Woensdag 20 Januarie

4 In elke moeilikheid bemoedig Hy ons. Daarom kan ons ook ander bemoedig wat in allerlei moeilikhede verkeer.

Ons weet nie altyd wat die rede vir ons moeilikheid is nie. Ons weet dat iemand soos Job ook nie al die antwoorde op sy vrae oor sy eie moeilikheid gekry het nie.

Hier is wat ons wel weet:

  • Wanneer ons in allerlei moeilikhede verkeer het ons die geleentheid om vir God op ’n dieper manier te ken en te ervaar.
  • Wanneer ons in allerlei moeilikhede verkeer het ons die geleentheid om ander mense op ’n dieper manier te ken en te ervaar.

Ons moeilikhede is toerusting om ander mense te bedien, so vreemd soos dit vir ons mag klink. God se bemoediging bereik nie ’n eindbestemming by ons nie. Deur Sy bemoediging word ons agente van hoop en heling vir ander mense. Die bekende musiekgroep Straatligkinders het ’n lied met die naam Jou seer is die brug na iemand anders se hart. Dit is wat Paulus bedoel in vers 4.

Om oor te dink

  • Kon jy al met iemand gesels oor jou moeilikhede en hulle daardeur bemoedig?
  • Watter seer wat jy al ervaar het kan die brug wees na iemand anders se hart?
  • Het jy vir God en mense op ’n dieper manier geken en ervaar toe jy in sekere moeilikhede verkeer het?

They who dive in the sea of affliction bring up rare pearls.” Charles Spurgeon

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram