Donderdag 1 Desember 2022

Johannes 3:19-21
19En so kom die skeiding: die lig het na die wêreld toe gekom, en tog het die mense eerder die duisternis as die lig liefgehad, want hulle dade was sleg. 20Elkeen wat kwaad doen, haat immers die lig en kom nie na die lig toe nie, sodat sy dade nie aan die kaak gestel moet word nie. 21Maar wie volgens die waarheid handel, kom na die lig toe, sodat dit duidelik kan blyk dat sy dade in gehoorsaamheid aan God gedoen is.”

Om oor te gesels of te dink:

• Nikodemus kom in die nag, tydens Paasfees na Jesus. Wanneer Jesus sy vraag beantwoord, verduidelik Jesus ook hoe werk mense se optredes. Alhoewel ons hierdie genade kry van God, neem almal dit nie. Hulle kies om nie te glo. Hulle kies om te volhard in die dade van die verlede. Hulle keuse word weerspieël in hulle aksies. Jy kan nie glo in iets, sonder dat jou hele lewe die verklap nie. Dit kom uit in jou denke, jou woorde en jou dade.
  -Wat sê jou dade van jou geloof? Vra dat die Here vandag saam met jou sal oudit. Waar was jou denke vandag? Hoe opbouend, goed en aanneemlik sou God sê, was hulle? Waar was jou woorde vandag? Hoe opbouend, goed en aanneemlik sou God sê, was hulle? Waar was jou dade vandag? Hoe opbouend, goed en aanneemlik sou God sê, was hulle?
• Dit is baie moeilik om met die hart te glo, die mond te bely en nie met jou dade (lewe) deur te voer nie. Mens sou dit moontlik vir ‘n tyd kon voorgee, maar die wat baie naby aan jou is, sou weet. Wat sou jou naaste mense getuig van jou oortuigings? Deel met die Hre waar jou gedagtes tans is.

Gebed:
Here van my lewe,
Ek wil U met my hele hart, my verstand, my krag en dade dien. Here, soms kry ek dit nie reg nie. Veral wanneer ek in my eie krag probeer. Here, help my om so na aan U hart te leef, sodat ek U hartklop in hierdie wêreld uitleef. Here, ek kan nie aan enige iets anders dink wat ek sou wou doen nie.
Amen.