Saterdag 25 Februarie 2023

Psalm 3
2Ek het so baie vyande, Here! Baie kom in opstand teen my. 3Daar is talle wat van my sê: “Van God kom daar vir hom geen hulp nie!” Sela 4Maar U, Here, beskerm my aan alle kante, U herstel my eer en aansien. 5As ek na die Here roep, antwoord Hy my van sy heilige berg af. Sela 6As ek gaan lê, slaap ek goed; ek word ook weer wakker, want die Here sorg vir my. 7Ek is nie bang vir tienduisende mense wat van alle kante af op my toesak nie. 8Kom tog, Here, help my, my God! U het nog altyd my vyande se mag verbreek, U het die aanval van die goddeloses afgeslaan. 9Hulp kom net van die Here af. U laat dit goed gaan met u volk.

rou VRAE:

• Ons is daagliks gekonfronteer met situasies en omstandighede waar ons moet besluit of ons wil vashou of laat gaan. Ons is in verhoudings waarin ons moet besluit of ons moet vashou of laat gaan. Ons het gedagtes en gevoelens wat ons oor moet besluit ons moet vashou of laat gaan. Deel met die Here jou situasies, omstandighede, verhoudings, gedagtes en gevoelens waaroor jy wonder of jy moet vashou of laat gaan.
• Wat is die goeie goed waaraan jy vandag kan vashou? Dank die Here hiervoor.
• Wat is die goed wat jy vandag wil laat gaan? Vra vir die Here se krag om dit te kan doen.

rou OEFENING:

• Wat is die dinge wat vir jou swaar is, maar wat jy nie kan laat gaan nie (kind wat siek is, ouers wat aan die einde van hulle lewens is, hart wat stukkend is, ens.).
• Vra dat die Here jou sal toerus om met hierdie swaar te loop. En veral vir wanneer dit tyd is om te MOET laat gaan.

rou Gebed:
Here, help my om my vingers, een vir een, oop te forseer, sodat ek dit kan laat gaan wat my nie dien of versadig nie. Here, maak my begeertes oop vir die plek waar U my sal ontmoet. Here, help my om terug te keer na dit wat my lewe gee en energie verfris.
Amen