Saterdag 2 April 2022

Stilstaan Oomblikke – Op pad na die Kruis

Teksvers:
3Toe Judas, die verraaier, sien dat Jesus tot die dood veroordeel is, het hy spyt gekry. (Matteus 27:3)

Identifiseer:
-Judas het nie ten volle besef wat die konsekwensies van sy optrede sou wees nie. Toe hy besef, het hy berou gehad. Hy het selfs probeer om dit reg te stel. Maar dit was te laat.
-Soms het ons optrede konsekwensies wat haglik is om mee te leef.
-Indien Judas vergifnis sou vra, sou God hom vergewe?

Oriënteer:
-Om met spyt te leef steel vreugde by ons.
-Is daar is in jou lewe waaroor jy spyt is?
-Wat sou gebeur as jy dit vir die Here oorgee? Wat sou gebeur, indien jy nou reeds begin leef asof dit nie meer deel is van jou lewe nie?

Bely:
-Is daar mense in jou lewe wat jy oordeel oor hulle lewenstyl, karakter of keuses?
-Hoe sou dit lyk as jy kies om vir hulle lief te wees en die oordeel aan God oorlaat?

Bid:
Here, ek wil nie meer spyt wees oor enige iets nie. Ek gee dit nou vir U. Ek is jammer.
Amen