Saterdag 23 Julie 2022

Lukas 10:38-41
38Op hulle reis het Jesus in ‘n dorp gekom waar ‘n vrou, Marta, Hom as gas ontvang het. 39Sy het ‘n suster gehad, Maria, wat aan die voete van die Here gaan sit en na sy woorde geluister het. 40Maar Marta was baie bedrywig om alles klaar te maak. Sy kom toe daar staan en sê: “Here, hinder dit U nie dat my suster my alleen laat bedien nie? Sê sy moet my kom help!”
41Maar die Here antwoord haar: “Marta, Marta, jy is besorg en bekommerd oor baie dinge, 42maar net een ding is nodig. Maria het die beste deel gekies, en dit sal nie van haar weggeneem word nie.”

Om oor te gesels of dink:
Ons het die week by die vraag stil gestaan: “Waarmee is ons besig?”
Dit is ‘n baie bekende teks en tog het ons nuwe perspektiewe ontdek!
Waarvan wil jy meer doen om by Jesus se voete te sit?
Waarvan wil jy minder doen om tyd saam met Jesus te spandeer?
Watter bekommernisse moet jy by Jesus se voete kom neersit?
Deel jou hart met die Here.

Gebed
Here Jesus, ek raak soms so besig met myself en al my eie dinge dat ek van U vergeet. Help my om tyd saam met U te spandeer. Ek wil U volg en alles waaroor my bekommer vir U gee. Amen.