Maandag 15 Februarie

2 Korintiërs 1:12-2:4

12 Daar is een ding waarop ons trots is: ons gewete verseker ons dat ons oor die algemeen, en teenoor julle in die besonder, opgetree het met die openhartigheid en eerlikheid wat van God kom. Daarin is ons nie deur die wysheid van mense gelei nie, maar deur die genade van God.

In 2 Korintiërs 1:12-2:4 verduidelik Paulus dat daar integriteit in sy bediening is.
Hoewel Paulus in hierdie brief vir ’n spesifieke groep mense om ’n baie spesifieke rede skryf, is dit ’n gedeelte wat op alle Christene van toepassing is.

Ons leef in ’n wêreld waarin ons eerder vir ons prestasies beoordeel en beloon word as vir ons karakter. Wat ons doen word dikwels meer belangrik geag as wie ons is. Ons sien dikwels in die nuus dat bekende mense soos politici, sporthelde en filmsterre vir skandelike dade verskoon word op grond van wat hulle bereik of gedoen het. Dit werk egter nie in die Koninkryk van God so nie. 
Ons karakter is baie belangrik in beide ons daaglikse lewens en ons werk in die bediening, elkeen van ons!

Paulus gebruik die woord “trots” in hierdie gedeelte. Terloops, hy gebruik die woord meer in 2 Korintiërs as in enige ander boek in die Nuwe Testament. Die rede hiervoor is dat dit gebruiklik was in Korinte vir mense om in die teenwoordigheid van ander trots te wees op hulle eie of ander se menslike vermoë en prestasies.
Paulus sê dat hy slegs deur die genade van God kan trots wees. Dan is hy nie trots op ’n menslike prestasie wat noodwendig ander mense sal lei tot applous nie, nee, hy is trots op iets eenvoudig soos openhartigheid en eerlikheid. Dit dui op sy karakter.

Die Heilige Gees vorm ons karakter. Dit is deur God se genade dat ons kan optree met openhartigheid en eerlikheid.

Om oor te dink

  • Hoe sal die mense in jou huis of jou naaste verhoudings jou karakter beskryf?
  • Is jy openhartig en eerlik?
  • Verskoon jy jouself van skandelike dade op grond van prestasies wat jy behaal?
  • Wat is die Gees tans besig om in jou te vorm?

“It’s not great talents that God so much blesses as it is great likeness to Jesus.” Robert Murray M’Cheyne

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram