Woensdag 13 Oktober

Prediker 11:9
“Jy wat jonk is, moet vreugde vind in jou jeug en jou jong dae ten volle geniet. Doen wat jy goedvind en waarvan jy hou, maar moenie vergeet dat God van jou rekenskap sal eis oor alles nie.”

Om oor te gesels en dink:
Ons kan dink dat hierdie vers nie op ons van toepassing is nie, veral as ons nie meer so jonk is nie. Tog deel dit ‘n geheim van die lewe. Vind vreugde in jou lewe en geniet dit. Ons kan die vreugde van die lewe mis, as ons heeltyd onsself vergelyk met ander en dit wat ons nie het nie. Vreugde gaan saam met dankbaarheid, waarby ons gister stil gestaan het. Vreugde is om tevrede te wees met wat jy het.
Die Boodskap vertaal hierdie vers: “Gaan oral waar jou hart en jou oë jou lei. Leef altyd voluit.” Terwyl ons dit doen, moet ons God nie vergeet nie. Ons moet met Hom rekening hou. Daarom help Psalm 90:12 se gebed: “Leer ons ons dae so gebruik dat ons wysheid bekom.”

• Wat gee jou vreugde?
• Waarvoor het jy vandag wysheid nodig?

Gebed
Here, dankie vir die lewe wat ek elke dag van U ontvang. Mag ek vandag vreugde beleef en mag ek die wysheid hê om die regte dinge te doen. Amen.