Saterdag 29 Januarie

1 Korintiërs 3:5-9
“Wat is Apollos dan? Wat is Paulus? Hulle is maar net dienaars deur wie julle tot geloof gekom het, en elkeen doen die werk soos die Here dit vir hom gegee het. Ek het geplant, Apollos het natgegooi, maar dit is God wat laat groei het. Dit gaan dus nie om die een wat plant of die een wat natgooi nie, maar om God wat laat groei. Die een wat plant en die een wat natgooi, staan op gelyke voet: God sal elkeen beloon volgens sy werk. Ons is medewerkers in diens van God, en julle is die saailand van God.”

Om oor te gesels en dink:
Paulus gebruik ook die beeld van ‘n saailand as hy vir die gemeente in Korinte skryf. Hy beklemtoon’n belangrike punt: God is die Een wat laat groei. Hy wat Paulus is doen net die Here se werk. Daar is verskillende mense wat help dat groei plaasvind, maar dit is God wat laat groei. Niemand is belangriker as ‘n ander nie en staan op gelyke voet.
Ons het die week uit Lukas 8 gesien dat die saad (Woord van God) op verskillende plek val. As gelowiges moet ons keuses maak om die saad tot sy volle reg te laat kom om ’n oes te lewer. Ons is nie alleen nie.
Wie is daar in jou lewe wat jou help om te groei?
Dalk ’n ma, pa, familielid, vriend, onderwyser of predikant wat jou help om te groei? Wil jy nie vandag vir daardie persoon dankie sê vir die rol wat hy of sy in jou lewe speel nie.
Wie help jy om te groei?

Gebed
Here, dankie dat U mense gebruik om my te laat groei, maar bowenal dat U die Een is wat my laat groei. Dankie vir U Woord. Help my om te groei. Amen.

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram