink
Jesus gee nog ‘n voorbeeld om te wys dat dit belangrik is om in vrede met mense te leef. In daardie tyd het die mense mekaar vir die geringste skuld voor regters gebring wat nie hulle belange beskerm het nie. Daarom moedig Jesus sy dissipels en ons aan om sover moontlik in vrede met die mense om ons te lewe. Ons verhouding met ander weerspieël ons verhouding met God.
Dit is nie ‘n maklike saak nie, maar laat ons ons beywer om die ekstra myl te stap en die mindere te wees om ‘n verhouding te koester. Op hierdie manier wys ons dat Jesus se liefde ‘n verskil in ons lewens maak en dat ons deel van Sy koninkryk is. Jesus vra dat ons met ‘n liefdevolle hart mense dien.

Gebed
Here Jesus, ek wil U liefde uitleef omdat U my eerste liefgehad het. Help my om vandag vir iemand die ekstra myl te stap. Amen.

Matteus 5:23-24
“As jy dus jou gawe na die altaar toe bring en dit jou daar byval dat jou broer iets teen jou het, laat staan jou gawe daar by die altaar en gaan maak eers vrede met jou broer en kom dan en bring jou gawe.”

Om oor te gesels en te dink
Jesus leer ons om in vrede met mense te leef. Dit is nie maklik nie, maar dit is wat Sy koninkryk vra. Nie alleen kan ek my verontskuldig deur nie vir iemand kwaad te wees nie. Nee, Jesus gaan verder en dat as ek weet dat iemand iets teen my het, ek die inisiatief moet neem om vrede te gaan maak. Dit gaan nie oor die ander persoon en wat hy of sy gedoen het nie. As ek weet dat iemand vir my kwaad is, moet ek gaan vrede maak. Ons kan baie verskonings hê hoe dit nie moontlik is nie, maar wanneer ons vrede in ons verhoudings nastreef, kan ons met groot vrymoedigheid tot God nader. Hy ken ons harte en weet dat dit beter is as ons in vrede met mekaar leef.

• Is daar iemand met wie jy moet gaan vrede maak?
• Vra die Here om jou te help om met so proses te begin.

Gebed
Here Jesus, ek wil doen wat U vra, maar dis nie altyd maklik nie. Help my om vrede uit te leef en daarmee U hart vir mense te wys. Amen.

Matteus 5:21-22
“Julle het gehoor dat daar van die ou tyd af aan die mense gesê is: ‘Jy mag nie moord pleeg nie; en elkeen wat moord pleeg, is strafbaar voor die regbank’. Maar Ek sê vir julle: Elkeen wat vir sy broer kwaad is, is al strafbaar voor die regbank. Verder, elkeen wat sy broer uitskel vir ‘n gek, is strafbaar voor die Joodse Raad; en wie hom uitskel vir ‘n idioot, is strafbaar met die helse vuur.”

Om oor te gesels en te dink
Jesus kom wys ons die ware bedoeling van God se koninkryk. Ons harte moet verander om te doen wat God van ons vra. Die mense het hulleself maklik verontskuldig dat hulle nie moord pleeg nie, maar hulle het nie hulle woede beheer nie. Ons sukkel met woede. Die kwaad wees verwys hier na ’n smeulende, blywende bitterheid teen iemand. Die verwoes ons verhoudings met mekaar en ook met God. Dit is nodig dat ons met selfbeheersing oor ons harte sal waak en nie met woede rondloop nie. Dit vreet ons van binne af op.
Ons het nodig om ons woede vir God oor te gee en Hom te vra om ons harte te verander. So kan ’n verskil in Sy koninkryk maak.

Gebed
Here Jesus, soms kry my woede die oorhand. Ek wil vra dat U my hart verander. Ek wil in vrede met U en met die mense om my leef. Amen.

Matteus 5:17, 20
“Moenie dink dat Ek gekom het om die wet of die profete ongeldig te maak nie. Ek het nie gekom om hulle ongeldig te maak nie, maar om hulle hulle volle betekenis te laat kry.
Ek sê vir julle: As julle getrouheid aan die wet nie meer inhou as dié van die skrifgeleerdes en die Fariseërs nie, sal julle nooit in die koninkryk van die hemel ingaan nie.”

Om oor te gesels en te dink
Jesus kondig God se nuwe wêreld aan as Hy die Bergrede in Matteus 5-7 lewer. Hy vir ons kom wys hoe lyk die nuwe koninkryk. Hy is in beheer. Jy kan kies of jy jou hieraan gaan onderwerp, maar dit vat niks van Jesus se koningskap weg nie.
Jesus kom vra vir ’n nuwe gesindheid en hartsverandering as ons deel is van Sy koninkryk. Hy vra ware gehoorsaamheid met oop harte. Ons kan nie net probeer reëls hou en hoop ons maak dit nie. Nee, Jesus vra dat wat ons ook al doen, ons dit met die regte gesindheid sal doen. Ons moet ons harte ondersoek. Jesus gebruik ’n paar alledaagse voorbeelde in die Bergrede om ons te help verstaan dat ons in goeie verhouding met Hom en almal om ons moet leef.

• Onderwerp jy jou aan die koningskap van Jesus?
• Verander dit die manier hoe jy leef?

Gebed
Here, U is koning. Ek aanbid U as die Een wat alles kom nuut maak het. Kom verander my hart dat ek aan U gehoorsaam sal bly. Amen.

Eksodus 34:5-6
“Die Here het in ‘n wolk afgekom en daar by Moses kom staan en die Naam “die Here” uitgeroep. Terwyl Hy by Moses verbygaan, roep die Here: “Ek, die Here, is die barmhartige en genadige God, lankmoedig, vol liefde en trou.”

Om oor te gesels en te dink
Vandag se teks herinner ons wie die God is wat ons aanbid. Ons moet God aanbid vir wie Hy is en nie net wat Hy vir ons doen nie.
Soos Hy vir Moses gesê het, herinner Hy ons dat Hy die Here is wat by ons is. Die Boodskap vertaal dit treffend: “Ek is die Here. Ek is die God wat mense help. Ek is jammer vir mense en geduldig met hulle. Ek bly altyd getrou. Jy kan op My reken.”
Dit is wie God is. Jy kan Hom met jou lewe vertrou.

• Watter eienskap van God spreek jou vandag aan?
• Waarvoor wil jy vir God dankie sê vir wie Hy is?

Gebed
Here, dankie dat U altyd daar is. Dankie dat U liefde en trou altyd genoeg is. Dankie dat U genade vandag vir my genoeg is. Amen.

Matteus 28:20b
“En onthou: Ek is by julle al die dae tot die voleinding van die wêreld.”

Om oor te gesels en te dink
Volgens Matteus sluit Jesus sy opdrag aan die dissipels met hierdie belofte af dat hulle nooit alleen sal wees nie. Dit is ook die woorde waarmee die evangelie eindig.
Jesus verseker ons dat ons nooit alleen sal wees nie omdat Hy altyd by ons sal wees. Maak nie saak wat ons uitdaging of probleem is nie, Jesus sal by ons wees. Ons wil baie keer vra dat Jesus iets in ons lewe moet wegvat of verander omdat Hy daar toe in staat is. Jesus sê eerder dat Hy by ons is, te midde van uitdagings en probleme.

• Watter verskil maak dit om te weet dat Jesus altyd by jou is?

Gebed
Here Jesus, dankie dat U altyd by my is. Dankie dat U my nooit los nie. Ek aanbid U as my Here en my God. Amen.

Matteus 28:18-20a
“Jesus kom toe nader en sê vir hulle: “Aan My is alle mag gegee in die hemel en op die aarde. Gaan dan na al die nasies toe en maak die mense my dissipels: doop hulle in die Naam van die Vader en die Seun en die Heilige Gees, en leer hulle om alles te onderhou wat Ek julle beveel het.””

Om oor te gesels en te dink
Die opgestane Jesus kom nader na sy dissipels toe en sonder om te verwyt of kwaad te wees, herinner Hy hulle dat Hy alle mag gegee is. Daarom kan Hy hulle die opdrag gee om na al die nasies uit te gaan en hulle te vertel van die opgestane Jesus. Uit hulle getuienis sal hulle mense aanmoedig om Jesus se dissipels te word. Hulle moet ook gedoop en geleer word, soos wat Jesus hulle geleer het. Hierdie staan bekend as die Groot Opdrag. Hierdie is vir elke gelowige bedoel. Jesus stel ons in staat om ander mense van Hom te vertel en hulle deel te maak van God se familie. Iemand naby aan jou het nodig om te hoor dat Jesus vir hulle lief is. Dit is nie altyd daar ver of iemand anders se werk nie. Jy is die persoon wat ’n verskil maak aan die mense rondom jou.

Gebed
Here, U wat alle mag in die hemel en op die aarde besit! Dankie dat U my in staat stel om te getuig van U. Help my om vandag aan iemand U liefde te wys. Amen.

Matteus 28:16-17
“Die elf dissipels het na Galilea toe gegaan na die berg waarheen Jesus hulle beveel het om te gaan. Toe hulle Hom sien, het hulle Hom aanbid, hoewel party getwyfel het.”

Om oor te gesels en te dink
Matteus se evangelie begin op ‘n berg met die Bergede (Mat. 5-7) en eindig ook op ‘n berg. Die dissipels het Jesus se opdrag uitgevoer en na Galilea gegaan, alhoewel hule Hom nie daar verwag het nie. Dis die eerste keer dat dat Matteus verwys na die elf en nie die twaalf dissipels nie. Judas is nie daar nie, maar Petrus is wel daar al het hy Jesus vroeër verloën.
Die dissipels herken Jesus, maar daar is ook twyfel en onsekerheid. Dit weerhou hulle nie om Jesus steeds te aanbid nie. Jesus veroordeel hulle ook nie oor hulle twyfel nie.
Ons kan weet dat Jesus leef en Hom aanbid vir wie Hy is, al voel ons ook soms die twyfel en onsekerheid. Dit is deel van ons geloofspad. Twyfel bring diepte omdat dit vrae vra en Jesus dit verstaan.

Gebed
Here, soms twyfel ek ook, maar ek wil U steeds aanbid. Help my om U vandag te aanbid vir wie U is. Amen.

Matteus 28:9-10
“Skielik het Jesus daar voor die vroue gestaan en hulle gegroet. Hulle het nader gekom, sy voete gegryp en Hom aanbid. Toe sê Jesus vir hulle: “Moenie bang wees nie. Gaan sê vir my broers hulle moet na Galilea toe gaan, en daar sal hulle My sien.””

Om oor te gesels en te dink
Verward en verwondered het die vroue van die graf weg gegaan om vir die dissipels te gaan vertel. Jesus verskyn aan hulle en hulle herken Hom dadelik. Hulle vat aan Hom en aanbid Hom. Jesus groet hulle sonder fanfare. Nie net het hulle gehoor dat Hy opgestaan het nie, hulle sien dit nou self.
Jesus sê ook vir die vroue om nie bang te wees nie. Hulle moet die Goeie Nuus van Sy opstanding gaan vertel.
Jesus vra dat hulle vir die dissipels sal gaan vertel wat hulle beleef het. Ons sien dat Jesus die dissipels vergewe het, al het hulle almal Hom in die steek gelaat. Inteendeel, Hy is nie kwaad nie en gaan hulle nie los nie.
Die vroue was gereed om Jesus te herken toe Hy aan hulle verskyn het. Hulle was bang, maar opgewonde (Mat 28:8).

• Is jy op die uitkyk vir Jesus waar jy beweeg?
• Is jy bereid om die Goeie Nuus met iemand te deel?

Gebed
Here, dankie dat U my ontmoet. Ek wil U raaksien waar ek vandag beweeg. Mag ek U teenwoordigheid ervaar. Amen.

Matteus 28:9-10
“Skielik het Jesus daar voor die vroue gestaan en hulle gegroet. Hulle het nader gekom, sy voete gegryp en Hom aanbid. Toe sê Jesus vir hulle: “Moenie bang wees nie. Gaan sê vir my broers hulle moet na Galilea toe gaan, en daar sal hulle My sien.””

Om oor te gesels en te dink
Verward en verwondered het die vroue van die graf weg gegaan om vir die dissipels te gaan vertel. Jesus verskyn aan hulle en hulle herken Hom dadelik. Hulle vat aan Hom en aanbid Hom. Jesus groet hulle sonder fanfare. Nie net het hulle gehoor dat Hy opgestaan het nie, hulle sien dit nou self.
Jesus sê ook vir die vroue om nie bang te wees nie. Hulle moet die Goeie Nuus van Sy opstanding gaan vertel.
Jesus vra dat hulle vir die dissipels sal gaan vertel wat hulle beleef het. Ons sien dat Jesus die dissipels vergewe het, al het hulle almal Hom in die steek gelaat. Inteendeel, Hy is nie kwaad nie en gaan hulle nie los nie.
Die vroue was gereed om Jesus te herken toe Hy aan hulle verskyn het. Hulle was bang, maar opgewonde (Mat 28:8).

• Is jy op die uitkyk vir Jesus waar jy beweeg?
• Is jy bereid om die Goeie Nuus met iemand te deel?

Gebed
Here, dankie dat U my ontmoet. Ek wil U raaksien waar ek vandag beweeg. Mag ek U teenwoordigheid ervaar. Amen.

Matteus 28:1-8
“Na die sabbatdag, toe dit die Sondagmôre begin lig word, het Maria Magdalena en die ander Maria na die graf gaan kyk. Skielik was daar ‘n geweldige aardbewing. ‘n Engel van die Here het van die hemel af gekom, na die graf toe gegaan, die klip weggerol en daarop gaan sit. Sy voorkoms was so blink soos weerlig en sy klere so wit soos sneeu. Van skrik vir hom het die wagte gebewe en soos dooies geword. Toe sê die engel vir die vroue: “Julle moet nie bang wees nie. Ek weet julle soek Jesus wat gekruisig is. Hy is nie hier nie, want Hy is uit die dood opgewek, soos Hy gesê het. Kom nader en kyk: daar is die plek waar Hy gelê het. Gaan gou en sê vir sy dissipels: ‘Hy is uit die dood opgewek, en Hy gaan julle vooruit na Galilea toe. Daar sal julle Hom sien.’ Dit is wat ek vir julle moes sê.” Hulle het toe haastig van die graf af weggegaan, bang maar baie bly, en hulle het gehardloop om dit aan die dissipels te vertel.”

Om oor te gesels en te dink
Die evangelie is nie altyd maklik om te glo nie. Die vroue gaan na Jesus se graf toe en skielik vind daar ‘n aardbewing plaas en ‘n engel verskyn by die graf. Hy rol die klip weg en sê vir die vroue om nie bang te wees nie. Dit is nie wat hulle verwag het nie. Hulle is oorval deur angs en onsekerheid, maar die engel stel hulle gerus. Hy weet dat hulle Jesus soek, maar Hy is nie daar nie, want Hy is uit die dood opgewek. Hy lewe en hulle sal Hom later sien.
Nadat hulle hierdie boodskap ontvang het, is hulle bang, maar baie bly daar weg om die nuus met die dissipels te gaan deel. Hulle het nog nie heeltemal geweet wat hulle daarvan moet glo en dink nie, maar hulle het geweet dat die Here leef en dit het alles verander.
Ons vind dit ook soms moeilik om te glo, maar ons kan weet dat Jesus leef en ons lewens kom verander het. Ons is nie alleen nie en ons hoef nie bang te wees nie.

Gebed
Here Jesus, dankie dat U leef en opgestaan het. Help my wanneer ek sukkel om te glo. Help my om nie bang te wees nie. Ek vertrou U. Amen.

Filippense 3:7-11
“Maar alles wat vir my wins was, reken ek nou as verlies, ter wille van Christus. Inderdaad reken ek alles as verlies, ter wille van die uitnemendheid daarvan om Christus Jesus, my Here, te ken. Ter wille van Hom, het alles vir my ‘n verlies geword, en beskou ek dit as vullis, sodat ek Christus as wins kan verkry, en in Hom bevind kan word – nie met my eie geregtigheid op grond van die wet nie, maar met die geregtigheid deur geloof in Christus, die regverdiging wat van God kom, deur die geloof – en sodat ek Christus kan ken, die krag van sy opstanding, en die verbondenheid met sy lyding, deur aan sy dood gelykvormig te word, en ek so, hoe dan ook, die opstanding uit die dood kan bereik.”

Om oor te gesels en te dink
Paulus is hier aan die woord. Hy beskou dit wat vroeër vir hom belangrik was as nikssegend, ń verlies. En hy wil graag vir Jesus ken, asook die krag van Jesus se opstanding.

Hoe graag wil jy vir Jesus ken? En die krag van Jesus se opstanding besef en beleef? Neem vandag ń oomblik om weer hierdie teksvers te lees en reflekteer oor wat vir jou belangrik is in die lewe en of dit ook nikssegend en ń verlies is teenoor die getuienis van die Goeie Nuus van Jesus en Sy opstanding nie?

Gebed
Here, ek wil U so graag beter leer ken. Wys my waar U vandag met my besig is en Heilige Gees werk aan my hart om die dinge wat nikssegend teenoor die opstanding is, op sy te skuif – sodat ek Jesus beter kan ken. Amen

Matteus 28:8
“Hulle het toe haastig van die graf af weggegaan, bang maar baie bly, en hulle het gehardloop om dit aan die dissipels te vertel.”

Om oor te gesels en te dink
Die Matteus-evangelie verskil uiteraard met die oorspronklike ‘oop’ einde van Markus. Hier is die vroue ook bang, maar hulle hardloop om die dissipels van die opstanding te gaan vertel. Die opstanding van Jesus verander alles en is so lewensveranderend dat hulle hardloop. Dat ons vandag ook geroep word om te ‘hardloop’, om dringend die Goeie Nuus te deel.

Wie het vandag dringend nodig om van die opstanding herinner te word? Soms is dit nie net mense wat nog nooit van die opstanding gehoor het nie, maar gelowiges wat herinner moet word: Jesus leef. En daarom leef jy. Wie in jou leefwêreld het vandag nodig om hierdie weer te hoor? Hardloop en deel dit!

Gebed
Here, U opstanding is lewensveranderend. Dit roep ons tot aksie, nie uit skuldgevoel nie, maar omdat ons nie anders kan nie: U leef. Wys my asb. wie vandag nodig het om herinner te word dat U opstanding ook opstanding vir hom/haar in vandag se tyd beteken. Amen.