Donderdag 3 Februarie

Jeremia 1:4-10 Fokusteks vers 6
6“Ag, Here my God,” het ek geantwoord, “ek kan nie goed praat nie, ek is nog te jonk.”.

Om oor te gesels of te dink:

  • Deel van enige proses van aanvaarding is dat ons moet onderhandel, selfs ontken. Ons eerste reaksie wanneer ons hoor ons is geroep vir ‘n taak is om verskoning te bied. Moses het dit gedoen, Jeremia doen dit. Ons doen dit ook. Wat is jou gunsteling verskoning? Nie bevoegd genoeg nie? Nie die regte tyd nie? Nie genoeg geld nie? Wat is jou verskoning? Deel met die Here? Waarom sal God jou roep as Hy dink jou verskoning is goed genoeg?
  • In elke gesprek oor roeping hoor God die verskoning, gee God oplossings daarvoor en stel hy die een wat hy roep gerus. Wat het jy nodig om gerus te voel oor jou roeping?
  • Wat sou gebeur as jy vandag jou roeping sou begin leef, asof God reeds jou verskoning uit die weg geruim het en aandag aan gegee het? Asof God reeds jou bemagtig het en jou versterk het? Wat sou gebeur as jy vandag jou roeping sou leef soos God se geroepte?

Gebed:
Vader, ek moet erken dat ek ’n redelike groot arsenaal van verskonings het om nie te doen wat U van my verwag nie. Help my, Here, want ek wil graag my roeping gaan uitleef daar buite. Daar is so baie mense wat U liefde nodig het.
Amen

Nog om na te kyk

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram