Woensdag 25 Augustus

1 Petrus 4:8 (Die Boodskap)

8 Daar is niks so belangrik as dat julle mekaar liefhet asof julle eie lewe daarvan afhang nie. Die liefde sien ander se foute oor en gaan nie daaroor te kere nie.

Die atlete in die foto hierbo hardloop asof hulle lewens daarvan afhang. Dit is die intensiteit van die liefde waarvan Petrus praat. Dit vra vir moeite en intensionaliteit. Ons leef in ’n tyd wat ons as broers en susters na aan mekaar moet bly. Ons kan nie ons tyd mors met skinder, lelik praat en mekaar seermaak nie. Nee, ons moet intens lief wees vir mekaar en ’n hegte eenheid wees. Ons moet ons tyd spandeer deur mekaar op te bou en te bemoedig.

Die rede hiervoor?
Want hierdie liefde sien die foute oor wat ’n familie/gemeenskap/gemeente uitmekaar kan skeur. Hierdie liefde hou ons bymekaar.
Petrus het gedink sy voorstel van 7 keer vergewe is ’n ruim verstaan van vergifnis, toe antwoord Jesus hom met 70 maal 7 keer. Met ander woorde: soveel soos dit nodig is, sonder om telling te hou.

Jesus is uiteraard die beste voorbeeld wat ons het van hierdie liefde vir ander, vir my en jou. Ons volg Hom, ons maak soos Hy gemaak het, ons stap hierdie pad getrou as Sy volgelinge.

Om oor te dink
Het jy nodig om iemand se foute oor te sien, as gevolg van die liefde wat jy vir daardie persoon het?

“I have never met a person who didn’t have reason to blame someone else. Everyone of us can blame somebody for something that has happened in our lives. But don’t waste your time. What we need most is a stream of love flowing among us. Love that quickly forgives and willingly overlooks and refuses to take offence.” Chuck Swindoll

Nog om na te kyk

WORD DEEL

PBO REGISTRASIE

930005265
Suid Afrika

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram