Donderdag 25 Maart

Matteus 6:9-13

en vergeef ons ons oortredings soos ons ook dié vergewe wat teen ons oortree;” (Mat 6:12)

Om oor te gesels:
Hierdie bede is vir ons moeilik omdat ons soms sukkel met onvergewensgesindheid. Ons wil nie vergewe nie. Ons sê baie keer dat ons sal vergewe, maar nie vergeet nie. Dit is egter soms die verskoning om nie die pad van vergifnis te stap nie.
Wanneer ons kies om nie te vergewe nie, is dit soos om gif te drink en te dink die ander persoon gaan iets van die gif oorkom.
Hierdie gif om nie te vergewe nie, maak ons siek en word later ’n spiraal van wraakgedagtes. Ons moet die keuse uitoefen om die pad van vergifnis te stap. Ons kan nie wag tot ons lus is om te vergewe nie, want dan gaan dit nie gebeur nie. Nadat ons die keuse om te vergewe gemaak het, kan die proses van heling begin. Dit is moeilik, maar noodsaaklik.
Jesus sê in die Bergrede wat die Onse Vader vooraf gaan: “As jy dus jou gawe na die altaar toe bring en dit jou daar byval dat jou broer iets teen jou het, laat staan jou gawe daar by die altaar en gaan maak eers vrede met jou broer en kom dan en bring jou gawe.” (Mat‬ ‭5:23-24‬)

  • Met wie moet jy die proses van vergifnis begin stap?
  • Vra die Here vir die moed om die pad te begin stap.

Gebed
Here, ek besef dat ek moet vergewe. Gee my asseblief die moed om dit te kan doen. U vergewe my en daarom wil ek ook vergewe, maar ek kan dit nie op my eie doen nie. Help my! Amen.

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram