Saterdag 24 September 2022

Matteus 6:34
“Moet julle dus nie oor môre bekommer nie, want môre bring sy eie bekommernis. Elke dag bring genoeg moeilikheid van sy eie.”

Om oor te gesels en dink
Ons het hierdie week by bekommernis stil gestaan en dat ons moet leer om God meer te vertrou. Ons hoef nie oor alles te bekommer nie. God is besorg oor ons elkeen. Wanneer ons bewus raak van God se liefde vir ons, kan ons Hom al hoe meer begin vertrou. Ons kan ons beywer vir Sy koninkryk en dan ontdek ons die geheim van die lewe.
Jesus herinner ons dat ons dit dag vir dag moet vat. Ons kan niks aan môre verander nie. Ons kan ook nie môre reg bekommer nie. Elke dag het reeds genoeg moeilikheid en daarom moet ons dit dag vir dag vat.

*Wat het jy hierdie week geleer om die Here meer te vertrou?

Gebed
Here, ek kom gee my bekommernisse vir U. Help my om van dag tot dag te leef. Ek wil leer om U meer en meer te vertrou. Amen.