Dinsdag 23 Maart

Matteus 6:9-13

en vergeef ons ons oortredings soos ons ook dié vergewe wat teen ons oortree;” (Mat 6:12)

Vergeef ons waar ons nie doen wat U van ons vra nie, net soos ons ander mense vergeef wat nie reg teenoor ons optree nie.” (Mat ‭6:12‬ ‭DB‬‬)

Om oor te gesels:
Hierdie bede om vergifnis spreek ons verhouding met God en ander mense aan. Ons vra vergifnis wanneer ons verkeerd optree.
Jakobus 4:17 help ons: “_ As iemand weet wat die regte ding is om te doen en hy doen dit nie, is dit sonde._”
Sonde is nie net ‘n lysie van dinge wat mens nie moet doen nie, maar dit wat ons verhoudings benadeel en beïnvloed.

Ons ervaar God se vergifnis wanneer ons erken dat ons Sy vergifnis nodig het omdat Hy die belangrikste in ons lewe is. Ons vind dit soms moeilik om te erken dat ons vergifnis nodig het, omdat ons dink dat wat ons doen nie so erg soos iemand anders is nie.
Wanneer ek erken ek het vergifnis nodig en vergifnis ervaar, kan ek met ander om my meer genade hê.

  • Dink jy dat jy vergifnis nodig het?
  • Glo jy dat God jou vergewe?
  • Met wie moet jy meer genade hê omdat God se vergifnis vir jou genoeg is?

Gebed
Here, dankie dat my altyd vergewe. Mag ek vandag U vergifnis opnuut ervaar. Mag ek meer genade met die mense om my hê. Amen.

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram