Dinsdag 20 Oktober

Matteus 5:1-12

4 Geseënd is dié wat treur, want hulle sal vertroos word.

Wat is die geseënde lewe? Hoe kry ek deel daaraan? Wie kan dit vir my moontlik maak? Hoe kan ek werklik #blessed wees?

In vandag se fokusvers sê Jesus dat jy geseënd is as jy treur. Dit klink vreemd, eintlik selfs onderstebo.
Om te treur is nie lekker nie, dit is nie iets wat ons self sal kies as ons ’n keuse gehad het nie. Ons leef in ’n tyd waarin boeke en hulpbronne oor persoonlike geluk (“how to be happy”) eksponensieël toegeneem het in vergelyking met die vorige eeu. Waarom sal Jesus dit sê?

Wanneer ons treur gebeur iets betekenisvol binne ons. Ons perspektief verander, ons herwaardeer ons lewens, ons herwaardeer verhoudings, ons erken ons afhanklikheid van God, en bowenal, dit bied vir ons ’n besonderse geleentheid om God se nabyheid en troos te ervaar.
Omdat ons vertroos wil word wanneer ons treur (dit is ’n menslike behoefte), sal dit ons altyd eerder nader aan God laat beweeg as wat dit ons verder van Hom laat wegdryf.

Ek wil twee goed uitlig:

  1. Die Griekse woord wat Matteus hier gebruik vir “vertroos” is dieselfde woord wat Jesus in Johannes gebruik om die rol/werk van die Heilige Gees te beskryf, die Gees is die Vertrooster.
  2. Die laaste deel van hierdie vers is ’n belofte. In die lig van die Nuwe Testament sien ons dat dit ’n belofte is wat defnitief vervul sal word aan die einde van die tyd. God se mense treur nie meer nadat Hy alles nuutgemaak het nie. Nee, Hy droog self ons trane af en beëindig ons hartseer. Totdat ons daar kom, word God ook in die Nuwe Testament beskryf as die God wat troos gee, en word gelowiges aangemoedig om moed te hou.

“Sorrow and grief drive you into God and show you resources you never had and never knew you needed.” Tim Keller

Om oor te dink:

  • Ervaar jy die Heilige Gees as jou Vertrooster?
  • Glo jy in God se belofte dat daar ’n tyd sal kom waar ons nie meer treur nie? Hoe kan dit vandag in jou lewe ’n verskil maak?

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram