Maandag 28 Maart 2022

Stilstaan Oomblikke – Op pad na die Kruis

Teksvers:
2Die name van die twaalf apostels was:… 4en Judas Iskariot wat vir Jesus verraai het. (Matteus 10:1-4)

Identifiseer:
-Judas Iskariot is een van Jesus se bekendste dissipels. Anders as Petrus en Johannes, is hy bekend vir die grootste fout van sy lewe.
-Hierdie fout het sy lewe lank hom geïdentifiseer en oorskadu.
-Het jy al ’n fout gemaak wat jy voel jou hele lewe oorskadu?

Bely:
-Die fout wat Judas gemaak het, het hom gedefinieer vir die res van geskiedenis. Hy was wel meer as net dit. Hy was ‘n kosbare deel van Jesus se bedieningspan.
-Hoe dink jy wil God jou gebruik as deel van Sy bedieningspan in die wêreld of Geloofsfamilie?

Bid:
Here, soms laat ek toe dat my skuldgevoelens my oorskadu. Dit kom tussen my en U wil vir my. Help my om U skeppingsdoel vir my te leef.
Amen.