Woensdag 2 Maart 2022

1 Petrus 5:6-14 (Die Boodskap)

8 In die geestelike stryd moet julle op en wakker wees. Julle het ’n gevaarlike vyand, die duiwel. Hy loop rond soos ’n honger leeu wat iemand soek om te verskeur. As hy julle aanval, moet julle met julle geloof in die Here terugveg. 9 Moenie toelaat dat hy julle geestelike fondamente skud nie. Laat dít vir julle ’n troos wees: daar is Christene oor die hele wêreld wat as Christene dieselfde dinge as julle ly omdat hulle dieselfde stryd as julle stry.

Ons het ’n vyand, en hy is gevaarlik. Petrus sê dat ons moet terugveg, met ons geloof in die Here. Om op en wakker te wees in hierdie stryd beteken om helder oor ons vyand te dink, en te aanvaar dat ons oorlog teen hom voer. Die duiwel doen nie social distancing of lockdown nie, hy is altyd aan die werk.

Die woord duiwel beteken onder andere aanklaer en opponent. Dit is sy wens om Christene te verdeel (ons harte, gedagtes en onderlinge verhoudings) en om onmin in verhoudings te saai. Dit is sy wens om Christene te versoek om op te tree teen die Here se wil, na aanleiding van ons eie selfsugtige behoeftes. Die duiwel doen dit want hy weet sy dae is immers getel, en is baie min (Openbaring 12:9-11).
’n Honger leeu maak ’n mens bang. Dit is wat die duiwel met ons wil doen. Hy wil ons bang maak, sodat ons eerder opgee en nie vasberade, in geloof, ons lewens leef soos God dit wil nie.
Goeie nuus: hierdie honger leeu staan nie ’n kans teen die Leeu van Juda nie! Ons het alles wat ons nodig het om hierdie oorlog te wen.

Om oor te dink

  • Hoe kan ons mekaar, as geloofsfamilie, help om op en wakker te wees en terug te veg in geloof?
  • Op watter maniere ervaar jy tans versoeking?

Kyk weer na die prentjie hierbo, en bid dan die Onse Vader.

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram