Woensdag 21 Julie

Genade is ‘n gawe

Efesiërs 2:8-10
8Julle is inderdaad uit genade gered, deur geloof. Hierdie redding kom nie uit julleself nie; dit is ‘n gawe van God. 9Dit kom nie deur julle eie verdienste nie, en daarom het niemand enige rede om op homself trots te wees nie. 10Nee, God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het.

Om oor te gesels en dink:

  • Genade is verniet, maar nooit goedkoop nie. Genade word onverdiend aan ons gegee, maar dit het Jesus Sy lewe gekos. Ons ontvang genade deur ons geloof in Jesus as die Seun van God.
  • Dit is ’n geskenk wat aan ons gegee word. Ons verdien dit nie en daarom kan ons nie dink ons is beter as iemand anders nie.
  • Hierdie genade laat ons besef dat ons uit dankbaarheid goed kan doen aan ander. Omdat ons gered is en in verhouding met Jesus staan, kan ons nie anders as om in gehoorsaamheid goeie dade te doen nie.

Wat maak jy met hierdie genade gawe wat jy as geskenk ontvang het?
Wat kan jy vandag doen om met iemand hierdie genade wat jy ontvang het, te deel? Maak kontak met iemand en vra waarmee jy kan help.

Gebed
Here God, ek aanbid U vandag omdat U altyd daar is. U genade is elke dag nuut. U skenk my geloof en genade. Dankie vir U genade ook vir vandag. Mag ek vandag hierdie geskenk van genade met iemand deel. Dankie vir U goedheid! Dankie vir U liefde.
Amen.

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram