Donderdag 25 Augustus 2022

Spreuke 12:25
“Bekommernis druk ‘n mens neer; ‘n vriendelike woord vrolik hom op.”
‭‭
Om oor te gesels en dink
Die Spreuke boek gee ook baie praktiese raad. Die spreuke volg nie op mekaar nie, maar wys die kontras tussen wysheid en dwaasheid uit. So is Spreuke 12:25 een wat in die Boodskap vertaal word as: “Bekommernis versuur jou lewe. ’n Bemoedigende woord van ’n gelowige maak jou gelukkig.” Spreuke 4:23 sê dit ook: “Wees veral versigtig met wat in jou hart omgaan, want dit bepaal jou hele lewe.”
Wysheid is om jou hart van bekommernis te bewaar. Ons kan nie heeltyd moedeloos wees nie. Die beste manier om dit te keer is om ander mense met liefde te dien. Om ander mense te bemoedig en hulle help. Wanneer ons die fokus na ander skuif, vind ons wysheid.
Gee jou bekommernisse oor aan die Here.

*Wie kan jy vandag bemoedig?
‭‭
Gebed
Here, ek vra wysheid om my hart skoon van bekommernisse te hou. Mag ek vandag iemand bemoedig en help. Amen.