Dinsdag 25 Oktober 2022

Jakobus 1:27
Egte en suiwer godsdiens voor God die Vader is om weeskinders en weduwees in hulle moeilike omstandighede by te staan en om jou skoon te hou van die besmetting van die wêreld.

Om oor te gesels en dink
Gister het Jakobus ons herinner dat ons nie moet dink ons is met godsdiens besig as ons nie ons tonge kan beteuel nie. Nou stel hy die teenoorgestelde: “Laat ek vir julle sê watse soort godsdiens God ons Vader as eg en eerlik sien: as jy bereid is om dié mense te help wat nie vir hulleself kan sorg nie, maar in die nood is, is jy besig met die regte godsdiens. Maar dan moet jy ook sorg dat jou eie lewe skoon bly van al die verkeerde dinge wat ’n mens in hierdie wêreld kan doen.
‭‭Ons is besig om God se hande en voete te wees vir ander as ons hulle help. Dit kan iemand naby aan jou wees of iemand wat oor jou pad kom. Dit vra nie altyd geld nie, maar ons tyd en liefde en dit is soms moeiliker om te gee.
Wie lê die Here op jou hart om te help? As jy hulp aanbied, is jy met die regte godsdiens besig. Vra Hom om jou te wys.

Gebed
Here, ek wil my met die regte dinge besig hou. Wys my waar ek vandag ‘n verskil kan maak deur iemand te help. Amen.

Nog om na te kyk

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram