Donderdag 5 November 2020

Nehemia 8:11
Nehemia het verder gesê: “Gaan vier fees, eet en drink, en deel uit aan dié wat niks voorberei het nie. Hierdie dag word gewy aan ons Here. Moenie bedroef wees nie; as julle die Here met blydskap dien, sal Hy julle beskerm.”

Om oor te gesels:

  • Hoe lyk feesviering in jou lewe? Wanneer vier jy fees?
  • Waarom sê die vers moet ons feesvier? Hoe verskil dit van die tye wat jy feesvier in jou lewe?
  • Hoe vind jy vreugde in die Here? Hoe is die Here jou sterkte?

Lof en Aanbidding
https://www.youtube.com/watch?v=MLkDWtGpETs

Gebed:
God, meer as enige iets anders in hierdie lewe, wil ek nie meer gebroke wees nie.
Vader, gee my die vrede om te aanvaar wat nie kan verander nie (ander mense, plekke en dinge). Gee my die waagmoed om te verander wat ek kan (my houding). En die wysheid om die verskil te weet.
God, help my om vandag te fokus, selfs al is dit ten koste van myself.
Vader, help my om sensitief te wees vir my eie behoeftes en die dinge wat vir my goed is. Help my om sensitief te wees vir die behoeftes van ander en die dinge wat vir hulle goed is.
Here, as dit vir U aanneemlik is, maak my vry van die boeie van selfsug, sodat ek handig mag wees as medemens, of ek die situasie verstaan of nie.
God, help my om my eie integriteit te handhaaf en om vandag in vrede met U te leef, vrede te leef met myself en in vrede te leef met die wêreld.
Here, help my om vandag te demonstreer:
dat dit goed is vir my om lief te hê en lief gehê te word.
dat dit goed is vir my om te verstaan en verstaan te word.
dat dit goed is vir my om te gee en te ontvang.
dat dit goed is vir my om troos te gee en eerder menslik as selfsugtig te wees.
God, help my om een voet voor die ander te sit, om aan te hou beweeg, en die beste te doen met die werk wat vandag voor my is.
Here, help my om die oplossing te aanvaar wat dit ook al mag wees.
Amen

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram