Donderdag 1 April

Matteus 26:30-46

Lees asseblief die hele teksgedeelte. Die twee verse hieronder dien as fokusteks.

37 Hy het vir Petrus en die twee seuns van Sebedeus saamgeneem. Toe het Hy bedroef en beangs geword 38 en vir hulle gesê: “Ek voel doodsbenoud. Bly hier en waak saam met My.”

Wanneer jy die evangelies lees, leer jy vir Jesus ken. Jy leer Hom ken as liefdevol, vriendelik, gefokus, iemand wat eenvoudig leef, iemand wat die mag het om wonderwerke te doen, iemand met gesag.
In hierdie teksgedeelte sien ons nog ’n deel van Jesus, en dit is ’n deel wat ek meen krities belangrik is vir ons om vir Jesus in Sy volheid te verstaan, as God en mens. Jesus is bedroef, beangs, benoud… Dink vir ’n oomblik hieroor. Ons rots, die sterk een, God self, deur hierdie drie woorde beskryf. Dit is uiteraard ’n aangrypende oomblik in Jesus se aardse lewe!

Waarom bedroef, benoud en beangs? Want Jesus het deur die sluit van ’n nuwe verbond met Sy volgelinge vir hulle belowe dat Hy sy kant van die ooreenkoms sal hou. Sy kant van die ooreenkoms vra nou van Hom die moelikste ding wat Hy nog moes doen, Hy moet ter wille van ander mense ’n grusame en pynlike dood sterf.

Ons gaan vanaand by hierdie teksgedeelte en hierdie drie belangrike woorde stilstaan tydens ons erediens.

Om oor te dink:

  • Maak ‘n lys van kere wat jy nie kans gesien het vir spesifieke uitdagings of probleme nie.

”There is no university for a Christian, like that of sorrow and trial.” Charles Spurgeon

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram